shadow
Diocese de Dili > NOTÍCIAS > LETURA DIÁRIA > Terça-Feira, III Semana Iha Tempo Advento (ANO B)

Terça-Feira, III Semana Iha Tempo Advento (ANO B)

Primeira Leitura              Sof. 3. 1-2, 9-13

Lia housi Profecia Sofonias nian:

Na’i lia tun nune’e: “Susar ba cidade be laran makerek no laran fo’er, susar ba cidade be laran áat! Nia la rona ha ida, la simu nar-naran lia menon ida. Nia la fiar Na’i, la hakbesik ba nia Maromak! Ne’e duni, Ha’u sei fó ibun mós ba povo sira atu ema tomak temi Na’i futar naran hodi serbi hanesan ba Na’i. Housi mota sira rai Etiópia nia sorin balu ba, Ha’u nia emar sira hana’i Ha’u; sei lori buat-karan mai Ha’u. Iha loron nebá, ó sei la hatudu moe tanba nar-naran hahalok ida be ó halo ona hasouru Ha’u, basá Ha’u sei hadook housi ó nia leet, ó nia emar sira loko-an. Ó sei ha hatudu tan ó nia foti-an ne’e iha Ha’u nia foho santo. Ha’u sei husik hela de’it iha ó nia leet, povo ida haraik-an no di’ak. Iha Na’i futar naran mak Israel oan sira be sei moris mai buka mahan. Sira sei la halo tan buat hasouru justiça, sei la hetan mós iha nia ibun laran nanal ida bosok-têen. Maibé, sira sei hetan aihan no hamatek no mós sei la iha ema ida hasusar sira.

Maromak Futar Lia.

Salmo Responsorial                                                                                                         Sal. 33(34). 2-3, 6-7, 17-18, 19, 23 (R. 17a)

Refrão : Ema kiak harohan, Na’i rona nia!!! Repete-se

Ha’u sei hahí nafatin Na’i,

Nia rahun di’ak iha nafatin ha’u ibun.

Ha’u klamar fó glória ba Na’i;

sira be haraik-an rona no haksolok. Refrâo

Imi fila ba Na’.i, imi sei hetan ksolok.

Imi sei ha moe lerek.

Ema kiak harohan, Na’i rona nia,

soi nia housi buat áat hotu. Refrão

 

Na’i hirus hasouru ema áat sira

atu halakon sira naran housi rai-klaran.

Na’i sei rona ema laran mOs sira nia hakilar,

sei soi sira housi nia susar laran. Refrão

Na’i besik fuan sira be hakribi salan,

tim hem am soi sira be laran nakraik.

Na’i sei soi Nia atan sira laran metin;

la simu castigo, ema sira nebé buka

mahan iha Na’ i. Refrão

 

Aclamacao

Refrao : Aleluia, Aleluia!! Repete-se

Na’i, hi’it-An mai lalais;

perdua Ita povo nia salan. Refrão


Evangelho                                                                                                                                                                                    Mt. 21. 28-32

Na’i Jesus Cristo nia Evangeiho nu’udar São Mateus haktuir:

Iha tempo nebá, Jesus dehan ba sacerdote boot sira no katuas sira povo nian: “Imi hanoin oinsá? Ema ida iha oan mane rua. Nia ba hasouru ida boot, dehan ba nia: ‘Oan, ohm ba serbisu iha to’os uvas nian’. Maibé nia hatan ba aman: ‘Ha’u la kohi’. Hafoin nia hakribi salan ne’e, nia ba. Aman ne’e ba hasouru fali oan ida seluk hodi hateten hanesan uluk. Ida ne’e hatan ba nia: ‘Ha’u ba, na’i’. Maibé nia la ba ida. Sira na’in rua ne’e, ida nebé mak halo tuir sira nia aman nia hakaran?” Sira hatan: “Ida uluk ne’e”. Jesus simu hasouru sira: “Tebes duni, Ha’u dehan ba imi: ema publicano sira no feto moris áat sira sei ba Maromak Nia reino uluk liu imi. João Baptista mai hanourin imi tuir dalan nebé ion ba justica, imi la fiar nia; maibé ema publicano no feto moris áat sira fiar duni nia. Imi haré nia didi’ak, ikus mai mOs la hakribi imi salan, hodi fiar nia”.

Lia Maksoyn.

Leave a Reply

Your email address will not be published. Required fields are marked *