shadow
Diocese de Dili > NOTÍCIAS > LETURA DIÁRIA

Sabado, V Semana iha Tempo Comum (ANO A)

Primeira Leitura   1Rs. 12. 26-32; 13. 33-34

Lia husi primeiro livro Liurai sira nian:

Iha loron hirak nebá, Jeroboão ukun uma-kain sanulu Israel nian, nia dehan ba nia-an rasik: “Iha tempo ida ne’e, ukun liurai nian kala fila fali ba uma-kain David nian. Povo sa’e, nafatin ba Jerusalém karik atu hasa’e sacrifício iha Na’i nia uma kreda, sira laran sei nakfila ba liurai Roboão, be ukun Judá no sira sei oho ha’u. Hafoin, hanoin didiak tiha, Jeroboão haruka halo karau oan rua ho osan mean, hodi dehan ba povo: “Imi lalika ona sa’e ba Jerusalém! Israel, ó nia Maromak sira mak ne’e, nebé hasai “o housi rai Egipto”. Hari karau oan ida iha Betel, no ida seluk iha Dan. Nune’e mosu tempo sala nian, basá, povo ba to’o Dan atu hasa’e sacrifisio ba nu’udar sacerdote ema bain-bain, nebé la’os housi uma-kain Levi nian. Jeroboão haruka halo festa boot ida iha fulan ualu, loron sanulu resin lima, hanesan festa be sira hala’o tiha ona iha Judá; nia rasik sa’e ba altar. Nia halo mós hanesan ne’e iha Betel hodi hasa’e sacrificio ba karau oan sira nebé nia haruka halo. Tau mós iha Betel, sacerdote sira, iha tempo sira nebé nia haruka harí.

Jeroboão la husik nia hahlok áat sira, hodi hili nafatin ema bai-bain nu’udar sacerdote ba fatin áas sira. Fó consagração ba ema nebé hakarak atu sai sacerdote ba fatin sira bé áas. Ne’e mak sala nebé uma-kain Jeroboão nian halo, hodi hamonu no halakon tiha nia housi rai.

Maromak Futar Lia.

 

Salmo Responsorial                                                                                                              Sal. 105(106). 6-7ª, 19-20, 21-22(R. 4ª)

Refrão : Keta haluha ami, Na’i, tan Ita domin ba Ita povo!!! Repete-se

Ami sala tuir aman sira

ami halo buat áat no la tuir Ita hakaran

Houri uluk iha rai Egipto,

Ami aman sira la hatene tuir,

ita nia hahalok Kmanek sira. Refrão

 

Iha Horeb sira halo karau ona hodi simu osan mean,

no adora ilas nebé halo ho sira liman rasik;

sira troca glória Na’i nian,

ho ílas karau ida nian, nebé han du’ut. Refrão

 

Sira haluha tiha Maromak nebé soi sira;

halo buat kmanek oi-oin iha egipto,

halo hahlok kmanek ua’in iha Cam,

halo buat foun iha Tasi Mean. Refrão

 

Aclamação                                                                                                                                                                                            Mt. 4. 4b

Refrão : Aleluia, Aleluia!! Repete-se

Ema la moris de’it ho aihan, maibé ho liafuan sira nebé

Sai housi Maromak futar ibun. Refrão

 

Evangelho                                                                                                                                                                                         Mc. 8. 1-10

Na’i Jesus Cristo nia Evangelho nu’udar São Marcos haktuir:

Iha loron hirak nebá, ema lubun boot halibur hikas fali, tan sira la iha buat ida atu há; Jesus bolu nia escolante sira hodi dehan ba sira: “ha’u hanoin teb-tebes ema isra ne’e; loron tolu ona mak sira hela hamutuk ho ha’u; sira la iha buat ida atu há. Ha’u haruka sira ab uma karik hodi ba lori aihan, sira sei monu iha dalan; sira balun mai housi dook”. Escolante sira simu hodi dehan ba nia: “oinsá ita bele fó han ba sira, iha rai fuik maran ne’e?” maibé, Jesus husu fali ba sira: “ imi iha pão fuan hira?” sira hatan: “Ami iha pão fuan hitu”. Tuir mai, Jesus haruka sira atu tur hotu iha rai. Hafoin, Jesus káer tiha pão fuan hitu ne’e, fó agradece, silu, hodi fó ba nia escolante sira, atu fahe ba ema lubun boot ne’e. Sira há to’o bosu. Sira halibur baluk oan sira nebé resin iha ta’an hitu. Ema sira ne’e besik rihun háat. Tuir mai, Jesus husik hela sira hodi sa’e ba ró ho nia escolante sira, hodi ba iha rai Dalmanutá.

Lia Maksoyn.

Sexta-Feira, V Semana iha Tempo Comum (ANO A)

Prmeira Leitura     1Rs. 11. 29-32; 12. 19

Lia husi primeiro livro Liurai sira nian:

Iha loron hirak nebá, Jeroboão sai housi Jerusalém, iha dalan, profeta Aías housi Silo, mai hasouru nia. Profeta lori kapa foun ida mai no sira na’in rua mesa-mesak iha hela rai luan klaran. Aías káer tiha kapa foun nebé nia lori mai ne’e, lés fahe tiha iha baluk sanulu resin rua. Hafoin, dehan ba Jeroboão: “Simu hodi hela ba ó baluk sanulu, basá, Na’i Israel nia Maromak, dehan tiha ona: ‘Ha’u ba hasai tiha Salomão housi nia reino, no Ha’u sei fó ba ó, uma-kain sanulu. Maibé, nia sei hela ho uma-kain ida, tan Ha’u atan David no Jerusalém, cidade nebé Ha’u hili tiha ona iha uma-kain sira Israel nian, nia leet’.” Mosu tiha duni nune’e; uma-kain sira Israel nian hakotu tiha David nia uma-kain to’o ohin loron.

