shadow
Diocese de Dili > NOTÍCIAS > Articles by: Departamento Comunicação Diocese Dili

PENTECOSTE:Hakmatek hela ho imi!…..Timor Leste.

SOLENIDADE PENTECOSTE Ano A/2020

Act 2,1-11  1Cor 12,3b-7.12-13  Jo 20,19-23

 

Na’i, haraik Espírito Santo Mai ami atu hafoin hikas rai.Papa Franciso afirma: “Não há democracia com fome, nem desenvolvimento com pobreza, nem justiça na desigualdade“.

Drama política iha Timor hamosu confusão no hamoe mos imagem Timor Leste iha mundo. Pentecoste halo ita simu Espírito Santo atu sai sasin Cristo nian (Moris tuir Mandamento no Moris tuir Constituição) atu ema hotu sai cidadão diak no sai sarani diak ba sociedade no mundo.

Pentecoste origem husi lian Grega (Yunani) nebé significa; quinquagésimo (ba dala 50). Número nee refere ba loron 40 depois da ressurreição no loron 10 depois da ascensão do Senhor (Jesus hiit-An sae ba Lalehan). Iha relato Evangelho, Jesus dehan: ”Hakmatek hela ho imi! Nu’udar Aman Maromak haruka Ha’u mai, nune’e mos, Ha’u haruka imi ba!”. Mensagem Jesus haruka nee refere ba se? ita hotu hetan responsabilidade ba ordem ida nee.

Evangelista João relata katak: “…uma nebé Apóstolo sira hela ba, odamatan taka metin, tan sira ta’uk Judeu sira“.Perante situação tauk ida nee mak de repente Jesus mosu hodi tenik:” ”Hakmatek hela ho imi!”. Perante terror no liu tiha saudação hakmatek ida nee, Jesus fo kedas serviço seluk ida atu apóstolo sira (inclui ita hotu) atu la bele paralisado/parado. Knaar nee mak missão Evangelizadora Kreda nian nebé hahu tinan rihun rua liu ba too oras nee. Missão ida nee, hetan ninia fortificação iha tempo Pentecoste (a descida do Espírito Santo). Tanba nee mak, momento pentecoste, considerado hanesan; o nascimento (instituição) da Igreja pela primeira vez.

Iha nee, ita sei ba reflecte ponto tolu relativo ho Mensagem Pentecostal semana nee.

Primeiro: Jesus necessita Kreda (Igreja) ida.

Nudar São Paulo afirma iha ninia carta sira (Ef 1,23; 1Cor 12,12). Kreda mak Cristo nia isin! Lia Foun diak nebé Cristo haklaken ona, Kreda mak sei continua hatutan ba mundo tomak. Nudar seman hirak ba kotuk, Evangelho relata ona katak Jesus sei fila ba Aman hodi prepara fatin hafoin sei mai fali hodi lori ema hotu nebé fiar iha Nia. Tanba nee mak wainhira Nia fila, Nia precisa continuidade husi Ninia missão salvadora. Continuador nee mak Kreda (Igreja Católica). Atu Kreda keta sente lao mes-mesak, Jesus promete atu haruka Espírito Paráclito hodi fo aten brani. Paráclito nee mak semana nee ita celbra iha solenidade Pentecoste (a descida do Espírito Santo). Kreda mak se? Kreda makita nobun nebé simu ona baptismo, balu fan modo iha mercado, balu sai governantes, balu sai professional, balu sai técnico, balu sai político no lobuk ida mos iha hela comarca. Hirak nee hotu mak kreda nebé Cristo tau fiar hela ba no hetan acompanhamento husi Espírito Santo.

Segundo: Kreda (Igreja) mos precisa Cristo. Ema ruma nebé sai mensageiro necessita mensagem nain hodi justifica mensagem be nia lori haklaken nee. Mensageiro precisa ordem hodi haklaken tutan. Ordem nee mos precisa autoridade nudar base legal ou força ida hodi concretiza ordem nee. Tanba nee mak nudar Cristo necessita Kreda, Kreda mos precisa Cristo nudar we-matan (sumber/fontes) husi mensagem. Sem Cristo, Kreda la iha base (we-matan) evangelização. Tanba nee mak maske Jesus ba maibé, Espírito Santo horik nafatin ho kreda atu Evangelho bele halekar too mundo nia rohan.

Terceiro: critério necessário nebé Kreda tenke cumpri mak halao Cristo nia ordem. Ba sarani sira, hodi Aman, hodi Oan no hodi Espírito Santo, Hau sei horik ho imi too tempo nia rohan. Nudar Jesus fiel ba Aman, nunee mos kreda fiel ba Cristo. Nee significa, Igreja so bele realiza missão ida wainhira fiel ba ordem Jesus Cristo. Tanba nee mak Igreja nunca bele halo tuir vontade ema qualquer ida nian.

Atu kreda iha capacidade (autoridade) hodi halao ordem Cristo nian, Jesus haraik Espírito ida ba mensageiro sira. João Evangelista relata:Jesus húu íis ba sira, dehan: “Simu Espírito Santo ba! Evangelista lori hikas ita nobun ba recorda citação iha Antigo Testamento nebe hakerek:” “O Senhor Deus formou, pois, o homem do barro da terra, e inspirou-lhe nas narinas o sopro da vida e o homem se tornou um ser vivente”// Ketika itu Tuhan Allah membentuk manusia dari debu tanah dan menghembuskan nafas hidup ke dalam hidungnya; demikianlah manusia itu menjadi makhluk yang hidup(Gén 2,7).

Citação Antigo Testamento nee, hetan ona ninia plenitude iha Jesus nia afirmação promessa hodi haruka Espírito Santo tuun ba apóstolo sira ho Nain Feto nudar comunidade kreda ida uluk liu (Igreja inicial/antiga).

Iha relato Evangelho São João nian, Jesus hatete: “Simu Espírito Santo ba! Ba ida nebé imi perdua nia salan, nia sei hetan perdua ba nia salan; ba ida nebé imi la perdua nia salan, nia sei la perdua ba nia salan”.

Ita precisa atento ba mensagem husi Jesus nee basá, wainhira Nia mosu ba apóstolo sira, Jesus hatete: ”Hakmatek hela ho imi!”.Wainhira Jesus moris mai iha rai (Natal), anjo sira proclama:” ““Glória a Deus no mais alto dos céus e na terra paz aos homens, objetos da benevolência (divina)” (Lc 2,14). Paz aos homens nee mak sai hanesan objectivo principal Jesus nia presença iha rai. Atu paz nee la bele iha deit Israel mak Jesus haruka ita hotu (Sarani/Kreda) lori paz nee ba mundo tomak.

Além paz nee halekar ba mundo tomak, Paz nee mos precisa estabelece entre ema ho Maromak liu husi sacramento Confessa. Tanba nee mak Jesus hatete ba apóstolo sira tenik:” Ba ida nebé imi perdua nia salan, nia sei hetan perdua ba nia salan; ba ida nebé imi la perdua nia salan, nia sei la perdua ba nia salan”. Tanba sa tenke confessa? Tanba ita nia relação paz ho Maromak kotu ho ita nia atitude pecado’ la halo tuir Maromak nia mandamento.

Então, ho presença Espírito Santo nebé ita celebra iha solenidade Pentecoste, atu fo coragem no hamoris fila fali povo sarani nia sentido tauk no desesperado perante ausência Jesus nian. Nee mak paráclito nebé Jesus promete hodi kreda continua hamoris missão evangélica. Além de missão nee, Jesus mos fo kbiit ba apóstolo sira hodi fo perdua ba ema nia pecado. Los duni, nudar pecador, ema la iha kbiit atu perdua ema seluk nia sala maibé, ho Cristo nia autorização kreda liu husi sacerdote no bispo sira bele perdua ema nia pecado.

Critério atu reativa hikas ita nia relação ho Maromak nee mak kreda estabelece sacramento Cofessa (reconciliação) nudar “conditio sine qua non”(requésito obrigatório) nebé ema (pecador) precisa cumpri hodi arrepende ninia pecado perante Maromak.

Atu taka, maske oras nee estado emergência terceira vez vigora hela, maibé, governo fo ona flexibilidade ba Igreja ho escola sira hodi reativa hikas actividade sira. Covid19 maske Timor caso zero maibé iha mundo liliu nação vizinha Indonésia ema sei mate nab-naban. Pentecoste halo ita hetan hikas ita nia espírito no vontade hodi reativa hikas ita nia moris iha sociedade maibé, precisa matan moris nafatin ba ita nia saúde tanto físico, tanto espiritual. Nudar Espírito Santo lori paz, ita harohan atu paz nee bele halo político sira lolo liman ba malu hodi governa rai nee tuir dalan constituição laos dalan premanismo.

Papa Francisco iha Ninia missa hatete: ”o Espírito liberta os espíritos paralisados pelo medo. Vence as resistências. A quem se contenta com meias medidas, propõe ímpetos de doação. Dilata os corações mesquinhos. Impele ao serviço quem se desleixa na comodidade. Faz caminhar quem sente ter chegado. Faz sonhar quem sofre de tibieza. Esta é a mudança do coração”.

Político sira maioria nudar sarani Católico precisa sai testemunha Jesus Cristo nian iha sociedade laos sai fali testemunha ba figura político ida rua nian. Tanba nee mak Jesus hatete: ”.. «Ides receber uma força, a do Espírito Santo (…) e sereis minhas testemunhas» (At 1, 8).”

