shadow
Diocese de Dili > NOTÍCIAS > LETURA DIÁRIA > Sexta – Feira, XXXI Semana Tempo Comum. (ANO A)

Sexta – Feira, XXXI Semana Tempo Comum. (ANO A)

Primeira Leitura                       Flp. 3. 17-4. 1

Lia housi São Paulo nia Surat ba sarani sira iha Filipos:

Maun alin sira, laran ida de’it ba hodi banati tuir ha’u; haré didiak ba sira nebé la’o tuir ita nia dalan. Basá, iha ema barak nebé moris nu’udar funu baluk Cristo nia Cruz nian. dala barak, ha’u dehan ne’e ona ba imi, no ohin ha’u dehan dala ida tan hodi tanis: sira ne’e halai maka’as ba susar boot! Sira nia maromak mak sira nia kabun, no sira gaba an kona ba buat nebé, lolós, halo sira mo’e. Sira hanoin de’it kona ba sasan mundo ne’e nian.

Mai ita, ita nia moris lolós mai iha lalehan; housi nebá ita hein ita Na’i no Maksoyn, Jesus Cristo, nia hi’it an mai. Housi kbiit nebé iha Nia atu ukun buat hotu, Nia sei halo ita nia isin nebé folin laek nakfila ba isin nebé hanesan Nia isin rasik, nabilan ho kmanek wa’in.

Ne’e duni, maun alin sira nebé ha’u hanoin no hadomi, imi mak ha’u nia glória no ksolok; laran metin ba Na’i ba.

Maromak Futar Lia.

 

Salmo Responsorial                                                                                                                          Sal. 121(122). 1-2, 3-4ª, 4b-5 R. 1)

Refrão : Ho ksolok, ita sei la’o ba Na’i Nia Uma!!! Repete-se

Ha’u haksolok, wainhira ema dehan mai ha’u:

“Ita la’o ba Na’i Nia Uma”.

Ami tau ona ain

Iha ó odamatan, Jerusalém. Refrão

 

Jerusalém, cidade be hari metin,

Hari metin no kmanek tebes!

Atu suku sira hotu sa’e ba,

Suku hotu Na’i Nian. Refrão

 

Tuir lisan Israel nian,

Atu haliban Na’i Nia naran,

Tribunal uma kain David nian. Refrão

 

Aclamação                                                                                                                                                                                             1Jo. 2. 5

Refrão : Aleluia, Aleluia!! Repete-se

Ema sé halo tuir Cristo nia liafuan,

Maromak Nia domin sai tuir lolós iha nia. Refrão

  

Evangelho                                                                                                                                                                                          Lc. 16. 1-8

Na’i Jesus Cristo nia Evangelho nu’udar São Lucas haktuir:

Iha tempo nebá, Jesus dehan tan ba nia escolante sira: “Ema riku ida iha emar ida atu haré nia sasan. Loron ida nia rona katak ema ne’e halo lakon nia rikusoin. Tan ne’e nia bolu ema ne’e hodi husu ba nia: ‘Sa ida mak ha’u rona kona ba ó? Hatan lai kona ba ó nia serbisu, basá houri ohin ba oin o la bele káer tan serbisu ne’e’. Ema ne’e hanoin iha nia laran: ‘Ha’u sei halo sá lós, wainhira ha’u nia na’i hasai ha’u housi serbisu? Fila rai, ha’u la bele; husu esmola, ha’u moe. Ha’u hatene ona ha’u sei halo sá atu, husik tiha serbisu ne’e, ema seluk simu netik ha’u’. Tuir mai nia bolu sira ida-idak nebé debe nia na’i, hodi dehan ba ida uluk liu: ‘Ó debe hira ba ha’u nia na’i’? Nia hatan: ‘Mina botil atus ida’. Ema ne’e fali: ‘Tur lalais, kaér ó nia nota, hakerek lima nulu’. Ba ida seluk nia husu: ‘Ó debe hira’? Ida ne’e hatan: ‘Trigo karon atus ida’. Nia dehan: ‘Kaer ó nia nota, hakerek ualu nulu’. Na’i hahí ema áat ne’e tan nia hatene moris. Basá mundo ne’e nia oan sira hatene moris ho nia maluk sira di’ak liu fali naroman nia oan sira.

Lia Maksoyn.

Leave a Reply

Your email address will not be published. Required fields are marked *