shadow
Diocese de Dili > NOTÍCIAS > Notícias

DOM VIRGILIO: ITA KETA INUS KUAK LUAN TAN ITA NIA EMA SEIDAUK MATE

ITE;DILI(30/12/2020)Lia hirak ne’e Dom Virgilio do Carmo da Silva fo sai wainhira halo conferencia imprensa iha loron 30 de Desembro de 2020 hodi fo sai orientação no decisão sira kona ba oinsa atu Celebra missa 31 de Dezembro de 2020 kalan no loron 1 de Janeiro de 2021.

Dom Virgilio hatan ba pergunta jornalista nian kona ba pandemia COVID-19 ne’e realidade duni ou lae, Arcebispo afirma “ita iha nação ida nia laran, wainhira ita nia nai ulun sira fo sai mai ita katak sira iha factos ruma katak agora dadaun ita iha ameaça ba ida ne’e, diak liu ita tuir tanba laos de’it iha Timor, Ita nia ema Timor seidauk mate, ita nia inus kuak sei luan, maibe sei too duni iha Timor mak ema mate, ita ninia população nebe 1 ponto e tal milhões de’it nebe iha funu barak mak mate tiha ona, husi meio saida mak ita bele depende ita nia an, nação boot sira ne’e iha osan barak, ema iha equipamentos medico nian nebe diak hodi cura no prevene mos, sira sei foti liman, se Timor hakarak dehan mate tiha mak ita fiar, ita sei biban atu prevene ou pronto atu hakoi mate de’it, diak liu ita tuir”.

Liutan ne’e Arcebispo mos dehan “regra hirak nebe fo sai hodi hein mos orientação ou regra seluk nebe sei mai, ida ne’e ita halo tuir DECRETO GOVERNO nian nebe fo sai ona katak too dia 2 de Janeiro de 2021 no dia 3 ba oin sei iha orientação foun, nune’e mos Conferência Episcopal Timorense (CET), atu dehan mos katak Conferência Episcopal Timorense (CET) nian ne’e reativa fali de’it comunicado nebe fo sai iha 24 de Março de 2020”.

 “Desde inicio, ita hotu hatene katak Timor ne’e ninia meios atu conbate hasoru moras ou virus ida ne’e minimo tebes, ita ninia força mak iha prevenção, tanba ne’e, desde Março to’o mai agora, ita hakaas an atu halo prevenção, tanba ne’e iha situação ida ne’e, ita buka atu cumpre, biar dalabarak ita lakon ona pascencia, ita hotu hakarak celebra loron boot, liu-liu tinan foun ninian, ita hakarak despide tinan tuan no tinan foun, maibe ho realidade hanesan ne’e obriga duni ita atu coopera, colabora ba Timor nia diak, laos de’it ba ema ida ninia diak, apelo ne’e laos de’it ba sira nebe iha liur maibe sira nebe iha quarentena”. Dehan Arcebispo. (Leo)

 

MENSAGEM HUSI SANTO PADRE FRANCISCO BA CELEBRAÇÃO LORON MUNDIAL DAMEN BA DALA 54º

1º DE JANEIRO DE 2021

 

CULTURA HUSI TAU MATAN HANESAN PERCURSO DAMEN  NIAN

  1. Besik dadaun mai Tinan Foun, ha’u hakarak tebes atu apresenta ha’u ninia respeitosas saudações ba Chefes Estado tomak no Governo, ba responsáveis tomak husi Organizações Internacionais hotu, ba líderes espirituais no ema fiar nain husi religiões oi-oin, ba mane no feto hirak nebe ho vontade diak. Ba ema hotu ha’u formulo votos nebe diak liu, ha’u hein katak tinan 2021 halo humanidade progrede iha dalan fraternidade, justiça no damen nian entre ema hotu, comunidades tomak, povos no Estados tomak. Tinan 2020 marca ona ho crise sanitária boot Covid-19 nian, nebe transforma ona iha fenómeno plurissectorial no global ida, hadaet makaas tebes crises inter-relacionadas seluk hanesan climática, alimentar, económica no migratória, no provoca dadaun sofrimentos no incómodos nebe boot. Ha’u hanoin, ba dala uluk, sira nebe lakon ona familia ida ou ema ida nebe sira hadomi, maibe mos iha sira nebe laiha serviço. Ha’u hanoin iha modo especial ba médicos, enfermeiras no enfermeiros, farmacêuticos, investigadores, voluntários, capelães no funcionários tomak husi hospitais no centros de saúde, nebe prodigaliza ona– no sira nafatin halo ida ne’e – ho kolen boot no sacrifício, ba ponto husi sira balun nebe mate ona uainhira buka nafatin atu besik ba moras sira hodi ikus mai hamenus sira ninia sofrimentos ou salva duni sira nia moris. Ao mesmo tempo ha’u hatoo homenagem ba ema hirak ne’e, hafoun fali apelo ba responsáveis políticos tomak no ba sector privado atu foti duni medidas adequadas hodi garante acesso ba vacinas contra Covid-19 no ba tecnologias essenciais nebe necessárias hodi fo assistência ba ema moras sira no ba sira hotu nebe kiak liu no kbiit laek liu.[1]

Todan duni katak, iha sasin wain caridade no solidariedade ninia sorin, infelizmente hetan impulso foun kona ba formas oi-oin husi nacionalismo, racismo, xenofobia nune’e mos funu no conflitos hirak nebe kari dadaun mate no destruição. Acontecimentos hirak ne’e no mos sira seluk tan, nebe haktadak iha dalan humanidade nian iha tinan 2020, hanorin ita kona ba importância husi ita ninia tau matan ba ema seluk no criação atu ikus mai bele hari sociedade ida nebe alicerçada iha relações fraternidade nian. Tanba ne’e, ha’u hili hanesan tema husi mensagem ne’e « cultura husi tau matan hanesan percurso damen  nian»; cultura husi tau matan * atu fokit sai cultura indiferença, husi descarte no husi conflito, nebe ohin loron dala barak liu parece prevalece.