Que o Espírito mude os corações e as vicissitudes e dê paz à Terra Santa!). Assim Seja e Bem Haja. (IgnasOliveira2020)

DOMINGO DO PENTECOSTES (ANO A)

Primeira Leitura                        Act. 2, 1-11

Lia housi livro haktuir Apóstolo sira nia Hahalok:

To’o tiha loron Pentecostes, Apóstolo sira hamutuk hela iha fatin ida de’it. Teki-teki housi lalehan, sira rona tarutu boot ida, hanesan anin áat, tama to’o uma laran, nebé sira hela ba. Sei nune’e hela, sira haré buat ida mosu mai hanesan áhi-lakan, fahe-an, hodi tun ba sira ida-idak. Sira hotu simu Espírito santo, hodi hahú ko’alia lian oi-oin de’it, nu’udar Espírito Santo haraik ba sira, atu sira bele ko’alia. Tur mos iha Jerusalém, judeus oan di’ak balun, mai housi nação hotu-hotu rai-klaran nian. Rona tiha tarutu boot ida ne’e, ema lubun boot ho hakfodak, halibur malu tan sira ida-idak rona sira lian rasik. Hodi hakfodak no hamta’uk, sira dehan: “ Sá lós mak ida ne’e? Ema sira be ko’alia daudaun ne’e laós ema Galileia nian de’it? Oin sá lós mak ita rona sira ko’alia, ita ida-idak nia lian rasik?  Ema Partos, Medos, Elamitas, ema housi rai Messopotânia, Judeia no Capadócia, ema housi rai Ponto no Ásia, Frigia no Panfilia, ema housi rai Egipto, housi rai Líbia, besik Cirene no Árabe, ita ne’e hotu, ida-idak rona ema hirak ne’e haklaken Maromak nia Hahalok wa’in, hodi ita nia lian rasik.”

Maromak Futar Lia.

 

Salmo Responsorial                                                                                                             Sal. 103(104), 1ab, 24ac. 29bc-30, 31, 34

Refrão : Na’i, haraik Espírito Santo Mai ami atu hafoin hikas rai!!! Repete-se

Ha’u klamar hahí Maromak,

Ha’u nia Maromak kmanek tebes!

Ita nia hahalok sura labele,

Rai-klaran belar ho ita nia kriatura. Refrão

 

Ami moris iha ita nia liman,

Ami sei mate, sei fila fali ba rai rahun.

Maibé ita sei haraik moris hias,

Rai-klaran sei hetan íilas foun. Refrão

 

Hahí nafatin Maromak,

Maromak haksolok ho Nia kriatura.

Maromak sée tilun mai ha’u nia hananu,

Ha’u sei haksolok ho Maromak. Refrão

 

Segunda Leitura                                                                                                                                                          1 Cor. 12, 3b-7, 12-13

Lia housi São Paulo nia suratBa sarani sira iha Corinto:

Maun-alin sira: La ho Espírito Santo kbiit ema ida la bele hatene: “ Jesus mak Na’i”. Tebes duni, Espírito nia di’ak oi-oin, maibé Na’i ida de’it. Hahalok iha oi-oin, maibé Maromak ida de’it. Nia mak halo buat tomak iha ema hotu-hotu. Nu’udar ita ema ida, isin ida de’it; isin ida, maibé baluk barak. Baluk sira hotu maski barak, sira halo isin lolon ida de’it; nune’e mos Cristo. Tebes duni, ita hotu sarani hodi Espírito santo ida de’it atu sai ema ida de’it, maski ita balu Judeu, balun Grego, balun atan, balun laós atan. Ita hotu-hotu simu Espirito santo ida de’it.

Maromak Futar Lia

 

Sequência:

Espírito Santo hiit-An mai,

Haksolok netik Ita emar!

Hakmanek hodi Ita di’ak,

Ami neon no ami laran!

 

Ita ami nia ksolok duni,

Maromak kmanek tebes!

Wé ulun, áhi-knulu no domin,

Ami klamar sira nia kbiit!

 

Aman Maromak nia kbiit

Haraik kmanek hitu

Tuir menon Maromak,

Ita ami nia lia-fuan!

 

Maromak ami neon,

Haraik domin mai ami laran!

Haraik Ita nia kbiit mai ami,

Ami, mesak ema susar na’in de’it!

 

Hadook housi ami funu-balu,

Haraik Ita dame mai,

Atu ami hodi Ita kbiit no roman

Hadook-an housi buat aat hotu.

 

Tulun ami hatene Aman Maromak,

Hatene nu’udar Oan Maromak,

Tulun ami hatene,

Ami fiar Ita nafatin.

 

Glória ba Aman Maromak,

Glória ba Maromak Oan nebé moris-hias ona;

Glória ba Epírito Santo ksolok na’in;

Glória ba nafatin.

Amen.

 

Aclamação                                        

Refrão : Aleluia. Aleluia!! Repete-se

Espírito santo hiit-an mai!

Haksolok ita emar sira,

Hakmanek sira neon no laran

Hodi ita nia kmanek. Refrão

 

Evangelho                                                                                                                                                                                      Jo 20, 19-23

Na’i Jesus Cristo nia Evangelho nu’udar São João haktuir:

Iha loron nebá, katak iha loro kraik, loron uluk semana nian, uma nebé Apóstolo sira hela ba, odamatan taka metin, tan sira ta’uk Judeu sira. Sei nune’e hela, Jesus mosu mai hamriik iha sira leet, dehan: “Hakmatek hela Ho imi!” Dehan tiha nune’e, Jesus hatudu ba sira, Nia liman no sorin kanek. Haré tiha Jesus, Apóstolo sira haksolok teb-tebes. Jesus lia tun teni ba sira: “Hakmatek hela ho imi! Nu’udar Aman Maromak haruka Ha’u mai, nune’e mos, Ha’u haruka imi ba!” Ne’e hotu tiha, Jesus húu íis ba sira, dehan: “Simu Espírito Santo ba! Ba ida nebé imi perdua nia salan, nia sei hetan perdua ba nia salan; ba ida nebé imi la perdua nia salan, nia sei la perdua ba nia salan.

Lia Maksoyn.

Sábado, VII Semana da Páscoa (ANO A)

Primeira Leitura               28, 16-20.30-31

Lia housi livro Apóstolo sira nia hahalok:

wainhira  ami to’o iha Roma ho Paulo be dadur hela, sira fo fatin ida ketak ba nia, ho soldado ida hein nia. Liu tiha loron tolu, Paulo bolu ulun sira Judeu nian, no wainhira sira halibur hotu, nia dehan ba sira: “Maun-alin sira, ha’u la halo buat ida hasouru povo eh hasouru lisan housi ita bei-ala sira nian; maibé sira ka’er ha’u iha Jerusalém hodi lori ha’u ba saran iha romano sira liman. Sira ne’e husu tuir ha’u hodi hare ha’u katak ha’u la iha sala atu simu mate, sira hakarak atu husik tiha ha’u, maibé ema Judeu sira la kohi. Tan ne’e, sira obriga ha’u apela ba Imperador César, maibé ha’u la halo buat ida hasouru ha’u rain. Tan ne’e, mak ha’u husu atu hasouru malu ho imi hodi ko’alia ho imi, basá tan de’it povo Israel nia esperança mak oras ne’e ema tau korenti iha ha’u liman no ain”.

Paulo hela iha uma nebe nia aluga ho nia osan rasik iha tinan rua nia laran. Lor-loron iha nia fatin, nia simu sira nebe buka nia. Ba sira, nia haklaken Maromak Nia Reino hodi hanourin buat nebe hateten kona ba Na’i Jesus Cristo, ho matenek no kbiit tomak.

Maromak Futar Lia.

 

Salmo Responsorial                                                                                                                                    Sal. 10(11). 4, 5, 7 (R. cf. 7b)

Refrão : Ema laran mos sei hare Maromak!!! Repete-se

Ou             Aleluia!

Na’i horik iha Nia templo Santo,

Iha Lalehan, Na’i hari Nia trono;

Nia hamatan nafatin ba mundu rai-klaran,

Nia matan hare borus ema hotu nia fuan. Refrão

 

Na’i tulun ema sala la’ek,

Fo kastigu ba ema maksalak,

Be ema aat nia belun, basá Na’i justo no hadomi justisa,

Ema santo sira hanoin Nia futar oin. Refrão

 

Aclamação                                                                                                                                                                                       Jo. 16. 7, 13

Refrão : Aleluia, Aleluia!! Repete-se

Na’i dehan:  “Ha’u sei haruka Espirito lialos nian mai.

Nia sei hanourin lialos hotu ba imi”. Refrão

 

Evangelho                                                                                                                                                                                     Jo. 21. 20-25

Na’i Jesus Cristo Nia Evangelho nu’udar São João haktuir:

Iha tempo nebá, Pedro la’o tuir daudaun Jesus, wainhira nia fila ba kotuk, hare tuir sira, escolante nebé Jesus hadomi. Ida ne’e duni, uainhira iha Ceia, hakru’uk ba Jesus Nia hirus matan hodi husu ba Nia: “Na’i, se lós atu ba saran Ita?” Hare tiha nia, Pedro dehan ba Jesus: “Nia ne’e, Na’i?”  Jesus hatan ba nia: “Ha’u hakarak karik, nia bele hela to’o loron nebe Ha’u fila hias mai, ó iha buat ruma ho ne’e? Ó tuir Ha’u mai”. Nune’e, hahu namkari novidade katak escolante ne’e sei la mate. Maibé, Jesus la dehan ba Pedro: “Nia la mate”, maibé: “Ha’u hakarak karik, nia bele hela to’o loron nebe Ha’u fila hias mai, ó iha buat ruma ho ne’e?”

