shadow
Diocese de Dili > NOTÍCIAS > LETURA DIÁRIA > Quarta-Feira, III Semana Iha Tempo Advento (ANO B)

Quarta-Feira, III Semana Iha Tempo Advento (ANO B)

Primeira Leitura      Is. 45. 6b-8, 18, 21b-25

Lia housi livro Isalas nian:

“Ha’u mak Na’i, la iha tan seluk! Ha’u halo roman, hakiak nakukun; halo ema moris di’ak no halo sira hetan susar. Ha’u, Na’i, nebé halo buat hirak ne’e hotu. Lalehan sira, halo mahauen tun housi leten áas nian mai; kalohan sira fakar justiça tun mai; rai nakloke ba, nafunan maksoyn, justiça mós mosu ba. Ha’u, Na’i be halo buat ne’e”. Ne’e mak Na’i lia tun, Na’i halo ona Lalehan, Maromak be halo raiklaran, hametin nia, la’os halo nia atu sai rai-fuik-maran, maibé halo nia atu ema hela ba. “Ha’u mak Na’i, la iha tan seluk! Ko’alia ba! Tuda sai imi nia hanoin lós, buka husu lia ba malu. Se lós fó hatene houri uluk kedas buat hirak ne’e hotu? Sé lós dehan ona nune’e houri uluk? Maibé la’os Ha’u rasik, Na’i? Liu fali Ha’u, la iha maromak seluk; Maromak ida lós no Maksoi Ha’u mesak de’it. Fila fali mai Ha’u, imi sei hetan maksoyn, rai-rai sira iha raiklaran tomak; Ha’u mak Na’i Maromak, la iha tan seluk. Ha’u jura ba Ha’u-an rasik, lia be sai housi Ha’u ibun lialós, lia ida be la sai teni (irrevogável): iha Ha’u nia oin ain-tur tomak sei leu ba rai, iha Ha’u nia naran, lia hot-hotu sei halo juramento. Sira sei hateten: “Iha Na’i de’it mak iha justiça no kbiit!”. Sei mai ho moe boot iha Nia futar oin sira hotu be hirus hasouru Nia. Hafoin, tanba Na’i, Israel nia beioan tomak sei hetan maksoyn no glória.

Maromak Futar Lia.

Salmo Responsorial                                                                                                    Sal. 84(85). 9ab-l0, l1-12, 13-14 (R. Is. 45. 8)

Refrão : Haraik mahauen housi lalehan, kalohan sira, hatun Ida be Justo!!! Repete-se

Ha’u rona daudaun buat sá Na’i dehan:

Maromak haklaken damen.

Maksoyn besik ba ema be hamta’uk Nia;

Nia glória sei hela iha ita rain. Refrão

 

Laran metin no domin sei hetan malu,

damen no justica sei rei malu.

Housi rai, sei moris laran metin,

justiça tun mai housi Lalehan. Refrão

 

Na’i sei haraik buat nebé di’ak,

ita rain sei fó fuan.

Justiça sei la’o iha Nia futar oin,

damen sei la’o tuir Nia ain-fatin. Refrão


Aclamação                                                                                                                                                                                       Is. 40. 9-10

Refrão : Aleluia, Aleluia!! Repete-se

Hakilar ba ho lia maka’as, manu ain Lia-Foun nian;

Na’i to’o daudaun ho biit-liurai. Refrão


Evangelho                                                                                                                                                                                        Lc. 7. 19-23

Na’i Jesus Cristo nia Evangeiho nu’udar São Lucas haktuir:

Iha tempo nebá, João Baptista bolu nia escolante na’in ma hodi haruka sira ba hasouru Na’i, atu husu lia ne’e: “Ita mak ida nebé atu mai, ka ami sei hem seluk?” Wainhira to’o besik Jesus, ema sira ne’e hasa’e lia ba Nia: “João Baptista haruka ami mai hasouru Ita, atu husu lia ne’e: ‘Ita mak Ida nebé atu mai, ka ami sei hein seluk?’” Iha oras nebá, Jesus fó isin di’ak ba ema barak be moras, terus isin no klamar tan espírito áat sira; Nia halo ema matan delek barak haré fali. Ne’e duni, Nia hatan ba sira: “Imi ba haktuir ba João buat be imi haré no rona; matan dehek sira haré, ain kudeik sira la’o, ema moras áat lepra sira hetan isin di’ak, tilun diuk sira rona, mate sira moris hi’as no Lia-Foun-di’ak haklaken ba ema kiak sira. Rahun di’ak ba ema nebé la hetan iha Ha’u sidi-fatin ida”.

Lia Maksoyn.

Leave a Reply

Your email address will not be published. Required fields are marked *