shadow
Diocese de Dili > NOTÍCIAS > Notícias

ALUK DESCARTES : TL IHA POSSIBILIDADE ATU EXTENDE TAN ESTADO EMERGÊNCIA DALIMA

DILI 24 Agosto 2020(DCAD) – Diretor Operacional Centro Integrado Gestão de Crise (CIGC), Brigadeiro João Miranda “Aluk Descartes” hateten, Timor-Leste iha possibilidade boot atu extende tan Estado de Emergência ba dalima nian Tamba nação vizinho sira hanesan Indonesia no Australia número caso aumenta makas. “Aluk Descartes” haktuir lia hirak ne’e, hafoin halo audência ho Primeiro Ministro Taur Matan Ruak iha Palácio Governo-Dili iha Segunda (24/08) semana ne’e.

“Iha possibilidade atu estende tan Estado Emergência ba Dalima nian tamba ita nia nação vizinho sira Indonesia no Australia dadaun ne’e número caso sei aumenta makas ba bebeik. Ho ida nee bolu atenção makas ba ita para atu oinsa bele prevene housi pandemia COVID-19, tenik Diretor Operacional Centro Integrado Gestão de Crise (CIGC), Brigadeiro João Miranda “Aluk Descartes” iha Palácio Governo-Dili iha Segunda (24/08) semana ne’e.

Brigadeiro João Miranda “Aluk Descartes” hateten atu Extende tan Estado Emergência ou lae ita hein decisão iha encontro Conselho Ministros.

“Ita hein Conselho Ministros mak sei discute, maibe ita hare katak situação agora sei manteim ho ritmo ida ne’e bele extende estado Emergência, tamba ita hotu hatene katak Timor-Leste dadaun ne’e precisa medidas preventivas tem que forte tanba nação vizinho sira caso aumenta ba bebeik. Nune’e iha nação desenvolvido sira mos até agora sira seidauk iha aimoruk vassina nian kona ba moras ida ne’e. Pior liu ba ita Timor. Tamba ne’e diak liu ita prevene antes duque moras ne’e mai ona mak ita foin bokan, informa Brigadeiro João Miranda “Aluk Descartes”.

Liga ho ação ne’ebe Kay-Rala Xanana Gusmão halo para oinsa atu ita evita moras ne’e labele daet ba ita nia sociedade, Brigadeiro João Miranda “Aluk Descartes” hateten, hau fiar katak Maun Xanana nia preucupação laos buat seluk no buat le’et, maibe nia Preucupação mak ida nee dunik oinsa atu ita evita moras ne’e labele daet ba ita nia sociedade. Governo mos louva kona ba servisu ne’ebe mak maun Xanana Gusmão halo liu-liu ba iha situação Estado Emergência ba covid-19 nian.

Jornalista : (Leo S’mauS)

Editor : Angelson Soares

DOM VIRGÍLIO; IGREJA PROMOVE TURISMO RELIGIOSO, ATU EMA HABOOT NIA FIAR BA MAROMAK

DILI 22 Agosto 2020 (DCAD) – Arcebispo Arquidiocese Metropolita de Dili Dom Virgílio do Carmo da Silva, SDB hateten, Igreja servisu hamutuk ho Governo hodi promove fatin sira nebe categoria sai Turismo Religioso laos deit visitante sira ba hare no sente deit paisagem furak sira Timor ninian, maibe considera mos hsnesan fatin bele manan graça Na’i Maromak nian.

“Ita hakarak promove turismo religioso ida nebe ita desemnolve hanesan fatin sagrado atu ema haboot sira nia fiar, hetan força no kbiit, hetan coragem atu continua halao moris ida nebe ho influencia Maromak nian, tenik Arcebispo Arquidiocese Metropolita de Dili Dom Virgílio do Carmo da Silva, SDB hafoin preside celebração Eucarística Nain Feto Peregrina iha Fatubessi sábado (22/08) foin lalais nee.

Tuir Arcebispo katak, Fiar sarani tama ona 500 resin ona tanba nee iha ain fatin culturais no religioso barak mak existe nebe seidauk identifica hotu.

