shadow
Diocese de Dili > NOTÍCIAS > Articles by: Departamento Comunicação Diocese Dili

5A SEMANA IHA PÁSCOA

ANO A

 

Primeira Leitura   : Act. 15, 22-31

Lia housi livro Apóstolo sira nia hahalok

Iha loron hirak neba, Apóstolo sira ho katuas sira, hamutuk ho Kreda hotu, hakotu lia atu fihir maun-alin balu hodi haruka sira ba Antioquia hamutuk ho Paulo no Barnabé; Judas, ida be ema hanaran Barsabás no Silas, mesak ema lia na’in de’it iha maun-alin sira leet. Sira haruka lori surat ida ne’e: “Apóstolo sira no katuas sira, imi nia maun-alin sira, ba maun-alin sira nebe mai housi gentio sira leet iha Antioquia, iha Síria no iha Cilícia, ami nia ksolok ua’in! Ami rona katak ema balu housi ne’e ba halo hakfodak imi; halo imi nia laran susar hodi sira nia liafuan, maski ami la fo hatene ba sira. Tan ne’e, ami hakotu lia atu fihir saseluk sira hodi haruka ba imi. Sira sei ba hamutuk ho maluk doben Barnabé ho Paulo. Sira ne’e saran ona sira nia moris ba mate, tan Na’i Jesus Cristo Nia naran. Nune’e, ami haruka Judas ba Silas, atu sira rasik fo hatene ba imi, ami nia hanoin. Espirito Santo ho ami hakotu lia atu la bele fo tan ukunfuan ruma ba imi liu fali sira ne’e: Keta han naan lulik, keta hemu ran no han naan mate no keta halo sala foer. Imi halo tuir ukunfuan hirak ne’e mak di’ak duni. Adeus”.  Halo tiha despedida, saseluk sira sai hodi tun ba Antioquia; hafoin halibur tiha assembleia hodi fo surat ba sira. Uainhira  lê, sira haksolok teb-tebes ho liafuan sira domin nian be hakerek hela iha surat neba.

Maromak Futar Lia.

 

Salmo Responsorial                                                                                                                  57, 8-9. 10-12

Refrão :    Na’i, iha povo sira leet, ha’u hahi Ita! Repete-se

  • Maromak, ha’u laran metin, atu hahi nafatin Ita ho knananuk.

          Hader ha’u klamar! hader harpa no cítara! Ha’u hader iha rai-hun mutin! Refrão

  • Iha povo sira leet, Na’i, ha’u hahi Ita; iha nasaun sira leet, sei rona ha’u knananuk. Ita hakaran sa’e to’o Lalehan, to’o kalohan sira, Ita fidelidade. Refrão

 

Aclamação

Refrão : Aleluia, Aleluia

Na’i lia tun:  “Ha’u bolu imi belun, tan Ha’u dehan ona ba imi lia hotu nebe Ha’u rona housi Ha’u  Aman”.

 

Evangelho :                                                                                                                                      Jo. 15:12-17

+  Na’i Jesus Cristo Nia Evangelho nu’udar São João haktuir

Iha tempo neba, Jesus lia tun ba escolante sira, dehan:  “Ida ne’e mak Ha’u Nia ukunfuan:  Imi sei hadomi malu hanesan Ha’u hadomi imi.  Ema ida la bele hadomi liu ema nebe mate tan nia belun sira.  Imi halo tuir Ha’u haruka, mak imi Ha’u Nia belun tebes. Ha’u la bolu ona imi atan, tan atan sira la hatene sira na’in halo sa. Imi, Ha’u bolu belun, tan Ha’u dehan ona ba imi lia hotu nebe Ha’u rona housi Ha’u Aman.  La’os imi mak fihir Ha’u, maibe, Ha’u mak fihir imi, haruka imi atu ba halo diak barak, atu imi nia hahalok diak horik nafatin. Nune’e, buat hotu nebe imi harohan ba Aman Maromak hodi Ha’u nia naran, Aman Maromak sei haraik ba imi. Ida ne’e mak Ha’u haruka:  Imi sei hadomi malu”.  

Lia Maksoyn.

DOMINGO V DA PÁSCOA

Primeira Leitura          Act. 6, 1-7

Iha loron hirak nebá, ema nebé tuir Jesus sai wa’in tan. Sira nebé mai housi lia Grego sira mumú hasouru ema nebé mai housi lia Aramaico; tan iha knar lor-loron, sira la tau matan ba sira nia feto faluk. Nune’e, Apóstolo na’in sanulu resin rua halibura escolante sira seluk hodi dehan ba sira: “Ita la bele husik hodi haklaken Maroamak futar lia, atu kaer fali knar bain-bain. Imi hili housi imi nia leet ema nain hitu ho moris di’ak; ema ne’e sei iha mos matenek no Espírito Santo nia kmanek atu bele kaer knar sira ne’e. ami sei buka kaer  de’it knar kona ba Maromak futar lia hodi halo oração liu tan.” Lia hirak ne’e, monu lós ba ema tomak nia laran; sira hili Estevão, ema fiar na’in, iha mos Espírito Santo nia kmanek wa’in; sira hili tan: Filipe, Prócoro, Nicanor, Tímon, Pármenas ho Nicolau, sarani foun housi Antoiquia. Sira hodi ema sira ne’e ba hatudu ba Apóstolo sira; Apóstolo sira harohan hodi tau liman ba sira. Maromak nia lia-fuan da’et ba nafatin: iha Jerusalém ema sarani wa’in liu tan; ema sacerdote wa’in mos halo tuir fiar.

Maromak Futar Lia.

 

Salmo Responsorial                                                                                               Sal. 32(33), 1-2. 4-5. 18-19

Refrão: Na’i, ami hein Ita nia laran luak. Repete-se

Ou       Aleluia. Repete-se

Ema santo haklaken Maromak,

tan sarani tomak sei hahí Nia.

Fo agradece ba Na’i,

hananu ho harpa no cítara. Refrão

 

Na’i nia lia-fua lós tebes,

housi lialós moris Nia sasán;

Na’i hadomi justiça no dalan lós;

Na’I nia domin naburas iha Na’i. Refrão

 

Na’i tau matan ba sarani sira,

ba sira nebé hein Nia,

atu hasai sira housi mate,

hodi fo moris iha susar laran. Refrão

 

Segunda Leitura                                                                                                                              1 Pe. 2, 4-9

Lia housi São Pedro nia surat

Doben sira: hakbesik-an ba Na’i. Nia, fatuk moris nebé ita hewai; maibe iha Maromak nia oin, fatuk kmook teb-tebes. Imi mos hanesan fatuk moris, imi sei nakfilak-an, hanesan uma santo ida nebé ema harí, ba na’ilulik santo, atu hasa’e sacrifício klamar nian nebé haksolok Maromak tan Jesus Cristo. Tan ne’e, lê iha Escritura: “Ha’u sei tauk fatuk inan ida iha Sião, di’ak duni, kmook tebes. Ida nebé fiar nia sei la hetan susar.” Rahun diak ba imi nebé fiar, “fatuk ida nebé badáen sira hewai, nakfilak tiha ba fatuk-inan, fatuk nebé ema sidi, fatuk nebé halo monu.” Sira sidi, tan la fiar Evangelho Nia lia-fuan nebé haklaken ba sira. Maybe, imi ema di’ak, na’ilulik liurai, nação santa, povo nebé Maromak hili ba Nia. Nune’e; imi sei haklaken Maromak nia kmanek; Maromak nebé bolu imi housi nakukun ba roman nabilan nia laran.