Maromak Futar Lia.

 

Salmo Responsorial                                                                                                     Sal. 80(81). 10-11ab. 12-13, 14-15 (R.11ª, 9ª)

Refrão : Ha’u mak Na’i, ó nia Maromak, rona Ha’u lian ba!!! Repete-se

Ó sei la iha maromak seluk ida,

Ó sei la adora maromak rai seluk nian ida.

Ha’u mak Na’i, ó nia Maromak,

Nebé hasai ó housi rai Egipto nia. Refrão

 

Ha’u Nia povo la rona Ha’u lian;

Israel la halo tuir Ha’u Nia liafuan,

Tan ne’e Ha’u saran sira ba sira fuan tós,

Husik sira tuir sira hakrak. Refrão

 

Oh! Ha’u nia povo rona karik Ha’u,

Israel tuir karik Ha’u nia dalan;

La kleur de’it funu baluk sira hakruuk ba sira,

Ha’u lia liman mai hasouru sira funu baluk sira. Refrão

 

Aclamaçào                                                                                                                                                                                       Act. 16. 14b

Refrão : Aleluia, Aleluia!! Repete-se

Loke, Na’i, ami fuan atu simu futar

liafuan housi Ita Oan Mane. Refrão

 

Evangelho                                                                                                                                                                                       Mc. 7. 31-37

Na’i Jesus Cristo nia Evangelho nu’udar São Marcos haktuir:

Iha tempo nebá, Jesus sai fali housi rai Tiro kona housi Sídon, hakatliu ba rai Decápole, iha tasi Galileia nian. Ema sira lori ema tilun diuk ida nebé atu ko’alia mós susar, hodi hatudu ba Nia. Sira harohan ba Jesus atu sadi’a nia. Jesus hadook-an tiha ho ema tilun diuk nee housi ema lubun. Nia hatama tiha liman fuan iha ema ne’e nia tilun, tau mós kabén oit-oan iha ema ne’e nia nanal. Hafoin, foti matan ba lalehan: Jesus dada íis maka’as, hodi dehan ba nia: “Effata”, katak “loke ba”. Ema nia tilun nakloke kedas; nia nanal mos mamar tiha kedas; hodi hahu ko’alia mós lós. Jesus hameno sira atu labele dehan sai baut ne’e ba ema ida. Maibé, maski Jesus hameno hela ba sira, sira hétok dehan sai maka’as liu tan. Hakfodak liu tebes, sira dehan: “Buat hotu Nia halo mesak di’ak: halo diuk sira rona, nunuk sira ko’alia”.

Lia Maksoyn.

Quinta-Feira, V Semana Iha Tempo Comum (ANO A)

Primeira Leitura                      1Rs. 11. 4-13

Lia husi primeiro livro Liurai sira nian:

Wainhira Salomão sai katuas tiha, nia féen sira muda nia fuan ba Maromak sira seluk, nia fuan la fó tomak ona ba Na’i, be nia maromak, hanesan nia aman David. Salomão hahu fiar iha Astarté, ema Sidónio sira nia maromak, no iha Milcom, amonita sira nia maromak. Nia hala’o buat nebé la fó ksolok ba Na’i, la tuir lolós Na’i Nia hakaran hanesan nia aman David. Iha tempo ne’e Salomão harí santuário ida iha foho nebé hela iha loron sa’e housi Jerusalém nian, ba Camos, maromak Moab nian, ba Moloc, maromak amonita sira nian. Nia halo mós nune’e atu haksolok nia féen sira rai seluk nian, be sunu ai-wen morin (incenso) no hasa’e sacrifício ba sira nia maromak. Na’i hirus teb-tebes hasouru Salomão tan nia fuan hadook tiha ona housi Na’i, Israel nia Maromak. Nune’e, Na’i mosu dala rua ba nia hodi fó ordem ba nia kona ba Nia hakarak, atu la bele hasa’e sacrifício ba maromak sira seluk. Maibé, liurai la tuir Na’i nia ordem. Nune’e, Na’i dehan ba Salomão: “Tan ó halo tiha ona nune’e, no ó la respeita Ha’u Nia moruk (aliança) no mós Ha’u Nia ukunfuan sira nebé Ha’u hato’o tiha ona ba ó, Ha’u ba hasai tiha reino housi ó, hodi fó reino ne’e ba ó atan ida. Maibé, Ha’u sei la halo iha ó nia moris, tan ó aman David; Ha’u sei hasai ó nia reino ne’e housi ó oan mane. Ha’u sei la hasai nia reino hotu: sei husik hela uma-kain ida ba ó oan mane, tan Ha’u atan David no tanba Jerusalém, nebé Ha’u hili tiha ona mai Ha’u”.

Maromak Futar Lia.

 

Salmo Responsorial                                                                                                             Sal. 105(106). 3-4, 35-36, 37, 40 (R. 4ª)

Refrão : Na’i, keta haluha ami, tan domin ba Ita povo!!! Repete-se     

Rahun di’ak ba sira nebé moris tuir ukunfuan,

no iha sira nia moris tomak halo tuir justiça.

Keta haluha ami, Na’i, tan domin ba Ita povo;

mai haré ami ho Ita Nia maksoyn. Refrao

 

Sira la’o ho gentio sira,

halo tuir sira nia lisan;

Sira adora sira nia maromak falso,

nebé nu’udar hani tau ba sira. Refrao

 

Hasa’e sacrifício ba demónio sira,

nia oan mane no oan feto sira.