Escolante ida ne’e mak fo sasin kona ba buat hirak ne’e, nia mak hakerek buat hirak ne’e hotu; no ami hatene katak nia sasin mak los liu. Jesus halo tan buat ua’in seluk. Buat hirak ne’e ida-idak hakerek hotu karik, ha’u hanoin, iha mundu la hetan fatin atu halot livro sira nebe hodi hakerek sasan hirak ne’e ba.

Lia Maksoyn.

Sexta-Feira, VII Semana da Páscoa (ANO A)

Primeira Leitura                         25, 13-21

Lia housi livro Apóstolo sira nia hahalok:

Iha loron hirak nebá, liurai Agripa ho Berenice ba to’o iha Cesareia hodi hato’o cumprimentos  ba embo’ot Festo. Tan sira hela loron barak iha nebá, Festo haktuir ba liurai lia bobar be hasouru Paulo nia hahalok:  “Iha ne’e iha ema mane ida nebe embo’ot Félix castigo hela. Uainhira ha’u sei iha Jerusalém, na’i-lulik boot ho katuas sira Judeu nian foti lia bobar hasouru nia hodi husu atu fo kastigu ba nia. Maibé ha’u hatan ba sira katak Romano sira la iha lisan ida atu saran ema ida ba kadeia, uainhira sira be bobar lia la mosu mai iha nia oin, atu nia bele hateten buat ruma hodi soi nia-an. Tan ne’e, sira mai hamutuk ho ha’u to’o iha ne’e. 

Iha loron tuir mai, lalais kedas ha’u hola fatin iha tribunal hodi haruka atu bele lori ema ne’e mai. Sira be bobar lia mai, maibé sira la hatudu sala ida hasouru nia  nebe ha’u hakarak hatene. Sira foti lia hasouru nia tan de’it nia religião no tan ema ida naran Jesus nebe mate tiha ona, maibé Paulo hateten lolós katak Nia moris hela. Tan ha’u la brani atu tesi lia hirak ne’e, ha’u husu ba ema ne’e, nia hakarak karik ba Jerusalém, atu iha nebá, sira bele tesi lia ba nia. Nune’e Paulo halo tuir, atu sira hein oinsa imperador nia hanoin, ha’u tahan hela nia iha kadeia to’o loron nebe atu haruka nia ba César”.

Maromak Futar lia.

 

Salmo Responsorial.                                                                                                                102 (103), 1-2. 11-12. 19-20ab (R. 19ª)

Refrão : Na’i hari Nia trono glória nian iha Lalehan!!! Repete-se

Ou             Aleluia!

Ha’u klamar hahi Na’i,

Ha’u neon no laran tomak

Hawelok Nia naran santo.

Ha’u klamar hahi Na’i,

La haluha Nia kmanek sira. Refrão

 

Dook tebes housi rai ba Lalehan,

Nune’e mos Na’i Nia laran luak boot tebes,

Ba sira nebe hadomi Nia.

Nu’udar  Loro-sa’e dook housi Loro-monu,

Nune’e, Nia hadook ita housi ita salan hotu. Refrão

 

Na’i hatur metin Nia trono iha Lalehan;

Nia biit ukun rai-klaran.

Anjo sira hotu hahi Na’i,

Sira laran metin iha Nia liafuan. Refrão

 

Aclamação                                                                                                                                                                                          Jo. 14. 26

Refrão : Aleluia, Aleluia!! Repete-se

Na’i lia tun:  “Ha’u sei haruka Espirito lialos nian mai.

Nia sei hanourin lialos hotu ba imi”. Refrão

 

Evangelho                                                                                                                                                                                      Jo. 21. 15-19

Na’i Jesus Cristo Nia Evangelho nu’udar São João haktuir:

Iha tempo nebá, uainhira sira han hotu tiha, Jesus husu ba Simão Pedro: “Simão, João nia oan, ó hadomi Ha’u liu sira ne’e hotu?” Simão hatan: “Tebes duni, Na’i, Ita hatene katak ha’u hadomi Ita”. Jesus dehan ba nia: “Ó tau matan ba Ha’u nia bibi oan sira”. Jesus husu tan: “Simão, João nia oin, ó hadomi Ha’u?” Simão hatan: “Tebes duni, Na’i, Ita hatene katak ha’u hadomi Ita”. Jesus dehan ba nia: “Ó tau matan ba Ha’u Nia bibi sira”. Dala ida tan Jesus husu ba Pedro: “Simão, João nia oan, ó hadomi Ha’u?” Pedro neon sala, tan Jesus husu dala tolu ona ba nia “Ó hadomi Ha’u?” Hafoin Pedro hatan: “Na’i, Ita hatene hotu, Ita hatene katak ha’u hadomi Ita”. Jesus dehan ba nia: “Ó tau matan ba Ha’u Nia bibi sira. Tebes, Ha’u hateten lós ba ó: uainhira ó sei klosan, ó rasik hatais, ó la’o ba fatin nebe ó hakarak. Maibé, wainhira ó katuas tiha, ó sei foti liman atu ema seluk hatais ó, nia sei lori ó ba fatin nebé ó la kohi”. Jesus hateten nune’e, atu fo hatene sai oinsa Pedro sei fo glória ba Na’i Maromak. Ne’e hotu, Jesus dehan tan: “Ó tuir Ha’u mai”.

Lia Maksoyn.

Quinta-Feira, VII Semana da Páscoa (ANO A)

Primeira Leitura                22, 30. 23. 6-11

Lia housi livro Apóstolo sira nia hahalok:

Iha loron hirak nebá, tríbuno hakarak hatene lolós lia kesar be hasouru Paulo housi Judeu sira; nia haruka hasai tiha Paulo housi kadeia, haruka amululik boot ho assembleia sira atu halo reunião. Hafoin lori Paulo hodi hatudu ba sira. Paulo hare katak sira balu mesak ema saduceu no balu ema fariseu, ho lian makaas nia hakilar dehan: “Maun-alin sira, ha’u ema fariseu, ema fariseu sira nia oan. Tan ami nia esperança no tan moris hias housi mate sira leet mak oras ne’e, ha’u atu ba simu julgamento.” Uainhira nia hateten tiha lia hirak ne’e, ema fariseu no saduceu sira hahu haksesuk malu, no assembleia hafahe tiha ba grupo rua. Saduceu sira katak la iha moris hias housi mate, la iha Anjo no espirito; maibé, sira housi grupo fariseu nian, sira fo sasin hateten katak, buat hirak ne’e, sei mosu iha loron ikus. Escriba sira housi grupo fariseu nian, ho hakilar dehan: “Ami la hetan sala ida iha ema ne’e! Espirito ruma ou Anjo ruma ko’alia ho nia karik”. Tan sira haksesuk malu liu tan, tríbuno ta’uk katak sira sei halo buat aat ruma hasouru Paulo. Ne’e duni, nia haruka soldado sira lori tiha Paulo housi sira leet hodi ba tiha iha fortaleza. Iha kalan tuir mai, Na’i mosu ba Paulo hodi dehan; “Aten barani ba! Hanesan sasin nebe ó fo sai ona kona ba Ha’u iha Jerusalém, nune’e mos ó sei fo sai iha Roma.”

Maromak Futar Lia.

 

Salmo Responsorial                                                                                                                       15 (16), 1-2a. 5. 7-8. 9-10. 11 (R. 1ª)

Refrão : Na’i, tahan ha’u tan Ita ha’u heli-an-fatin!!! Repete-se

Ou             Aleluia!

Tahan ha’u, Na’i, tan Ita ha’u nia heli-an-fatin,

Ha’u dehan ba Na’i, “Ita ha’u nia Maromak”.

Na’i, Ita ha’u nia lima-rohan no cálice,

Ha’u nia moris iha Ita futar liman. Refrão

 

Ha’u sei hahi Na’i tan Nia mak ha’u Mahein;

Iha kalan Nia fo conselho mai ha’u neon.

Na’i iha nafatin ha’u matan nia oin,

Nia iha ha’u sorin kuana, ha’u sei la monu. Refrão

 

Tan ne’e, ha’u fuan haksolok,

Ha’u klamar hananu ho ksolok boot,

No ha’u isin toba hakmatek.