 

  1. Maromak Criador, huun husi vocação humana ba tau matan ninian

Iha tradições religiosas barbarak, existe narrativa hirak nebe sei refere ba origem husi ema, ba ninia relação ho Criador, ho natureza nomos ninia saseluk sira. Iha Bíblia, livro Génesis nian revela, desde hahu mai, importância husi tau matan ou husi custódia iha projeto Maromak nian  ba humanidade, destaca ona kona ba relação entre ema (’adam) no rai (’adamah) no entre maun alin sira. Iha narração bíblica criação nian, Maromak confia jardim «nebe iha Éden» (cf. Gn 2, 8) ba Adão nia liman ho knaar ida katak «nia haburas no tau matan» (Gn 2, 15). Ida ne’e significa, husi sorin ida, foti rai ne’e hodi kuda no, husi sorin seluk, tau matan nia no halo nia bele nafatin ho ninia capacidade atu sustentar moris.[2] Verbo sira «haburas» no «tau matan» descreve ba relação Adão nian ho ninia uma-jardim no hatudu mos ba confiança nebe Maromak deposita iha nia atu halo an hanesan nain no guardião ba criação hothotu. Nascimento husi Caim no Abel hamoris história ida husi maun alin, hanesan relação iha termos atu  tutela ou tau matan nebe ho negativamente hamoris husi Caim. Hafoin hamate tiha ninia maun Abel, Maromak husu ba nia, Caim hatan: «ha’u, duni,  mak tau matan ba ha’u nia maun?» (Gn 4,     9).[3] Com certeza! Caim mak «tau matan» ninia maun. «Iha narrações nebe antigas liu ne’e, riku tebes ho simbolismo nebe klean, haktuir tiha ona ba convicção atual husi buat hotu nebe inter-relacionado no tau matan nebe autêntico husi ita ninia moris rasik no husi ita ninia relações ho natureza ne’e mak inseparável husi fraternidade, justiça no husi fidelidade ba ema seluk»[4].

 

  1. Maromak Criador, modelo husi tau matan

Sagrada Escritura apresenta Maromak, além Criador, hanesan Ida nebe mak tau matan ninia  criaturas tomak, particular liu mak Adão, Eva no ninia oan sira. Caim rasik, biar nia hatuun ona ba nia maldição tanba de’it crime nebe nia comete ona, simu hanesan dom Criador  sinal ida ba proteção, ba ninia moris nebe hetan salvaguarda (cf. Gn 4, 15). Facto ida ne’e, ao mesmo tempo confirma ba dignidade inviolável husi ema, cria ba imagem no semelhança Maromak nian, manifesta mos plano divino atu preserva harmonia husi criação, tanba « damen  no violência labele hela metin iha fatin ida nebe hanesan»[5].

 

Ne’e mak recisamente tau matan ba criação nebe mak iha base husi instituição Shabbat nian, além atu regula culto divino, buka liu atu estabelece fila fali ordem social no solicitude husi ema kiak sira (Gn 2, 1-3; Lv 25, 4). Celebração husi Jubileu, uainhira sei completa ona tinan sabático nian ba dahitu, consente trégua ida ba rai, ba atan sira no ba endividados tomak. Iha tinan graça nian ne’e, sei tau matan liu ba sira nebe kbiit laek liu, oferece dadaun ba sira perspetiva foun husi moris, atu nune’e sei laiha tan naran necessitado ida entre povo (cf. Dt 15, 4). Nota diak ida mos mak tradição profética, iha nebe hamosu compreensão bíblica husi justiça nebe sei manifesta iha forma hanesan comunidade ida nebe trata ba sira nebe kbiit laek liu iha ninia leet. Hanesan ne’e duni mak particularmente Amós (2, 6-8; 8) no Isaías (58) continuamente hasa’e lian tanba de’it justiça ba ema kiak sira, nebe, husi ninia vulnerabilidade no falta husi kbiit, mak Maromak de’it mak rona, hodi tau matan ba sira (cf. Sal 34, 7; 113, 7-8).

  1. Tau matan iha ministério Jesus nian

Moris no ministério Jesus nian hola isin nu’u ápice husi revelação domin Aman nian ba humanidade ( Jo 3,16). Iha sinagoga Nazaré nian, Jesus manifesta ona Nia an hanesan Ida nebe Maromak consagra ona no haruka ona ba «haklaken Liafoun Diak ba ema kiak sira», «atu haklaken libertação ba ema dadur sira no, ba matan aat sira, ba recuperação matan aat sira nian; haruka iha liberdade dadur sira» ( Lc 4, 18). Ações messiânicas hirak ne’e, típicas husi jubileus, constitui ona testemunho nebe eloquente liu husi missão nebe Aman confia ona ba Nia. Iha ninia compaixão, Cristo hakbesik-An ba ema moras sira iha isin no espírito no haraik isin diak ba sira; perdoa maksalak sira no haraik ba sira moris foun ida. Jesus mak Bibi Atan diak nebe tau matan ba nia bibi sira (cf. Jo 10, 11-18;  Ez 34, 1-31); ne’e mak Samaritano Diak nebe inclina-An ba ida nebe kanek, trata husi sira ninia kanek no tau matan ba nia(cf. Lc 10, 30-37).

Iha ponto culminante husi ninia missão, Jesus sela ninia tau matan ba ita, oferece An iha cruz  no liberta dadaun ita nune’e husi atan sala nian no husi mate. Deste modo, ho dom husi ninia moris no ninia sacrifício, loke mai ita dalan domin nian no dehan ba ema idaidak: «Tuir Ha’u mai! O mos halo hanesan ne’e» (cf. Lc 10, 37).

 

  1. Cultura husi tau matan, iha moris husi seguidores Jesus nian

Obras misericórdia espiritual no corporal constitui núcleo husi serviço caridade Igreja primitiva nian. Cristãos tomak husi primeira geração pratica ona partilha hodi labele iha entre sira ema ruma nebe necessitado (cf. At 4, 34-35) no sira esforça atu halo ba comunidade uma hakmatek ida, nakloke ba situações humanas tomak, disposta atu ocupa husi sira nebe kbiit laek liu. Nune’e, sai ona buat nebe habitual nudar ofertas voluntárias ba fo han ema kiak sira, hakoi sira nebe mate no fo han oan kiak sira, katuas ferik sira no vítimas husi desastres, hanesan náufrago sira. No iha períodos sucessivos, uainhira generosidade husi ema fiar nain sira lakon ona buat oituan husi sira ninia ímpeto, Padres Igreja nian balun insiste ona katak propriedade nebe mak Maromak hanoin ba bem comum. Santo Ambrósio afirma ona  « natureza ne’e hahoris ona sasan barbarak ba ema nebe soin ba uso comum. (…) Portanto, natureza ne’e produz ona direito comum ida ba ema hotu, maibe ganância mak halo nia sai direito ida ba ema oituan de’it »[6].