“Iha Uma Kreda iha Comissão ida liu-liu iha diocese Dili ninian ne’e tau matan hela ba Turismo Religioso ne’e rasik no oinsa hodi serviço hamutuk ho Governo hodi identifica tan fatin sira nebe categoria sai turismo. Atu nune’e ema ba visita atu hare rai no fatin furak timor ninian, maibe liga mos ita nia fiar sarani hanesan mos fatin diak ida atu peregrino sira bele manan graça Na’i Maromak nian, haktuir Arcebispo Dili Dom Virgílio do Carmo da Silva, SDB”.

Destino turístico religioso ne’ebe identificado ona mak Santuário Ramelau, Cristo Rei-Dili no Cristo Liurai-Letefoho, Estátua São João Paulo II-tasi Tolu, Nossa Senhora Peregrina-Fatubessi, Senhor Morto-Oe-Cusse no seluk tan nebe sei iha hela processo identificação.

Jornalista : Alin Soares.

 

ARCEBISPO DILI DOM VIRGÍLIO SIMU PÁLIO, PRESIDENTE CET HODI IGREJA CATÓLICA TL HATO’O PARABENS

DILI 23 Agosto 2020 (DCAD) – Presidente Conferência Episcopal Timorense (CET) Dom Norberto do Amaral hodi Igreja Católica Timor-Leste ninia naran hato’o saudações parabens ba Arcebispo Arquidiocese Metropolita de Dili Dom Virgílio do Carmo da Silva, SDB ne’ebe Dominggo (23/08) semana ne’e simu vestuário Arcebispo nian hanesan ‘PÁLIO’ iha SE Catedral Arquidiocese Metropolitana de Dili.

Presidente Conferência Episcopal Timorense (CET) Dom Norberto do Amaral atual bispo de Maliana iha ninia mensagem husu atu sarani tomak reza nafatin ba iha Arcebispo Arquidiocese Metropolita de Dili Dom Virgílio do Carmo da Silva, SDB atu nia bele assume nia kna’ar ho diak tuir buat ne’ebe rege iha regras sira iha Igreja Católica nia laran.

“Privilégio boot ida iha celebração 80 anos ida ne’e, husi Santa SE foti Dili nu’udar Diocese Inan nebe hamosu Diocese rua Baucau no Maliana, ou aban bain rua bele iha tan nune’e atu bele facilita actividade pastoral sira. Depois de 80 anos, ita hetan presente atu forma Província Eclesiástica ida ho ninia Arquidiocese no nia bispo rasik. Ita tomak nebe hola parte iha ne’e, no ita reza nafatin ba iha Arcebispo atu nia bele assume nia kna’ar ho diak tuir buat ne’ebe rege iha ita nia regras sira iha Igreja Católica nia laran, afirma Presidente Conferência Episcopal Timorense (CET) Dom Norberto do Amaral atual bispo de Maliana iha SE Catedral Arquidiocese Metropolitana de Dili Dominggo (23/08) semana nee”.

Presidente Conferência Episcopal Timorense (CET) Dom Norberto do Amaral esclaresse katak, simu PÁLIO atu hatudu buat 3 (unidade, comunhão no fortaleza).

“Simu PÁLIO ida ne’e atu hatudu buat 3 iha neba; unidade, comunhão no fortaleza. Unidade ho Santa SE. Buat barak ne’ebe sei acontece iha ne’e tan diocese aban bainrua sei forma tan tem que iha ida ne’ebe iha leten hodi hare no tau matan. Se la lao tuir nia dalan karik competência Arcebispo nian hodi fó hatene ba Santo Padre. Alem ne’e hare mos kona ba actividade pastorais sira, kona ba sarani sira nia moris atu nune’e bele gela didiak tuir buat ne’ebe Igreja hanourin atu bele moris tuir, hateten Norberto do Amaral”.

Iha mensagem ikus ninian Presidente Conferência Episcopal Timorense (CET) Dom Norberto do Amaral atual bispo de Maliana hato’o agradecimento ba Presidente República, Presidente Parlamento ho nia membro sira tomak inclui membro Governante sira nebe mai participa iha evento histórico Igreja Católica ninian.