Tan ne’e, Na’i hirus teb-tebes,

hakribi nia povo no nia liman-rohan. Refrão

 

Aclamação                                                                                                                                                                                        Tg. 1. 21b, c

Refrão : Aleluia, Aleluia!! Repete-se

Simu ho laran midar liafuan nebé kuda ona iha imi:

Nia bele soi imi klamar. Refrão

 

Evangelho                                                                                                                                                                                      Mc. 7. 24-30

Na’i Jesus Cristo nia Evangelho nu’udar São Marcos haktuir:

Iha tempo nebá, Jesus la’o ba rai Tiro no Sídon. Nia tama iha uma ida, la kohi atu ema ruma hatene katak Nia iha nebá, maibé, ema sira hatene. Nune’e, feto ida nebé iha oan feto ida be iha diabo iha nia laran, wainhira rona tiha kona ba Nia, mai tuku-tur iha Nia ain. Nia ema gentio nebé moris iha rai siro-fenícia. Nia husu ba Jesus atu duni sai diabo ne’e housi nia oan feto. Maibé, Jesus hatan ba nia: “Husik uma-kain nia oan sira han didiak lai. Basá, hasai aihan housi labarik sira, hodi fó fali ba asu sira, ne’e la di’ak”. Maibé, feto ne’e hatan: “Lós duni, Na’i, maibé, asu sira mós, iha mesa okos han buat nebé sira soe tiha”. Jesus hatan ba feto: “Tan ó nia liafuan hirak ne’e, ó bele ba ona. Diabo sai tiha ona housi ó nia oan”. Wainhira feto ne’e to’o uma, nia hetan nia oan feto toba hela iha toba fatin. Diabo sai tiha ona!

Lia Maksoyn.

Quarta-Feira, V Semana iha Tempo Comum (ANO A)

Primeira Leitura                      1Rs. 10. 1-10

Lia husi primeiro livro Liurai sira nian:

Iha loron hirak nebá, liurai-feto Sabá nian rona ko’alia kona ba salomão, nia mai atu koko nia ho problema sira be susar atu hala’o. Nia tam iha jerusalém ho ema lubun boot ida ho kuda kamelo sira be lori ai-ben morin, osan mean wain tebes no fatuk sira be foloin boot. To’o tiha iha salomão nia oin, hato’o ba nia buat buat hotu nebé nia hanoin. Salomão hatan hotu ba nia problema sira, no ba liurai la iha buat ida be nia la bele hatan.

Wainhira liurai-feto sabá nian haré tiha salomão nia matenek, kadunan liourai nian be nia hari, aihan sira hotu, uma sira be  nia emar sira nian, uma sira no nia ulun sira nia hatais, nia emar sira be halo konta sasán, no sira be hasa’e sakrificio iha Na’i nia uma kreda, nia dada íis tiha hodi dehan ba liurai: “ buat hotu nebé ha’u rona kona ba ó, mesak lós de’it, iha ha’u rain ita nia liafuan sira no ita nia matenek hetan naran boot tebes. Ha’u la kohi fiar iha buat nebé sira dehan mai ha’u, wainhira ha’u la dauk haré ho ha’u nia matan rasik; maibé, sira la dauk haktuir hotu mai ha’u. Ó nia matenek no ó nia moris loron ikus nian, boot liu fali ó naran boot nebé to’o tiha ona mai ha’u. Ksolok boot ba ó no ba emar sira be tuir ó; rahun di’ak ó atan sira nebé hela nafatin iha ó sorin, atu rona ó nia matenek. Rahun di’ak ba ó Na’i, ó nia Maromak, nebé hatudu ba ó nia laran-luak hodi tau ó iha trono Israel nian. Tan Na’i hadomi Israel ba nafatin, nia halo ó liurai atu ó ukun ho justiça no lialós”. Ikus mai nia fó ba liurai osan mean atus ida ruanulu, ai-wen morin barak tebes, no fatuk sira be folin wa’in. Ema ida la fó tan riku-soi no ai-wen morin hanesan liurai feto Sabá nian fó ba liurai Salomão.

Maromak Futar Lia.

 

Salmo Responsorial                                                                                                                Sal. 36(37). 5-6, 30-31, 39-40 (R. 30ª)

Refrão : Ibun ema lós nian, haklaken matenek!!! Repete-se

Saran ó nia moris ba Na’i,

hein iha Nia! Na’i sei tulun ó;

Nia sei halo nabilan ó justiça hanesan roman,

no ó nia direito sira henesan loron fahe-rua. Refrão

 

Ibun ema lós nian mai housi Na’i,

no nia nanal dehan buat lós nian.

Maromak Nia Lei hôrik iha nia fuan,

tan ne’e, nia la la’o sala. Refrão

 

Maksoyn ema lós nian mai housi Na’i,

Nia mak nia subar fatin iha tempo susar;

tahan nia housi ema áat sira liman,

no soi nia, basá, nia hamahan-an iha Na’i. Refrão

 

Aclamação                                                                                                                                                                                      Jo. 17. 17b, a

Refrão : Aleluia, Aleluia!! Repete-se

Ita liafuan, Na’i, mak lialós tebes;

Halulik ami iha lialós. Refrão

 

Evangelho                                                                                                                                                                                      Mc. 7. 14-23

Na’i Jesus Cristo nia Evangelho nu’udar São Marcos haktuir:

Iha tempo nebá, Jesus bolu hikas fali povo hodi dehan: “ imi sée tilun mai, atu rona hodi hatene didiak. La iha buat ida iha liur nebé tama hodi halo fóer ema laran. Buat nebé sai husi ema nia laran mak hafo’er ema. Ema nebé iha tilun atu rona, rona ba!” wainhira Jesus husik ema lubun ne’e hodi tama toiha iha uma laran, nia eskolante sira husu nia konaba aiknanoik ne’e. Nia hatan ba sira: “ imi mós la compreende ? imi ls haré katak buat naran de’it nebé tama iha ema nia laran housi liur la bele halo nia fó’er. Basá, la tama iha nia fuan, maibé iha nia kabun de’it, hodi sai ba liur”. Nune’e, Jesus hatudu katak aihan hotu la fó’er. Nia dehan tan: “ buat nebé sai husi ema laran mak hafó’er ema. Basá, housi ema sira laran mak sai hanoin áat: katak, sala fó’er, na’uk liman mean, soe biti kluni, hakarak buat hotu ba-an rasik, laran áat, larn makerek, laran metan, laran moras, ibun fó’er, loko-an, la hamta’uk Maromak! Toman áat sira ne’e mak hafo’er ema”.

