shadow
Diocese de Dili > NOTÍCIAS > LETURA DIÁRIA > XXXII DOMINGO TEMPO COMUM (ANO A)

XXXII DOMINGO TEMPO COMUM (ANO A)

Primeira Leitura                      Sab. 6,13-17

Lia housi Livru Sabedoria :

Matenek nabilan kmook lnafatin, leno nia an ba ema sira nebé hadomi nia, hatudu an ba ema hotu nebé buka nia. Molok ema atu dehan nia, nia hatudu an uluk tiha ba ema nebé hakarak nia. Ema nebé buka nia housi rai kmaus sei la kole, tan sei hetan nia tur hela iha odamatan. Di’ak tebes hanoin kona ba Nia, ema nebé kalan la dukur tan nia, sei hetan teni susar. Nia buka tuir ema nebé soy duni ba nia. Ho laran luak nia hatudu an ba sira iha dalan, ba hasoru sira iha buat hotu nebé sira hanoin atu halo.

Maromak Futar Lia.

 

Salmo Responsorial                                                                                                                                      Sal. 62(63), 2, 3-4. 5-6. 7-8

Refrão : Ha’u nia Maromak, ha’u klamar buka ita!!! Repete-se

Na’i, ha’u nia Maromak, ha’u buka ita;             

Ha’u klamar buka ita nafatin.

Ha’u isin buka ita, nu’u rai maran buka wé. Refrão

 

Ha’u klamar hahi ita iha kadunan,

Haré ita nia kbiit no glória.

Ita nia domin di’ak liu moris tomak;

Ha’u ibun hahi Maromak. Refrão

 

Ha’u sei hahi kalan loron,

Ha’u sei foti ha’u liman ba Maromak.

Ha’u sei hetan tulun tomak,

Ha’u ibun la kole hahi Maromak. Refrão

 

Ha’u hanoin hetan ita iha ha’u toba fatin,

Ha’u hanoin ita iha hamulak  lokraik nian.

Maromak tahan ha’u  nafatin,

Ha’u haksolok ho Maromak nia tulun. Refrão

 

Segunda leitura                                                                                                                                                                        1 Tes. 4, 12-17

Lia housi  São Paulo nia Surat ba sarani sira iha Tessalónica:

Maun alin sira: Ami lakohi imi neon baik ba lia nebé kona ba matebian sira, hodi hetan leet de’it hanesan  ema nebé la hatene hein. Hanesan ita fiar katak Jesus mate no moris hias fali, nune’e mos Maromak sei lori ho Jesus sira nebé maate ona iha Jesus. Ne’e, ami hanoin tuir Na’i nia lia-fuan: ita nebé sei moris, ita nebé hein loron Na’i fila hikas, ita sei la la’o iha matebian sira nia oin. Tan to’o  tiha menon, Arcanjo sei hananu, korneta sira sei lian, ita Na’in rasik sai tun mai housi lalehan; uluk hnana’in sei moris hias sira nebé mate ona iha Cristo. Hafoin, ita sei moris, ita sei sa’e hamutuk ho sira ba leten aas, ba hasoru malu ho Cristo. Nune’e, ita sei ba hela nafatin ho Nia. Imi sei haksolok malu ho liafuan hirak ne’e.

Maromak Futar Lia.

 

Aclamação                                                                                                                                                                                           Lc. 21, 36

Refrão : Aleluia, Aleluia!! Repete-se

Neon moris, hamulak nafatin,

Atu imi bele ba hasoru oan mane. Refrão

 

Evangelho                                                                                                                                                                                         Mt. 25, 1-3

Na’i Jesus Cristo nia Evangelho nu’udar São Mateus haktuir:

Iha tempo nebá, Jesus dehan ba Escolante sira aiknanoik ida ne’e: “Reino Lalehan nian, hanesan feto virgem na’in sanulu nebé kaer ahi-oan ida-idak hodi ba hasoru nia manen. Sira na’in sanulu ne’e, na’in lima beik, lima seluk matenek, lori mina hamutuk ho ahi-oan. Tan manen la dauk mai,  sira matan dukur hodi toba tiha. Kalan fahe rua, sira rona lian ida nune’e: “manen mai ona ne’e, imi ba hasoru nia!” Virgem sira hotu hader hodi hadia sira nia ahi-oan. Sira nebé beik, dehan ba matenek sira: “ Fo imi nia mina mai ami, tan ami nia ahi-oan mate.” Maibé, sira matenek, dehan: ‘keta la too karik ba ami no ba imi, di’ak liu imi ba buka ema nebé fa’an, hodi sosa ba imi rasik.’ Wainhira sira ba sosa, manen to’o mai: sira nebé hein hela, tama ho nia atu han iha casamento; sira taka tia odamatan. Ikus mai, Virgem sira seluk to’o mai,  hodi dehan: ‘Na’i, Na’i, loke odamatan mai ami.’ Maibé, Nia hatan ba sira: ‘Ha’u dehan lós ba imi: Ha’u la hatene imi!’ ne’e duni, neon moris, tan imi la hatene oras ka loron.”

Lia Maksoyn.

Leave a Reply

Your email address will not be published. Required fields are marked *