Jornalista : Alin

AUTL HUSU GOVERNO RENOVA HIKAS DECRETO-LEI NO. 21/2020

DILI 21 Agosto 2020 (DCAD) – Representante Associação Universidade Timor Lorosa’e (AUTL) sexta (21/08) semana nee, hasoru malu ho Presidente Parlamento Nacional Aniceto Guterres iha Parlamento Nacional-Dili hodi apresente problemas nebe mak estudante sira railaran enfrenta em relação ho propinas. Iha Decreto Lei nu 21/2020 nebe Governo hasai iha loron 5 Junho kona ba Estado liu husi Governo fo pagamento subsídio ba estudante sira nebe halao estudo iha rai liur. Tanba nee Associação Universidade Timor Lorosa’e (AUTL) considera iha mos razão atu Estudantes iha railaran hetan mos subsídio.

Representante Associação Universidade Timor Lorosa’e (AUTL), Paulo dos Santos remata tiha audência ho Presidente Parlamento Nacional Aniceto Guterres iha Parlamento Nacional-Dili argumenta katak, Parlamento Nacional nudar ibun, tilun no matan ba povo nian precisa mós atu hatene problemas kona ba saida mak povo enfrenta no precisa mós atu hatene problemas saida mak mak estudante sira enfrenta.

“Ami apresenta ami nia exigência ba Parlamento Nacional atu fo hanoin ba Governo bele cria diploma ministérial ida atu bele responde ba ami nia propinas semester par ba tinan académico 2020 nian, dehan Representante Associação Universidade Timor Lorosa’e (AUTL), Paulo dos Santos remata tiha audência ho Presidente Parlamento Nacional Aniceto Guterres iha Parlamento Nacional-Dili iha sexta (21/08) semana nee iha Parlamento Nacional-Dili.

Associação Universidade Timor Lorosa’e (AUTL) husu VIII Guverno renova hikas decreto-Leí nú. 21/2020 no cria hikas decreto-Leí foun hodi responde ba propinas semester par tinan academico 2020 nian estudante sira nian.

“Mai ami Associação Universidade Timor Lorosa’e (AUTL) nian, husu nafatin ba VIII Governo atu bele halo renovação ba decreto-Leí no. 21/2020 iha loron 5 de junho, ou bele cria fali decreto-Leí foun ida atu responde ba ami nia propinas ba semester par tinan academico 2020 nian. No ami mós husu nafatin ba Ministério Ensino Superior Ciência no Cultura bele cria diploma Ministérial ida atu bele responde ba ami nia propinas semester par ba tinan académico 2020 nian. informa Porta Voz AUTL, Paulo dos Santos.

Representante Associação Universidade Timor Lorosa’e (AUTL), Paulo dos Santos afirma mos katak wainhira sidauk iha resposta ba exigência refere maka AUTL sei continua halo ação pacífico to’o hetan vitória.

“Ami mós hatene katak ohin loron seidauk iha alternativa nebé imediata, tamba ne’e maka ami AUTL mós sei continua ami nia ação pacífico iha semana oin, no ami sei submete mós ami nia carta prolongação tempo ba iha autoridade PNTL município Dili nian atu nune’e ami bele continua ami nia ação pacífico to’o hetan vitória ida ne’e”.

Jornalista : Leo S’mauS

Editor : Angelson Soares

PROJETO GESTÃO RECURSOS HÍDRICOS NO ABASTECIMENTO BEE MOS HUSI ‘MOP’ APROVADO IHA CONSELHO MINISTROS

DILI 19 Agosto 2020 (DCAD) – Primeiro Ministro Taur Matan Ruak Preside reunião Conselho Ministro iha Palácio Governo Dili iha Quarta (19/08) semana nee hodi discute no halo aprovação ba Projeto rua kona ba resolução Governo nian nebe Ministro Obras Públicas, Salvador Soares dos Reis Pires relaciona ho Política Nacional ba Gestão Recursos Hídricos no Política Nacional ba abstecimento Bee-mos.

“Política Nacional ba Gestão Recursos Hídricos define kona ba responsabilidade, intensão, objecto no estrategia sira Governo nian ligado ho gestão husi recursos Hídricos nian, Ministro Presidencial Conselho Ministro Fidelis Manuel Leite Magalhães relata depois remata tiha reunião Conselho Ministro nian iha Palácio Governo Dili Quarta (19/08) semana nee”.