Lia Maksoyn.

Terça-Feira, V Semana iha Tempo Comum (ANO A)

Primeira Leitura          1Rs. 8. 22-23, 27-30

Lia housi primeiro livro Liurai sira nian:

Iha loron hira nebá, liurai Salomão hamriik tiha iha Na’i nia altar oin, iha povo tomak Israel nia oin, halolo liman ba Lalehan hodi dehan: “Na’i, Israel nia Maromak, la iha Maromak ida hanesan Itaboot, iha Lalehan be áas liu ba eh iha rai okos liu ba. Ita mak halo tuir lolós aliança no iha nafatin laran-luak ba Ita atan sira, wainhira sira ho neon no laran tomak, la’o iha Ita futar oin. Maibé, tebes duni, Maromak bele hôrik ho ema sira iha rai? Lalehan sira lalehan sira be áas liu ba nian, sei la to’o Itaboot, oinsá ho uma ida ne’e nebé  ha’u harí tiha ona! Na’i, ha’u Maromak, rona Ita atan nia harohan be nia hasa’e; rona didiak lia hato’o no harohan nebé ohin nia hasa’e ba Itaboot. Atu Itaboot kalan loron tau matan nafatin iha uma ida ne’e, iha fatin ida ne’e nia leten iha nebé Ita dehan tiha ona; ‘Ha’u naran sei hela iha ne’e!’

Ne’e duni, rona Ita atan nia harohan ba, nebé, iha fatin ida ne’e hasa’e ba Itaboot; simu Ita atan nia harohan no Israel, Ita povo nia harohan, wainhira sira mai hasa’e iha fatin ida ne’e. Rona nia housi fatin nebé Ita hôrik ba, iha Lalehan; rona ba hodi haraik perdua ba!”

Maromak Futar Lia.

 

Salmo Responsorial                                                                                                                             Sal. 83(84). 3, 4, 5-10, 11 (R. 2)

Refrão : Ita Nia hôrik fatin kmook tebes, Na’i, Lalehan no Rai tomak nian!!! Repete-se

Ha’u klamar neon sala,

Hodi hanoin Na’i nia kadunan;

Ha’u fuan no ha’u isin

Haksolok iha Maromak moris. Refrão

 

Manu Lakateu sira buka hela fatin,

Koá-lelok (Andorinha) halo knu’uk ba oan sira;

Besik Ita Altar, Na’i mundo rai-klaran nian,

Ha’u nia Liurai no ha’u nia Maromak. Refrão

 

Ksolok ba sira nebé hôrik iha Ita uma,

No sira nebé hahí Ita loron kalan.

Hateke mai, Maromak, ami mahein,

Haré ba Ita Atan nebé Ita tau ona mina. Refrão

 

Loron iha iha Ita kadunan di’ak liu fali rihun ida;

Ha’u hakarak hôrik iha Na’i nia uma-labis,

Liu fali hela iha tenda ema áat sira nian. Refrão

 

Aclamação                                                                                                                                                                  Sal. 118(119). 36ª, 29b

Refrão : Aleluia, Aleluia!! Repete-se

Halo ha’u fuan tuir Ita ukunfuan;

Haraik mai ha’u graça atu moris tuir Ita Lei. Refrão

 

Evangelho                                                                                                                                                                                          Mc. 7. 1-13

Na’i Jesus Cristo nia Evangelho nu’udar São Marcos haktuir:

Iha tempo nebá, ema Escriba no Fariseu balu mai housi Jerusalém halibur hela ho Jesus. Sira haré katak Jesus nia escolante sira barak han liman fo’er, katak la dauk fase. Ema Fariseu no Judeu sira hotu la bele han, wainhira sira la dauk fase didiak sira liman, tuir lisan bein sira. Sira fila tiha mai uma, la tur atu han, wainhira sira la fase-an tiha, tuir sira lisan. Sira moris tuir tan lisan seluk-seluk, tan de’it lisan bein sira nian, hanesan: fase copo, fase buli, solur sana riti. Tan ne’e, Fariseu sira no Escriba sira husu ba Jesus: “Tan sá Ó Nia escolante sira la tuir bein sira nia lisan, maibé, sira han ho liman fo’er?” Jesus lia tun ba sira: “Imi mesak laran makerek tan-tanan. Profeta Isaías ko’alia lós duni kona ba imi wainhira nia hakerek dehan: ‘Povo ida ne’e hana’i Ha’u ho de’it ibun tutun, maibé nia laran dook lós housi Ha’u! Sira hahí Ha’u leet de’it. Doutrina sira hanourin, mesak ema sira nia ukunfuan de’it’. Imi husik tiha Maromak Nia ukunfuan hatene hodi tuir fali ema nia lisan”. Nia dehan tan ba sira: “Imi hatene bobar Maromak Nia ukunfuan tuir imi nia lisan sira. Moisés rasik dehan: ‘Hamta’uk ó nia aman no inan no ema nebé hateten áat nia aman ka nia inan sei mate’. Imi fali dehan: “Ema ruma bele dehan ba nia aman ka inan: ‘Buat nebé imi bele hetan housi ha’u mak corbã katak hasa’e tiha ona ba Maromak’. Nune’e, imi la husik ona nia atu halo buat ruma hodi tulun nia aman ka inan. Nune’e, imi halo Maromak Nia ukunfuan folin laek atu hametin fali imi nia lisan nebé imi fó sai ba imi nia oan sira. Imi sei halo buat barak hanesan ne’e”.

