shadow
Diocese de Dili > NOTÍCIAS > Articles by: Departamento Comunicação Diocese Dili

São Paulo da Cruz, Presbítero

19 de Outobro

Moris iha Ovado (Liguária) Italia por volta de 3 de Janeiro 1694. Paulo oan dala ruak husi maun alin nain 16. Sira nia moris iha momento neba, nia inan-aman sai duni nudar viveiro diak ba sira hodi educa no tau matan ba sira iha vida Cristão nebe diak iha rai Ovado. Wainhira Paulo completa ona tinan 15 iha moris, nia para husi vida academic nian hodi tulun nia aman iha parte fila liman nian (Comércio). Iha nia actividade comércio nian nee, nia sempre husik biban oan ruma hodi hahi no fo glória ba Maromak. Husi nia experiência Espiritual ida nee motiva nia hodi forma grupo de oração ho foinsae sira. Wainhira completa ona tinan 20 iha moris, nia mos emvolve an sai tropas hodi funu hasoru Turki.

Iha tinan 1720, nia hasoru aparição extraordinário ida; batina ida ho cor metan no iha parte kbás mosu Jesus nia naran ho mos Cruz nebe hakerek ho letra mutin. Aparição extraordinário nee mosu ba nia dala tolu. Iha aparição ba datolu nee, iha mensagem be Nain Feto husu atu nia harí Congregação ida atu contempla Cristo nia terus no mate. Ho acontecimento hira nee, Paulo imforma kedas ba Bispo no hahu husi pesquiza sira nee hotu, Bispo fo autorização atu Paulo hari Congregação ida. Husi nee, nia hari Congregação (Passionistas) por volta de 20 de Novembro 1720. Hahu husi nee, nia hahu troka nia naran ba Paulo da Cruz e ema ida nebe hakarak tebes hodi tuir nia dalan mak nia alin rasik; João Batista.

Paulo tan deit hakarak moris nudar nailulik, nia husik tiha buat hotu hodi dedica deit nia an tomak hodi servisu ba ema kiak no moras. Iha tinan 1727, Paulo ordena ba Nailulik. Hafoin simu tiha Ordenação Sacerdotal, Paulo servisu makas liu tan ba ema nia klamar, hahu haritan Uma ba Congregação Passionistas no halao ninia apostolado no penitências. Mate iha Roma iha loron 18 fulan Outobro 1967. (Ngl)

Sábado, XXX DO COMUM

ANO A

 

Primeira Leitura                                                    (Rom 11: 1-2a, 11-12, 25-29)

Lia husi São Paulo nia surat ba sarani sira iha Roma

Maun alin sira; ne’e duni, ha’u husu: Maromak hewai ona nia povo? Lae! Basá ha’u mos ema Israel ida Abraão nia beioan, husi suco Bensamin nian. Maromak la hewai nia povo nebe nia hatene nanis ona.

Ne’e duni, ha’u husu sira ne’e sidi atu monu, ka? Lae! Maib’e husi sira nia sala, Maksoyn too ba ema gentio sira, nune’e halo sira laran moras. Sira nia sala haburas mundo karik, no tan sira sai uitoan de’it mak haua’in gentio sira nia kmanek liu tan, ne’e se sai oinsa liu tan wainhira sira tama hotu?

Ha’u hakar5ak katak imi hatene didiak mistério ne’e, maun alin sira, atu imi labele sai matenek hodi fotian. Ema Israel balu sai ona laran tos to’o tempo nebé gentio sira tama to’o wa’in lolos, no nune’e mak Israel tomak sei hetan Maksoyn, nu’udar hakerek nanis: “Na’i Maksoyn sei sai husi Sião, Nia sei halakon fiar laek husi Jacob;” no “ne’e mak moruk nebé Ha’u sei halo ho sira wainhira Ha’u sei kasu sira nia sala.”

Tuir Evangelho, sira Maromak nia funu baluk ba imi nia di’ak; maibe tuir buat nebe Maromak fihir, sira Maromak nia doben tan sira nia bei-ala sira. Basa wainhira Maromak fó no bolu labele hasai fali.

Maromak Futar Lia

 

Salmo Responsorial                                                                                                                                   Sal. 93(94):12-13a,14-15,17-18(R.14a)

Refrão : Na’i la husik hela nia povo. Repete-se

Rahun di’ak ba ema

nebe Ita hanourin, Na’i,

no Ita hanourin Ita lei,

atu haraik dame ba nia, iha loron susar. Refrão

 

Na’i sei la hakribi nia povo,

sei la husik Nia liman rohan.

Nia tesi lia ho justiça,

nia sei tahan sira be fuan moras. Refrão

 

Na’i la fó karik tulun mai ha’u,

la kleur, ha’u klamar horik ona ho matebian sira;

wainhira ha’u dehan: “Ha’u ain la metin ona’,

Na’i ita laran di’ak, tahan ha’u. Refrão

 

Aclamação: 

Refrão : Aleluia, aleluia!!! Repete-se

Imi tau Ha’u Nia todan iha imi nia kbás hodi halo tuir Ha’u,

Na’i dehan, tan ha’u laran maus, Ha’u haraik-An. Refrão

 

Evangelho                                                                                                                                                                                                  Luc. 14:1,7-11

Na’i Jesus Cristo nia Evangelho tuir São Lucas

Iha loron sábado ida, Jesus tama iha Fariseu bo’ot ida nia uma atu han. Sira hotu hateke na Nia. haré tiha oin sá bainaka balun fihir tur fatin di’ak, Jesus haktuir ba sira aiknanoik ida ne’e: “Ema ruma comvida ó ba festa festa kaben ida, keta tur iha mesa ulun; hafoin, ema nebe comvida imi na’in rua sei dehan ba ó: ‘Fó lai fatin ba ema ne’e.’ Nune’e ó sei moe boot, hodi ba tur iha fatin ikus liu. Maibe wainhira ema nebe comvida ó to’o mai, nia sei dehan ba ó: ‘Belun, mai tur liu leten.’ Nune’e ema hotu nebe tur hamutuk iha mesa sei hahi ó. Basá ema nebe foti an, Na’i sei hatun nia; no ema nebe haraik an, Na’i sei foti nia.”