Superadas perseguições husi primeiros séculos, Igreja aproveita ona liberdade hodi inspira sociedade no ninia cultura. «Necessidades husi época exige duni energias hirak nebe foun ba serviço caridade cristã nian. Crónicas históricas tomak relata ona exemplos barbarak husi obras misericórdia nian. Husi esforços conjuntos hirak ne’e, resulta ona numerosas instituições ba hakuran necessidades humanas hirak nebe oi-oin mos: hospitais, albergues ba ema kiak sira, oan kiak sira, lares ba labarik sira, fatin hakmatek ba ema lao rai sira, no seluk tan»[7].

 

  1. Princípios husi doutrina social Igreja nian hanesan base husi cultura tau matan nian

Diakonia husi origens tomak, hariku tebes husi reflexão Padres nian no animada, iha séculos naruk, husi caridade operosa nebe haroman didiak testemunhas husi fiar, halo fuan nebe pulsante husi doutrina social Igreja nian, proporciona dadaun ba ema hotu ho vontade diak nudar património kmanek ida husi princípios, critérios no indicações, husi nebe mak bele hasulin  «gramática» husi tau matan: promoção husi dignidade pessoa humana tomak, solidariedade ho ema kiak sira no indefeso sira, solicitude ba bem comum no salvaguarda ba criação.

 

* Tau matan hanesan promoção ba dignidade no direitos ema nian

«Conceito husi ema, nebe mosu ona no haburas ona iha cristianismo, ajuda atu promove desenvolvimento ida nebe plenamente humano. Tanba pessoa ne’e exige sempre relação no laos individualismo, afirma inclusão no laos exclusão, dignidade singular, inviolável no laos xploração»[8]. Pessoa humana tomak mak fim iha ninia an, no nunca mero instrumento ida hodi avaliado de’it husi ninia utilidade: cria atu moris iha conjunto família nian, iha comunidade, iha sociedade, nebe membros hotu mesak iguais iha dignidade. No husi dignidade ida ne’e deriva direitos humanos, hanesan mos dever sira, nebe fo hanoin, por exemplo, responsabilidade atu simu no tau matan ema kiak sira, moras sira, marginalizado sira, ita ninia «maluk, vizinho ou distante iha espaço no tempo»[9].

 

* Tau matan ba bem comum

Cada aspeto husi moris social, política no económica hasoru ninia realização, uainhira coloca ba serviço bem comum nian, ida ne’e mak «conjunto husi condições moris social nebe permite, tanto ba grupo sira nune’e mos membro idaidak, alcança diak liu no facilmente ba perfeição rasik»[10]. Por conseguinte ita ninia projetos no esforços tomak bele iha nafatin ho ninia efeitos kona ba família humana tomak, pondera dadaun ninia consequência sira ba momento presente no ba gerações hirak nebe sei mai. Buat tomak nebe loloos no atual seja buat hirak hanesan ne’e, iha nia mak hatudu ba pandemia Covid-19, perante ba saida mak «ita nafatin hela iha bero nebe hanesan, ema hotu kbiit laek no desorientados maibe ao mesmo tempo importantes no necessários, ita hotu hetan bolu atu hatan hamutuk»[11], tanba «laiha ema ida mak bele soi nia an rasik »[12] no laiha Estado nacional ida mak bele isola an hodi assegura bem

comum husi ninia população rasik.[13]

 

* Tau matan liuhusi solidariedade

Solidariedade ne’e exprime domin ba ema seluk husi maneira concreta, la hanesan sentimento mamuk ida, maibe hanesan «determinação firme ida no perseverante hodi empenha bem comum, ou seja, ba diak ema hotu nian no ema idaidak nian, tanba ita hotu verdadeiramente mesak responsáveis ba ema hotu»[14]. Solidariedade tulun ita atu hare ba ema seluk – biar hanesan ema, iha sentido lato, nune’e mos hanesan povo ou nação – laos hanesan dado estatístico ida, laos mos hanesan meio ida hodi usa no depois harahun tiha uainhira la folin ona, maibe hanesan ita ninia maluk, companheiro iha viagem, bolu atu participa, hanesan ita, iha banquete moris nian, ba saida mak ema hotu mak igualmente hetan bolu husi Maromak.

 

* Tau matan no salvaguarda criação

Encíclica Laudato si’ reconhece plenamente ba interconexão husi realidade criada tomak, destaca dadaun exigência hodi rona, ao mesmo tempo ba hakilar  husi necessitado sira no husi criação. Husi rona loloos nian ne’e no constante bele hamoris tau matan eficaz ida ba rai, ita ninia uma comum, no husi ema kiak sira. Propósito ida ne’e, hau hakarak hatuur katak «labele sai autêntico iha sentimento união ida nebe íntima ho buat moris seluk husi natureza, se ao mesmo tempo laiha fuan domin, compaixão no preocupação ba seres humanos tomak»[15]. Na verdade «damen , justiça no salvaguarda ba criação mak questões tolu nebe completamente kait malun, nebe sei labele haketak atu trata individualmente, iha pena atu monu fila fali iha reducionismo»[16].

 

  1. Bússola ba rumo comum ida

Nune’e, iha tempo ida nebe dominado husi cultura harahun nian no perante agravamento husi desigualdade sira husi nações tomak nia laran no entre sira[17], ha’u hakarak convida responsáveis tomak husi Organizações internacionais no husi Governos, husi mundos económico no científico, husi comunicação social no husi instituições educativas tomak nebe kaer ona iha «bússola» husi princípios iha leten hodi fo hanoin atu fo  rumo comum ida ba processo globalização nian, « rumo ida nebe verdadeiramente humano»[18]. Na verdade, ida ne’e habiban atu hadomi valor no dignidade husi ema idaidak, lao hamutuk no solidariamente em prol  ba bem comum, hakuran dadaun sira nebe terus tanba kiak, moras, escravidão, discriminação no conflito sira. Liuhusi bússola ida ne’e, ha’u husu ba ema hotu atu sai profetas no testemunhas ba cultura tau matan nian, atu ikus mai bele preenche desigualdades sociais barbarak. No ida ne’e sei possível de’it ho forte no generalizado protagonismo ida husi feto sira iha família no iha esferas sociais tomak, políticas no institucionais.