Tan Ita sei la saran ha’u ba horik fatin mate nian,

Sei la husik Nia atan nia isin dodok. Refrão

 

Na’i hatudu dalan moris nian mai ha’u,

Haraik ksolok boot iha Ita futar oin;

Iha Ita sorin kuana, haksolok ba nafatin. Refrão

 

Aclamação                                                                                                                                                                                           Jo. 17. 21

Refrão : Aleluia, Aleluia!! Repete-se

Aman, sira hotu sai ida de’it hanesan Ita iha Ha’u no Ha’u iha sira,

atu nune’e mundo sei hatene katak Ita mak haruka Ha’u mai. Refrão

 

Evangelho                                                                                                                                                                                     Jo. 17. 20-26

Na’i Jesus Cristo Nia Evangelho nu’udar São João haktuir:

Iha tempo nebá, Jesus foti matan ba Lalehan,  hodi harohan nune’e:  “Aman Santo, Ha’u la harohan de’it ba escolante sira ne’e, maibé, Ha’u harohan mos ba sira nebe sei fiar Ha’u, tan sira ne’e nia liafuan, atu sira hot-hotu sai ida de’it. Ha’u Aman, nu’udar Ita horik iha Ha’u, Ha’u horik iha Ita, nune’e mos, sira horik iha Ita rua, atu mundu fiar katak Ita mak haruka Ha’u mai.  Ha’u fo ona ba sira naran boot nebe Ita fo mai Ha’u, atu sira sai ida de’it, nu’udar Ita rua ida de’it atu Ha’u horik iha sira, Ita horik iha Ha’u no sira sai laran ida de’it atu nune’e mundu sei hatene katak Ita mak haruka Ha’u mai no Ha’u hadomi sira nu’udar Ita hadomi Ha’u rasik.  Ha’u Aman, sira nebe Ita fo mai Ha’u, Ha’u hakarak atu iha fatin nebe Ha’u hela ba, sira mos hela hamutuk ho Ha’u.  Ha’u hakarak atu sira hare Ha’u Nia naran  boot,  naran nebe Ita fo ona mai Ha’u, tan Ita hadomi Ha’u molok atu hakiak mundu. Ha’u Aman Santo, mundu la hatene Ita, maibe Ha’u hatene ona Ita no sira ne’e hatene ona katak Ita mak haruka Ha’u mai. Ha’u halo sira hatene Ita nia naran.  Ha’u sei halo sira hatene liu tan Ita naran atu sira bele hadomi Ita nu’udar Ita hadomi Ha’u, atu Ha’u horik iha sira.”

Lia Maksoyn.

NOTA PASTORAL

NOTA PASTORAL 2020

“Imi ba hateten ba escolante sira no ba Pedro, Nia ba uluk ona Galileia.

Imi sei haré Nia iha neba nu’udar Nia dehan ona ba imi” (Mc.16,7-8)-Lição Covid-19 nian.

 

Wainhira tinan foun 2020 hahú, ema hotu sei hato’o hela Boas Festas do Natal no Feliz Ano Novo ba malu, comunicação social mundo tomak nian bolu atenção ba vírus foun ida nebé ataca dadaun ona rai balu hanesan China no Europa. Organização Mundial Saúde hanaran vírus ne’e CORONA VIRUS KA COVID-19. Tan Virus ne’e ataca continente sira hotu, mundo tomak, ne’e duni técnico sira hanaran nia Pandemia katak moras ida nebé kona mundo tomak.

To’o oras ne’e ita rona teoria barak no explicação barak kona ba moras ne’e, maibé ladauk iha explicação ida nebé claro no halo mundo tomak hetan consenso hodi hatene lolós kona ba moras ne’e nia hun no nia natureza.

Técnico sira sáude mundo no nação sira nian maka iha competência atu explica claro moras ida ne’e sa’a ída, nia hahú oin sa’a, tan sa’a no halo nusa maka nia mosu, oin sa’a maka nia hadaet lais los hanesan ne’e ba mundo tomak, bainhira maka nia lakon, se técnico sira hetan ona dalan atu luta hasoru nia no halakon vírus ne’e? Hafoin técnico sira saúde nian kala sei explica efeitos sa’a ida maka moras ne’e sei housik hela iha ema sira be hetan moras ne’e, iha sira nia moris aban bainrua nian.

Político sira kala sei buka dalan atu explica se vírus ida ne’e mai housi revolta natureza nian ka moras ida ne’e iha objectivos políticos ba equilíbrio político mundo nian.

Economista sira kala sei buka dalan atu explica moras ida ne’e sei lori consequência sa’a ida ba vida económica mundo nian, ba nação ida-idak  no ba cidadão ida-idak nia moris lor-loron.

Filósofo ho Teólogo sira kala sei buka mos explicação kona ba oin sa’a moras ida ne’e sei afecta ba ema criatura, nudar Maromak nia ilas (Gn 1,26; DSGC no. 105-114). Tan criatura ema lakon respeito completo ba dimensão ida ne’e (Maromak nia ilas) iha nia moris, maka keta Na’i Maromak, iha tempo moderno ida ne’e hakarak lori ita ema reflecte no compreende katak Nia maka sei buat hot-hotu nia hun no rohan, biar mundo parece la precisa ona Nia ba buat ida no duni sai tiha Na’i Maromak housi criatura ema nia existência.

Técnico Ciências Sociais sira nian kala sei buka explica moras ida ne’e nia consequência iha comunidade sira nia moris, nacional, internacional continental, mundial, etc. Dados estatísticos sei sai nudar lalenok ka sasukat atu mundo tomak tetu fenómeno ida ne’e nia efeito.

 

CONSIDERAÇÕES GERAIS BALUN

1. Tuir informação nebé comunicação social hato’o, parece primeira vez iha História, maka mundo tomak hetan moras ida simultâneo, katak moras hanesan iha fatin hot-hotu dala ida de’it tan hadaet nia an lais teb-tebes. Iha tempo sira peste nian nebé História hato’o to ita ohin loron, laos mundo tomak, nação hot-hotu (215) maka hetan tempo susar hanesan ne’e no dala ida de’it.

2. Baibain wainhira ita sukat tragédia ka susar ida nia efeitos no consequência, ita sukat ho vida sira nebé lakon, no estragos no sasan sira nebé naksobu, ita sukat ho destruição física no destruição infra-estrutura no destruição recursos humanos no económicos. Corona Virus mai la sobu infra-estruturas físicas. Maibé nia ba buka ema ida-idak iha nia uma laran hodi oho ema iha nia cama leten. Buat hotu hamri’ik nafatin, Corona Virus buka afecta de’it ema no bele hamate.

Ne’e be Corona Virus bele provoca fali interrogação seluk. Moras ne’e mai housi Natureza ka moras ne’e ema maka provoca atu atinge objectivo seluk balu. (informação balu mos dehan katak técnico sira nebé hahú estuda moras ne’e, balu mate no lakon de repente de’it. Mistério!). História hanourin katak iha tinan 300 ikus ne’e nia laran, cada tinan atus ida nação ida maka domina. Século 18, França; séc.19, Inglaterra; séc 20, Estados Unidos; século 21,??? Matenek França nian naran André Malraux, dehan katak  séc. 21 sei sai “século religioso”. No nia laos sarani.

Baibain ita rona koalia kona ba funu químico, no funu biológico. Especialista sira dehan katak iha funu tipo ida ne’e, nia característica ida maka sasan la a’at, maibé ema de’it maka  hetan terus no mate. Ida ne’e maka acontece dadaun ona?

 

3. Corona Virus mai hatudu realidade foun balu.

Baibain, moras epidemia sira haterus liu ema nebé moris iha rai sira nebé kuran liu recursos hot-hotu: laos desenvolvido, la iha condição higiene, bele iha hospital maibé kuran recursos oi-oin, economia fraco, aimoruk laiha, infra-estrutura la iha ou então menos, etc.. Acontece liliu iha rai sira África nian, ita iha Ásia, América Latina, etc. Corona Virus fali buka liu maka rai riku sira, liliu Europa tomak no Estados Unidos. Hafoin Corona vírus mos mai hatudu países desenvolvido sira nia fraqueza. Biar organizado no desenvolvido oin sa’a, vírus oan ida, hanesan  la folin buat ida, halo potência  hot-hotu hakneak iha nia oin. Iha história oan ida haktuir katak iha Itália, iha fatin ida loron ida ema ba hospital barak teb-tebes, no hospital iha de’it ventilador 5 wainhira iha loron ne’e sira precisa 700. Corona Vírus hetan mundo tomak desprevenido. Haré de’it ba fatin sira nebé maka ema mate barak ona tan Covid-19, ita bele halo reflexão balu (questão metafísica balu) hodi husu razão sa’a ída maka provoca situação particular hanesan ne’e iha contexto particular mundo desenvolvido nian? Tan sa’a maka mundo desenvolvido liu hanesan Europa no Estados Unidos maka hetan terus liu? Maibé mos bele hetan razão seluk karik.

 

4. Tan ita ema kolu Maromak housi natureza no espaço público no mos kolu Maromak housi ema nia existência, halo sociedade desenvolvida sira hanoin katak, koalia no hanourin kona ba Maromak no Maromak nia ukun fuan sira, ohin loron ne’e, significa beikten no atrasado mental. Halo hahalok hasoru princípios morais no éticos, hasoru valores humanos, halo imoralidade no anormalidade sira hotu sai princípios gerais de comportamento normal no moral, ne’e maka sasukat desenvolvimento no progresso nian. Duni sai tiha Maromak housi ita nia moris hafoin se fali maka atu tau ordem iha ita nia desordem geral nia laran? Filósofo no teólogo sira bele halo reflexão klean balu, kona ba causa, efeitos no consequências pandemia ida ne’e nian ohin loron iha humanidade nia moris.