Lia Maksoyn.

Segunda-Feira, V Semana iha Tempo Comum (ANO A)

Primeira Leitura                1Rs. 8. 1-7, 9-13

Lia housi primeiro livro Liurai sira nian:

Iha loron hirak nebá, liurai Salomão, iha Jerusalém, bolu ba nia oin katuas sira Israel nian, ulun sira uma-kain hot-hotu nian no ulun família sira Israel nian. Ko’alia hela atu lori mai housi David nia cidade ka housi sião, Na’i nia arca aliança nian. Ema hotu Israel nian ba halibur-an hamutuk ho liurai Salomão, iha fulan Etanim, mak fulan hitu, be iha festa Tabernáculos sira nian, wainhira sira Israel nian to’o tiha hotu, sacerdote sira káer iha arca. Sira lori Na’i nia arca no tenda halibur malu nian, ho sasán sira be sagrada nebé hela iha nebá; sacerdote no levita sira mak lori sasán hirak ne’e. Liurai Salomão no ema hotu Israel nian be halibur hamutuk ho nia, iha arcá nia oin, hasa’e nu’udar sacrifício bibi malae no karau vaka sira wa’in tebes, sura la bele no hanoin la hetan. Sacerdote sira hatúr tiha Na’i nia arca aliança nian iha nia fatin, iha laran liu templo nian, be hanaran Santo, Santo sira nian, iha querubim sira nia liras nia okos. Tan querubim sira nia liras halolo hela ba fatin arca nian ne’e nia leten, no housi áas, taka arca no sásan sira hotu. Iha arca, la iha tan buat ida, iha de’it mak fatuk belar rua, nebé Moisés tau iha aibalu ne’e iha Foho Horeb: fatuk belar sira aliança nian, nebé Na’i halo ho emar sira Israel nian, wainhira sira sai housi rai Egipto.

Wainhira sacerdote sira sai tiha housi santuário, kalohan  ida hakonu Na’i nia templo! Tanba kalohan, sacerdote sira la bele hala’o ona sira knaar. Na’i Nia glória nakonu iha templo laran. Nune’e, Salomão dehan: “Na’i hakotu lia atu hôrik iha kalohan nakukun. Ha’u sei harí ba Itaboot uma ida nu’udar Ita hôrik fatin, fatin ida iha nebé Ita sei Hôrik ba nafatin”.

Maromak Futar Lia.

 

Salmo Responsorial                                                                                                                              Sal. 131(132). 6-7, 8, 10  (R. 8a)

Refrão : Na’i, hi’it-an mai iha Ita Nia Santuário!!! Repete-se

Ami rona katak Na’i nia arca hela iha Éfrata,

Ami hetan Nia iha rai luan Jaar nian;

Ita tama ba Na’i nia hôrik fatin,

Tuku-tur iha Nia ain. Refrão

 

Na’i, hi’it-an mai iha Ita hamahan-An fatin,

Ita ho Ita Nia arca kbiit liurai nian,

Tan Ita atan David nia domin,

Keta hewai ema nebé Ita tau ona mina Santo. Refrão

 

Aclamação                                                                                                                                                                                            Mt. 4. 23

Refrão : Aleluia, Aleluia!!! Repete-se

Na’i Jesus haklaken liafuan di’ak reino nian no fó

Isin di’ak ba moras sira iha povo nia leet. Refrão

 

Evangelho                                                                                                                                                                                      Mc. 6. 53-56

Na’i Jesus Cristo nia Evangelho nu’udar São Marcos haktuir:

Iha tempo nebá, Jesus ho Nia escolante sira hakur liu tiha ba tasi nia sorin balu ba, sira la’o ba Genesaré. Sira kesi ró iha nebá. Wainhira sira tun housi ró, ema barak hatene kedas Jesus. Sira halai ba knua nebé besik-besik hodi lori mai ema moras sira iha sira nia toba-fatin, ba fatin nebé sira rona katak Jesus hôrik hela. Wainhira Nia tama iha knua eh cidade ruma ka la’o iha dalan, sira tau ema moras sira iha fatin luan hodi husu Nia atu husik sira kona Nia hatais nia ninin. Sira hotu nebé kona Nia hetan isin di’ak.

Lia Maksoyn.

Segunda-Feira, V Semana iha Tempo Comum (ANO A)

Primeira Leitura                  1Rs. 8. 1-7, 9-13

Lia housi primeiro Livro Liurai sira nian:

Iha loron hirak nebá, liurai Salomão, iha Jerusalém, bolu ba nia oin katuas sira Israel nian, ulun sira uma-kain hot-hotu nian no ulun família sira Israel nian. Ko’alia hela atu lori mai housi David nia cidade ka housi sião, Na’i nia arca aliança nian. Ema hotu Israel nian ba halibur-an hamutuk ho liurai Salomão, iha fulan Etanim, mak fulan hitu, be iha festa Tabernáculos sira nian, wainhira sira Israel nian to’o tiha hotu, sacerdote sira káer iha arca. Sira lori Na’i nia arca no tenda halibur malu nian, ho sasán sira be sagrada nebé hela iha nebá; sacerdote no levita sira mak lori sasán hirak ne’e. Liurai Salomão no ema hotu Israel nian be halibur hamutuk ho nia, iha arcá nia oin, hasa’e nu’udar sacrifício bibi malae no karau vaka sira wa’in tebes, sura la bele no hanoin la hetan. Sacerdote sira hatúr tiha Na’i nia arca aliança nian iha nia fatin, iha laran liu templo nian, be hanaran Santo, Santo sira nian, iha querubim sira nia liras nia okos. Tan querubim sira nia liras halolo hela ba fatin arca nian ne’e nia leten, no housi áas, taka arca no sásan sira hotu. Iha arca, la iha tan buat ida, iha de’it mak fatuk belar rua, nebé Moisés tau iha aibalu ne’e iha Foho Horeb: fatuk belar sira aliança nian, nebé Na’i halo ho emar sira Israel nian, wainhira sira sai housi rai Egipto.