Lia Maksoyn

Sexta-Feira,XXX DO COMUM

ANO A

 

Primeira Leitura                                                  (Rom, 9;1-5)

Lia husi São Paulo nia surat ba sarani sira iha Roma

Maun alin sira; ha’u ko’alia lia losa iha Cristo. Ha’u la bosok; ha’u nia laran fo sasin mai ha’u iuha Espírito Santo, katak ha’u; laran susar no neon todan tebes iha ha’u nia fuan. Basá ha’u bele hakarak mos atu ha’u hetan malisan no haketakan husi Cristo tan de’it ha’u nia maun alin sira nia di’ak, ha’u nia maluk uma-kain nian tuir isin. Sira ema Israel, Maromak nia oan hakiak; ba sira Maromak fó glória; ho sira Na’i hametin moruk, ba sira, nia fó ukunfuan; sira hatene adora nia lolos, no ba sira Na’i halo promessa. Patriarca sira mosu iha sira le’et, no husi sira ne’e, tuir isin, Messias mosu. Ba Maromak nebe as liu buat hotu rahun di’ak tinan ba tinan. Amen.

Maromak Futar Lia

 

 Salmo Responsorial                                                                                                                            Sal.147(148): 12-13,14-15,19-20(r.12a)

Refrão : Jerusalém, hahí ó nia Na’i. Repete-se

 

Jerusalém, hawelok Na’i

Sião, hahí ó nia Maromak!

Nia hametin ó nia odamatan,

Haraik bensa ba ó nia oan sira. Refrão

 

Nia harí dame ó nia rai-ketan sira,

Habosu ó ho trrigo di’ak liu;

Nia haruka mai rai nia liafuan,

Halao maka’as, Nia liafuan tatoli. Refrão

 

Hatudu nia hakmatek ba Jacob,

Nia Lei ba Israel;

Nia la halo ba povo seluk ida nune’e,

ba ema seluk ida, nia la fó hatene nia hakaran. Refrão

 

Aclamação:                                                                                                                                                                                               Jo. 10:27

Refrão : Aleluia, aleluia. Repete-se

Ha’u nia bibi sira rona ha’u nia lian, na’i liatun;

Ha’u hatene sira, sira mai tuir Ha’u. Refrão

 

Evangelho                                                                                                                                                                                                  Luc. 14:1-6

Na’i Jesus Cristo nia Evangelho tuir São Lucas

Iha tempo neba, iha loron sábado ida, Jesus tama iha Fariseu bo’ot ida nia uma atu han. Sira hotu hateke na Nia. ema moras isin bubu ida mai hamriik iha Nia oin. Jesus hateten ba ukun na’in no fariseu sira: “iha loron Sábado bele f’o isin di’ak ba ema moras, kalae?” sira nonok de’it. Tuir mai, kaer tiha ema moras nia liman, Jesus fó isin di’ak na nia hodi haruka nia ba. Hafoin Nia dehan ba sira: “iha imi nia le’et se mak la dada sai nia kuda buro ka nia karau nebé monu iha be matan, maski iha loron sábado?” sira labele hatan bu’at ida kona ba ne’e.

Lia Maksoyn

Quinta-Feira, XXX DO TEMPO COMUM

Comemoração de todos os fiéis defundos

 

Primeira Leitura                                                                     Job. 19:1,23-27a

Lia housi livro Job nian

Iha loron hirak neba, Job lia tun dehan: “Ha’u hakarak ema hakerek hela ha’u nia liafuan hirak ne’e.Ha’u hakarak tebes atu hakerek iha livro ida; hakerek nafatin iha fatuk ida. Ha’u hatene katak iha loron ikus ha’u sei moris hi’as housi rate; ha’u sei hetan isin foun; sei haré ha’u nia Maromak ho ha’u isisn rasik. Ha’u rasik sei haré, hodi hahi Nia”.

Maromak Futar Lia 

 

Salmo Responsorial                                                                                                                                         Sal. 26(27):1,4,7,8b,9a,13-14 (R.13)

Refrão: Ha’u hein atu haré Na’i Nia laran-luak

                iha ema moris sira rain. Repete-se

 

Na’i ha’u nia naroman, ha’u maksoin,

ha’u ta’uk fali sé?

Na’i tahan ha’u moris,

sé bele halo ha’u nakdedar?  Refrão

 

Buat ida de’it ha’u buka,

ha’u husu ba Na’i;

iha ha’u nia moris tomak hôrik iha Nia kadunan,

hodi haksolok ho Na’i nia tulun,

no fihir Nia tempo.  Refrão

 

Na’i, rona ha’u nia harohan,

sadi’a ha’u no rona ha’u.

Na’i, ha’u buka Ita futar oin,

keta subar Ita futar oin mai ha’u.  Refrão

 

Ha’u hein atu haré Na’i Nia laran-luak,

iha ema moris sira rain.