Maromak Futal Lia.

 

Aclamção                                                                                                                                         Jo. 14, 5 

Refrão : Aleluia! Repete-se

Na’i, ko’alia: “Ha’u ne’e dalan, lialós no moris hun;

ema ida la liu karik housi Ha’u, la bele ba Aman Maromak. Refrão

 

Evangelho                                                                                                                                             Jo. 14, 1-12

Nai Jesus Cristo nia Evangelho nu’udar São João haktuir

Iha tempo nebá, Jesus hateten ba Escolante sira: “Imi neon keta susar. Imi fiar Maromak, sei fiar mos Ha’u. Iha Ha’u Aman nia Uman, fatin wa’in. La hanesan ne’e karik, Ha’us sei la hateten ba imi, katak Ha’u ba hadia fatin ba imi. Wainhira Ha’u ba hadia fatin ba imi, Ha’u sei fila hikas mai, lori imi ba hamutuk ho Ha’u; nune’e iha nebé Ha’u hela ba, imi mos hela iha nebá. Tomé dehan ba Jesus: “Na’i, ami la hatene ita ba nebé, oinsa ami bele hatene dalan?” Jesus simu ba nia: “Ha’u mak dalan, lialós no moris hun. Ema ida la liu karik housi Ha’u, labele ba aman Maromak.” Imi hatene Ha’u karik, imi sei hatene mos Ha’u aman. Oras ne’e imi hatene ona, imi haré ona Nia.” Filipe dehan ba Jesus: “Na’i, hatudu Aman Maromak mai ami; ne’e de’it to’o ona.” Jesus simu ba nia: “Ha’u hela kleur ona ho imi, imi seidauk hatene Ha’u, Filipe? Ema nebé haré Ha’u, haré Ha’u Aman. Tansá ó dehan: Hatudu Aman Maromak mai ami? Ó la fiar katak Ha’u hela ho Aman Maromak; aman Maromak hela ho Ha’u? lia hirak nebé Ha’u dehan ba imi, Ha’u la dehan hodi Ha’u-An rasik; Ha’u Aman nebé hela ho Ha’u, Nia mak halo sasan hirak ne’e. Fiar Ha’u: Ha’u hela ho Aman Maromak, Aman Maromak hela ho Ha’u , buka fiar netik tan hahalok hirak ne’e. Tebes, Ha’u dehan lialós ba imi: ema nebé fiar Ha’u, sei halo mos buat hirak nebé Ha’u halo; nia sei halo boot liu tan hirak ne’e, tan Ha’u ba Aman Maromak.”

Lia Maksoyn.

5A SEMANA IHA PÁSCOA

ANO A

Primeira Leitura          Act. 15, 22-31

 

Lia housi livro Apóstolo sira nia hahalok

Iha loron hirak neba, Apóstolo sira ho katuas sira, hamutuk ho Kreda hotu, hakotu lia atu fihir maun-alin balu hodi haruka sira ba Antioquia hamutuk ho Paulo no Barnabé; Judas, ida be ema hanaran Barsabás no Silas, mesak ema lia na’in de’it iha maun-alin sira leet. Sira haruka lori surat ida ne’e: “Apóstolo sira no katuas sira, imi nia maun-alin sira, ba maun-alin sira nebe mai housi gentio sira leet iha Antioquia, iha Síria no iha Cilícia, ami nia ksolok ua’in! Ami rona katak ema balu housi ne’e ba halo hakfodak imi; halo imi nia laran susar hodi sira nia liafuan, maski ami la fo hatene ba sira. Tan ne’e, ami hakotu lia atu fihir saseluk sira hodi haruka ba imi. Sira sei ba hamutuk ho maluk doben Barnabé ho Paulo. Sira ne’e saran ona sira nia moris ba mate, tan Na’i Jesus Cristo Nia naran. Nune’e, ami haruka Judas ba Silas, atu sira rasik fo hatene ba imi, ami nia hanoin. Espirito Santo ho ami hakotu lia atu la bele fo tan ukunfuan ruma ba imi liu fali sira ne’e: Keta han naan lulik, keta hemu ran no han naan mate no keta halo sala foer. Imi halo tuir ukunfuan hirak ne’e mak di’ak duni. Adeus”.  Halo tiha despedida, saseluk sira sai hodi tun ba Antioquia; hafoin halibur tiha assembleia hodi fo surat ba sira. Uainhira  lê, sira haksolok teb-tebes ho liafuan sira domin nian be hakerek hela iha surat neba.

Maromak Futar Lia.

 

Salmo Responsorial                                                                                                                  57, 8-9. 10-12

Refrão :    Na’i, iha povo sira leet, ha’u hahi Ita! Repete-se

  • Maromak, ha’u laran metin, atu hahi nafatin Ita ho knananuk.

           Hader ha’u klamar! hader harpa no cítara! Ha’u hader iha rai-hun mutin! Refrão

  • Iha povo sira leet, Na’i, ha’u hahi Ita; iha nasaun sira leet, sei rona ha’u knananuk. Ita hakaran sa’e to’o Lalehan, to’o kalohan sira, Ita fidelidade. Refrão

 

Aclamação

Refrão: Aleluia, Aleluia

Na’i lia tun:  “Ha’u bolu imi belun, tan Ha’u dehan ona ba imi lia hotu nebe Ha’u rona housi Ha’u  Aman”.

 

Evangelho :                                                                                                                                       Jo. 15:12-17

+  Na’i Jesus Cristo Nia Evangelho nu’udar São João haktuir

Iha tempo neba, Jesus lia tun ba escolante sira, dehan:  “Ida ne’e mak Ha’u Nia ukunfuan:  Imi sei hadomi malu hanesan Ha’u hadomi imi.  Ema ida la bele hadomi liu ema nebe mate tan nia belun sira.  Imi halo tuir Ha’u haruka, mak imi Ha’u Nia belun tebes. Ha’u la bolu ona imi atan, tan atan sira la hatene sira na’in halo sa. Imi, Ha’u bolu belun, tan Ha’u dehan ona ba imi lia hotu nebe Ha’u rona housi Ha’u Aman.  La’os imi mak fihir Ha’u, maibe, Ha’u mak fihir imi, haruka imi atu ba halo diak barak, atu imi nia hahalok diak horik nafatin. Nune’e, buat hotu nebe imi harohan ba Aman Maromak hodi Ha’u nia naran, Aman Maromak sei haraik ba imi. Ida ne’e mak Ha’u haruka:  Imi sei hadomi malu”.  

Lia Maksoyn.

