shadow
Diocese de Dili > NOTÍCIAS > LETURA DIÁRIA > Segunda-Feira, III Semana Iha Tempo Advento (ANO B)

Segunda-Feira, III Semana Iha Tempo Advento (ANO B)

Primeira Leitura        Num. 24. 2-7, 15-17a
Lia housi livro Números nian:

iha loron hirak nebá, profeta Balaão foti matan, haré povo Israel tur iha acompamento tuir knua-knua. Maromak Nia Espírito hi’it-An mai hamahan nia. Ne’e duni, nia nu’udar profeta ko’alia nune’e: “Balaäo, Beor nia oan nia liafuan, ema matan kro’at nia liafuan. Liafuan housi ida be rona Maromak nia lia haklaken, housi ida be iha haré Bele-buat-tomak nian, housi ida be takrabat ba rai maibé matan nakloke. Jacob, ó nia batane sira furak oinsa! Israel, ó nia uma sira mós hanesan. Sira nahe-an hanesan rai tetuk sira iha foho leet no jardim sira iha mota ninin, hanesan ai caravaiho be Na’i kuda no ai cedro sira iha ué ninin. Housi nia bei oan sira sei mosu ema ida, nia liman ukun tomak povo wa’in. Nia liurai sei boot liu Agag, ema sei hahí nia ukun liurai. Balaão, Beor nia oan nia liafuan, ema matan kro’at nia liafuan. Liafuan housi ida be rona Maromak nia ha hakiaken, ida be hatene Leten-Aas nia matenek, nebé iha haré Bele-buat tomak nian, housi ida be takrabat ba rai maibé matan nakioke. Ha’u haré, maibé la’os ba oras ne’e; ha’u hateke, maibé la’os housi fatin besik; fitun boot ida mosu housi Jacob, óe-ukun hamriik housi Israel”.

Maromak Nia Futar Lia.

Salmo Responsorial                                                                                                                Sal. 24(25). 4bc-5ab, 6-7bc, 8-9 (R. 4b)

Refrão : Na’i, hatudu Ita dalan mai ha’u!!! Repete-se

Na’i, halo ha’u hatene Ita dalan,

hatudu Ita dalan mai ha’u.

Halo ha’u tuir Ita lialós;

Ita ha’u Maromak no Maksoyn. Refrão

 

Na’i, hanoin Ita laran-midar,

no Ita laran luak nebé rohan laek.

Hanoin fali ha’u ho laran-luak,

tan Ita, Na’i, di’ak tebes. Refrão  

 

Na’i laran di’ak, halo justiça los,

lori ema maksalak sira fila fali ba dalan di’ak,

dada dalan ba kiik sira iha justiça,

no ba ema kiak sira, Nia leno ain-fatin. Refrão

 

Aclamaçao                                                                                                                                                                                           Sal. 84. 8

Refrão : Aleluia, Aleluia!! Repete-se

Na’i hatudu Ita laran-luak no

haraik mai ami Ita maksoyn. Refrão

 

Evangelho                                                                                                                                                                                     Mt. 21. 23-27

Na’i Jesus Cristo nia Evangeiho tuir São Mateus:

Iha tempo nebá, Jesus ba iha uma-kreda boot. Uainhira Nia hanourin daudaun, sacerdote boot no katuas sira povo nian, hakbesik ba Nia hodi husu: “Tan lia hun sá lós ó halo buat hirak ne’e hoyu? Ó simu kbiit housi sé?” Jesus hatan ba sira: “Ha’u sei husu ba imi; imi hatan karik lia ne’e mak Ha’u mós sei dehan ba imi hodi lia hun sá lós ha’u halo buat hirak ne’e. João nia baptismo mai housi nebé lós? housi Lalehan ka housi ema sira?”

Maibé sira hanoin iha sira laran: “Ita dehan karik: ‘housi Lalehan’, Nia sei hatan mai ita: ‘Tan sá lós imi la fiar nia?’ Ita hateten karik: ‘housi ema sira, ita ta’uk ema lubun boot, tan ema hotu simu João hanesan profeta ida”. Sira hatan ba Jesus: “Ami la hatene”. Nia mós lia tun fali ba sira: “Ha’u mós la dehan ba imi hodi ha hun sá lós Ha’u halo ne’e”.

Lia Maksoyn.

Leave a Reply

Your email address will not be published. Required fields are marked *