 

5. Virus oan ida hanesan bola ki’ik oan ho tarak meik lubuk ida haleu nia lolon, halo mundo tomak hakneak iha nia oin. Kbi’it tomak mundo nian, político, económico, social, religioso, científico, hakru’uk rabat rai iha Covid-19 nia oin. Matenek na’in sira nebé hahú estuda fenómeno ida ne’e dehan katak ne’e foin hahu maka ne’e. Nação sira hotu ladauk atinge sira nia ponto máximo. No mos iha Nação balu, ema hanoin katak lakon tiha ona, hamenos prevenção, nia mosu fali hetok maka’as liu tan. Tan ita la hatene wainhira maka nia lakon lolos, diak liu ita atenção nafatin.

 

EFEITOS

Covid-19 sai biban ida atu descobre fali pessoa humana ida-idak nia folin.

Ideologia politica sira, desde 1800 mai oin, baseia ba corrente filosófica balu, haré liu ba “humanidade genérica” do que ba pessoa individual; haré liu ba género humano do que ba indivíduo; buat nebé diak ba género humano,diak ba pessoa. Se ita ba haré ideologia capitalismo liberal nian no ideologia socialista sira no nia sanak sira hotu nebé mosu, domina no haterus mundo iha tinan 200 ikus ne’e nia laran ita haré oin sa conceito ida ne’e domina mundo to’o ohin loron. Ne’e duni politica no político sira buka liu implementa hahalok sira nebé foti nação nia naran iha comunidade internacional nia oin, no haluhan tiha cidadão ida-idak nia situação. Covid-19 mai doko conceito ida ne’e hahú housi saúde ema ida-idak nian. A nível geral hanoin katak tecnologia prevê no resolve situação sira hotu. Como tecnologia la prevê situação sira hotu, iha susar nia laran sacrifica vida humana. Katuas ho ferik sira bele mate tan la halo ona falta no liliu tan ita la iha capacidade tecnológica atu luta hasoru. Hafoin ita sei dehan katak defende direitos humanos. Ohin loron kala ema ida nia vida, liliu katuas ida ho ferik ida, sira ne’e la iha ona direito ba vida. Nune’e’e mos kosok oan sira nia vida (Cf. EV 2-4). Tan hirak ne’e ladauk produz buat ida ba humanidade. Sira hirak ne’e bele lakon. Covid-19 mai hanourin katak entre discurso político ho realidade humana no individual buat ruma tenki muda. Pessoa humana maka criatura nebé importante liu iha mundo (Cf. GS 12-16).

Conceito ida “humanidade genérica” ne’e, hamosu objectivo no estratégia balu nebé ohin loron domina mundo: ida maka hanaran “nova ordem mundial”, katak organiza mundo no nação ida-idak nia moris tuir ideologia maioritária haruka. Soberania nacional ne’e dala barak iha de’it surat; nação sira tenki halo de’it buat nebé comunidade internacional haruka. Objectivo seluk balu tan maka: globalização no internacionalismo. Critério atu define nação ida nia nível de desenvolvimento maka se nia iha ona capacidade atu atinge nível nebé comunidade internacional define. Político sira haka’as an, dala barak, sacrifica cidadão sira nia moris tan objecticvo sira ne’e. Covid19 mai hatudu conceito sira ne’e hotu nia fraqueza. Quando situação diak ita hotu mesak maun alin. Iha susar laran ida-idak maka tenki haré ba nia uma laran. Ita iha Timor, Covid-19 obriga ita hapara ita nia actividade durante fulan ida de’it, população hahú hamlaha kedas. Tan la halo to’os no natar, hanoin katak globalização ne’e halo katak mercado fornece nafatin buat nebé ita precisa, sarak iha osan; resultado, iha osan maibé hamlaha hola nafatin tan fos la mai housi liur. Iha tempo nebé fos na’in precisa fos ba nia ema sira, sira taka odamatan ba liur, haruka hirak seluk ba pasiar, no halo consumidor sira bulelu iha mundo tomak. Iha tempo diak nia laran ita koalia solidariedade internacional ho hirak nebé kuran liu. Liafuan mesak furak biar mamuk! No ita nia político sira fiar metin los. Quando ema hatudu ema nia egoísmo maka ita hakilar no protesta maibé ita la hanoin atu organiza an ba situação imprevista sira ne’e. Ita hanoin ita nia agricultura nebé tenki hahú hanoin oin seluk ho acontecimento ida ne’e.

Covid-19 sai mos biban ida atu fanu buat diak no a’at lubuk ida iha pessoa humana, liliu iha cidadão  nacional ida-idak nia moris.

Covid-19 mai hatudu irresponsabilidade no responsabilidade cidadão ida-idak nian. Iha Fatin balu vírus hadaet lais tebes tan ba cidadão balu nia irresponsabilidade. Wainhira autoridade sira fo sai orientação nebé população sei halao tuir atu evita hetan moras ne’e, ema barak hahú la fo atenção. Atitude ida ne’e sai caro teb-tebes ba população nia moris.

Maibé sai mos biban ida atu hola responsabilidade, consciencialização no solidariedade ba bem comum, comunidade local nia vida. Katak cidadão ida-idak hola consciência katak atu ema hotu labele hetan moras ne’e, ita ida-idak tenki halao nia hahalok ho responsabilidade. Parabéns ba Timoroan sira hotu tan consciencialização no responsabilidade ida ne’e. Biar ho recursos uitoan de’it, hot-hotu haka’as an atu lao tuir orientação sira nebé responsáveis sira fo sai hanesan: usa máscara, fasse liman bebeik ho sabaun, hela hakmatek iha uma, la ba rancho nar-naran de’it ho belun ka família sira seluk, uma hot-hotu, mercado sira, instituição administrativa sira hotu prepara be no sabão atu ema hotu bele fasse liman molok tama ba uma laran.

Covid-19 mai hatudu buat diak seluk iha ita ema nia moris-Solidariedade ba malu. Haré hahalok sira nebé técnico sira saúde nian, forças sira nia hahalok no presença, pessoal auxiliar no voluntário sira halao iha tempo COVID-19  nia laran, ita tenki agradece ba Maromak no agradece ba nia oan sira ne’e, nebé halao ho aten brani sira nia serviço no profissão atu bele salva ema seluk nia vida. No mos agradece no fo louvor ba sira hotu nebé ho iniciativa pessoal organiza-an hodi ajuda maun-alin sira nebé precisa teb-tebes ema seluk nia tulun iha tempo ida ne’e. Empresários, NGO sira, congregações religiosas sira, paróquia sira, associação sira caridade nian, Cáritas diocesana sira, etc. Graça Wain ba Maromak be haraik fuan bo’ot, nakonu ho domin ba nia oan sala na’in sira ne’e atu hatudu Na’i nia  domin iha maun-alin sira nia tempo terus .

Efeito positivo ida seluk tan maka Covid-19 sai biban ida atu família sira hetan biban hodi bele hasoru malu, tu’ur hamutuk, hela metin iha uma laran, hasoru malu lor-loron hodi haré no tetu sira nia vida hamutuk; aman-inan sira bele haré no hasoru malu ho oan sira durante loron tomak no oan sira mos bele hasoru malu no haré inan-aman  loron tomak. Psicólogo sira dehan katak iha risco emocional ba ki’ik oan sira nebé hela ho inan-aman loron tomak iha tempo Covid-19, maibé wainhira escola sira hahú fali, ki’ik oan sira bele hetan trauma. Ne’e mos desafio ida ba inan-aman sira oin sa’a ajuda ki’ik oan sira atu hatene simu no adapta-an” wainhira situação muda. Comentarista sira nebé iha humor comenta hodi dehan katak Covid-19 sai mos biban ida atu família sira vida sidi hela fatuk no ai ne’e, hetan biban ida atu halo’os fali sira nia moris nu’udar família. Maromak nia Providência hatudu nia dalan. Iha Lian Português dehan: “Deus escreve direito por linhas tortas” (Na’i Maromak hakerek lolos iha dalan kleuk sira nia le’et).

Covid-19 mos sai biban ida atu sarani sira habo’ot sira nia consciência ba sira nia estatuto nudar membro Kreda nian, no biban atu habo’ot no haklean sira nia fiar. Páscoa ida ne’e laos hanesan Páscoa baibain tan Comunidade sarani la celebra festa bo’ot no fundamental ida ne’e hamutuk iha Uma kreda ka Catedral ida nia laran. Maibé situação sai momento bo’ot de catequese kona BA SENTIDO CELEBRAÇÃO LITÚRGICA NIAN. Laos fatin atu celebra ne’e maka importante maibé ema nebé ita hanoin no celebra nia memória iha liturgia eucarística ne’e maka importante liu. Maka Jesus Cristo, Maromak nia Oan hala-an ba ema, ema hedi iha Cruz, mate tiha, liu loron tolu moris fali.  Ida-idak iha nia fatin, iha foho ka iha centro, iha cidade ka aldeia, iha oras nebé ita halibur malu hodi tuir missa liu housi Televisão, Rádio ka dalan sira seluk nebé tecnologia bele hato’o, ita nia unidade nudar sarani liu housi celebração tempo Jesus nia mate no moris hias nian hetan naroman seluk. Sarani balu dehan la dun sente completo tan la Comunga. Se Covid-19 sai biban ida atu hamosu de’it consciência ida ne’e iha sarani católico sira nia compreensão kona ba Eucaristia, bendito Covid-19, rahun diak ba Covid 19 nebé sai mestre bo’ot atu hanourin kona ba Eucaristia. Ohin loron, iha mundo moderno ida ne’e, sarani católico barak haré no hanoin kona ba Eucaristia ne’e hanesan acto cultural ida ou acto social ida ou acto sócio-cultural de’it. Ne’e duni maka dala barak protocolo Estado nian hatama missa iha celebração social sira tan ne’e halo parte cultura. Marca presença ne’e importante maibé simu comunhão ne’e la importante ida. Hafoin maun-alin sira ne’e sei justifica an hodi hanaran-an dehan sira ne’e “Católico não praticante”.