5A SEMANA IHA PÁSCOA

ANO A

Primeira Leitura          Act. 15, 7-21

Lia housi livro Apóstolo sira nia hahalok

Iha loron hirak neba, iha rungu-ranga boot iha maun-alin sira Jerusalém nia leet, kona ba bele eh la’e fo circuncisão ba sarani foun sira, hodi haruka sira atu tuir Moisés nia lei.  Nune’e, Pedro hamriik hodi dehan ba sira:  “Ha’u Maun-alin sira, houri loron uluk liu kedas, Maromak fihir ha’u iha imi nia leet, atu gentio sira rona housi ha’u ibun Lia-Foun hodi simu fiar. Maromak nebe hatene ema nia laran, fo sasin kona ba sira, uainhira haraik Espirito Santo ba sira nu’udar ba ita.  Ita ho sira, iha Maromak futar oin, hotu hanesan, basa Nia hamos ita tomak nia fuan housi fiar ida de’it. Tansa, oras ne’e, imi hakarak babeur Maromak hodi tau serbisu ida todan teb-tebes iha escolante sira kbas, nebe ami bei-ala sira no mos ami hirak ne’e daudaun la barani hasan. Oin seluk, hodi Na’i Jesus Cristo Nia tulun mak ita hetan fiar no maksoin hanesan mos sira be sarani foun”.  Ema tomak assembleia nian, hot-hotu nonok. Tuir mai, hahu rona Barnabé no Paulo nebe haktuir hahalok no milagre sira be Maromak hala’o iha gentio sira leet housi sira. Hotu tiha, Tiago hasa’e lia dehan:  “Maun-alin sira, imi rona mai! Simão haktuir, oinsa Maromak, houri uluk, haraik-An mai hodi hili iha gentio sira leet, povo ida ba Nia rasik. Hodi ne’e, tuir lolos ona profeta sira nia liafuan nebe hakerek nanis:  ‘Liu tiha ne’e, Ha’u sei fila fali mai, sei hari fali David nia uma nebe monu tiha ona. Ha’u sei hadi’a fali nia naksobu sira; Hau sei hari hikas fali nia, atu ema hotu nebe hela buka Na’i no nasaun sira fo-an tomak ba Ha’u naran’.  Nune’e mak Na’i lia tun houri uluk liu, hodi fo hatene buat oi-oin”. Ne’e duni, ha’u mos halo tuir hanoin nebe katak lalika fo circuncisão ba gentio sira nebe simu ona fiar housi Maromak. Hakerek ba sira atu sira keta han aihan no naan be hasa’e ba lulik, keta hemu ran, keta han naan mate no keta halo sala fo’er. Basa, housi kedas tempo uluk, Moisés tau nia haklaken-na’in sira Iha cidade ida-idak atu lê buat hirak nebe nia hakerek iha sinagoga sira iha loron sábado-sábado”.

Maromak Futar Lia.

 

Salmo Responsorial     96, 1-2a.2b-3. 10

Refrão : Haklaken ba povo hotu Na’i Nia kmanek. Repete-se

  • Hananu ba Na’i knananuk foun ida, hananu ba Na’i, rai-klaran tomak.

          Hananu ba Na’i, hawelok Nia naran. Refrão

  • Haklaken loron ba loron Nia maksoin; haklaken Nia gloria ba reino tomak,

          no ba povo hot-hotu, Ninia kmanek. Refrão

  • Haklaken ba povo hot-hotu: ‘Na’i mak Liurai’ Nia hari mundo metin,

           sei la nakdoko, Na’i ukun povo hotu ho justisa. Refrão

 

Aclamação

Ref : Aleluia, Aleluia

Na’i lia tun: “Ha’u Nia bibi sira rona Ha’u lian, Ha’u hatene sira, sira mai tuir Ha’u”.

 

Evangelho :                                                                                                                                        Jo. 15:9-11

+  Na’i Jesus Cristo Nia Evangelho nu’udar São João haktuir

Iha tempo neba, Jesus lia tun ba escolante sira, dehan:  “Nu’udar Ha’u Aman Maromak hadomi Ha’u, nune’e mos Ha’u hadomi imi. Imi hadomi nafatin Ha’u ba. Imi halo tuir Ha’u Nia ukunfuan sira mak imi bele hadomi nafatin Ha’u; Ha’u mos halo tuir Aman Maromak Nia ukunfuan, Ha’u hadomi Nia nafatin. Ha’u dehan sai ba imi lia hirak ne’e, atu imi bele haksolok ho Ha’u atu imi nia ksolok sai boot to’o rohan”.

Lia Maksoyn.

”HO MARIA PEREGRINO IHA ESPERANÇA, HO MARIA PEREGRINO IHA PAZ.”

DCDD –loron 13 Fulan Maio tinan tinan, Cerda Universal comemora festa aparição Nossa Senhora de Fátima ba labarik oan nain 3: Francisco, Jacinto no Lúcia. Iha tinan ida nee Creda Universal comemora ona Centenario Aprição iha Fátima. Além ne’e Creda Local Timor Leste nia mos sarani tomak liburan iha Largo Nossa Senhora da Conceição Lecidere Dili hodi comemora mos aniversário nee. Iha comemoração nee preside housi Bispo de Dili Dom Virgilio do Carmo da Silva, acompanha mos ho presença housi Encaregado Vaticano nian iha Timor Leste, Padres, Madres Seminaristas no sarani tomak. Iha biban importante nee, Dom Virgilio hateten: Ita hotu nebe ohin haliburan iha nain Feto nia oin, ita mai ho centimento ida, mai ho preucupação ida. sê ita loron hirak ne’e hare karik reportagem RTP nian no ita hare oinsa ema rihun nebé lao ain Cilómetros halo perigrinação ba Fátima la sura kole, la hare ba distância, sira la’o tamba razão ida, tamba causa ida ho sira nia motto perigrinação nebe dehan: ”ho Maria perigrino iha esperança, ho Maria peregrino iha paz.” Nune’e mos sira la moe atu conta buat diak oin-oin, graça oin-oin nebé sira hetan liu housi interseção ita nain Feto Fátima ninian.

Dom Virgilio haktuir mos katak: Ita mos koko ona Inan lalehan nia diak.  Iha funu, iha situação defícil nia laran família hirak nune’e mos ema nain hirak mak halai ba buka tulun husi Inan ida ne’e, sê mak iha ita nia leet la hatene Nain Feto, sê mak iha ita nia leet wainhira iha susar laran la halai ba Inan nia tulun! Ita ida-idak iha ita nia história atu conta, povo Timor, sarani Diocese Dili, família sira, liu-liu ita nia família nain 40 nebé ohin iha ne’e par 25 nebé atu renova sira nia fidelidade 25 anos de Matrimónio e ba sira nebé mos ba 50 anos ninian hamutuk ho ita nia Presidente da República nune’e mos ho Primeiro Ministro ita reconhece no consiente ho Inan ida ne’e nia papel iha ita nia knar, iha ita nia moris, iha ita nia família, iha ita nia nação, iha ita nia história nudar povo no rai ida nebé uluk kedas consagra tiha ona ba Inan ne’e nia tulun no ita hanaran ita nia-an Timor Terra de Santa Maria, ne’e duni povo no rai ne’e la iha razão atu la hatene nain Feto.

Dom Virgilio hateten: Ohin hamutuk ho Creda Universal, hamutuk ho Santo Padre no sarani tokon ba tokon hamrik iha Santuário Fátima nebé celebra Centenário Aparição Fátima nian, nune’e mos Canoniza Pastorinho sira ita hakarak hatete ba Nain Feto Obrigado! obrigado tamba domin nebé la conhece fronteira, tinan atus ida liu ba iha Fátima liu husi nia aparição halo ema sente Maromak nia presença besik no Maromak moris duni iha sira let. Ho aparição Fátima halo ita sente duni Inan ida ne’e, ne’ebe loron kalan lao nafatin ho ita iha ita nia ksolok no terus. São Bernardo dehan: ”Nain Feto ami la kolen atu buka Ita basá too oras ne’e, ami sidauk rona katak Ita fila kotuk ba ema nebé buka Ita nia tulun.”