Laran metin iha Na’i, barani ba,

tau neon metin iha Na’i!  Refrão

 

 

Segunda Leitura                                                                                                                                                                                        2Cor. 4:14-5:1

Lia housi São Paulo nia segunda Surat ba sarani sira iha Corinto

Maun alin sira: Ami mós fiar tan ne’e ami ko’alia, hodi hatene katak Ida nebe halo Jesus moris hi’as, sei halo ita mós moris hi’as no tau ami hamutuk ho imi iha Nia futar Oin. Tebes duni, buat hotu halo tiha ba imi nia di’ak, atu graça barak nebe haraik tiha ba ema wa’in be wa’in bele halo ema fó agradece liu tan ba Maromak nia glória.

Ne’e duni, ami la lakon aten barani; maibe, maski buat nebe iha liur sai dodok daudaun, ami nia laran hafoun-an lor-loron. Basá terus kmaan nebe liu dadaun ne’e hadi’a glória rohan laek iha ami laran; glótria nebe di’ak liu buat hotu; basá ami la hateke ba buat nebe bele haré, maibe ba buat nebe la bele haré,basá buat hotu nebe bele haré liu lalais maibe buat nebe la bele haré rohan laek. Ita hatene katak ita nia tenda rai ne’e nian nebe ita hôrik ba, sei sobu loron ida. Ita iha uma housi Maromak, uma nebe la halo ho ema nia liman, maibe rohan laek, iha lalehan.

Maromak futar lia.

 

Aclamação:                                                                                                                                                                                                     cf. Mt. 11:25

Refrão : Aleluia, Aleluia! Repete-se

Rahun di’ak ba ita, Aman, Na’i lalehan no rai nian,

tan ita hatudu mistério reino lalehan nian ba kiik sira. Refrão

 

Evangelho                                                                                                                                                                                                        Mt. 11:25-30

Na’i Jesus Cristo nia Evangelho tuir São Mateus

Iha oras neba Jesus dehan: “Aman, Na’i lalehan no rai nian, Ha’u hahi ita tan ita subar tiha buat hirak ne’e ba ema matenek no neon na’in sira hodi hatudu ba kiik oan sira. Lós duni, Aman, tan ita hakarak duni nune’e. Ha’u Aman tau tiha buat hotu-hotu iha ha’u liman; ema ida la hatene oan, Aman deit mak hatene; nune’e mós mós ema ida la hatene, no mós ema nebe oan hakarak hatudu ba nia”.

“Mai besik ha’u, imi hotu nebe kole no terus; Ha’u sei fó kmaan ba imi. Simu Ha’u nia ukun ba hodi banati tuir Ha’u, tan Ha’u laran maus no haraik-an; no imi sei hetan hakmatek ba imi nia klamar. Basá Ha’u nia ukun mamar, Ha’u nia naha kmaan”.

Lia maksoyn.

BAINHIRA RAZÃO LAIHA KBIIT MATAN BEN SAI FORÇA FOUN HODI CONTINUA LUTA

Hau hahu hau nia hanoin murak nee, ho liafuan parabens, hodi hatoo hau nia lia ksolok no hawelok ba inan feton doben sira hotu, ba loron nasional feto nebe monu los iha loron 3 fulan Novembro.

Kada tinan iha Loron 3 fulan Novembro estado no governo Timor Leste consagra hanesan loron feto nasional hodi hanoin mos heroina Maria Tapo nia mate ba luta libertação wainhira contra hasoru invasór militar indonezia iha area fronteira Tapo Bobonaro nian. Historia haktuir katak ho heroina Maria Tapo nia mate sasin sira haruka kedas karta ida ba Comité Central Fretilin hodi declara dehan “Ami Feto Tapo Oan Sei La Rende, Ami Sei Larende Nafatin No Ami Sei Funu To’o Ami Nia Ran Turuk Ikus Liu Nian”. Hafoin simu carta nee, Primeiro ministro RDTL Nicolau Lobato iha 1976 hola kedas decisão no hatur metin iha povo maubere tomak nia neon loron 3 fulan Novembro nudar loron nasional feto. Iha 1977 encontro CCF nian decreta kedas rezolusaun ida hodi valorize loron 3 fulan Novembro hanesan loron nasional ba feto Timor Leste. Loron feto nasional hahu celebra kedas iha luta ba ukun an mas que iha ailaran no iha fatin nebe falintil sira subar ba. Liu tiha restoração independensia iha 2002, iha congresso nasional feto, iha tinan 2004, nebe hetan participação maximo husi organização feto hotu-hotu iha teritorio Timor Leste laran tomak, mosu ezigensia katak Timor Leste tenque iha loron nasional ba feto, hodi fo hondra no louvor ba maluk feto sira tamba sira mos fo contribuição makas no partisipa direitamente ba luta libertação nasional. Ezigensia iha congresso nee sai hanesan plataforma ida no hodi ba apresenta iha Narlamento Nasional hodi foti desizão. Ikus mai Parlamento Nasional aceita no halo lei número 17/1/3/2005, nebe deside loron 3 fulan Novembro nudar loron nasional ba feto Timor Leste.

Envolvimento feto iha funu ba libertação tuir naração nebe atan hau hetan liu husi biografia Maria Tapo nian, feto sai hanesan segunda linha atu entende katak feto serviço makas liu mak apoia ba logistica, liu-liu prepara aihan atu bele suporta nafatin mane sira iha linha de fogo hodi kontinua luta hasoru inimigo. Buat hotu muda bainhira hetan assaltu husi inimigo, feto sira laos iha kotu maibe brani no kaer mos kilat hodi tiru malu, extraordinario tebes, iha situação ida nee. Feto hahu fo contribuição hodi luta, liu husi processo ida nebe lori risco no hodi mate hodi sosa tamba hakarak atu ema hotu moris livre no goza liberdade tuir lei universal haruka.