Wainhira sacerdote sira sai tiha housi santuário, kalohan  ida hakonu Na’i nia templo! Tanba kalohan, sacerdote sira la bele hala’o ona sira knaar. Na’i Nia glória nakonu iha templo laran. Nune’e, Salomão dehan: “Na’i hakotu lia atu hôrik iha kalohan nakukun. Ha’u sei harí ba Itaboot uma ida nu’udar Ita hôrik fatin, fatin ida iha nebé Ita sei Hôrik ba nafatin”.

Maromak Futar Lia.

 

Salmo Responsorial                                                                                                                              Sal. 131(132). 6-7, 8, 10  (R. 8a)

Refrão : Na’i, hi’it-an mai iha Ita Nia Santuário!!! Repete-se

Ami rona katak Na’i nia arca hela iha Éfrata,

Ami hetan Nia iha rai luan Jaar nian;

Ita tama ba Na’i nia hôrik fatin,

Tuku-tur iha Nia ain. Refrão

 

Na’i, hi’it-an mai iha Ita hamahan-An fatin,

Ita ho Ita Nia arca kbiit liurai nian,

Tan Ita atan David nia domin,

Keta hewai ema nebé Ita tau ona mina Santo. Refrão

 

Aclamação                                                                                                                                                                                            Mt. 4. 23

Refrão : Aleluia, Aleluia!!! Repete-se

Na’i Jesus haklaken liafuan di’ak reino nian no fó

Isin di’ak ba moras sira iha povo nia leet. Refrão

 

Evangelho                                                                                                                                                                                      Mc. 6. 53-56

Na’i Jesus Cristo nia Evangelho nu’udar São Marcos haktuir:

Iha tempo nebá, Jesus ho Nia escolante sira hakur liu tiha ba tasi nia sorin balu ba, sira la’o ba Genesaré. Sira kesi ró iha nebá. Wainhira sira tun housi ró, ema barak hatene kedas Jesus. Sira halai ba knua nebé besik-besik hodi lori mai ema moras sira iha sira nia toba-fatin, ba fatin nebé sira rona katak Jesus hôrik hela. Wainhira Nia tama iha knua eh cidade ruma ka la’o iha dalan, sira tau ema moras sira iha fatin luan hodi husu Nia atu husik sira kona Nia hatais nia ninin. Sira hotu nebé kona Nia hetan isin di’ak.

Lia Maksoyn.

V Domingo Tempo iha Comum (ANO A)

Primeira Leitura                        Is 58, 7-10

Lia husi Livro profeta Isaías:

Maromak dehan nunee:”Fahe o nia ai-han ba ema nebé hamlaha; fo uma ba ema kiak sira, sira nebé horik fatin la iha; fo hena ba ema nebé o haré lao luan; keta fila kotuk ba o nia maluk. O halo hanesan nee, o nia naroman sei mosu hanesan rai hun mutin; o nia kanek la kleur la kleur deit sei sai diak; o nia justiça sei lao uluk iha o nia oin; iha o nia kotuk, Maromak nia glória lao tuir o. O bolu karik, Maromak sei hatan: “Hau mak nee”. O soe tiha karik buat fo terus, buat halo tauk, lia-fuan kroat, o fo karik buat nebé o nian ba ema hamlaha; o fo han karik ema nebé kiak, o nia naroman sei nabilan iha nakukun laran, o nia kalan sei sai hanesan loron fahe-rua”.

Maromak Futar Lia.

 

Salmo Responsorial                                                                                                                                       Sal 111(112), 4-5. 6-7. 8ª. 9

Refrão : Ema laran mos hetan ahi oan ida lakan iha nakukun laran!!! Repete-se

Iha nakukun laran ahi ida sei naroman

ba ema sira be laran mos, liman mos,

laran luak no laran.

Rahun diak ba ema nebé laran diak,

Empresta, fahe lolós nia riku-soin. Refrão

 

Ema laran mós tuba rai metin,

Ema temi nafatin nia naran;

Nia la tauk lia susar,

Nia laranmetinihaMaromak. Refrão

 

Nia la tauk buat ida.

Nia faheriku-soinbakiaksira.

Nia naran boot nafatin,

Nia kbiit boot nafatin. Refrão

 

Segunda Leitura                                                                                                                                                                            1Cor. 2, 1-5

Lia husi São Paulo nia surat ba sarani sira iha Corinto:

Maun alin sira: Uluk, hau ba buka imi, laos hodi lia-fuan diak nian, ka matenek boot nian, mak hau koalia ba imi, kona ba Maromak nia mistério, lae. Hauhanoin, ihaimileet, hau la hatenebuatida, hauhatenedeitmak Cristo Jesus. Cristo Jesus nebéhediiha Cruz. Hau too tihaimileet, haukbiit la iha, hautauk, haunakdedartebesduni. Hau koalia, hau hanorin, laos hodi lia matenek nian, maibé, hodi Espírito Santo nia kbiit. Nee duni, imi nia fiar harí metin, laos husi matenek ema nian, maibé, hodi Maromak nia kbiit.

Maromak Futar Lia.