Fidelis Manuel Leite esclaresse tan katak, Documento nee fornece quadro geral ida no linha ação ida ba política nacional husi Gestão Recursos Hídricos nian to’o tinan 2030.

“Documento ne’e nudar documento orientação no informação ida ba autoridade público sira, gestor ídricos sira no entidade hotu-hotu nebe envolve iha elaboração no implementação ba ligislação, regulamentação, política, estrategia, plano no ação sira ba recurso ídricos República Democártica Timor-Leste nian”.

Governante nee mos haktuir tan katak, Política Nacional ba abstecimento Bee-mos iha objetivo atu estabelesse visão no objetivo sira Timor-Leste nian relaciona ho comprimisso nacional no Internacional foca ba fornecimento liu husi acesso equitativa ba serviço bee-mos nebe adequado seguro no sustentável liu husi custo nebe acessível ba sidadão tomak.

“Documento refere halibur princípio orientadora sira nebe permite atu traduz visão kona ba acesso universal ba abastimento público bee-mos nakfilak ba estrategia no plano sira no ninia mplementação diak liu hodi beneficia população Timor-Leste no desemvolvimento social no económico nebe sustentável iha rai laran”.

Jornalista : L.S’mauS

Editor : Angelson Soares

 

 

CONSELHO MINISTROS APROVA DECRETO LEI ESTATUTO ADMINISTRAÇÃO MUNICIPAL

DILI 19 Agosto 2020 (DCAD) – Primeiro Ministro Taur Matan Ruak iha Quarta (19/08) semana nee Preside reunião Conselho Ministro iha Palácio Governo Dili hodi discute no halo aprovação ba Projeto Decreto Lei kona ba alteração daruak na Orgánica Ministério Justiça nian nebe apresenta husi Ministro Justiça, Manuel Cárceres kona ba Estatuto Administração Municipal.

Remata tiha reunião Conselho Ministro nian, Ministro Presidencial Conselho Ministro Fidelis Manuel Leite Magalhães informa katak, alteração nee ho objetivo atu reflete kona ba alargamento husi atribuição Ministério nian, tuir redação foun husi orgánica Governo nian, liu-liu refere ba atribuição sira reforma judiciária nian ba iha Ministério Justiça.

“alteração nee mai atu muda, mesmo que parcial deit, processo kona ba consentração Administrativa ba recursos humanos, nebe resulta husi alteração dahuluk ba Estado ne’e no soluciona contragimento jurídico no operacional sira hanesan competéncia sira, organização no funcionamento husi serviço municipal sira no mos ba nomeiação liu husi subtituição ba dirigente no chefe sira, haktuir Ministro Presidencial Conselho Ministros Fidelis Manuel Leite Magalhães wainhira remata reunião Conselhos Ministros iha Palácio Governo Dili, Quarta (19/08) semana ne’e”.

Tuir Governante nee katak, Decreto Lei ida nee iha mos alteração kona ba Conselho Consultivo Municipal sira, liu-liu ba nia composição.

Jornalista : L.S’mauS

Editor : Angelson Soares

          

PRESIDENTE TRIBUNAL RECURSO PLANEIA HARI’I TAN TRIBUNAL DISTRITAL TOLU

DILI 18 Agosto 2020 (DCAD) – Presidente Tribunal Recurso (PTR) Deolindo dos Santos terça (18/08) semana ne’e, halao audência ho Presidente da República (PR) Francisco Guterres Lú-Olo iha Palácio Presidencial Nicolau Lobato -Dili, hodi informa plano hirak ne’ebe precisa halo revisão iha orsamento 2021 nian atu bele cria tan condição balu ba juiz sira, nomos atu alarga tan serviço tribunal nian ba fatin balu nebé sente katak iha necessidade tebes.