Hafoin estatuto ida ne’e mos acompanha sira nia estatuto social. Wainhira sei ema simples, católico convicto, praticante, militante no romano. Wainhira estatuto social bo’ot ba dadaun, estatuto de “católico não praticante” mos acompanha dadaun proporcionalmente ou na ordem inversa dos valores.

 

Consequências

1. Ita la hatene moras ne’e dura to’o bainhira

2. Covid-19 iha influência bo’ot iha ita nia nação tomak nia vida e influência negativa barak iha nível hot-hotu. Vida iha Timor no Nação sira seluk para hotu. Família lubuk ida sei hasoru situação de dificuldade no Economia parada completamente no ho situação de indefinição política nebé ita hasoru agora mos la ajuda.

3. Hein katak na’i ulun sira aproveirta biban ida ne’e atu reflecte klean kona ba situação real nação ida ne’e nian hodi hatene hetan dalan no politica los atu prepara nação ida ne’e ba futuro.

Haré ba nação nia moris maibé liliu cidadão ida-idak nia felicidade.

4. Covid-19 mai hatudu ita nia ukun na’in sira no órgão de soberania sira hotu nia fragilidade, fraqueza, impreparação no confusão do ponto de vista político e comportamento de cidadão. Então episódio nebé Na’i deputado sira hatudu iha Parlamento iha loron sira liu ba ne’e, hatun ita nia oin iha fatin hot-hotu. Ita la discute se legal ou ilegal, constitucional ka lae, se maka iha razão ou lae. Ne’e ho técnico jurista no constitucionalista sira. Buat nebé escandaliza ne’e maka processo nebé representante sira povo nian iha uma fukun fo ba povo tomak nação ida ne’e nian.

Ne’e ulun sira nebé atu halo lei hodi regula nação ida nia moris maka hatudu exemplo nune’e’e; cidadão sira atu tau néon ba sira nia parlamento ida ne’e oin sa los? Hafoin decisão nebé parlamento foin hola ne’e atu vigora oin sa los? Políticos geração foun sira, ho comportamento ida ne’e, hein apreciação no confiança sa’a ida housi povo? Halo ita hanoin pintor ida nebé hahú pinta quadro furak ida no de repente fakar tinta tomak iha nia pintura nia leten. Pintura borrada!

Decisão ida ne’e, para além de cria confusão, mai obriga Órgão de soberania ida-idak nação ida ne’e nian  atu esclarece no toma posição kona ba ida-idak nia responsabilidade no decisão ou falta de decisão.

Timor-Leste nudar Estado de Direito Democrático ida hari no hatur nia an iha Constituição ida nebé haruka Estado moris tuir de’it principio e regras de Direito no regras de Democracia (C-RDTL, art.o 2, n.o2).

Em vez de tau todan ba ida seluk, diak liu ida-idak assume nia responsabilidade tuir principios de separaçãodo poder no principio interdependência do poder (C-RDTL, art.o 69), Presidência da República, Parlamento, Governo no Tribuna’is (C-RDTL art.o67). Agora precisa coragem, humildade no imparcialidade órgão ida-idak nian atu hetan dalan hodi sai housi situação ida ne’e.

5. Covid-19 ne’e sai estado de graça provisório ida ba Ukun na’in sira. Problema sira la lakon tan la resolve. Ohin loron sai hanesan aspirina ida ka anestesia hodi hatun ulun moras nebé haterus hela paciente. Maibé vida nação nian labele lao iha situação de indefinição permanente ida ne’e nia laran kleur tan.

Decisão a’at ida sei diak liu do que la iha decisão. Decisão sala sei bele corrige. Decisão la iha, orientação la iha no hamosu confusão oi-oin tan ida-idak halo interpretação tuir nia conveniência de’it.

 

Lia menon ikus

Acontecimentos sira ne’e mosu iha tempo hot-hotu no geração ida-idak koko rasik sira nia tempo susar sira ne’e. Importante maka ita tenki hatene aprende ho ema seluk nia experiência atu ita bele habo’ot no hametin ita nian. Matenek na’in ida, wainhira estuda história seculo XX ho acontecimento sira hotu nebé mosu iha século ida ne’e nia laran no analisa tan sa acontecimento sira ne’e  hotu mosu,liliu guerra mundial rua, ho líderes mundo nian iha tempo neba nia dehan: “TEMPOS DIFÍCEIS CRIAM HOMENS FORTES; HOMENS FORTES CRIAM TEMPOS FÁCEIS E TEMPOS FÁCEIS CRIAM HOMENS FRÁGEIS QUE CRIAM TEMPOS DIFÍCEIS” [tradução: tempo susar hamosu ema forte; ema forte sira hamosu tempos fáceis (buat ida la susar) no tempo fácil sira hamosu ema fraco nebé hamosu fali tempo susar]. (D. Acemoglu e James A. Robinson, Por que as Nações Fracassam, 2013);

Ba sarani sira, liliu católico sira, lia menon ida ne’e bele sai naroman mai ita. IHA DESORDEM MUNDIAL NIA OIN NO IMPASSE POLITICO PROLONGADO IHA ITA NIA RAI LARAN, MAI ITA KAER EVANGELHO HODI LÊHATENENO HATENE LÊ ATU HATENE INTERPRETA DESORDEM SIRA NE’E HOTU.

Ba ita nia situação politica ohin loron precisa hatene lê Constituição atu hatene interpreta ita nia desordem politica hodi hakotu desordem.

Iha Evangelho festa Ascenção nian ita lê iha S. Mateus nebé dehan: “sira na’in sanulu resin ida lao ba Galileia… Wainhira sira haré Nia, sira tuku tur ba rai hodi adora Nia; maibé sira balun fiar,balu la dun fiar. Nia Hakbesik ba sira hodi dehan… imi ba hanourin nação hot-hotu….”

Tan sa Galileia? Tan Jesus hahú nia primeira missão ho nia Apóstolo sira iha rai Galileia. Naton ne’e Apóstolo sira la hatene Jesus ne’e se los. Moris hias tiha atu sae ona ba Lalehan, Jesus hanesan fo hanoin ba sira hodi dehan: “tinan tolu liu ba, wainhira ita hahú, imi hotu matan tomak hela  kona mai ha’u. Agora imi hatene ha’u ne’e se los. Ne’e duni imi hahú lao fali hanesan ita hahú maibé agora ho matan foun. Agora, imi ba haklaken ha’u nia naran ba mundo tomak no halo emahotu sai ha’u nia escolante hanesan imi…”.

NE’E DUNI IHA MUNDO NIA DESORDEM NIA LARAN ITA FILA HOTU FALI BA GALILEIA HODI HAHÚ VIAGEM FOUN IDA FALI, TAN NIA “HELA HO ITA TO’O TEMPO IKUS” (MT.28,16-18)

 

Dili, 26 de Maio de 2020

Quarta-Feira, VII Semana da Páscoa (ANO A)

Primeira Leitura                     Act. 20. 28-38

Lia housi livro Apóstolo sira nia hahalok:

Iha loron hira nebá, Paulo hateten ba katuas sira housi Kreda Éfeso nian: “Imi sei neon moris hamutuk ho imi bibi sira, nebé Espírito Santo tau iha imi nia liman, hodi hamatan ba Maromak Nia Kreda, Kreda nebé Maromak manan ba Nia hodi Nia ran rasik. Ha’u hatene katak, wainhira ha’u sai tiha housi ne’e, asu fuik siak sira sei mai iha imi leet, nebé sei han mós bibi oan sira housi bibi-luhan. Housi imi leet, sei mosu ema ho hahalok áat oi-oin, nebé hakarak dada escolante sira ba áat. Tan ne’e, imi neon moris ba! Imi sei hanoin hi’as katak iha tinan tolu nia laran, kalan eh loron, ha’u la descansa, hodi haklaken Lia-foun ba imi ida-idak ho mata-wen. Ora ne’e, ha’u saran imi ba Maromak, ba liafuan housi Nia graça; Nia iha kbiit atu perdua imi nia salan no mós iha kbiit atu haraik prémio ba imi, nu’udar liman-rohan, hanesan ba ema sira be simu ona santidade.

Ha’u la kan ema nia sasan, hanesan osan mean, osan mutin  eh hena hatais. Imi ida-idak hatene katak hodi ha’u liman rasik ha’u halo serbisu atu ha’u bele han, fó han ha’u maluk sira nebé la’o ho ha’u. ha’u hatudu ona ba imi katak hodi serbisu mak ita bele hetan buat ruma hodi fó tulun fali ba maun-alin sira be kiak eh fraco. Ha’u hanoin hetan fali liafuan hirak nebé Na’i Jesus dehan: ‘Ita hetan ksolok boot wainhira ita fó, liu fali wainhira ita simu’”.

Hateten tiha lia hira ne’e, nia hakneak hodi harohan hamutuk ho sira hotu. Hafoin sira hako’ak Paulo, hodi tanis no rei nia dala barak. Sira hotu neon sala, hanoin nia, tan nia hateten ba sira katak sira sei la haré tan ona nia oin. Tuir mai sira hotu ba ho nia hodi ba to’o ró.

