shadow
Diocese de Dili > NOTÍCIAS > LETURA DIÁRIA > III Domingo Advento (ANO B)

III Domingo Advento (ANO B)

Primeira Leitura              Is. 61, 1-2a, 10-11

Lia housi livro profeta Isaías:

Na’i Maromak nia espirito iha Ha’u leten, basá, Na’i tau mina mai ha’u. Nia haruka Ha’u ba haklaken lia-foun di’ak ba ema sira be terus, halo di’ak ba ema sira laran susar, fo hatene katak sei husik tiha sira be ema kaer, sira be ema dadur, hodi dehan sai tinan ida graça Na’i nian. Ha’u haksolok tan Na’i; Ha’u klamar haksolok tamba Ha’u Maromak nebé fo hatais Ha’u ho Maksoyn, taka ha’u ho justiça, hanesan Noivo nebé tau kaibauk ho Noiva nebé hafutar-an ho murak. Basá, nu’udar rai halo mosu buat tubun, toos halo tubun buat musan, nune’e, Na’i Maromak sei halo mosu Justiça no hahi iha nação hotu-hotu nia oin.

Maromak Futar Lia.

 

Salmo Responsorial                                                                                                                              Sal. Lc. 1, 46b-48, 49-50, 53-54

Refrão : Ha’u klamar haksolok iha Na’i!!! Repete-se

Ha’u klamar hahi Na’i,

Ha’u klamar haksolok iha Maromak ha’u maksoy.

Na’i haraik matan ba nia atan oan,

Ema hotu-hotu sei hanaran ha’u, rahun kmanek. Refrão

               

Basá, ida nebé bele hotu-hotu

Halo buat kmanek oin-oin iha ha’u, Nia naran santo.

Nia laran luak da’et ba ema hotu-hotu,

Ba sira be hamta’uk Na’i. Refrão

 

Ho buat di’ak, Nia halo bosu ema sira be hamlaha,

Nia haruka riku sira fila ho liman mamuk.

Nia tulun nia atan Israel,

Tan hanoin Nia laran luar. Refrão

 

Segunda Leitura                                                                                                                                                                      1 Tes. 5, 16-24

Lia housi São Paulo nia surat ba sarani sira iha Tessalónica:

Maun-alin sira: Imi buka nafatin moris iha ksolok, harohan nafatin, fo agradece iha fatin hotu-hotu, basá, ne’e mak Maromak hakarak imi halo iha Cristo Jesus. Imi keta halakon espirito, keta hakribit tulun sira profeta nian; maibé, buat hotu imi sukat, hodi rai nafatin buat nebé di’ak. Imi buka dook housi buat hotu nebé aat. Maromak damen nian halo imi sai Santo lolós: imi-an rasik- espirito, klamar, isin- mós nafatin to’o ita Na’in Jesus Cristo mai. Ida nebé bolu imi, Nia ne’eo los; Nia sei halo duni ida ne’e.

Maromak Futar Lia.

 

Aclamação                                                                                                                                                                     Is. 61, 1(cf. Lc. 4, 18)

Refrão : Aleluia, Aleluia!! Repete-se

Na’i nia Espirito iha Ha’u leten

Nia haruka ha’u haklaken Lia-foun di’ak ba ki’ak sira. Refrão

 

Evangelho                                                                                                                                                                               Jo. 1, 6-8, 19-28

Na’i Jesus Cristo nia Evangelho nu’udar São João haktuir:

Iha tempo nebá, mosu mane ida, Maromak mak haruka, naran João. Nia mai nudar sasin, atu fo testemunha kona ba roman atu ema hotu fiar, tan nia. Nia laos roman, maibé, atu fo testemunha kona ba ROMAN. Ida nee mak João nia testemunha, wainhira ema Judeu sira haruka husi Jerusalém sacerdote no levitas sira ba husu ba nia: “ó se los?” Nia (João) dehan sai, nia la heli lia. Nia dehan sai duni. “Hau laos Messias.” Sira husu ba nia:”Nee be o se los? o Elias?”. Nia hatan: “Hau lae.” “o Profeta?” nia hatan: “Lae”. Sira dehan ba nia: “o se?………atu ami bele dehan ba sira nebé haruka ami mai”; o rasik dehan took o se?” Nia dehan sai:”Hau nee lian nebé hakilar iha rai fuik maran:’Imi sei haloos Nai nia dalan, nudar hateten profeta Isaías. “Sira haruka fariseu balu nebé husu ba nia: o laos Messias, laos Elias, laos profeta, nusa mak o sarani ema?” João hatan ba sira:”hau sarani ho We, maibé, imi leet iha ida nebé imi la hatene: ”Ida nebé mai tuir hau, nebé hau la soin atu kore nia sandálias talin”. Buat hirak nee hotu, mosu iha Betânia, Jordão sorin balu ba, nebé João sarani dadaun.

Lia Maksoyn.

Leave a Reply

Your email address will not be published. Required fields are marked *