“Ami iha plano balu nebé que la consege realiza iha 2020 nian tanba situação politica nebé ita hasoru. Então plano hirak ne’e ami la consege realiza, maibe ami hanoin atu realiza plano sira ne’e iha 2021 nian. Tempo oin mai Tribunal Recurso ho hanoin ida katak bele iha condição atu bele alarga tan serviço tribunal nian ho forma nebé permanente, tanba agora daudaun lao hela ho Tribunal Móvel iha fatin balu hanesan iha Viqueque, Ermera nomos Maliana. Tanba precisa iha condição balu que ita bele alarga tan iha neba, informa PTR Deolindo dos Santos ba jornalista sira hafoin remata encontro semanal ho Presidente República iha Palácio Presidencial Nicolau Lobato-Dili Terça (18/08) semana ne’e”.

Tuir Deolindo dos Santos katak atu hari tan Tribunal Distrital precisa halo revisão ba Lei Organização Judiciária.

“Atu hari tan Tribunal foun precisa halo revisão ba Lei Organização Judiciária. Tanba nee, Tribunal Recurso sei coopera hamutuk ho Governo no Parlamento Nacional atu bele avansa iha discusão kona ba lei orgão judiciario nian atu bele fo espaço atu bele iha condição legal sira. Plano hirak ne’e hein concretiza bainhira halo discusão iha orsamento 2021 nian.

Presidente Tribunal Recurso (PTR) Deolindo dos Santos haktuir katak, Presidente República preucupa ho número processo acumulado sira nebe sei aas tebes iha Tribunal Distrital Dili, Baucau, Covalima no Oe-Cusse.

“Tribunal foti ona medidas atu asselera processo acumulado sira iha Tribunal Distrital sira liu husi movimento Juiz sira, mudança secretário no Oficial Justiça no Tribunal Movel sira atu halo balanço ho equilíbrio ba recurso iha Tribunal sira, dehan Deolindo dos Santos”.

Tuir Presidente Tribunal Recurso (PTR) Deolindo dos Santos esclaresse katak agora dadauk caso normal iha Tribunal processo distância sira quase número ne’e sei iha nafatin hanesan iha Baucau iha 400 e tal crime, 200 e tal caso cívil, iha Suai 800 e tal – caso civil iha 200 e tal,  Oe-cusse iha crime ne’e iha 500 e tal no civil  iha 115, no Dili nian crime iha 2000 e tal-civil iha 1000 e tal.

Jornalista: Marta.

Editor : Angelson Soares

PROCURADOR GERAL REPÚBLICA INFORMA SERVIÇO DURANTE FÉRIAS JUDICIAL BA PR LÚ-OLO

DILI 18 Agosto 2020 (DCAD) – Procurador Geral República (PGR) José da Costa Ximenes, Terça (18/08) semana ne’e hala’o encontro mensal ho Presidente da República (PR) Francisco Guterres Lú-Olo iha Palácio Presidencial Nicolau Lobato-Dili hodi informa atividades Ministério Pública halao durante férias Judicial.

“ hahu kedas loron 1 Agosto to’o ohin loron no  too ba loron 15 Setembro periodo ida irrejudicial. agora dentro de periodo fora de irrejudicial ejize de serviço de turno Procuradoria da República Distrital 4 inclui gabinete central combate corrupção tribunal da visão organizada hodi tau matan ba caso homicídio iha Vemasse, caso homicídio iha same, caso sona ema iha Baucau Vila Nova inclui mos caso sunu uma no estragas veículo iha Nunira, Laga, dehan Procurador Geral República Jose da Costa Ximenes hafoin remata audência ho Presidente da República (PR) Francisco Guterres Lú-Olo iha Palácio Presidencial Nicolau Lobato- Dili Terça (18/08) semana ne’e”.

PGR Jose da Costa Ximenes informa mos ba Chefe Estado kona ba sei halo destruição ba matéria prima ba droga ho tonelada 160 nebe prende iha Porto-Dili.

“Provavelmente semana oin ita sei halo destruição ba objetos de crimes 160 toneladas ou contentor sia ho maneira sunu. Ami decide tiha ona hamutuk ho orgão Polícia Criminal, Secretária Estado Meio Ambiente ninian, Polícia Científico Investigação Criminal, parte Ministério Saúde hodi foti

decisão ikus ho métodu ida nebé seguru la fo impacto ba saude publica, labele fo impacto mos ba meio ambiente mak ida nebé sunu, dehan Procurador Geral República (PGR) José da Costa Ximenes”.