Maromak Futar Lia.

 

Salmo Responsorial                                                                                                     Sal. 67(68). 29-30, 33-35a, 35b-36c (R. 33ª)

Refrão : Povo rai-klaran nian, hananu ba Na’i!!! Repete-se

Ou             Aleluia!!

Hatudu mai Na’i, Ita kbiit,

Kbiit nebé fó ksolok mai ami!

Liurai rai hotu nian;

Iha templo Jerusalém

Liurai sira hasa’e sira bua karan. Refrão

 

Liurai rai hotu nian, hananu ba Na’i,

Hananu hino ba Na’i,

Ba Nia be hôrik iha Lalehan;

Halo ema rona Nia futar-lia. Refrão

 

Nia kmanek nabilan iha Israel nia leten,

Nia kbiit áas liu kalohan.

Israel nia Maromak fó kbiit ba Nia povo,

Rahun di’ak ba Maromak. Refrão

 

Aclamação                                                                                                                                                                                      Jo. 17. 17b, a

Refrão : Aleluia, Aleluia!! Repete-se

Ita liafuan, Na’i, mak lialós tebes;

Hametin ami iha lialós. Refrão

 

Evangelho                                                                                                                                                                                     Jo. 17. 11b-19

Na’i Jesus Cristo nia Evangelho nu’udar São João haktuir:

Iha tempo nebá: Jesus foti matan ba Lalehan, harohan nune’e: “Aman Santo, hodi Ita naran tau matan ba sira nebé Ita haraik mai Ha’u, atu sira sai ida de’it nu’udar Ita mós ida de’it. Wainhira Ha’u sei hôrik ho sira, Ha’u rasik tau matan ba sira hodi Ita naran. Ha’u tau matan duni ba sira nebé Ita haraik mai Ha’u. Sira ida la lakon; lakon de’it mak ema-oan-áat; nune’e mai sai tuir lolós Escritura. Maibé, oras ne’e, Ha’u atu fila daudaun ona ba Ita. Sira sei iha mundo rai-klaran, Ha’u dehan sai ona ida ne’e, atu sira bele hetan Ha’u nia ksolok to’o rohan. Ha’u fó hatene sai ona ba sira Ita liafuan. Mundo hakribi sira, tan sira la’os mundo nia emar, nu’udar Ha’u mós la’os mundo nia emar. Ha’u la husu Ita hasai sira housi mundo, maibé Ha’u husu de’it atu soi netik sira housi áat na’in. Sira la’os mundo nia emar, nu’udar Ha’u mós la’os mundo ninian. Halulik sira iha lialós. Ita nia liafuan mak lialós. Nu’udar Ita haruka Ha’u mai iha mundo, nune’e mós Ha’u haruka sira ba mundo. No tanba sira mak Ha’u halulik-An, atu sira mós bele halulik-an iha lialós”.

Lia Maksoyn.

Terça – Feira, VII Semana da Páscoa (ANO A)

Primeira Leitura                     Act. 20. 17.27

Lia housi livro Apóstolo sira nia hahalok:

Iha loron hirak nebá, housi Mileto, Paulo haruka bolu katuas sira housi Kreda  iha Éfesu. Wainhira sira to’o mai, nia dehan ba sira:

“Imi hatene, hanesan iha loron ba dala uluk nebé ha’u tau ain iha Ásia, ha’u serbisu hamutuk ho imi nafatin. Ho haraik-an ha’u serbí Maromak, hodi mata-wen no terus mak ha’u simu buat áat housi Judeu sira be laran makerek. Tebes duni, ha’u seida’uk lakon tempo nebé di’ak atu halo buat ruma di’ak ba imi. Buat hotu ha’u fó sai no hanourin ba imi iha ema hotu nia oin housi uma ba uma. Ha’u hakaas’an nafatin to’o oras ne’e hodi hanourin Judeu no Grego sira atu fila ba Maromak hodi fiar iha Na’i Jesus.

Maibé oras ne’e, tan Espírito haruka ha’u, ha’u a Jerusalém, ho neon sala hodi la hatene sá mak sei mosu mai ha’u iha nebá. Ha’u hatene de’it katak housi cidade ba cidade, Espírito Santo fó hatene ona katak, buat nebé sei mosu mai ha’u mak kadeia no terus. Maibé, ha’u sei la buka ksolok ba ha’u nia moris; ha’u buka de’it atu remata ha’u nia serbisu nebé simu housi Na’i Jesus: fó sasin ba Lia-Foun ho Maromak Nia graça.

Oras ne’e imi haré bá! Ha’u hatene katak imi hotu nebé ha’u liu ona fila-fila iha imi nia leet hodi hanourin Maromak Nia Reino, imi sei la haré tan ona ha’u. Tan ne’e, ha’u hateten tebes ba imi katak houri ohin ba oin, ha’u la iha ona buat ida ho imi kona ba imi ruma be lakon. Basá ha’u hanourin ho laran tomak buat hotu nebé imi sei halo atu bele moris tuir Maromak Nia hakaran”.

Maromak Futar Lia.

 

Salmo Responsorial                                                                                                                          Sal. 67(68). 10-11, 20-21 (R. 33ª)

Refrão : Povo rai-klaran, hananu ba Na’i!!! Repete-se

Ou             Aleluia!

Oh Maromak, Ita haraik ona udan graça nian,

Haraik di’ak ba Ita rain bé susar.

Maromak, Ita família hetan ona hôrik fatin,

Nebé Ita laran luak, hadi’a hela ba kiak sira. Refrão

 

Rahun di’ak ba Na’i, loron ba loron,

Maromak ita Maksoyn hamutuk ho ita.

Ita nia Maromak, Maromak be soi;

Na’i soi ita housi mate. Refrão

 

Aclamação                                                                                                                                                                                           Jo. 14. 16

Refrão : Aleluia, Aleluia!! Repete-se

Ha’u sei harohan ba Aman no Nia sei fó ba imi

Espírito Santo atu hela nafatin ho imi. Refrão

 

Evangelho                                                                                                                                                                                       Jo. 17. 1-11ª

Na’i Jesus Cristo nia Evangelho nu’udar São João haktuir:

Iha tempo nebá, Jesus foti matan ba Lalehan, dehan: “Ha’u Aman, oras to’o ona; hahí Ita oan, atu Ita oan hahí Ita tuir kbiit nebé Ita haraik ba Nia boot liu criatura tomak; hodi Nia, ema hotu nebé Ita tau iha Nia liman sei hetan moris rohan laek, atu ema hatene Ita, Maromak lós, Mesak de’it ho Ida nebé haruka mai, Jesus Cristo. Ha’u hahí Ita iha rai, hodi to’o rohan buat nebé Ita haruka halo”.

“Oras ne’e, Ha’u Aman, hahí fali Ha’u, hamutuk ho Ita ho kbiit ida nebé Ha’u iha uluk ho Ita, molok mundo ne’e mosu mai. Ha’u haklaken Ita naran ba ema nebé Ita haraik mai iha mundo. Sira Ita Nian, maibé Ita fó mai Ha’u; sira halo tuir Ita Nia liafuan. Oras ne’e sira hatene katak buat hotu nebé Ha’u simu, mai housi Ita; tan Ha’u haklaken liafuan nebé Ita fó mai Ha’u. Sira simu ona lia hirak ne’e; sira hatene duni katak Ha’u mai housi Ita; sira fiar mós katak Ita haruka Ha’u mai. Ha’u harohan ba sira; Ha’u la harohan ba mundo, maibé ba sira nebé Ita haraik mai Ha’u, tan sira Ita nian. Buat hotu nebé Ha’u nian, mai housi Ita; buat hotu nebe Ita Nian, Ha’u nian mós; iha buat sira ne’e, Ha’u simu hahí tomak. Maibé sira sei hela iha mundo wainhira Ha’u ba hasouru Ita”.

Lia Maksoyn.

Segunda-Feira, VII Semana da Páscoa (ANO A)

Primeira Leitura                        Act. 19. 1-8

Lia housi livro Apóstolo sira nia hahalok:

Wainhira Apolo hela iha Corinto, Paulo liu housi foho ba to’o Éfeso. Iha ne’e, nia hasouru escolante sira balu hodi husu ba sira: “Imi simu ona Espírito Santo, wainhira imi simu liu tiha fiar?” Sira hatan ba nia: “Ami seida’uk rona hateten katak iha Espírito Santo ida!” Paulo husu fali ba sira: “Ne’e sá, imi simu baptismo ida nebé?” Sira dehan: “Ami simu João nia baptismo”. Paulo dehan teni ba sira: “João fó baptismo penitência nian, hodi hateten ba povo atu fiar iha Ida nebé sei mai dadaun katak, iha Jesus”. Rona liu tiha lia hirak ne’e, ema sira ne’e sarani tiha kedas hodi Na’i Jesus nia naran. Wainhira Paulo tau liman ba sira leten, Espírito Santo tun ba sira; Sira hahu kedas ko’alia lia oi-oin hodi fó sai buat nebé sei mosu iha loron ikus. Sira hamutuk ema na’in sanulu resin rua.

Nune’e Paulo ba sinagoga hodi hanourin sira iha fulan tolu nia laran, hodi hametin iha sira fiar kona ba Maromak Nia Reino.

Maromak Futar Lia.