Bússola husi princípios sociais, necessária atu promove  cultura husi tau matan nian, folin mos ba relações entre nações tomak, nebe bele inspira husi fraternidade, respeito mútuo, solidariedade no observância husi direito internacional. Ba respeito ida ne’e, sei reafirma ba proteção no promoção direitos humanos fundamentais tomak nian, nebe mak inalienáveis, universais no indivisíveis[19]. Sei bele hanoin fali mos respeito ba direito humanitário, sobretudo iha fase ida nebe mak mosu mai, sem interrupção, conflitos no funu sira. Infelizmente, regiões barak no comunidades mak laos ona hanoin kona ba tempos hirak nebe sira bele moris iha damen  no segurança. Cidades oi-oin mak sai tiha ona epicentro ida ba insegurança: ninia habitantes tomak baruk ona atu nafatin iha sira ninia ritmos normais, tanba atacados no bombardeados ho indiscriminadamente husi explosivos, artilharia no armas ligeiras. Labarik sira labele estuda. Ema mane no feto sira labele serviço hodi sustenta famílias. Carestia nebe lança abut sira iha fatin hirak nebe uluk ne’e desconhecida. Ema sira ne’e obrigado tem que halai, husik ba kotuk laos de’it sira ninia uma, maibe ninia história familiar no abut cultural tomak. Causas husi conflitos mesak oioin, maibe resultado mak sempre hanesan: destruição no crise humanitária. Ita buka atu para no husu ita an: saida mak lori ona ba sente conflito hanesan buat ida nebe normal iha mundo? No, sobretudo, oinsa converte ita ninia fuan no muda ita ninia mentalidade hodi buka damen loloos iha solidariedade no iha  fraternidade? Dispersão hira ona husi recursos ba armas, em particular ba armas nucleares[20], recursos hirak nebe bele utiliza ba prioridades nebe significativas liu hodi ikus mai bele garante segurança ba ema tomak, hanesan promoção husi damen  no husi desenvolvimento humano integral, combate kiak, remédio ba carências sanitárias! Aliás, ida ne’e mos mak evidenciado husi problemas globais, hanesan pandemia atual Covid-19 no mudanças climáticas. Oinsa mak sei sai corajosa ho decisão atu cria «“Fundo mundial” ida ho osan nebe sei gasta iha armas no despesas militares seluk tan, atu bele elimina hamlaha no contribui ba desenvolvimento  países hirak nebe kiak liu»[21]!

 

8. Atu educa iha ordem ba cultura tau matan nian

Promoção husi cultura tau matan nian husu fila fali processo educativo ida, no bússola husi princípios sociais nebe constitui, ba ninia efeito, instrumento fiável ida ba contextos relacionados oioin entre nia. Propósito ida ne’e, ha’u hakarak atu fornece exemplos balun:

Educação ba tau matan nebe moris iha família, núcleo natural no fundamental husi sociedade, nebe sei aprende atu moris iha relação no iha respeito mútuo. Maibe família precisa coloca an iha condições hodi bele cumpre tarefa vital ida ne’e no indispensável.

Sempre iha colaboração ho família, ita iha mos sujeitos encarregados seluk husi educação hanesan escola no universidade no analogamente, iha aspetos loloos nian, sujeitos tomak husi comunicação social[22].

Ita hotu hetan bolu hodi transmite sistema ida husi valores nebe fundado iha reconhecimento ba dignidade ema idaidak nian, husi comunidade linguística idaidak, étnica no religiosa, husi povo idaidak no husi direitos fundamentais nebe deriva  ba nia. Educação constitui pilar ida husi pilares sociedades tomak nian nebe justas liu no solidárias.

Religiões em geral, no líderes religiosos em particular, bele desempenha papel insubstituível ida iha transmissão ba ema fiar nain sira no ba sociedade iha valores solidariedade nian, respeito ba diferenças, acolhimento no tau matan ba maun alin sira nebe kbiit laek liu. Ha’u fo hanoin, ba propósito ida ne’e, liafuan sira nebe Papa Paulo VI profere ona iha Parlamento Uganda nian iha tinan 1969: «imi labele tauk ba Igreja; nia fo honra ba imi, educa imi cidadãos honestos no leais, la fomenta rivalidades laos mos divisões, buka promove liberdade nebe loloos, justiça social, damen ; iha karik  preferência ruma ne’e mak ba kiak sira, educação ba kiikoan sira no povo, tau matan ba atribulados no desvalidos tomak»[23].

Ba ema hotu nebe empenha iha serviço populações tomak nian, iha organizações internacionais, governamentais no laos governamentais, ho missão educativa ida, no sira hirak nebe serviço, ba variados títulos, iha campo educação no pesquisa, hafoun ha’u nia encorajamento atu bele too ba meta husi educação ida «nakloke liu no inclusiva, diak tebes ba rona paciente, diálogo construtivo no compreensão nebe klean»[24].

Ha’u hein atu convite ida ne’e, dirige iha contexto Pacto Educativo Global nian, hasoru adesão ida nebe luan no oioin.

 

  1. Laiha damen sem cultura husi tau matan

Cultura tau matan, enquanto compromisso comum, solidário no participativo hodi protege no promove dignidade no ema hotu ninia diak, enquanto disposição ba interesse, hodi presta atenção, disposição ba compaixão, ba reconciliação no ba cura, ba respeito nebe klean no ba acolhimento recíproco,constitui dalan privilegiada ida ba construção damen  nian. «Iha partes barak mundo ne’e nian, halo falta percursos husi damen  nian nebe lori ba cicatriza ema sira nebe kanek, iha necessidade husi artesãos damen  nian nebe prontos atu hahoris, ho criatividade no ousadia, processos husi cura no encontro foun ida»[25].

Iha tempo ida ne’e, iha nebe bero humanidade nian, hatatan husi anin boot crise nian, lao nafatin ho dificuldade ba buka iha horizonte ida nebe hakmatek no sereno, dalan ba dignidade pessoa humana nian no «bússola» husi princípios sociais hirak nebe fundamentais bele  consente iha ita atu luku ho rumo ida nebe seguro no comum. Hanesan ema fiar nain, ita nafatin hateke loos ba iha Virgem Maria, Estrela do Mar no Inan Esperança nian. Ita colabora ba malun, hamutuk, ba fim ida hodi avança ba horizonte foun domin no damen, fraternidade no solidariedade, husi apoio mútuo no acolhimento recíproco. Ita labele monu ba tentação hodi desinteressa ho ema seluk, especialmente sira nebe kbiit laek liu, ita labele hatoman an hodi helik ita nia hateke[26], maibe empenha iha ita idaidak nia an lorloron ho buat nebe concretamente atu «forma comunidade ida ba deit maun alin sira nebe acolhe mutuamente no tau matan didiak ba ema seluk»[27].