Dom Virgilio reforsa tan : iha aparição lori sinal nebé kona los ema nia fuan, acontecimento nebé halo ema hakfodak, laos deit ba sira nebé fiar, maibe ba mos sira nebé fiar laek. Acontecimento nebé laos contrário ho ita nia fiar lori duni mensagem nebe Jesus haklaken, haklaken duni Maromak nia domin bolu ita ba Conversão, bolu ita atu halo penitência ho Maria Peregrino iha Esperança, Peregrino iha Paz, tamba esperança ho paz ne’e mak ita ohin mai hamutuk iha ne’e, hanesan uluk nune’e mos ohin nain feto mos bele husu mai hau, bele husu mai ita ida-idak, oinsa mak hau hanoin kona ba Nain Feto Maria nia domin mai hau nudar Inan ida, maibe hau koko nafatin atu hadok an husi Cruz! nune’e mos oinsa hau hakarak atu sai Maria nia oan sê hau la hakasan atu sai uluk nanain dicípulo nebé Jesus hadomi, ho ida ne’e ita bele dehan Jesus bele saran nia Inan ba hirak nebé la fiar iha Nia ka lae!

Dom Virgilio haktuir tan: Papa Paulo VI wainhira koalia kona ba devoção ba Maria nia dehan; ita nia devoção ba Maria tenki caracterisa ho atitude haat ne’e: hatene Maria, hadomi Maria, Imita Maria no habelar Maria. La too deit hatene no hadomi, hatene hadomi imita no habelar devoção ida ne’e. Maria nia fidelidade extraordinário duni no ida ne’e mak ita hatene, admira, ita imita no ita hadaet.Tan nee, mensagem Fátima nian comvida ita atu fila fali ba Maromak. Liafuan nebé ita rona bebeik comversão, dalabarak ita moris liu iha moris liu husi influênsia oi-oin mai husi laran nune’e mos husi liur halo ita nia fiar ba valor no princípio moris nian nakdoko, iha sociedade nebé tendência isin nian makas, dalabarak halo ita lakon tiha valor sira fiar nain, valor sira verdade, justiça no domin nian, dalaruma mos tendência isin nian obriga mos ita atu fan ita nia fiar, fan ita nia valor, fan ita nia Cultura, ita nia lisan hirak nebé sai tiha ona ita nia identidade.

Dom Virgilio mos apela mos katak sarani ida tenki matan moris neon nain nafatin ho Influência sira hotu nebé mai fo hanoin nebé furak maibe falun veneno ruma iha laran atu estraga ita nia cultura, ita nia lisan, ita nia identidade no família. tan ne’e fila fali ba Maromak, fila fali ba ita nia-an no ita nia família.

Relaciona ho loron mundial família nian Bispo hateten: ohin ita hanoin mos loron mundial família nian, tan ne’e par hatnulu husi Paróquia sira Dili laran hakarak atu agradece ba Maromak liu housi interseção Nain Feto nian inspira nafatin sira atu fiar malu maski iha dificuldade oi-oin. Família sira nebé completa ona sira nia tinan limanulu (50) nune’e mos tinan ruanulu resin lima (25) nudar kaben nain, momento ida atu hato’o ita nia parabens ba sira, se ita husu karik ba sira saida mak chave ba ita boot sira nia perseverança, saida mak chave ba ita boot sira nia fidelidade?  Maibe hau fiar sira hotu iha ne’e hau fiar hanesan Nain Feto iha Cruz hun sira mos atu aprende housi Nain Feto atu hatene rona, obidece no hatene hadomi. Oração ba ita sarani mak sai hanesan fundamento no hametin nafatin relação família nian hanesan ita nia Amo Papa dehan: oração mak haboot ema nia fuan, oração prepara ema nia fuan atu simu malu no atu simu Maromak, maibe sê ita la reza ita nia fuan toos ba malu oinsa mak ita bele hamnasa ba malu, maibe se wainhira mak ita nia fuan ne’e toos ba malu ita aprende mak husu Maromak atu hamamar uluk ita nia fuan atu ita bele halo diálogo.

Ita harohan liu husi Nain Feto Fátima atu bele haboot ita nia fuan, prepara ita nia fuan ba buat diak hotu nebé Maromak sei haraik mai ita, wainhira ita nia fuan sira loke duni ba esperança, loke duni ba paz, ida ne’e mak sinal as liu agradecimento nian la too obrigado deit, maibe ita nia sinal concreto ruma ita tenki renova hamutuk iha Nain Feto nia oin buat hotu bele wainhira ita hare Maromak nia hakarak nudar ordem laos opção sê Maromak nia hakarak, Maromak nia liafuan mak ita tau hanesan opção ida nee sei sai obstáculo, maibe nudar sarani mai ita kaer metin ba Amo Papa nia liafuan no ita hamutuk Nain Feto ita hafoun ita nia desejo atu harohan buka Maromak nia tulun liu housi harohan Na’i Maromak bele loke nafatin ita nia fuan no ita nia laran atu ita bele hari nafatin Timor foun ida mundo foun ida família foun ida iha Centenário ita Nain Feto nian.(C/a)

Foinsa’e Barak La Conhece Ona História Hahu Páscoa Jovem

DCDD – lia hirak nee Pe. Juvito Rego declara ba Peregrino Páscoa Jovem sira iha Salão Seminário Menor Nossa Senhora de Fátima Balide. Iha Comferência nee Pe. Juvito hateten: Hau Hanoin foinsa’e sira barak mak la conhece ona história hahu Páscoa Jovem nee. Páscoa Jovem hahu ho Livro oan ida nebe São Paulo II mak hakerek iha 1985 iha Ano Internacional de Juventude. Iha livro ne’e nia hakerek surat ba Foin sa’e sira tanba iha livro nee nia laran iha mensagem ida ita bele dehan mensagem rohan laek tamba hodi housi Evangelho Jesus nia diálogo ho foin sa’e ida nebe rico barak, Amo Papa foti  ida ne’e  tau ba ita hanesan modelo.

Pe. Juvito hateten: Páscoa Jovem hahu iha Catedral Dili iha momento neba ne’e  festa boot Pe. Mateus mak iha momento ne’e orienta Jovem iha Diocese Dili. Iha momento nee iha Diocese Dili deit, Baucau sei laiha, Malianan laiha so Diocese Dili mesak. Jovem sira hot-hotu housi Paróquia iha Timor laran tomak mai participa iha Páscoa Jovem. Páscoa Jovem ida ne’e hahu cruz ida nebe oras ne’e sai tiha ona Crus Jovem e Cruz ida ne’e desde 1985 ne’e kada tinan ba Paróquia ida ba Paróquia ida haleu to’o iha 1999 nia para iha Oe-cusse no iha Oe-Cusse labele halao tamba runguranga. Iha 2000 ami ba lori fali mai tau iha Catedral, depois passa fali ba Diocese Baucau hafoin mai fila fali Dili. Mai iha 2003 sira ne’e hau ba tiha Roma iha 2005 ne’e hau la rona tan Páscoa Jovem ona. Depois de Pe. Adérito sai Presidente Comissão Juventude nian e nia remata nia knar nia entrega tiha no nia ba tiha Portugal. Tan ne’e nunca mais hetan Páscoa Jovem. Hafoin começa mosu fali Cruz Jovem ida ne’e tamba Diocese 3 fahe ba Páscoa Jovem no Páscoa Jovem sai tiha ba Cruz Jovem, no Cruz Jovem ida ne’e mai kait fali ho 500 anos nian, Cruz ida ne’e lao tan fali ho Nain feto sai tiha Terra de Santa Cruz.