Evolução ba loron feto nasional no luta ba igualidade genero iha Timor Leste hatudu sinal positivo. Koalia konaba igualidade genero, ita hateke ba buat ida boot no luan tebes. Ita koalia ba contexto actual ida hodi luta atu buka defende lialos ruma hodi kore ema husi realidade ida. Igualdade género katak feto no mane iha direito no dever hanesan. Tamba nee igualidade genero nia objetivo fundamental mak oinsa bele hari sociedade ida nebe livre husi prekonseitus hotu no discriminação. Feto no mane livre atu halo decisão, desenvolve sira nia capacidade pessoal sira sem interferência no estereótipos.

Hare ba definição badak nebe iha lori ita tama ba realidade iha Timor Leste. Oinsa ho igualidade genero iha Timor Leste, ninia evolução no impacto ba iha sociedade nia moris. Ita lao tuir espaço tempo nian nebe ita lao dau-daun, sociedade Timor Leste neon começa ona nakloke, matenek iha fuan hatene hadomi no simu malu, hirak nee hotu lori ita ba solução ida no halo ita sente katak feto no mane la iha diferensas, hatudu sinal diak ba evolução husi igualidade genero nebe hetan mundo no liu-liu Timor Leste luta ba. Naroman nee mosu no sau dau-dau hanesan loro matan nia naroman, ita hein atu labele lakon iha sociedade nia let. cultura feto sa no umane belit metin iha ita nia Hanoi, feto iha kotuk no mane iha oin, conceito ida nee, too oras nee sei lao, ba hau pessoal nee la sala, los basa lisan hanorin buat ida maibe la significa atu taka dalan hodi la valorize feto sira, feto nafatin iha oportunidade atu hola decisão ruma tuir lisan nebe iha no iha espaço ida deit atu halo qualquer atividade ida hodi fo contribuição no laiha descriminação nee mos hatudu igualidade genero.

Leitores doben sira, ita la hare igualidade género husi aspeto ida deit, maibe ita precisa hare ho visaun ida luan no precisa iha conhecimento ida diak atu labele generalize conceto igualidade genero nee hodi halo definição seluk ida nebe la iha direção. Organização feto sira iha Timor Leste hola papel ida importante tebes, atu hadaet no lori formação no educa povo Timor Leste hodi bele conciente no tau valor hanesan ba feto no mane, tau valor ida oinsa mak oras nee sociedade sivil sira hakatak? Iha pontos lubuk ida nebe ita precisa hare: Respeita feto, fo fatin ba feto nia participação, cria oportunidade hanesan no buka solusiona feto nia problema hodi tau iha prioridade assunto feto nian atu hatudu katak feto no mane iha direito no dever hanesan atu contribui ba desenvolvimento nasional sem iha descriminação sociedade nia let.

Impacto no modernização tempo nian nebe afeita tebes ba luta feto nian ba igualidade genero lori ita ba pensamento critica balun tuir mai nee. Ita hahu ho Pergunta hirak tuir mai nee; husi introdução no evolusan nebe ita hatur iha lete, lori pergunta essensial ida mai ita, Igualidade Genero ida nebe mak oras nee inan feton sira entende, liga ho situação real moris inan feton sira nian? Igualidade genero entermos de liberdade ou libertinagem?

Realidade hatudu momos mai ita, mundo Terceira millennium lori buat seluk nebe halo ita sentre estranho uitoan maibe nee mak realidade nebe haleu ita. Media social sira, liu-liu Facebbok sai fatin atu ema halo actividades hotu-hotu. Inan feton sira, nia komprensaun ba igualidade genero nee mak ida nebe? Pergunta mosu, resposta la lori solução, ate ikus mai sresposta mos nakfilak ba pergunta lahatene ita atu ba nebe? Tamba sa atan hau hatur questaun lubuk ida nunee, nee la significa hau kontra maibe hakarak atu halo kritika construtivo ruma atu ita bele intende didiak saida mak igualidade genero no saida mak hau nia dignidade humano.

Hau la koalia sobre etica moral maibe hau hakarak atu ita define buat rua nee hodi tetu no tau iha fatin, atu nunee ita hakilar ba igualidade genero karik ita koalia ba dignidade ema nian, ba hau igualidade genero no dignidade do pessoa humano nee buat rua nebe belit metin hanesan isin lolon ho klamar nebe labele tan atu haketak. Iha sosiedade feto sira uja sira nia direito, sira nia liberdade hodi halo buat hotu tuir hakarak ate ikus mai liberdade nee nakfilak tia ba libertinagem. Tamba sa ita tenque dehan nunee, tamba realidade hatudo, feto lubuk ida luta ba igualidade genero, atu ema tane as feto nia dignidade no participação iha sociedade, inan feton lubuk ida mos, liberta sira nia an sai husi kuridor nebe iha hodi halo buat seluk nebe contrario. Halo buat hotu tuir deit hakarak, hanoin dehan ida nee mak liberdade lolos, ida nee mak igualidade genero nebe ema hotu valorize. Buat hotu acontese, fo sala ba cultura, hodi dehan Feto hanesan objektu iha cultura Timor Leste. Tamba cultura mak la fo espaço. Nee sala? Feto laos objeto. Se feto ida mak dehan nia sai hanesan objeto iha cultura Timor Leste. Oinsa ho nia luta rasik ba igualidade género iha sociedade nebe nia iha ba. Cultura la haketak no fo espaço ba feto hanesan objecto, maibe cultura iha prespetiva nebe lolos nee fo espaço atu mane sira respeita no tane feto sira nune mos ba feto sira tenque valorize mane hanesan protetor da familia no mos ba geração tuir mai. Labele generalize buat hotu hodi hanoin dehan atu muda buat hotu iha minute ida nia laran, maibe buka intende atu labele sai husi coridor nebe iha.