 

Vaticano, 8 de dezembro de 2020.               

 

 

Franciscus

 

 

 

 

 

 

 

©Copyright – Libreria Editrice Vaticana

[1] Cf. FRANCISCO, “Vídeo-mensagem por ocasião da LXXV Sessão da Assembleia Geral dasNações Unidas”, (25 de setembro de 2020).

* A expressão «cultura do cuidado» aparece na encíclica Laudato si’: «o amor social impele-nos a pensar em grandes estratégias que detenham eficazmente a degradação ambiental e incentivem uma cultura do cuidado que permeie toda a sociedade» (n. 231). Veja-se também o número 229.

[2] Cf. FRANCISCO, Carta enc. Laudato si’ (24 de maio de 2015), 67.

[3] Cf. FRANCISCO, «Fraternidade, fundamento e caminho para a paz», Mensagem para a celebração do XLVII Dia Mundial da Paz (1 de janeiro de 2014), 2.

[4] FRANCISCO, Carta enc.  Laudato si’ (24 de maio de 2015), 70.

[5] Pont. Conselho «Justiça e Paz», Compêndio da Doutrina Social da Igreja, n. 488.

 

[6] De officiis, 1, 28, 132: PL 16, 67.

 

[7] K. Bihlmeyer – H. Tüchle, Church History, vol.1 (Westminster, The Newman Press, 1958), 373-374.

[8] FRANCISCO, Discurso aos participantes no Congresso promovido pelo Dicastério para o Serviço do Desenvolvimento Humano Integral, no cinquentenário da «Populorum progressio» (4 de abrilde 2017).

[9] FRANCISCO, Mensagem à XXII Sessão da Conferência das Partes da Convenção-Quadro das  Nações Unidas sobre as Mudanças Climáticas (COP22) (10 de novembro de 2016. Cf. Mesa Interdicasterial da Santa Sé sobre a ecologia integral, Em marcha pelo cuidado da casa comum; no V aniversário da «Laudato si’» (LEV, 31 de maio de 2020).

[10] Conc. Ecum. Vat. II, Const. past. sobre a Igreja no mundo contemporâneo Gaudium et spes, 26.

[11] FRANCISCO, Momento Extraordinário de Oração em Tempo de Epidemia (27 de março de 2020).

[12] Ibidem.

[13] Cf. FRANCISCO, Carta enc. Fratelli tutti (3 de outubro de 2020), 8; 153.

[14] São João Paulo II, Carta enc. Sollicitudo rei socialis (30 de dezembro de 1987), 38.

 

[15] FRANCISCO, Carta enc. Laudato si’ (24 de maio de 2015), 91.

[16] Conferência do Episcopado Dominicano, Carta past. Sobre la relación del hombre con la naturaleza (21 de janeiro de 1987); cf. FRANCISCO, Carta enc. Laudato si’ (24 de maio de 2015), 92.

[17] Cf. FRANCISCO, Carta enc. Fratelli tutti (3 de outubro de 2020), 125.

[18] Ibid., 29.

[19] Cf. FRANCISCO, Mensagem aos participantes na Conferência Internacional «Os direitos humanos no mundo contemporâneo: conquistas, omissões, negações» (Roma, 10 de dezembro de 2018).

 

[20] Cf. FRANCISCO, Mensagem à Conferência da ONU finalizada a negociar um instrumento juridicamente vinculante sobre a proibição das armas nucleares, que leve à sua total eliminação (23 de março de 2017).

[21] FRANCISCO, Vídeo-mensagem por ocasião do Dia Mundial da Alimentação de 2020 (16 de outubro de 2020). (Trad. Minha).

 

[22] Cf. Bento XVI, «Educar os jovens para a justiça e a paz», Mensagem para o XLV Dia Mundial da Paz (1 de janeiro de 2012), 2; FRANCISCO, «Vence a indiferença e conquista a paz», Mensagem para o XLIX Dia Mundial da Paz (1 de janeiro de 2016), 6.

[23] Discurso aos Deputados e Senadores do Uganda (Kampala 1 de agosto de 1969).

[24] FRANCISCO, Mensagem para o lançamento do Pacto Educativo (12 de setembro de 2019). (Trad. Minha).

 

[25] FRANCISCO, Carta enc. Fratelli tutti (3 de outubro de 2020), 225.

[26] Cf. ibid., 64.

[27] Ibid., 96; cf. FRANCISCO«Fraternidade, fundamento e caminho para a paz» Mensagem para a celebração do XLVII Dia Mundial da Paz (1 de janeiro de 2014), 1.

 

Mensagem Natal 2020

Arcebispo da arquidiocese de Dili

Dom Virgílio do Carmo da Silva

 

              Uluk knanain iha kalan kmanek no kalan murak ida ne’e, atan ha’u hakarak hato’o ha’u nia ksolok Natal man ba sarani hot-houto, klik eh boot, katuas eh ferik, sira nebé iha cidade ga sira nebé iha foho, ba hirak nebé moras iha hospital ga iha uma, hirak nebé iha kadeia ga ema la tau matan no liu-liu hirak nebé dook housi família. Sira nebé iha Australia, Coreia do Sal, Inglatera, Irlanda no Timor oan hotu namkari iha mundo tanba estudo nune’e mos tanba serviço; Covid-19 la bele sai fali obstaculo atu celebra Natal maibé hanesan Amo Papa dehan situasaun global ne’e lori ita atu experiencia fali primeira Natal wainhira São José ho Na’in Feto buka fatin ba kosok oan atu moris mós la iha maibé hetan deit animal han fatin ida. Natal la’os hanoin kona ba saida mak ita precisa maibé se mak ita hakarak atu hasoru. La’os saidá mak Santa Claus lori maibé ida nebé latan iha animal han fatin. Ida ne’e mak Natal duni wainhira ita tau Cristo iha centro.