Pe. Juvito haktuir tan: maibe uluk quando Páscoa Jovem ne’e halao tinan-tinan iha Quarto Domingo da Páscoa, Jovem sira housi Paróquias mai halibur hamutuk iha Paráquia ida ne’ebe Cruz ne’e ba durante tinan ida nia laran. Agora Cruz ne’e passa tiha ba Cruz Jovem. Páscoa Jovem lakon tiha durante tinan lubuk ida. Tamba nee iniciativa husi atan hau hare katak Cruz Jovem tinan tolu tama iha Diocese dala ida, Nia ba iha Paróquia ida Paróquia ne’e mesak mak celebra deit, ema hotu-hotu la celebra, tinan kotuk iha Laklubar ami ba iha neba no ema hotu-hotu ba maibe ema la sente katak saida mak ida ne’e? Tan nee, Páscoa Jovem ne’e halo atu Paróquia sira iha Diocese Dili nian ne’e bele involve nafatin Jovem sira.

Pe. Juvito sublinha tan: Koalia kona ba Páscoa ne’e momento rohan laek ida nebé jovem sira precisa comemora nafatin ba nafatin no imi keta haluha katak imi nia juventude ne’e liu lalais deit, uluk hau mos hanesan ho imi no agora hau bestua ona. Páscoa Jovem hakarak halo moris fali atu fo hanoin ba foin sae sira katak Cruz ne’e sinal de redenção ninian, sinal ida nebé liu housi nia Jesus sosa ita hotu ho nia ran. Páscoa ne’e ita precisa celebra, Judeu sira celebra wainhira sira tinan-tinan sira hanoin kona ba Maromak lori sira sai housi Egipto, husi escravidão atan nian ba rai ida nebé Maromak promete ba sira. Tan nee ita mos hakarak celebra katak iha Páscoa mak ita nia folin ne’e Jesus hola kotu. Páscoa Jovem hau hakarak foti fali liafuan nebé Amo Papa loke livru ida ne’ene nia foti husi Primeira carta São Pedro nian (3, 15) nia dehan ”Estais sempre prontos para dar respostas vitoriosa a todo aquele e vós perguntar cerca da esperança que anima”

Hatene Maria, Hadomi Maria, Imita Maria, Difuza Maria

DCDD – Loron 13 fulan Maio 2017, liburan hamutuk iha Salão Seminário Menor Balide Dili Peregrino Páscoa Jovem hodi participa Comferência nebé apresenta housi Dom Virgilio do Carmo da Silva Bispo de Dili ho nia Tópico ”MARIALOGIA”. Iha Comferência ne’e Dom Virgilio hateten: Ohin hau hakarak koalia buat ruma kona ba ita Nain Feto. Iha fulan ida ne’e ita hatene katak fulan Nain Feto nian, iha imi nia tema ba encontro ne’e mak “Peregrino Páscoa Jovem”, maibe imi mos keta haluhan katak iha Fátima mos ohin ne’e festa bo’ot, sira mos iha tema ida dehan “Ho Maria Peregrino iha esperanca ho Maria peregrino iha paz”. então ida ne’e mak tema ás liu nebé comissão organizadora nebé realiza iha rai Fátima nebá, iha nebé halibur ema tokon ba tokon ho tópico ida ne’e.

Dom Virgilio hateten: Hau hakarak simplifica deit buat ida be dehan Marialogia ne’e kona ba ita nia devoção ba ita Nain Feto. Ne’e duni atu bele hakiak saida mak ita bele dehan característica devoção ida! Wainhira ita koalia kona ba devoção ba Nain Feto ne’e katak ita nia domin ba Inan ida nebé ita reza, ita venera, ita husu Nia tulun, ita buka atu banati tuir Nia, tan ne’e sira dehan iha carabterística (4) nebé tenki hanoin bainhira koalia kona ba devoção ba Nain Feto: ”Hatene Maria, Hadomi Maria, Imita Maria, habelar ”Difuza” Maria nia naran”,

Dom Virgilio esplica: Hatene Maria: katak atu aproxima ba Evangelho. Evangelho rua nebé koalia makas kona ba Maria mak São Lucas ho São João nian. Sira apresenta Nain Feto nudar feto ida nebé laos feto baibain, maibe feto nebé iha fiar. Laos feto fiar deit, feto ida nudar Maromak nia Oan nia Inan. Maria nudar educador da fé. Educador tamba Nia mos educadora hahu kedas ho Jesus tuir mai discípulo sira.

Hadomi Maria: uluk nanain tenki hatene. Ita labele hadomi buat nebé ita la hatene. Wainhira ita hatene diak liu ema ida, ita sei hadomi nia, no waihira ita hadomi tebes nia, ita mos sei hatene diak liu nia. Hare ida ne’e ita Nain Feto rasik, sê ita hakarak atu hadomi Nia, ita mos tenki buka hatene oituan kona ba sê mak Maria, saida mak Maria ida ne’e halo iha ita nia moris nudar sarani ida.

Imita Maria: atu hatene Jesus nia Inan, ita tenki hadomi Nia nudar consequência ita tenki buka imiti tuir Nia. Ne’e duni, simu no buka Maromak nia hakarak iha ita nia moris.

Habelar Maria: dalaruma ita hatene, ita hadomi, ita imita, maibe ita la defuza, ita la habelar, maibe ita mos, sarani ida-idak, jovem ida-idak hanesan imi nia tema hakerek iha ne’e dehan “Jovem apostulo ba jovem” katak joven ida-idak mos iha responsabilidade ida ne’e atu habelar.

tamba hau hare iha imi nia leet barak tara tersu bobot, balu tara cruz bobot balu medalia bobot maski reza tersu lahatene mos tara, ne’e uluk nanain dehan ita mos habelar ita Nain Feto, ita la koalia maibe ita habelar, ita habelar husi ita nia hahalok. Tan ne’e, ema dehan ohin loron ne’e laos ho buat nebé ema koalia mak ema fiar makas liu, maibe ema rona no ema hare. Wainhira ema hare foinsae sira reza tersu, foinsae sira ba Creda, foinsae sira tulun inan aman, sira obedece, ida ne’e dalan ida habelar.(C/a)

Pe. Juvito Rego : Jovem Mak Alicerce Creda no Nação Nian

DCDD – Pe. Juvito Rego declara mensagem hirak nee wainhira preside missa abertura ba Peregrinos Páscoa Jovem nian iha Paróquia Imaculada Conceição Balide Dili Sexta Feira dader (12/05/2017), horas 08:00 dader. Ba Peregrino Páscoa Jovem Pe. Juvito iha nia mensagem hateten: Jovem precisa halo morin ohin ida ne’e iha nia-an, hau mak Creda ohin, hau mak nação ohin, hau mak futuro ohin, hau mak família ohin, hau mak Jovem ohin no hau mak ema Timor ohin.