Tamba nee ikus husi opinião nee lori hau ba taka ho tema nebe tau iha leten katak inan Feton sira dalabarak liu ho matan ben simu realidade bainhira sira nia razão la iha ona kbiit, tamba nee iha neon ida, fuan ida iha fiar, deside Timor nia future. Povo nee nia moris continuação conta mos ho feto nia luta***

(Husi : Lakere Aulain)

Email               : aulainfuhur@gmail.com

Helafatin         : Comoro, delta I

No. contac.      : 77747750

LAOS KOALIA DEIT KONA BA DOMIN

REFLEXÃO & LEITURA DOMINGO COMUM XXX/Ano A/2017

Ex. 22, 21-27 1 Tes. 1, 5c-10 Mt. 22, 34-40

 

Primeira Leitura

Lia housi Livro Êxodo                                                                                                                                                                                          22, 21-27

Na’i lia tun nune’e: “Keta fo susar ba ema la’o rai, keta fo terus ba nia. Uluk imi rasik la’o rai iha rai Egipto. Keta fo terus ba ema feto faluk, ba ema ki’ak. Ó halo terus sira ne’e ida karik, nia sei husu tulun mai Ha’u, Ha’u sei rona nia lian susar. Ha’u sei halo Ha’u nia laran nakali, hodi halo imi hotu mate housi surik. Imi fen sei sai faluk, imi oan sira sei sai oan ki’ak. Ó fo karik osan hodi tulun Ha’u nia povo ida, fo ba ki’ak nebé moris besik ó, keta haré nia hanesan ema nebé iha tusan ho ó. Keta sisi tusan nia funan. Ó maluk ruma fo karik nia tais hanesan penhor, molok loraik ó sei fo fila, tan nia iha hena mesak ne’e atu taka; hena nebé falun nia isin. Oin seluk, nia bele toba oin sá? Nia husu tulun karik mai Ha’u, Ha’u sei rona nia, tan Ha’u laran luak.”

Maromak Futar Lia

 

Salmo Responsorial                                                                                                                                                  (Sal 17(18), 2-3a.3bc-4. 37.51ab)

Refrão : Na’i Ha’u Hadomi Ita; Ita ha’u nia kbiit. Repete-se

Na’i, ha’u hadomi Ita, Ita ha’u nia kbiit!

Na’i tahan ha’u, ha’u nia beran, ha’u nia Maksoyn. Refrão

 

Maromak ha’u nia tato’o nebé tahan ha’u,

Ha’u nia kakili, ha’u Maksoyn, ha’u nia loho.

Sei harohan ba Na’i nebé di’ak atu hahi,

Nia sei soy ha’u housi ema aat. Refrão

 

Na’i sei moris, kmanek ba ha’u nia tato’o,

kbiit ba Maromak, ha’u nia Maksoyn.

Nia halo nia liurai manán funu,

hamutuk nafatin ho nia santo. Refrão

 

Segunda Leitura:  

Lia housi Sao Paulo nia surat ba sarani sira iha Tessalónica                                                                                             1 Tes. 1, 5c-10  

Maun alin sira: Imi hatene ami nia hahalok iha imi leet, atu halo di’ak ba imi. Imi buka tuir duni ami nia hahalok no Maromak nian. Imi simu Maromak nia lia-fuan, iha terus wa’in nia laran, ho ksolok nebé Espírito Santo haraik ba imi. Nune’e, imi fo exemplo di’ak ba sarani sira hotu iha Macedónia ho Acaia. Tebes, iha imi leet mosu duni Maromak futar lian: Laós iha Macedónia no Acaia de’it, maibé, iha fatin hotu-hotu nebé haklaken ona fiar ba Maromak; ne’e duni, ami lalikan ko’alia tan kona ba fiar. Sira rasik haktuir oin sá imi simu di’ak ami; oin sá imi husik lulik hodi mai Maromak. Nune’e, imi bele serbi Maromak nebé moris, Maromak lós, hodi hein Nia Oan Jesus tun housi lalehan mai, nebé Nia halo moris hias housi mate. Jesus ne’e soy ita ho justiça lós nebé sei mai.

Maromak Futar Lia

 

Aclamação                                                                                                                                                                                              Mt 22,21

Refrão : Aleluia. Repete-se

            “Ó sei hadomi Na’i, ó nia Maromak,

             ho laran ho neon tomak, ho hanoin hotu! Refrão


Evangelho :                                                                                                                                                                                             Mt 22, 34-40                       

Nai Jesus Cristo nia Evangelho Nudar São Mateus haktuir         
Iha tempu nebá, em a fariseu sira, rona dehan karak Jesus halo ema saduceu sira nonok tiha. Sira halibur hamutuk, hafoin, sira ida matenek ukun nian, husu hodi koko nune’e: “Mestre, Ukun-fuan ida nebé mak boot liu?” Jesus hatan ba nia: “Ó sei hadomi Na’i, ó nia Maromak, ho laran ho neon tomak, ho hanoin hotu! Ukun-fuan ida seluk hanesan mos ida ne’e: Ó sei hadomi ó maluk nu’udar ó an rasik! Ukun-fuan hotu ho Profeta sira la’o hamutuk ho ukun-fuan rua ne’e.”