 

Salmo Responsorial                                                                                                                  Sal. 67(68). 2-3, 4-5ac, 6-7ab (R. 33ª)

Refrao : Povo rai-klaran, hananu ba Na’i!!! Repete-se

Ou             Aleluia!!

Maromak hamriik, funu baluk sira namkari,

Halai sai housi Nia oin, sira hotu be rai kunan ba Nia.

Hanesan ahi suar namkari sai lakon iha kalohan,

Nune’e mós ema áat sira, sei lakon iha Maromak futar oin. Refrao

 

Ema di’ak sira haksolok iha Na’i futar oin,

Haksolok no hananu ho ksolok.

Hananu ba Na’i, hananu ba Nia naran;

Nia naran mak Na’i. Refrao

 

Nu’udar oan kiak sira nia Aman,

No feto faluk sira nia tulun Na’in,

Maromak hôrik iha Nia kadunan santo.

Nia hadi’a uma ida ba ema kiak,

Lori ba liberdade sira be moris nu’udar atan. Refrao

 

Aclamação                                                                                                                                                                                              Col. 3. 1

Refrao : Aleluia, Aleluia!! Repete-se

Imi moris hi’as ona ho Cristo, imi sei tau matan de’it ba

Sasan iha Lalehan iha nebé Cristo tur iha Aman Maromak Nia sorin kuana. Refrao

 

Evangelho                                                                                                                                                                                     Jo. 16. 29-33

Na’i Jesus Cristo nia Evangelho nu’udar São João haktuir:

Iha tempo nebá, escolante sira hasa’e lia ba Jesus, dehan: “oras ne’e, lós duni, ita hateten momós, la ko’alia tan housi aiknanoik. Oras ne’e ami haré katak ita hatene buat hotu, ami ida sei lahusu tan  buat ida ba ita tan ami fiar katak ita mai housi Maromak”. Jesus hatan ba sira: “oras ne’e imi fiar ona? Maibe oras sei to’o ona, imi sei sai namkari ida-idak tuir nia dalan. Imi sei husik Ha’u hela mesak; maibe Ha’u la hela mesak, basá Aman hela ho Ha’u. ha’u hateten lia hirak ne’e ba imi atu imi hetan hakmatek iha Ha’u. iha mundo, imi sei hetan terus ua’in. Maibe aten brani ba! Ha’u manan ona mundo!”

Lia Maksoyn.

ASCENSÃO,…. JESUS ABANDONA & FO PROMESSA MAMUK…?

Ascensão não é despedida, mas uma presença através de sinais.”Nu’udar imi haré Nia sa’e daudaun ba lalehan, Jesus ida ne’e duni mak sei fila fali mai!”.Kreda mak Cristo nia liman-ain, Kreda mak Cristo tomak, Katak, Cristo, Ida be haberan hotu iha ema hot-hotu.

Domingo VII Tempo Páscoa relembra nu’udar Dia mundial da Comunicação. Comunicação significa ação de transmitir uma mensagem e, eventualmente, receber outra mensagem como resposta. Acerta kedas ho solenidade ascenção do Senhor (Jesus Hiit-An sa’e ba lalehan). Jesus fo hela missão ida atu apóstolo sira (ita hotu nu’udar cristão católico) atu transmite mensagem Evangélica além de liu husi oração no liliu hatudi husi lalaok caritativa sira hanesan tulun ema hirak nebé precisa. Igreja no grupo humanitário lobuk ida realiza ona durante época Estado de Emergência (EE). Haré fali tensão política rai laran, falta de comunicação política, halo situação runngu-ranga iha orgão estado maske EE segundo turno sei vigora hela. Evangelho João Capítulo 17 sai hanesan oração sacerdotal Jesus Cristo nian. Oração ida nebé Jesus hamulak hodi saran ba Aman iha Lalehan. Ita lee didiak oração ne’e, hafahe ba parte tolu: 1). Oração refere ba Jesus rasik (Jo 17, 1-5). 2). Hamulak ba Escolante (Apóstolo) sira (Jo 17, 6-19). 3). Hamulak ba ema hotu nebé fiar iha Cristo (17, 20-26). 

Jesus nia oração nu’udar guia de comunicação entre ema ho Maromak. Oração Ami Aman (Pai Nosso) mak oração principal husi Jesus. Oração ne’e halo resumo oinsá ita hahi adora Maromak ao mesmo tempo hatoo ida nia pedido ba Maromak nu’udar Aman ida. Ne’e significa katak iha mundo, ita utiliza telemóvel ho meios comunicação hodi tatoli no simu informação. Iha âmbito religioso, oração mak meio comunicação nebé viável liu hodi facilita processo comunicação ida ne’e. Iha âmbito político, ukun nain sira uza fali facebook hodi trata malu.

Tuir los, Maromak hatene ona saida mak ema precisa maibé, se necessidade ne’e ita la proclama sai, ne’e significa ita la precisa. Tan ba ne’e mak oração sai hanesan meio viável. Jesus nia oração ne’e mós loke ita nia horizonte sobre sentido fundamental husi acto de comunicar (comunicação).

Iha primeira parte, Jesus nia oração molok simu terus, ne’e nu’udar forma ida husi oração universal ba Ninia-An rasik (Jo 17,1-11a):“Pai, é chegada a hora. Glorifica teu Filho, para que teu Filho glorifique a ti (…) Agora eles reconheceram que todas as coisas que me deste procedem de ti. (…) Por eles é que eu rogo. (…) Tudo o que é meu é teu, e tudo o que é teu é meu.

Ita fila ba Ascenção do Senhor (Jesus Hiit-An sa’e ba Lalehan). Humanamente, belun sira, escolante sira, kolega sira, nebé dook husi nia mestre amado, sempre hela ho saudades. Jesus anticipa ona momento ida ne’e hodi hatete katak; Nia ba prepara fatin hodi fila hikas mai lori sira ba fatin nebé Jesus horik ba (Leitura sira semana kotuk). Nia ba maib’e, sei haruka paráclito ida mai hodi fo esperança.Celebração Ascensão do Senhor marcada ho louvor pascal, ho esperança compromisso atu evangeliza.

Ascensão Jesus ba lalehan mak sinal Jesus nia vitória sobre mate (morte), nebé ita sempre celebra iha tempo sira páscoa nian. Ascensão Jesus nian ne’e mós sai nu’udarita nia motivo de louvor no esperança, baapóstolo sira (inclui sarani nobun) horseik no ohin.

Jesus ba maibé, husik hela missão ida ba Ninia escolante sira (Missão de Evangelização). Jesus dehan: “ Kbiit iha lalehan no rai fo tomak mai Ha’u. Ne’e duni, imi ba hanorin Nação hotu-hotu, sarani sira, hodi Aman, hodi oan no Espírito Santo sira naran, no hanorin ba sira hodi halo tuir buat hirak hotu nebé Ha’u haruka. Ha’u hela ho imi nafatin, to’o tempo ikus”. Mensagem ne’e significa katak discípulosira (ita hotu) la bele “ficar parados”, hodi hateke de’it ba lalehan, problema hotu resolvido. Lae!, Jesus nia mensagem ne’e, fo hela serviço ida ba ita hotu nebé sai sarani. Perante Covid19, lalaok Evangelização, ema barak halao ona liu husi apoio humanitário husi grupo oi-oin ba comunidade afeitado sira iha Dili laran. Ne’e mak Evangelização lolos, tuir contexto socio-político ohin loron. Evangeliza mundo tuir óculo realidade ohin loron nian.

Igreja Católica mós halo ona apoio caridade ne’e tuir paróquia sira (Diocese tolu), nu’udar parte ida husi Evangelização. Covid19 muda buat barak iha sociedade. Jesus fo nafatin esperança ba ita hotu nebé tau fiar iha Nia.  Igreja Católica ho grupo voluntário sira evangeliza ona liu husi apoio humanitária sira. Governo mós fo laran metin ba povo ho osan 100 dólares nu’udar parte ida husi Evangelização maske too oras ne’e, promessa ne’e nia data sei malahuk (incerteza) hela.

Papa Francisco refere ba carta São Paulo ba Éfeso hatete: “Somós membros uns dos outros” (Ef 4,25): das comunidades de redes sociais à comunidade humana”.Desta vez, Papa bolu atenção ba ita nia atitude wainhira utiliza Media Social (Facebook). Facebook tuir los sai nu’udar nstrumentos atu ita habelun ho ema barak maibé, na realidade, Facebook sai tiha fatin hodi kari promessa mamuk, halo propaganda, lekar ema nia privacidade, tarata malu, no pior liu tan, político sira mós utiliza media social hodi buka popularidade liu husi promoção ninia partido nebé na realidade so buka kadeira hodi aproveita estado.

Ita reza ba Timor nia unidade, ita reza ba ema nia mudança de mentalidade, ita reza ba político sira nia kaan ten atu sai ema diak ba ema seluk iha sociedade. La bele sai fali paracita ba estado Timor, la bele sai fali oportunista perante Covid19. La bele sai fali político sem princípio hodi hetan cargo estado. Jesus sa’e ba lalehan significa, nia fo fiar ba ita hotu hodi gere moris ne’e ba sociedade ida nebé próspero. Gere estado ba bem comum laos bem partidária, quanto mais bem das famílias.Sejamós testemunhas do Senhor, através da vivência da unidade! Assim Seja e Bem Haja (ignasoliveira2020)