Pe. Juvito hateten: Tinan ida ne’e ita mai hamutuk iha fatin ne’e, tuir lolos tinan-tinan ita halibur iha Quarto Domingo de Páscoa, Domingo de Bom Pastor, maski Páscoa Jovem ne’e mate ona, maibe mosu fali Cruz Jovem nebé Diocese Dili no Amo Bispo hakarak hamoris fali Páscoa Jovem atu Paróquia hotu-hotu bele involve nia-an, tinan-tinan lori Jovem sira mai hafoun fali sira nia esperança iha Jesus Cristo. Ita hamoris fali ida ne’e katak tinan oin mai ita sei celebra fali iha Quarto Domingo, Domingo liu tiha Domingo do Bom Pastor ”Bibi atan diak ninian”, maibe tinan ida ne’e tamba monu ho Centenário Nossa Senhora mosu iha Fátima ba labarik oan nain tolu, iha Timor ita comvive, ita moris hamutuk, ita halo Fátima sai ita nia fuan no ita nia Santuário. Iha fatin barak ema liga liu ba iha Lurdes, ema liga ba iha mezogordes maibe iha Timor liga barak liu ba iha Fátima tamba Português barak liu mak lori mai iha ne’e iha 1916 liu ba nain Feto mosu.

Pe. Juvito haktuir tan: Eucaristia mak centro moris esperança hotu-hotu nian. Jovem nebé mak la participa iha Eucaristia, jovem ne’e mate tiha ona tamba nia esperança la hetan. iha Jesus Cristo deit mak lor-loron o participa iha eucaristia o hafoun fali o nia esperança katak nia moris. Iha biban nee Pe. Juvito mos apela ba foinsae sira hotu tanto feto eh mane oinsa buka atu jovem nebe presente no ba futuro, labele moris hanesan ema horseik no horbainrua nian maibe moris hanesan ohin no ba nafatin.

Pe. João Soares Inicialmente halao abertura Páscoa Jovem

DCDD – Quinta-feira (11/05/2017) horas 12:00 too 06:00 Otl, liburan hamutuk Comissão Organizadora ba Páscoa Jovem iha UNICA Balide Dili ho objectivo hodi hahu simu Peregrino sira mai hosu Vigararia 3: (Dili, Ermera no Same), Instituto Superior sira nebe localiza iha Capital Dili, Escola Secundária tanto Católica no mos Escola Pública iha Capital Dili hodi halo registração ba Peregrino nebe representa Paróquias Vigararia 3, Institutoa, Escolas nebe mak sei participa iha Páscoa Jovem no

Comemoração Centenário Aparição Nossa Senhora iha rai Fátima nebe realiza iha Diocese Dili UNICA Balide Dili. Hafoin remata tiha registração ba Peregrino sira, iha tuku 08:00 Otl kalan, Presidente Departamento Juventude Católica Diocese de Dili Padre João Soares inicialmente halao kedan abertura ba Páscoa Jovem no comemoração Centenário Aparição Nossa Senhora iha rai Fátima Portugal. Iha biban nee, Padre João hateten:

Hodi Amo Bispo Diocese Dili nia naran hakarak hato’o uluk nanain agradece ba amo Pároco sira, ba Magnífico Reitores sira, Directores das Escolas, liu-liu ba belun foinsae feto no mane sira hotu nebe mak ohin kalan iha ne’e hodi participa Páscoa Jovem nebe ho nia tema: (Jovem Apóstolo ba Jovem). Além nee mos ita celebra Centenário aparição nain Feto Fátima, tamba distância no problema economia ita labele hola ba parte iha Portugal, maibe ita considera deit Balide hanesan Portugal oan ida.

Pe. João Soares haktuir tan: Ita nia objetivo final mak ida ne’e Primeiro ita hatene katak milagre bad ala uluk liu nebé Jesus hatudu hanesan Maromak Oan iha festa Casamento iha Canaan nebe hetan mos comnvite Nain Feto ho Jesus no mos escolante sira. Iha mos sensibilidade (Kepekaan) Nain Feto nian wainhira festa nain preucupa tamba tua laiha ona, Nain Feto dehan ba Jesus Katak tua laiha ona! Maibe Jesus dehan ba Nia Inan katak ita mos ema convidado, maibe Nain Feto nia interveção nee plano salvação ema tomak nian nee importante lós. Tamba ne’e ita hein katak iha loron hirak ne’e nia laran Páscoa Jovem nian no ita koalia kona ba Páscoa Jovem automaticamente Cruz Jovem iha laran no labele temi Cruz quando laiha Páscoa. Ne’e duni hein katak Centenário no Páscoa Jovem nebe ita celebra dadaun ne’e  ho Nain Feto nia tulun jovem sira hotu iha Diocese Dili nia laran bele simu Cruz loron-loron nian continua bele participa nafatin iha Páscoa Jesus Cristo nian.

Actividade hirak ne’e hetan suporta ativa lós housi Madre FMA, sira hamutuk ho comissão Organizadora ba evento refere.

HANAI BA KNAAR, DIREITO NO LIBERDADE FETO

  • SITUAÇÃO SÓCIO-POLÍTICO-CULTURAL LADAUK FO FATIN LUAN BA KNAAR, DIREITO NO LIBERDADE FETO NIAN;
  • APOIO BÁSICO BA FETO NIA LUTA.

Husi : Domingos de Deus Maia

(+67077762489)

 

SITUAÇÃO SÓCIO-POLÍTICO-CULTURAL LADAUK FO FATIN LUAN BA

KNAAR, DIREITO NO LIBERDADE FETO NIAN

          Contexto reál sócio-político-cutlural housi rai-liur, nune’e mos, housi rai-laran, mak sai sasukat ida hodi tetu (determina), iha loron ruma,  wanhira contexto ne’e duni nakloke ona ba mundo, hodi reflecte sá maka prinsípio universál sira kona-ba luta atu defende knaar, direito no liberdade feto nian.

          Hatudu tiha ona iha História Salvação nian, katak Eva, feto nebé maka representa ona klibur feto sira nebé monu tiha iha situação hirak nebé difícil tebes; maibé ho Maria nu’udar feto-raan no inan ida, representa mos inan sira hotu nebé maka hamriik metin nafatin iha situação hatauk (ameassada) hodi hakat liu sistema oin-oin nebé mak hatodan, hanehan no  viola feto sira nebé luta daudaun hodi harí hikas dignidade feto nian hanesan ho mane nian, iha fatin nebé deit no iha cultura hotu-hotu.

          Ha’u nia predicção katak iha biban ba campañe prezidensial Ângela Freitas nian, maske la dúvida, katak nia sei hetan apoio housi klibur feto nian ida ka rua; no mane lubun ki’ik-oan ida mos sei tahan-an hamriik iha ambaun-okos/campo-laran hodi se tilun rona nia lian-sadik husi discurso político campañe nian. Maibé, ha’u sente mos katak ema nobun-boot, (tuir fenómeno sócio-político-cultural rai-laran nian), mak sei haliis liu ba apoia candidato (masculino) sira nebé mak iha/soi ona experênsia luan no iha tiha duni ona sira-nia sentido afetivo (moris-mate ho povo ba luta) maka sei hetan/iha liu comfiança boot housi povo ida ne’e, nia maioria, atu simu knaar ukun Nação foun ida ne’e.