Lia Maksoyn     

 

REFLEXÃO :

Iha loron nebé ha’u mesak, tilun moras han de’it sasoro; ha’u hetan mensagem badak tolu husi ha’u nia belun diak nain tolu nebé halao hela actividade iha fatin dook, laos iha Dili. Nain ida uluk nebé acompanha Padre ida ba halo tratamento iha Indonesia haruka mensagem ida nebé furak tanba nia gosta tebes le Kahlil Gibran. Nia cita Gibran : “Love one another but make not a bond of love: Let it rather be a moving sea between the shores of your souls” (hadomi malun maibé labele cria domin nebé kesi metin : husik atu domin hanesan we tasi nebé book an iha ó ninia fuan ninia lolon sira(ha’u ninia tradução)). Belun ida seluk nebé halao hela retiro iha Maliana cita Meister Eckhart (1260-1328) nebé pernah dehan : “Jam terpenting adalah selalu saat ini; orang terpenting adalah selalu orang yang duduk di paling dekat denganmu saat ini; pekerjaan yang paling perlu adalah selalu mengasihi.” Belun datoluk nian mai ho liafuan simples : “diak ka lae ? tuir lolos lalika iha loron horseik no aban tan ha’u hakarak liu mak loron ohin; domin ba loron ohin hakarak hanesan ne’e nafatin”. Mensagem badak tolu ne’e koalia hanesan de’it kona ba sentido husi domin iha experiencia ema nian lor-loron.

Catecismo da Igreja Catolica (CIC), ajuda ita atu compreende sentido husi domin espiritualmente. Domin maka kekuatan yang dengannya kita yang telah lebih dahulu dikasihi Allah, dapat memberikan diri kepadaNya sehingga kita bersatu dengan Dia dan dapat menerima sesama kita tanpa syarat seperti kita menerima diri kita sendiri (CIC 1822-1829.1844).  Nai Jesus Cristo hatur domin iha lei hotu ninia leten, hodi lahamoos lei sira seluk. St. Agustinho dehan  : “Kasihilah dan lakukanlah apa yang kaukehendaki!” kmanek domin nian sai duni energia nebé boot ba ema ida-idak atu moris loloos iha Maromak futar oin tanba Maromak hun husi domin lolos. São. Paulo dehan domin ne’e lanahas, domin ne’e hanesan graça ida nebé boot tanba ne’e ita precisa duni no hetan domin ne’e (1Cor 13,8.13, 14-1).

Iha domingo ba dala XXX ano A nian ne’e, ita rona leitura Biblico nian nebé tulun ita atu compreende domin nebé loloos iha Maromak ninia hanoin. Iha evangelho ita rona oinsa ema Fariseu sira sente desanima ho Jesus tanba Nia consegue hakilar ema Saduseu sira. Situação ne’e halo katak sai contradição ida no hanesan cartus musan ba ema Fariseu sira tanba mesmo que sira lahanesan ho ema Saudaseu sira maibé sira mos hamutuk ho doutor lein nian hodi contra Jesus. Iha momento nebá, doutor da lei nian ida hasai pergunta nebé ninia conotação atu koko de’it Jesus. Ninia pergunta hanesan ne’e : “Mestre, ukunfuan ida nebé mak boot liu?” (Mt 22,36). Pergunta matenek nain lei nian ne’e hanesan pergunta nebé baibain tanba hanesan ema Judeu, sira hatene didiak lei hamutuk 613, lei nebé composto husi ukun no bando sira. Husi lei 613 ne’e, lei 248 mak considera ukunfuan no bando hamutuk 365. Iha uluk kedas lei hirak ne’e hamutuk 613 tanba sura kedas husi ita ninia isin lolon no cada tinan iha ninia bando sira. Ida ne’e halo katak sira hotu duvida. Doutor lei Israel nian de’it mos husu ba malun kona ba lei ida nebé mak uluk liu ou ida nebé mak importante liu ba ema hotu iha sociedade ninia leet.

Nai Jesus Cristo hatudu ninia kbiit no sabedoria. Nia hatan hodi fo hanoin fila fali buat hotu nebé sira hotu rona ona husi Biblia Sagrada; liu-liu Livro Êxodo nian: “ó sei hadomi Nai, ó nia Maromak ho ó nia fuan no neon tomak no ho ó nia hanoin tomak.” (Êx  6,5; Mt 22,37). Ne’e mak ukunfuan nebé uluk liu no daruak nian nebé hanesan mos dahuluk nian, ne’e mak “hadomi ó nia maluk sira hanesan ó nia an rasik.” (Deut 19,18; Mt 22,39). Ukun domin nian rua ne’e sai hanesan eixo husi ukunfuan sira seluk. Tanba ne’e ukunfuan no ordem hotu tuir loloos nia orientação ba domin nune’e bele halo ema haksolok laos atu terus no hetan torturação tanba de’it ukunfuan no ordem nebé iha.

Hanesan Maromak Oan nebé hadomi uluk ita, Jesus Cristo hatudu dalan ba ita atu resposta domin Maromak nian ho fuan tomak. Hadomi Maromak ho fuan tomak, ho fuan nebé lafahe. Totalidade husi ita ninia an inclui iha ita ninia hakarak, emoção, saudades, hanoin tomak ba de’it Maromak. ne’e mos hatudu fidelidade total ba Maromak nebé hadomi uluk ona ita.

São. Paulo iha leitura daruak nian sente obrigado ba Maromak tanba comunidade iha Tessalonica hatur sira nia fiar no esperança ba Maromak. Biar Igreja iha Tessalonica hasoru desafio oi-oin maibé  Maromak nia liafuan sempre sira simu no haklean iha sira ninia moris lor-loron nian. Ne’e hotu tanba tulun husi espírito Santo nebé sempre fó coragem no haraik graça ba sira. Sira ninia prontidão hodi haklean Maromak ninia liafuan ne’e mos sai exemplo nebé diak ba ema seluk iha momento nebá. Buat seluk ida nebé mak importante mos mak hakribit salan sai biban atu hasoru Maromak. Paulo apresia ho comunidade Tessalonica hodi dehan : “Kamu berbalik dari berhala-berhala kepada Allah untuk melayani Allah yang hidup dan yang benar, dan untuk menantikan kedatangan Anak-Nya dari sorga, yang telah dibangkitkan-Nya dari antara orang mati, yaitu Yesus, yang menyelamatkan kita dari murka yang akan datang.” (1Tes 2,9-10). Paulo hateten momos kona ba graça tolu husi Maromak ne’e mak fiar, esperança no domin. Fiar no esperança sempre iha relação ho Maromak, ao passo que domin sempre iha relação ho ema. Hodi hadomi ema seluk então ita mos sei hadomi Maromak.