 

Aclamação                                                                                                                                                                                             Jo. 8, 12

Refrão : Aleluia, Aleluia!! Repete-se

Hau mak roman mundo nian:

Se tuir Hau, sei hetan roman. Refrão

 

Evangelho                                                                                                                                                                                         Mt 5, 13-16

Nai Jesus Cristo nia Evangelho nu’udar São Mateus haktuir:

Iha tempo nebá, Jesus lai tun ba escolante sira:”imi masin rai nian. Maibé, masinlakonkarikniameer, niahameer ai-hanoinsa? Nia la soi onaba buat ida; nia soi deit atu soe ba liur, ema atu sama. Imi mundo nia roman. Cidade nebé harí iha foho leten, la subar-an; ahi-oan sunu, laos atu tau iha fatin okos, maibé, atu tau iha fatin aas, hodi leno ema hotu nia uma laran. Imi nia naroman sei nabilan mos hanesan nee iha ema sira oin, atu sira hare buat diak imi halo, sira hahí imi nia Aman iha Lalehan”.

Lia Maksoyn.

Sabado, IV Semana iha Tempo Comum (ANO A)

Primeira Leitura                     1Rs. 3. 4-13

Lia housi primeiro livro Liurai sira nian:

Iha loron hirak nebá, liurai Salamão ba hasa’e sacrifício iha Gabaon, fatin nebé áas no naran boot liu fatin santo sira seluk; nia hasa’e sacrifício rihun ida ida iha altar Gabaon nian. Iha nebá, Na’i mosu ba Salamão hatan;”Ita hatudu Ita laran-luak ba ha’u aman, Ita atan David, basá, nia la’o iha Ita futar oin ho neon no laran tuir Ita nia hakarak, ho Justiça no fuan mós no lós. Ita hametin ho nia Ita nia laran-luak ua’in hodi haraik ba nia oan mane ida, atu tur iha nia trono, hanesan mosu daudaun ohin loron. Na’i, ha’u nia Maromak, Ita halo atan ha’u ukun povo ne’e, hodi ha’u aman David nia fatin; maibé, ha’u foin sa’e, ha’u la hatene ukun lós Oinsá. Atan ha’u iha ona, iha Ita nia povo nebé Ita hili nanis nia leet, povo ida be ua’in tebes, sura mós la bele, hanoin de’it mós la hetan. Haraik mai atan ha’u fuan matenek ida atu bele ukun Ita nia povo no hatene fihir di’ak no áat. Basá, la iha buat ne’e, sé lós mak bele ukun Ita nia povo, povo nebé ua’in tebes hanesan ne’e?”

Lia nebé Salamão husu monu lós ba Maromak nia laran. Maromak dehan ba nia: “ Tan ó husu buat ida ne’e mai ha’u, hodi lahusu atu fó moris naruk, la husu riku-soi, la husu funu baluk sira nia mate, maibé, husu de’it matenek atu bele hala’o lolós Justiça na’in ida no matenek,fuan ida be la iha ema seluk atu hanesan hôrik uluk liu, ohin loron no ikus mai mós sei la iha ema ida hanesan ó”. Ha’u sei fó tan ba ó buat nebé ó la husu: riku-soi no glória, atu iha ó nia moris tomak la iha liurai ida hanesan ó”.

Maromak Futar Lia.

 

Salmo Responsorial                                                                                                          Sal. 118(119).  9, 10, 11, 12, 13, 14 (R. 12b)

Refrão : Na’i, hanourin ita ukunfuan sira mai ha’u!!! Repete-se

Oinsá foin sa’e ida rai didiak nia moris?

Moris tuir Ita liafuan, Na’i,

Ho laran tomak ha’u buka Itaboot, Na’i,

keta husik ha’u hadook-an housi Ita lei. Refrão

 

Ha’u rai ita ukunfuan iha ha’u fuan,

atu labele halo sla hasoru Ita.

Rahun di’ak ba Ita Na’i!

Hanourin ha’u tuir Ita lei nia dalan. Refrão

 

Ha’u haklaken nafatin

Ita nia hakaran hotu.

Ha’u iha ksolok boot hodi tuir Ita ukun fuan,

liu fali riku soi mundo nian

be rai iha ha’u liman. Refrão

 

Aclamação                                                                                                                                                                                          Jo. 10.  27

Refrão : Aleluia, Aleluia!! Repete-se

Ha’u Nia bibi sira rona Ha’u lian, Nai lia tun:

Ha’u hatene sira, mai tuir ha’u. Refrão

 

Evangelho                                                                                                                                                                                     Mc. 6. 30-34

Na’i Jesus Cristo nia Evangelho nu’udar São Marcos haktuir:

Iha nebá, Apóstolo sira mai tur hale’u tiha Jesus hodi hatuir sai ba Nia buat hotu sira halo no hanourin.Jesus lia tun ba sira, dehan:” Imi mai, Ita la’o mesak ba fatin ida atu tur halimar uitoan:. Tan ema sira be ba-mai ua’in tebes, sira la biban atu han. Tan ne’e, sira sa’e ró hodi hadook-an tiha ba fatin mesak ida. Haré sira dada-an, ema barak hatene ona. Nune’e, housi cidade hot-hotu ema barak halai housi rai to’o uluk tiha iha fatin nebá. Tun housi ró, Jesus haré kedas ema lubun boot. Nia hanoin tebes ema sira ne’e, basá, sira hanesan bibi sira nebé bibi-atan laek. Nia hahu hanourin sira kleur.

Lia Maksoyn.