          Ha’u-nia matan-fihir (la’os matan-dook) ne’e bajeia ba contexto sócio-político-cultural nebé, ha’u temi tiha ona, iha kotuk, katak tanesan ho kalohan-mutin tatérik, iha dadeer-saen, sei terik netik hela tatiar loro-matan nia roman-lakan nabilan ba ema hotu (matan-delek no matan-melek sira); tanba candidata independente Ângela Freitas, ho nia número sorteiu candidatura neen (6) ba eleição Presidensial nian ne’e makhoris-feto (feminino) ida, nebé brani hamosu-an iha contexto (sócio-político-cultural) local ida nebé ladauk nakloke hodi fó biban-leet nakonu ba feto sira atu hatudu kbiit, direito no liberdade tomak, nebé sei haksumik hela iha kalohan-mutin taterik ne’e nia kotuk ba. Exemplo balun atu justifica situação ida ne’e, ita bele foti housi rai-laran no mos housi rai-liur hanesan tuir mai ne’e :

  • Hahusuk ida: Nebé, fatór hirak nebé determinante hodi hamihis no hatuun tiha feto sira-nia knaar, direito no liberdade moris, iha contexto “sospolkul”, Timor-Leste nian, maka nebé deit?

          Maski ita fihir katak situação sócio-político-cultural (sospolkul) iha rai-laran sidauk nakloke nakonu hodi fó biban-luan ba expressão knaar, direito no liberdade feto nian; maibé, bainhira tanesan ho rain seluk-seluk nian, bele afirma, Timor-Leste la sai aat liu rain barbarak iha globu terrestre ne’e. Timor-Leste, nu’udar Nação foun ida, iha milénio 2001 ne’e, foin maka Ukun An de’it, iha tiha sanulu resin nia laran; maibé, nia apresentação kona-ba igualdade Género no emansipação feto boot dadaun ona iha campo sócio, político, cultural, inclui campo religioso (ex. Iha partido, PN, Governo no Creda); katak feto sira hola ona knaar no fatin 30% (trinta por cento) liu.

          Maibé, ita simu mos situação reál ida, katak dala barak ona acontece, maski iha cotação ba feto sira, iha concoréncia ba vagas-xefia hirak nebé aas iha Ministério no Instituição sira Governo nian (hanesan DG, DN); maibé husi feto sira, barak mak sidauk hatudu sira-nia mentál-brani atu simu knaar todan hirak ne’e. Ida ne’e sai desafio boot ida mai ita, no liu-liu, ba feto maluk sira, atu tau-matan ba formação liderança feto nian hodi hakat tuir banati liderança inan-feton sira seluk nebé, maski sira-nia história ladauk hakerek hotu, hahú husi tempo uluk bei-ala sira nian, mai to’o iha tempo resisténsia no Ukun Rasik An (Independéncia) nian, ohin loron. Maski nune’e, ho situação reál hirak ne’e reflete ona fatór-indicador ida nebé maka hatudu duni katak Timor-Leste sei sai di’ak liu fali Nação barak iha Mundo Oriente no iha Ásia ka Sudoeste Asiático nian.

  • Lala’ok Cultura Beiala sira Hanai Aas Dignidade Feto nian :

           Iha tempo uluk liu, iha ita-nia rain, mosu comunidade ulun sira nebé mak sei moris-nómaden no hourik deit iha foho-tutun no fatuk-kuak sira, hanai nanis ona feto sira nia dignidade no igualdade género. Exemplo, sira temi feto no mane sai paridade ida deit (naktabit): “Builelo-Maulelo; Buibere-Maubere….”; ka bolu-hasae ho naran oan-mane ka oan feto da-uIuk, ka sobrinho/a sira nebé mak sira hadomi liu. Ex : “Maubere-inan, Maubere-aman…”; “Dauber-ina-Dauber-ama…” (Daubere-nia inan, Daubere-nia aman).

          Iha Sistema Familiar-Patrilinear, nebé mak determina derasaan husi klibur feto-saan/mane-foun sira nian tenki hakruuk ba derasaan husi klibur uma-mane sira. Bainhira feto ida atu sai ba kaben ho mane ida housi nia liñagem-tuanangan, la temi ho liafuan (conceito) “hafolin” (Mambae: hin-helin); maibé, sira uja termo consetuál originál fahe-fini (hin-haen). Katak feto mak sai fini-nakbokar moris nian hodi fahe-tutan, halekar no hadaet ba derasaan foun hodi habarak tan ema nabutuk-naresin, la kotu, la nahas ba; tan ne’e, maka mosu lala’ok cultura hanai feto nu’udar “inan-maromak”. Katak feto mak makhoris ida nebé, iha Maromak futar oin, soi nia dignidade moris aas liu makhoris sira seluk no sasaan hirak mundo ne’e nian. Sasaan (dotes) nebé fó ba malu (husi sorin-rua), la’os sai buat folin ida; maibé sai nuudar símbolo-moris no relação-metin ba malu (hina tlo maena, maena tlo hina; beula be kdout, baea be tdaes) atu sira tane-malu nu’udar feton no naan, hodi sai maluk ba nafatin, belun ba nafatin, la kotu, la nahas.

          Iha fali moris haktuir Sistema Matrilinear nian, nebé existe iha suco balun (ez. Bunak no Tetun) maka entre lidun uma-kain sira, hatuur sira-nia posição hanesan. Iha prática culto-Kaben nian, sira temi ho naran (conceito) rua ka tolu: Kaben-sai, kaben-tama no kaben sai-tama, katak hanesan deit, bele bele tetu hili tuir situasaun. Maibé, ha’u ladauk soi atu esplica tuir sira-nia conceito loloos kona-ba feto.

          Feto no inan sira mos sai funu-nain, lia-nain no ukun-nain (maski la hakerek iha história). Maski, iha tempu uluk, sira-nia fatin-bok no competénsia atu tetu-lia no hala’o ukun sei klot (limitado) hela deit ba sira-nia suku rasik; maibé dala ruma, bele hakat sai liu ba klan balun besik. Exemplo, iha área Ramelau-Huun nebá, sei bele temi, tuir memória, naran lia-nain feto balun hanesan: Talimeta no Bihoda, lia-nain fetonain ruan, bin-alin husi Knua-Lulik Liurai-Talihualala; ha’u-nia abó-feto rasik, naran Biluma, mos sai lia-nain feto ida no soi kbiit atu tetu-lia moris-lia mate nian; iha Área Maubisse no Aileu, Suku-Liurai Bandeira-Huun (1997), ha’u sei toman lia-nain no ukun-nain feto balun, (karik mate ona?), iha tempu okupasaun. Nune’e, fó fiar ba ha’u katak iha fatin seluk, iha Timor-Leste laran, mos eziste tiha ona lia-nain no ukun-nain feto sira; maske ema ladauk hakerek sira-nia história.

  • Hahusuk seluk : Sê nune’e, hatudu tok fatór concreto hirak nebé hanehan no hatuun feto nia knaar, direito no liberdade, husi/iha rai-laran?