Ita celebra dadaun Natal Na’i Nian. Ema hotu celebra Natal. Natal La’os festa babain ida basá Festa ida ne’e ita celebra loron Jesus nia moris. Ita hanoin fali mistério boot ida Maromak nebé tanba domin halo-an sai ema. Ne’e duni wainhira koalia kona ba Natal dala barak liga ho família, fratenidade, alegria, paz no sel-seluk tan. Valor hirak ne’e hotu hetan de’it iha Naroman Cristo Nian. Ne’e duni maluk doben sira mai ita sai ba hasouru Natal, mai ita ba celebra Natal Na’i nian la bele husik ita nia-an moris hanesan buat ida la kona, la manas la malirin; oin sá ó bele celebra Natal se ó la hola parte iha celebrasaun missa Natal nian? Kosok Oan nebé latan iha balada fihir hela ó ho laran susar tanba Nia mai ba ó maibé ó fila kotuk ba Nia? Nia hakarak tama iha
ó nia fuan maibé o taka hela o nia fuan ba Nia. Ó nia laran hein hela Nia maibé o halo fingi la rona tanba colega, tanba tua, tanba cigaru, tanba face book, WA… ida nebé latan iha balada han fatin sadik hela o dehan: too wainhira tan o sei halo nune’e mai Ha’u?

Maske ó nia fuan toos ba Nia maibé Nia mai ba hirak nebé hein hela Nia…Maromak nia Oan mai iha ita le’et; mai iha rai-klaran ne’e no hatoba iha balada han fatin. Du’ut maran sal sumasu dahuluk ba Ida nebé sei hatudu An nu’udar <<paun moris nian, nebé tun mai housi lalehan>> (Jo 6, 51). Santo Agostiñu dehan: <<Toba tiha iha balada han fatin ida, Nia sai ita-nia ai-han>> (Sermaun 189,4). Tebes duni, iha Prezépiu tama mistério oi-oin Jesus nia moris nian, hodi halo sira besik ba ita-nia moris loron-loron.

Pontu interrogasaun mak ne’e: tan sá mak Maromak hakarak halo-an ba ‘Ema’? Primeiro, tan wainhira Na’i Maromak kria mundo no buat horn, Nia fó mandato ba criatura hotu dignidade ida nebé as teb-tebes. Maromak fó ba ita ema moris ida nakonu ho esperansa. Nune’e, Maromak la husik hela ita ema atu la’o mesak iha ita nia peregrinação iha mundo ne’e. Maromak partecipa iha ita ema nia historia liu housi misterio inkarnacão.

Segundo, mistério inkarnacão fó hanoin ba ita atu mós respeito moris (pro vida): feitus ida, bebé ida, ema ida nia moris ne’e hot-hotu iha direito no ninia dignidade nu’udar pessoa umana. Na’i Maromak halo- an ha ema atu fó corajen ba ita hodi luta kontra aborsi, no sira-sira seluk tan. Ida ne’e atu ita reflete kona ba relativismo moral ou etico nebé hahu domina iha sociedade ohin loron.

Ho celebracão Natal nian, ita hetan mós valor foun ba ita nia moris comunidade nian: Paz iha lalehan no mós iha rai klaran tomak. Anjo sira hananu: “Gloria in excelsis Deo…  Paz ba ema sira iha rai- klaran..” Jesus Cristo nia moris mai iha rai/mundo atu lori dame, unidade no sai maun alin ba ema hotu nia comunidade, uma kain, no mós ida-idak nia an no laran. Nune’e ita hotu, mai han no simu kbiit housi Jesus iha balada sira nia han fatin atu hodi fó kbiit ba sira seluk. Nia lori ona dame no domin ba ita, nune’e ita mós Maromak konvida atu fahe paz, unidade, fraternidade, justiça no domin ne’e ba ema seluk no criatura tomak. Sei laiha tan grupo oi-oin nebé deklara superior liu ida seluk hodi hamosu violensia no seluk-seluk tan; sei laiha tan ona odio, laran moras ba malu. Tan ita mesak maun-alin iha Cristo.

Jesus Cristo nebé ita selebra nia loron moris. Nia moris iha Animal nia luhan no hatoba iha balada sira ninia hahán fatin. São Paulo iha innu Filipi hakerek nune’e: “Maske nu’udar Maromak, Cristo Jesus la foti an nu’udar Maromak, maibé Nia hamolika an, haraik-na nu’udar atan no moris hamutuk ho ita” (Flp 2, 6-11). Tan Nia haraik-an transforma ema atu mós aprende hodi haraik-an nu’udar Liurai sira mai tukutur hanai no hahí ho sira nia an no poder tomak. Liurai sira hotu mai aprende oinsá atu servi tuir espíritu haraik-an nian, ukun no justiça, lialós, paz no domin.

Maluk doben sira, hader no hamrik ba hanesan bibi atan sira wainhira rona tiha novidade ne’e laos laran to’os maibé laran mamar atu ba buka kosok oan ne’e.

MAI ITA BA ADORA!

Guverno Aprova Projeto Leí kona ba Organização no Funcionamento Tribunál Sira

 DILI 28 Outubro 2020 (DCAD)- Conselho Ministro aprova projeto ba proposta Leí ida kona ba Organização no Funcionamento Tribunál sira, Leí ne’e apresenta housi Ministro Justica Manuel Cárceres da Costa iha sorumutu Conselho Ministros iha Palacio Governo Dili iha loron Quarta (28/10).

Ho projeto Proposta Leí ne’e kona ba organização no Funcionamento Supremo Tribunál Justica nian no cria condição wainhira iha juis sira ho carreira ho esperiéncia no número suficiente, hodi avança ba instalação ida-idak. To’o oras ne’e, sira nia função continua sei asegura housi Tribunál Recurco. Haktuir Ministro Presidencial Conselho Ministros, Fidelis Manuel Leite Magalhães liu housi Comunicado da Imprenca.

Fidelis Manuel Leite Magalhães hatutan, Propoin hodi aprova kona ba enquadramento Juridico nebé sei permite futura instalação jurisdição administrativa no fiscál nebé entrega hodi julga recurço sira housi decisão órgão sira estado nian, litígio administrativo no fiscál sira seluk.   

Natureza housi Tribunál distritál atuál, sira hanesan tribunál jurudição comum nebé reitera no preve possibilidade desdobramento housi tribunál refere sira kona ba jurisdição comum ba juis sira nebé iha competéncia especializada; iha materia siveél no criminál nomós nafatin ho volume no complecidade housi processo nebé comete ba tribunál judiciál determinado ida kona ba instáncia dahuluk nebé justifica, Juis ho competéncia especializada iha materia família ho menor sira. Tenik Ministro Presidencial Conselho Ministros, Fidelis Manuel Leite Magalhães iha Palacio Governo. (Leo S’mauS)

D. Virgilio; Husu Sarani Sira Atu Continua Koko Nafatin Inan Lalehan Nia Harohan Daet

DILI, DCAD- Uma creda iha Timor liu husi  Arquidiocese Metropolita de Dili realiza procissão lori ilhas Na’in Feto Fátima nian ho reza terço no hananu hahu housi igreja Motael ba to’o Largo-Lecidere. Loron 13 de Outubro sai ona tradição ba sarani iha Timor tuir tradição catolica nian hodi hanoin hikas Na’in Feto Fátima ninia presença ba labarik na’in 3 iha Fátima-Portugal.