Iha semana ida ne’e ita hotu hetan bolu atu laos de’it koalia kona ba domin maibé precisa liu-liu mak koalia ho domin. Ita precisa besik liutan ba domin ne’e mak Maromak rasik atu nune’e ita bele hadomi diak liutan ita ninia maluk sira hanesan ita nia an rasik. Uainhira ita experimenta ona domin iha familia no iha moris hanesan ema fiar nain. Sem experiencia domin Maromak nian no maluk sira, deficil tebes ba imi no ha’u atu bele hadomi.

Ha’u remata reflexão ne’e hodi cita São. Paulo nebé dehan : “no ha’u bele halo profesia karik hodi hatene loloos misterio sira hotu no matenek tomak, ha’u iha fiar nebé book  foho sira karik, maibé laiha domin, ha’u lafolin buat ida.” (1Cor 13:2). Assim Seja e Bem Hajam. (Mário de Oliveira Pires)

POVO SARANI TIMOR PRECISA HAKMATEK “Ne’e Mak Bibi Atan Igreja Local Sira Hein”

DCDD – (20/10/2017) Panorama politica iha contexto Timor nian nebé preocupante tebes ema hotu iha Timor. Iha sorin ida governo nebé forma husi minoria nebé composto husi coligação FRETILIN no PD apresenta programa nebé cabe ba interesse nacional atu nune’e bele lori desenvolvimento ba povo tomak ho objetivo nebé claro no iha sorin seluk Bloco Oposição Parlamentar nebé composto husi P-CNRT, PLP no P-KHUNTO hato’o moção de rejeição hasoru programa VII Governo Constitucional nian tanba hanoin katak programa sira laapar ho realidade Timor nian. Relaciona ho tensão política nebe oras nee mosu iha rai laran, Mahein Diocese Dili D. Virgilio do Carmo da Silva, Mahein Diocese Baucau D. Basilio do Nacimento no Mahein Diocese Maliana D. Norberto do Amaral husu ba povo sarani tomak atu hakmatek.

Bispo Diocese Dili D. Virgilio do Carmo da Silva hateten hau husu atu povo hakmatek tamba ita começa rona, povo começa halo rumoris tun sae, balu começa hatauk malu, buat hirak nee mak hodi cria ita nia situação nee hodi sai la hakmatek. Tan nee ita hotu tuir no acompanha durante loron hirak nia laran desemvolvimento política ninian e ita nafatin fo nafatin fiar ba ita nia politico nain sira e ita nudar povo ita hotu atu hakmatek iha ida-idak nia fatin. Hau husu ba naiulun politico nain sira atu nafatin mantem paz no estabilidade hanesan iha tempo campanha nian mai too agora, buka koalia ba malu ho ulun malirin atu rai ida nee nafatin moris iha paz no estabilidade.

Entretanto Bispo Baucau D. Basilio do Nacimento relaciona ho tensão política nebe mosu hateten: situação sira hanesan nee dala barak halo ema pánico ituan e hau hanoin katak ita tenki aprende moris iha ita nia situação hirak nee.

Basilio hateten tan; buat nee regra democracia. Governo apresenta nia programa e buat hirak nee hanesan jogo democrático ida, buat nee ba votação e apreciação Parlamento nian depois Parlamento hola decisão, se aprova ou la aprova. Se aprova Governo liu, se la aprova mecanismo sira Constitucional hau la hatene oinsa tamba depois de ida nee iha tan dalan seluk nee hau la hatene, maibe normalmente quando Governo monu, regras geral ba iha eleções anticipadas. Jogos Democracia nee partidos sira apresentaan ho sira nia programa depois submete ba iha eleição, hirak nebe povo hili, hirak nebe meresse povo nia comfiança hodi ba kaer ukun. Nee duni ita labele hare buat nee hanesan jogo Futeboll nian dehan ida tenki manan lae, maibe iha Democracia nee iha regra próprio.

Iha iban hanesan D. Norberto do Amaral mos hateten; husu ba povo atu hakmatek iha ida-idak nia fatin, buka atu nafatin halo ita nia actividade lor-loron nian no lalika ba rona rumoris oi-oin hodi estraga ita nia-an. Buat hotu husik ba Líder sira mak koalia ba malu.

Ba Liderança sira D. Norberto hateten;  ba imi naiulun sira buka atu tetu no husu ba ita ida-idak nia conciência programa ida nee importante ba povo ka importante ba hau nia-an, tenik D. Norberto. (ITE/CTDD)

Lere Apela ba Povo Atu Hakmatek

DCDD – (20/10/2017) Relaciona ho tensão politico nee oras nee mosu iha rai laran, Chefe Estado Maior das F-FDTL Major Lere Anan Timur ho Comandante Geral PNTL Comissário Júlio da Costa Hornai liu husi Comferiência Imprensa nebe halao iha Palácio Presidencial Bairo Pite Sexta-feira foin lalais nee apela ba povo atu nafatin kamatek. Tuir Lere Anan katak; Ami nain rua Comandante Polícia Nacional de Timor-Leste mai iha Palácio nee tamba ohin Senhor Presidente nudar Comandante Supremos das Forças Armadas bolu ami atu tau matan ba ita nia situação actual. Ita hotu hotu-hotu hatene katak loron hirak liu ba ita nia naiulun sira liu-liu  ilustres Deputados iha Uma Fukun Parlamento ninian, sira koalia kona ba destino nação ou destino povo nian. Ita hoti hatene katak ita nia nação ou Timor-Leste sai nação iha mundo rai klaran tamba ita nia maluk rihun ba rihun fakar ran, soe sira nia isin e sira nebe que mate resto ohin loron sei hamutuk ho ita.