Sexta, IV Semana iha Tempo Comum (ANO A)

Primeira Leitura                     Sir. 47. 2-13

Lia housi livro Ben Sirá:

Hanesan na’an bokur haketak tiha housi isin iha sacrifício dame nian, nune’e mós Na’i hili David housi Israel oan sira leet. Nia halimar iha leão sira leet, hanesan halimar iha bibi timur sira leet, no iha asu fuik siak sira leet, hanesan halimar iha bibi malae oan sira leet. Iha tempo nia foin sa’e, la’os nia ka mak oho tiha gigante ida hodi tuda ho fatuk ida be iha tali fafirun (funda), hatun tiha Golias be foti-an ne’e no hasai tiha povo housi móe? Tan nia harohan ba Na’i be A’as nian nebé haraik kbiit ba nia liman kuana, atu hatun tiha mane biit na’in ida iha funu hodi foti áas nia povo nia ukun. Ne’e duni, ema sira foti nia naran boot, tan oho ema rihun sanulu no fó glória ba nia hodi Na’i nia bensa wainhira sira hato’o ba nia coroa glória nian ida. Tan nia manan nia funu baluk sira be hadulas nia, no harahun lakon ema filisteu sira be funu hasouru nia, harahun tiha sira ukun to’o ohin loron. Iha nia serbisu tomak, hasa’e honra ho liafuan ksolok nian, ba Santo Leten A’as liu. Ho neon no laran hasa’e knananuk ksolok nian ba Na’i, hodi hatudu katak hadomi nia Na’in be halo buat hotu. Halibur tiha ema sira be hananu, iha altar oin, atu sira bele hananu housi sira lian, knananuk ksolok sira. Fó ksolok boot ba festa sira no ba tempo Santo sira ho nabilan be kmanek wa’in, wainhira ema sira be hananu hasa’e hodi hahí Na’i nia naran Santo, no fatin Santo hahu hananu ho sira lian housi kedas loron matan nakfera. Na’i haraik perdua ba nia salan, hasa’e nia ukun ba nafatin, haraik ba nia ukun aliança liurai nian ida no trono glória nian ida iha Israel.

Maromak Futar Lia.

 

Salmo Responsorial                                                                                                                       Sal. 17(18).  31, 47, 50, 51, (R. 47b)

Refrão : Rahun di’ak ba Maromak, ha’u Maksoyn!!! Repete-se

Na’i nia dalan lós tebes,

Nia liafuan sira la’os bosok nian.

Maromak mak sinal maksoyn nian,

Ba ema hotu nebé tau neon iha Nia. Refrão

 

Viva Na’i! Rahun di’ak ba fatuk-inan be tahan ha’u!

Haksolok iha ha’u Maromak, ha’u Maksoyn,

Be hasai ha’u housi funu baluk sira nia laran nakali,

No soi ha’u housi sira be halo áat mai ha’u. Refrão

 

Na’i sei hahí Ita iha povo sira leet,

Ha’u sei hananu salmo sira ba Ita naran.

Na’i haraik votória boot ba Nia Liurai,

Hatudu laran-luak ba Ida be Ita kose mina. Refrão

 

Aclamação                                                                                                                                                                                             Lc. 8. 15

Refrão : Aleluia, Aleluia!! Repete-se

Ksolok ba sira nebé rona Maromak Nia liafuan ho neon

No laran hodi fó fuan, tan sira laran metin. Refrão

 

Evangelho                                                                                                                                                                                      Mc. 6. 14-29

Na’i Jesus Cristo nia Evangelho nu’udar São Marcos haktuir:

Iha tempo nebá, liurai Herodes rona kona ba Jesus, basá, Nia naran boot teb-tebes ona. Nia dehan katak João Baptista moris hi’as housi mate, tan ne’e, Nia iha kbiit atu halo milagre sira. Ema dehan: “Nia Elias”. Ema sira seluk dehan: “Nia profeta ida hanesan profeta sira uluk nian”. Maibé, wainhira Herodes rona sira ne’e, nia dehan: “Nia mak João Baptista duni, Ha’u tesi tiha Nia ulun, nia moris hi’as housi mate”.

Tebes duni, Herodes rasik haruka káer João Baptista, hodi hatama nia iha kadeia, tanba Herodíade, Herodes nia alin Filipi nia káben nebé nia hola fali nu’udar nia káben. Basá, João lia tun bá Herodes, dehan: “Tuir ukunfuan, ó la bele hola fali ó nia alin nia káben”. Herodíade hirus nia teb-tebes hodi hakarak oho nia, maibé, nia la bele, basá, Herodes ta’uk João, nebé nia hatene nu’udar ema di’ak no santo ida. Herodes tau matan ba nia; wainhira nia rona nia ko’alia, nia laran taridu barak, maibé, nia haksolok atu rona nia.

Tempo di’ak ida mosu mai wainhira Herodes halo tinan. Nia halo festa boot ida ba soldado sira nia na’in ulun sira no mós bá ema boot sira rai Galileia nian. wainhira Herodíade nia oan feto mai dansa, nia fó ksolok boot ba Herodes ho nia maluk sira. Tan ne’e, liurai dehan ba feto ne’e: “Husu buat naran de’it nebé ó hakarak, ha’u sei fó bá ó”. Nia dehan tan hodi jura: “Ha’u sei fó buat naran de’it nebé ó sei husu, maski ha’u nia reino nia sorin balun ida”. Feto ne’e sai hodi husu nia inan: “Ha’u sei husu sá lós”? Nia hatan: “João Baptista nia ulun”. Feto ne’e halai kedas ba liurai, hodi hateten: “Ha’u hakarak itaboot fó mai ha’u ohin kedas João Baptista nia ulun iha bandeja ida”. Liurai laran susar teb-tebes, maibé, tanba hanoin nia liafuan nebé nia hakotu tiha ona no mós nia maluk sira, nia ta’uk atu la halo tuir nia. Nune’e, liurai haruka kedas soldado ida atu lori João nia ulun mai. Ema ne’e la’o ba hodi tesi lia João nia ulun iha komarka laran; tuir mai, nia lori fali ulun ne’e iha bandeja ida nia laran hodi fó nia bá feto ne’e. Feto ne’e foti fó fali nia bá nia inan. Wainhira João nia escolante sira rona kona bá buat hirak ne’e, sira mai lori nia isin mate hodi bá hakoi.

Lia Maksoyn.