Tuir Archebispo Metropolitana D. Virgilio do Carmo da Silva iha ninia homilia dehan ho loron boot Na’in Feto ninian mai ita hafoun dala ida tan atu mundo bele sai familia ida, atu Timor bele sai familia ida, timoroan sira hare malu hanesan maun alin, sai povo ida, familia ida deit, ida ne’e mak sai ita nia preucupação, ita nia hakarak iha loron ida ne’e ita halo procissão ita hateke Na’in Feto, ita lori lao hamutuk ho Nia nu’udar Inan atu bali hakuak nafatin ita hotu nu’udar familia ida, oan, pertençe nu’udar familia boot Maromak ninian.

Dom Virgilio hatutan dala ida tan iha loron kmanek ba loro kraik ida ne’e, ita halibur hamutuk atu hasa’e ita nia agradece ba diak hotu nebe ita simu ona housi harohan daet Imaculada Conceição de Maria mahein creda Timor no povo Timor nia liurai Feto.

Mahein uma creda Arquidiocese Dili ne’e haforça liu tan katak timoroan sira reconhece Inan lalehan ne’e nia papel iha ita nia moris, iha ita nia historia nu’udar povo, nu’udar sarani, iha momento ne’e mos ita sei continua koko rahun diak nebe suli liu housi Inan lalehan nia harohan daet liu-liu iha tempo susar ida ne’e.

Maluk doben sira! Amo papa convida ita haka’as an no buka moris diak, ita nia dever sarani nian atu hare Jesus nia oin iha ita nia maluk sira, reconhece iha ita nia bin feton, maun alin sira, haka’as an atu hakiak domin ida nebe los nomos basá ema hotu iha imagem no ilhas Maromak nian. Tenik Archebispo Metropolitana D. Virgilio do Carmo da Silva, SDB iha Lecidere Dili. (Marta)

UMA CREDA LAIHA HANOIN ATU HALO MANIFESTAÇÃO RUMA

DILI 27 Agosto 2020 (DCAD) – Ligado ho rumoris sira ne’ebe dadaun ne’e espalha iha público katak Uma Kreda sei realiza manifestação boot ida iha Dili, Dom Virgílio do Carmo da Silva Porta-voz CET e Arcebispo Metropolita de Dili, liu housi Comunicado da Imprensa ne’ebe realiza iha quinta (27/08) horas 4:30 ohin, iha Câmara Eclesiástica Arquidiocese Metropolitana de Dili hatan questão ne’e katak Uma Kreda lahatene kona ba ida ne’e, no Uma Creda declara katak laiha hanoin no hakarak ida atu halo manifestação ruma. Tanba ne’e, Dom Virgílio do Carmo da Silva nu’udar Porta-voz CET e Arcebispo Metropolita de Dili husu atu público labele fiar boatos/rumoris ne’ebe espalha dadaun iha público.

“Liu housi biban ida ne’e, Uma Creda hakarak hato’o ba público katak; informação ne’ebe oras ne’e espalha iha público (iha média sira) katak, Uma Creda atu halo manifestação ne’e, housi parte Uma Creda nian ami la hatene buat ida no ami laiha conhecimento kona ba ida ne’e, tenik Dom Virgílio do Carmo da Silva nu’udar Porta-voz CET e Arcebispo Metropolita de Dili iha Comunicado da Imprensa ne’ebe realiza iha quinta (27/08) lokraik horas 4:30 ohin, iha Câmara Eclesiástica Arquidiocese Metropolitana de Dili”.

Porta-voz Conferência Episcopal Timorense (CET) Arcebispo Metropolita de Dili Dom Virgílio do Carmo da Silva declara katak Uma Creda, laiha hanoin no hakarak ida atu halo manifestação ruma.

“Uma Creda laiha hanoin no hakarak ida atu halo manifestação ruma, hanesan oras ne’e espalha iha público. Tanba ne’e, husu atu wainhira informação ne’e ba to’o autoridade segurança no civil nia tilun karik, husu ho favor verifica lai ho autoridade Uma Creda nian molok fo sai ba público, declara Dom Virgílio do Carmo da Silva Porta-voz CET e Arcebispo Metropolita de Dili.

Jornalista : DCAD

Editor : Angelson Soares.

CHEFE GOVERNO INFORMA ASSUNTO PREPARATIVO OGE 2020-2021 BA PRESIDENTE REPÚBLICA

DILI 27 Agosto 2020 (DCAD)- Primeiro Ministro (PM) Taur Matan Ruak, quinta ohin, hala’o raunião semanal ho Presidente República (PR) Francisco Guterres Lú-Olo iha Palácio Presidencial Aitarak-Laran Dili hodi informa assunto preparativo orçamento 2020 ho 2021 no preparativo ba implementação plano recoperação económica.

“Ne’e encontro semanal ho Presidente da Republica hodi informa assunto rua. Assunto ida kona ba preparativo orçamento 2020 no 2021 nian no ida seluk mak preparativo ba implementação plano recoperação econámica nian. Orçamento ba 2020 nian mak dolar Americano bilião 1.497,1. Por tanto ne’e conta housi fulan Janeiro to’o fulan Desembro, ne’e osan ne’ebé mak ita gasta tiha ona, osan ne’ebé mak ita gasta daudaun no osan ne’ebé mak sei gasta depois da orçamento promulga”, informa Primeiro Ministro Taur Matan Ruak hafoin remata encontro ho Presidente República quinta (27/08) semana ne’e”.

Primeiro Ministro Taur Matan Ruak clarifica katak Orçamento Geral Estado (OGE) orçamento 2020 nian ne’e utiliza ba salário e vencimentos, bem serviços, capital dezenvolvimento, capital menor, transferência públicas.

Além ne’e chefe Governo Taur Matan Ruak mos informa kona ba execução Orçamento Covid-19 nian ba Presidente República. “Orçamento $1.50 milhões ne’e gasta ona hamutuk mais 100 e tal milhões ona liu-liu ba sosa equipamento, sosa fos, halo recoperação ba ita nia fatin infraestruturas sira, ba saúde nian, selu transporte sira comunicação, fo subsídio ba ita nia inan aman sira, sira ne’e hotu fundo mai housi covid nian, nebé iha pacote recuperação económico ne’e $142 milhões ne’e ba deit pacote. Maibe depois iha tan gastos sira seluk então ita husu  tan Segundo pacote  hamutuk $70 milhões nune’e osan hamutuk $200 e tal, haktuir Primeiro Ministro Taur Matan Ruak”.