Tuir Lere Anan Katak; situação horseik halo ita nia povo sente tauk tamba ita líder sira mak sabraut, ita mak hakarak estraga situação. Ita hare horikalaan apartir de 7 ou 8 horas Estrada mamuk, ohin Sexta mos movimento Careta, motor no ema laos hanesan bai-bain. Ita rona katak iha municípios apesar de hakmatek ita rona katak la normal. Tamba nee mak ami nain rua nudar element nebe que garante sigurança ho estabilidade kaer Lei ho Ordem iha nação ida nee, ami apela ba Timoroan hotu hotu tur hakmatek, husik situação hanesan agore nee lao dadauk calma e lakohi ema ida seja quem for bele boot ka kiik, Líder ka lae lakohi par estraga situação.

Lere Anan Alerta katak; Se mak provoca situação Forças Armadas, PNTL sei toma decisão ou medida nebe que todan. Quando ami haruka ami nia Soldado hamriik iha Sigurança neba la hare ba oin ó boot ga, ó Ministro ga ou Deputado ami la hare ba ó nia oin, maibe hare ba crime nebe que ó comete.

Tuir Lere Anan katak; nee mak ami apela ba Jovens hotu-hotu, ba comunidade tomak atu hakmatek. Hanoin katak mundo gaba ita, fo parabens ba ita tamba nia maturidade, nia responsabilidade perante vida nação ho povo nian.

Lere Anan Sublinha katak: ema cojinha tein tiha hahan tau tiha iha meja, maibe ema patrão mak lahatene aproveita cojinheiro nia kolen, hodi hadau malu hahan ida hakarak han barak, ida hakarak han ituan e ida hakarak han tomak, ida nee mak hatudu ba ita nia comunidade. Maibe iha vida Democrática hanesan nee duni, maibe labele ultrapassa Democracia  ninia limite. Democracia mos iha ninia limite tamba dehan democracia be ita naran arbiru deit (Anarquismo), ida-idak manda, kolia no halo. Tam ba nee ohin Presidente bolu ami rua mai hodi fo ona competência tomak mai ami Força Armada no PNTL atu atua iha qualquer momento quando simu ordem husi Comandante.

Nudar aparelo do estado la hakiduk ba qualquer ema, la tauk ema ida tamba nia cumpre nia missão nundar lutu ba nação.(Ngl)

SOMOXO; LAIHA ESTADO DECÍTIO

DCDD – (20/10/2017) Ministro Defesa e Segurança José Agustinho Sequeira Somoxo declara lia hirak nee ba público hafoin halao encontro ho Chefe Estado Maior General F-FDTL Major General Lere Anan Timur no Comandate Geral Polícia Nacional Timor-Leste PNTL Comissário Júlio da Costa Hornai iha Quartel General Falintil Força de Defesa de Timor-Leste F-FDTL Fatuhada Dili sexta-feira foin lalais nee. Tuir Somoxo katak Estado Decítio nee mosu quando kilat taruto. Kilat la tarutu funu laiha nee sirculação ka movimento nee normal. Somoxo declara lia hirak nee ho divulgação imformação falsu hirak nebe oras nee divulga dadaun iha teritório tomak hodi hatauk população sira. Tamba nee Somoxo apela ba Político nain sira no povo tomak atu contribui ba estabilidade nacional. Hau husu ba Político nain sira no mos povo tomak atu contribuia ba estabilidade política no esbilidade a nivel sigurança, porque problema sira hanesan problemas politicos, nee politico sira sei entene malu. Horseik balu dehan funu atu mosu iha horkalan, maibe laiha funu ida tamba política nee hanesan nee duni, desentendimento nee iha mas iha future sei hetan dalan ida, tamba hau fiar katak politicos hotu-hotu iha responsabilidade político ho moral atu lori nação no povo ida nee ba oin, tenik Somoxo.(Ngl)

Feto 28% Imvolve Consumo Tabaco

DCDD – (19/10/2017) Grupo Aliança Contra Tabaco Timor-Leste liu husi comferência de imprença nebe realiza iha Salão Aministrador Município Dili Sexta-feira nee ho nia objectivo atu desamina imformação ba comunidade sira kona ba comsumo tabaco. Tuir Juvinal imforma katak; realidade nebe oras nee acontece katak Feto iha Timor-Leste iha feto barak koko atu fuma e barak mos fuma ona e hau bele dehan feto iha Timor-Leste nebe imvolve-an comsumo tabaco tuir pesquiza nebe iha, quase sae ona ba 28,6%, feto comsumo tabaco. Tamba nee, precisa imformação ba comunidade atu ba futuro tenta hodi atua e hau hanoin ida nee laos deit Ministro de Saúde nia responsabilidade, maibe precisa colabora no servisu hamutuk ho instituição hotu hotu, Parseiros no NGO sira para atu fahe ou divulga imformação ba comunidade relaciona ho impacto sigaru ba saúde. Tuir ita hotu hatene katak impacto comsumo tabaco ba saúde nee ladiak. Tamba nee importante tebes atu ita nia população sira hatene e ita hein katak ita nia decreto Lei nee mos agora sei processa e ho decreto Lei nee mos atu maluk sira mos bele cumpre. (Ngl)