          Hatan lalais deit katak iha duni. Iha situação funu; sistema ukun liuraismu, sistema faxismo no sistema cultura nian, iha tempo passado, mak hamiis no hatuun tiha knaar, direito no liberdade feto nian. Exemplo  barak bele foti: (i) Liurai sira (la’os hotu-hotu), iha tempu ukun koloniál nian, hodi sira-nia kbiit-ukun liurai mian mak domina; sira hola feto barak hodi satisfaz deit sira-niagostu egoístiku no, ikus mai, soe hela feto sira ne’e balun ho oan sira, la tau-matan tan ba (habis manis, sepah dibuang); (ii) iha funu, mane sira mak bele ba halo funu, ne’e, bele simu; maibé, feto sira sira sai vítima nafatin iha uma ba violasaun (kekerasan) husi mane ho kbiit ukun no forsa militar. Fatus balun bele prova ida ne’e: (iii) Feto sira, mesmu inan mos, sai xumasu eh manta-boot ba ukun-nain (administradór balun) bainhira sira halo vizita ba haree povu lian-laek sira; (iv) iha funu, mane-militar sira dadur no oho feto sira ho violensia seksuál-masál (iha tempu okupasaun Indonésia) nu’udar selu-tusan ba sira-nia funu-baluk; (v) halibur feto-raan sira, sulan metin iha fatin-kortél (hodi sai atan serbí seks ba tropa japonés sira); (vi) ohin loron, liuhusi media sira, ita sei asiste hela nafatin drama violénsia boot hasoru feto sira, iha funu sira hanesan ISIS ho Nasaun sira iha Médio Oriente no África; hafoin, Nasaun “monstros” (raksasa) sira, América no Russia mak halimar dudu sira husi kotuk. Tan fatus hirak ne’e hotu nsst, maka feto tenke iha komitementu boot no aten-brani atu luta nafatin ba sira-nia knaar, direitu no liberdade; hamriik metin hasoru hahalok violénsia oin-oin husi mane kbiit-nai sira no sistema-hanehan hirak patriarkál liu nebé taka netik dalan liberdade no hatuun dignidade feto.

  • Feto sira sai “númeruda-II” iha Cultura Judaismu nian :

          Iha Jesus nia tempu, satán molok Jesus moris, feto sira sai makhoris (criatura) “Númeru II”; sira sai “sola-sapatu deit” ba mane sira, iha estratu sosiál judaismu (Israel) nian; mesmu iha tradisaun Médio Oriente, Índia, Ásia nsst mos, oras ne’e, feto sira sei hakruk hela deit ba mane no inan-aman sira tan deit kultura ho nia sistema sira; iha kontestu kulturál ida ne’e, feto sira la soi kbiit rasik atu sai sasin iha tribunál no tetu rasik sira-nia moris; hafoin, bainhira mosu tan kbiit (poder/militarismo romano) iha mane sira nia liman, iha tempu ukun-romanu nian, feto sira mak sai atan (escravas) ba hahalok violentu oin-oin husi mane no husi sistema sosiál, polítika, kulturál, inklui relijiozu sira, nebé hanehan no viola feto sira-nia direitu no liberdade.

         Iha situação hirak nebé todan no hatauk tebes hanesan ne’e, maka mosu tiha ona Feto-Raan ida nebé hanaran Maria Virgem, husi trata sosialidade kraik liu, molok harí organização boot sira mundo nian hodi defende direito feto nian, ohin loron. Nia (Maria) sai feto-raan eh inan modelu luta-nain ida nebé mak hetan duni kbiit hodi hatuun kbiit boot sira rai nian hodi foti-sae hikas direito no dignidade feto-fraco sira nia dignidade no, ikus mai, hetan tula-Kaibauk (Coroa Gloria) ba Nia ulun, foti Nia sai nu’udar modelo Liurai-Feto Lalehan no rai nian (haree Bíblia: Knananuk Maria, (“Magnificat”).

 

APOIO BÁSICO BA FETO SIRA-NIA LUTA

          Luta feto nian, la’os ideoligia temporário ida; maibé iha nia báze apoio metin iha Lei Morál Bíblico no Lei Formál sira. Maromak hakiak ema, feto no mane ho sira-nia knaar, direito no liberdade hanesan deit, iha Na’i (Criador) nia Futar-oin. Adão signifika ema (la’os mane). Bainhira Maromak hamoris Eva (feto) husi Adão nia ruin-knosek maka foin hatudu-saiketan (distinção) carácter ba knaar género (feto & mane) nian hodi hakunu (completa)-malu. Haketak knaar género feton no mane nian, la significa haketak sira nain rua-nia dignidade, direito no liberdade nu’udar feto no mane (sexo). Adão no Eva sai makhoris ida deit, illas lolos husi Maromak Ida deit – unidade horizontal (feto & mane, ema & ema) e vertical (ema & Maromak).

          Unidade ida isin-lolos, so bele acontece lolos, bainhira iha mundo eh carácter rua diferente (la hanesan). Exemplo concreto: Lalehan & rai; Maromak & ema, feto & mane. Nune’e, maka bainhira Maromak hamosu tiha Eva, feto-maluk ida, ba Adão; “Adão dehan: Ida ne’e (feto’Eva ne’e), loos ona, nia mak ruin ha’u-nia ruin no isin husi ha’u-nia isin (unidade, ida deit). Adão bolu Eva feto tanba hasai husi mane” (Jen 2: 23). Feto la’os mane-nia atan-servidora; Eva (feto)-nia ruin no isin hanesan ho Adão (mane) nian (igualdade do género). Tanba ida ne’e, maka tenki hadook tiha forma lala’ok no hahalok diskriminação oin-oin nebé ba hasoru no haketak carácter unidade no igualdade “feto-Maromak oan” ho mane; sistema sira sosio-político-cultural no religioso oinsa deit, nebé maka haliis ba hanehan no hatuun dignidade feto nian, iha mundo ne’e, tenki halakon tiha; atu nunee, feto sira bele soi hikas sira-nia knaar, direito no liberdade tuir loloos Maromak nia hakaran.

          Ida ne’e,feto-maluk sira, la’os campaha mamuk ida; maibé lialoos isin nanis kedas! Keta tauk mate, feto sira! Tauk maksalan! Keta hakfodak ho violéncia sira husi liur! Keta hakiduk hakat ida mos, inan-feton sira! Se ne’e lia-loos ida duni, Lei morál no Lei formál sira, liu husi organização no instituição boot sira, iha mundo tomak, sei tane metin no hamahan nafatin feto nia luta ba dignidade-moris feto nian hodi ba hasoru kbiit babeur no hahalok aat sira ne’e hotu.

          Ita hein katak Maria, luta-nain feto ida, mate; sei mosu hikas Maria seluk barak liután; no Ângela nu’udar feto modelu lideransa ida, karik lakon iha eleição tuir mai; maibé, feto sira-nia luta sei la kotu/remata leet deit iha nebá deit;luta-naruk no todan sei hatutan ba nafatin. Situação hirak nebé difícil no todan tebes sei mosu hodi koko tenik feto sira-nia kbiit ba luta. Maibé, imi, feto sira, hahisi ba imi-nia isin no klamar kbiit espírito-luta maka’as nian no ho aten-brani, halibur hamutuk wa’in liutan feto-maluk sira seluk; hodi tane-malu, tonka-malu ba, tuba-sae foho-lolon Calvário atu harii hikas Cruz-dignidade moris feto nian, iha foho Calvário-tutun aas, nu’udar baluk-moris Adão (mane) nian no mos nu’udar illas loloos Maromak nian. Zero toleránsia ba violénsia hasoru feto! campaha independente feto nian sei la tolera independésia ba hahalok no sistema violento sira!

          Sugere atu, nu’udar sidadania, tenki lee Constituição RDTL, artigo sira : 17o (igualdade entre mulheres e homens); 30o (direito à liberdade, segurança e integridade pessoal); 40o (liberdade de expressão); 46o (Direito de participação política).