Jornalista : Marta Afoan

Editor : Angelson Soares

PNTL NAFATIN ASSEGURA SEGURANSA IHA FRONTEIRA, RAI NO TASI

DILI 27 Agosto 2020 (DCAD)- Comandante Geral PNTL  Comissário Faustino da Costa, Quinta ohin, halo reunião ho Preseidente da República Francisco Guterres Lú-Olo iha Palácio do Presidente Aitarak-Laran Dili hodi informa situação nebé acontece iha território nacional no fronteira.

“Situação iha ita nia rai laran lao diak no caso ne’ebé acontece iha Manatuto nebé da’et to’o Baucau Vila Nova e Laga, Nunira, iha hela processo investigação no justiça nia laran. No iha parte Fronteira nian cidadão continua tama no sai ilegal mai Timor-Leste. Polícia Nacional Timor-Leste no FALINTIL Força Armadas Timor-Leste hametin cooperação iha área fronteira rai ninian, cidadão balu utiliza tasi hodi tama no sai Timor-Leste. Maske nune’e Polícia Marítima continua alerta hodi controla no halo capturação ba ema hirak ne’e maske ho equipamento proteção limitado”, dehan Comandante Geral PNTL Comissário Faustino da Costa ba jornalista sira hafoin remata encontro ho PR iha Quinta (27/08) semana ne’e.

Iha audência ho Presidente da República ne’e mos, Comandante Geral PNTL Comissário Faustino da Costa relata mos assidente trafego ne’ebe acontece housi Janeiro too Julho 2020.

“Durante fulan hitu nia laranm assidente trafego hamate ona ema nain 39 iha território nacional. Housi ema ne’ebe mate iha 29 ne’ebe detecta laiha carta condução, ema nain 25 mate tanba uja motor ho marca Honda Beat, housi 39 ne’ebe mate ne’e iha nain 5 maka lahatene hakerek no le. Ho ida ne’e mak ami hare hela oinsa buka cordena ho parte relevantes ba situação ne’e atu bele reduz acidente ka incidente liu-liu causa to’o ema mate iha ita nia rai, haktuir Comissário Faustino”.

Faustino da Costa informa katak mate isin ida nebé hetan iha area Tibar-Liquiça, família hatene ona no oras ne’e hein atu halo processo autopcia. Tuir declaração ne’ebe familia conta katak matebian ne’e moras mental. Tuir Comissário Faustino katak, masque moras mental, maibe tem que buka tuir hodi hatene ninia cronologia housi acontecimento ne’e.

Jornalista : Marta Rosário Afoan

Editor : Angelson Soares

GOVERNO DELIBERA NO PROPOIN S.E PR. LÚ-OLO EXTENDE TAN EE DALIMA

DILI 26 Agosto 2020 (DCAD) – Iha reunião Conselho Ministros nian iha loron 26 agosto 2020, iha Palácio Governo-Dili, Governo liu housi Reunião Conselho Monistros nian, Governo delibera ona atu propoin ba Sua Exelência, Senhor Presidente República, Francisco Guterres Lú-Olo, atu aumenta tan estadu emergência ba loron tolunulu.

Tuir Ministro Presidencial Conselho Ministros, Fidelis Manuel Leite Magalhães haktuir katak, hare ba evolução husi situação epidemiológica no proliferação caso contágio COVID-19 nian ne’ebe regista ona hodi hamosu preocupação maka’as, tantu iha nivel regional no mós mundial.

“Ho hanoin atu evita no neutraliza risco hada’et nian husi SARS-CoV-2, nune’e bele protege saúde pública no capacidade resposta housi Sistema Nacional Saúde nian, Governo propoin ba Senhor Presidente República atu, ho extenção ba Estado Emergência nian, bele permite suspensão ka restrição ba direito atu halo sirculação Internacional, direitu atu halo sirculação no direito ba fixação residência no mós direito resistência nian, haktuir Ministro Presidencial Conselho Ministros Fidelis Manuel Leite Magalhães wainhira remata reunião Conselhos Ministros iha Palácio Governo-Dili, quarta (26/08) semana ne’e”.

Jornalista : L.S’mauS

Editor : Angelson Soares

GOVERNO APROVA PROJETO-LEI ORGÂNICA MINISTÉRIO PLANO NO ORDENAMENTO TERRITÓRIO

DILI 26 Agosto 2020 (DCAD) – Iha reunião Conselho Ministros nian iha loron 26 agosto ohin, iha Palácio Governo-Dili, Governo liu housi Reunião Conselho Monistros nian aprova ona projeto Decreto-Lei kona ba Orgânica Ministério Plano no Ordenamento Território nian, ne’ebe Vice-Primeiro-Ministro no Ministro Plano no Ordenamento, José Maria dos Reis apresenta.

Tuir Ministro Presidencial Conselho Ministros, Fidelis Manuel Leite Magalhães haktuir katak, Ministério Plano no Ordenamento maka Departamento Governamental ne’ebe responsável ba consesão, coordenação no avaliação política, ne’ebe define no aprova ona housi Conselho Ministros, ba área sira promossão dezenvolvimento económico no social país nian.

“Liu housi planeamento estratégico integrado no racionalização recurso financeiros ne’ebe disponível, Ministério Plano no Ordenamento Território sei assume responsabilidade específica konaba implementação Plano Estratégico Dezenvolvimento nian, liu-liu ne’ebe iha relação ho infraestrutura no Planeamento Urbanu, Petrôleu no Minerais, Planeamento no Ordenamento Territério, haktuir Ministro Presidencial Conselho Ministros Fidelis Manuel Leite Magalhães wainhira remata reunião Conselhos Ministros iha Palácio Governo-Dili, quarta (26/08) semana ne’e”.

Decreto-Lei Orgânica Ministério Plano no Ordenamento Território nian ne’e específica ba implementação Plano Estratégico Dezenvolvimento nian, ne’ebe iha relação ho infraestrutura, Planeamento Urbanu, Petrôleu/ Minerais, no Planeamento no Ordenamento Territério.

Jornalista : L.S’mauS

Editor : Angelson Soares