shadow
Diocese de Dili > NOTÍCIAS > LETURA DIÁRIA > Sábado, XXXII Semana Tempo Comum (ANO A)

Sábado, XXXII Semana Tempo Comum (ANO A)

Primeira Leitura                                 3Jo. 5-8

Lia housi São João nia terceira Surat:

Ha’u nia doben Gaio, o hatudu o nia laran metin ho buat nebé o halo ba maun alin sira no liu-liu ba sira nebé la’o rai; sira fó sasin mai ha’u kona ba o nia domin iha kreda nia oin. Haré didi’ak ba kona ba buat nebé sira kuran iha dalan, iha Maromak futar oin; basá iha Nia naran duni mak sira la’o, la hodi simu buat ida housi gentio sira. Tan ne’e, ita sei fó tulun ba sira atu  ita bele halo parte iha sira nia serbisu atu haklaken lialós.

Maromak Futar Lia.

 

Salmo Responsorial                                                                                                                     Sal. 111(112). 1-2, 3-4, 5-6 (R. cf. 1ª)

Refrão : Ksolok ba ema nebé hein iha Na’i!!! Repete-se

Rahun di’ak ba ema nebé hamta’uk Na’i,

No haksolok iha Nia ukunfuan.

Nia bei-oan sira sai maka’as iha rai,

Derasaan ema laran lós nian hetan bensa wa’in. Refrão

 

Iha nia uma, iha aihan no riku-soi ua’in,

Ema sei la haluha nia laran di’ak.

Nia nabilan ba ema lós sira hanesan roman iha nakukun,

Ema laran mós, laran maus no laran lós. Refrão

 

Ksolok ba ema nebé laran luak no empresta,

No tau matan ba nia riku-soi tuir justiça.

Nia sei la la’o tatolic,

Ema sei hanoin ema laran lós ba nafatin. Refrão

 

Aclamação                                                                                                                                                                                        2Tes. 2. 14

Refrão : Aleluia, Aleluia!! Repete-se

Hodi Evangelho Na’i Maromak bolu ita, atu hola parte

Iha ita Na’i Jesus Cristo Nia glória. Refrão

 

Evangelho                                                                                                                                                                                          Lc. 18. 1-8

Na’i Jesus Cristo nia Evangelho nu’udar São Lucas haktuir:

Iha tempo nebá, Jesus haktuir aiknanoik ida ba Nia escolante sira atu sira sei harohan nafatin hodi la bele kole. Nia dehan: “Iha cidade ida iha juiz ida nebé la ta’uk Maromak, la respeita ema. Iha cidade ne’e mós iha feto faluk ida nebé ba hasouru nia dehan: ‘Halo lai justiça ba hasouru  ha’u nia funu baluk.’ Dala barak ona mak juiz ne’e lakohi rona. Maibé loron ida nia dehan ba nia an:L ‘Maski ha’u la ta’uk Maromak, no mós la respeita ema, atu feto faluk ne’e la bele fó  bei-beik ulun moras mai ha’u, ha’u sei halo duni justiça ba nia atu nia la bele mai halo kole tan ha’u.’’’

Nune’e Na’i dehan: “Rona didi’ak buat nebé juiz áat ne’e dehan. Ne’e duni, Maromak sei la halo justiça ba sira nebé Nia fihir, nebé kalan loron hasa’e lia maka’as ba Nia, hodi halo sira hein kleur tan? Tebes, Ha’u dehan ba imi katak Nia sei halo kedas justiça ba sira. Maibé uainhira Oan Mane sei fila hikas mai, Nia sei hetan fiar iha raiklaran ka lae?”

Lia Maksoyn.

Leave a Reply

Your email address will not be published. Required fields are marked *