Procurador Geral Republica Jose da Costa Ximenes haktuir aprensão motorizadas husi PNTL nebe too ohin loron laiha reclamação husi nia nain iha tempo badak Diressão Património Estado sei halo leilão Público.

“Agora dadauk serviço apoio técnico administrativo procuradoria geral ninian liu housi departamento logistica halo hela cooperação ho direção geral património Estado atu hare halo processo lelão. Sira nebé sei diak processo lelão sei lao, sira nebé a’at labele utiliza total ona, ita bele halo distruição deit.

Jornalista : Marta

Editor : Angelson Soares

VITOR: TIMOR GAP INVESTE BAR-BARAK NUNCA HATAMA RETORNO BA ESTADO

DILI 17 Agosto 2020 (DCAD) – Ministro Petróleo no Minerais, Victor da Conceição Soares iha segunda (17/08) semana ne’e, halo audência ho Chefe do Governo Taur Matan Ruak iha Palácio do Governo-Dili hodi atualiza situção balun relativamente serviço Ministério Petróleo no Minerais nian especial liu ba Timor Gap ninia processo halo durante ne’e.

“Ohin halo audência ho Chefe do Governo Taur Matan Ruak hodi Atualiza ba desenvolvimento Projeto sira nebé iha relação ho Projeto Tasi Mane, kona ba Greater sunrise ho mos Projeto balun ne’ebe Timor Gap tem que assume durante ne’e. Projeto tasi mane Governu agora dadaun ne’e, halo hela restruturação ba estrutura autónomas nebé oras ne’e sei iha processo laran, dehan Ministro Petróleo no Minerais, Victor da Conceição Soares iha segunda (17/08) semana ne’e iha Palácio do Governo-Dili.

Tuir Ministro Petróleo no Minerais, Victor da Conceição Soares nota katak, investimento Timor Gap nebé durante ne’e halo maibé retorno durante ne’e nunca iha.

“Investimento Timor Gap nebé durante ne’e halo Projeto bar-barak maibé Primeiro Ministro inciste para tem que halo investimento real iha rai laran. Tanba ne’e possibilidade tem que participa iha Down Stream kona ba fornecimento ba mina, kona ba EDTL nebé agora daudaun plano atu halo conversão housi petróleo ba Gas. Tanba ne’e Timor Gap tem que investe iha nebá atu bele hetan retornu. Durante ne’e Estado investe, agora exige para fo retorno ba Estado, tanba retorno durante ne’e nunca iha, dehan Ministro Petróleo no Minerais, Victor da Conceição Soares”.

Tuir Victor da Conceição Soares katak, dadauk ne’e sei iha processo discução lei código petrolífero no tempo besik sei conclui hodi tama ba contrato (production sherin contrac ‘PSC’) ba fim do ano.

Jornalista : (Leo S’MauS)

PPN ANICETO: ATU TROCA MEJA PPN PRECISA OSAN ESTADO

DILI 17 Agosto 2020 (DCAD)Presidente Parlamento Nacional Aniceto Guterres hasouru malu ho Presidente da República Francisco Guterres Lú-Olo iha Palácio Presidencial Bairo Pite Dili segunda (17/08) semana ne’e, hodi informa kona ba meja Presidente Parlamento Nacional nian nebé rahun tuir lolos sei halao cerimónia ritual iha dia 30 de Agosto, maibé adia ba tempo seluk atu bele halo tuir cultura Timor nian.

“Kona ba cerimónia ritual ba meja Parlamento nian nebé rahun ne’e ami seidauk determina tempo, maibé iha tempo badak ami sei decide atu halo cerimonia cultural, data nebé determina dehan iha 30 de Agosto ne’e sei adia fali tanba atu troka meja ne’e sei uja osan estado nian ne’e iha regra liu-liu processo aprovisionamento tanba ne’e sei lori tempo”, tenik Aniceto Guterres, tenik Presidente Parlamento Nacional Aniceto Guterres iha Palácio Presidencial Bairo Pite Dili segunda (17/08) semana ne’e.

Além ne’e, PPN Aniceto Guterres informa mos relatório funcionamento no serviços Parlamento Nacional nian durante fulan 3 nia laran ba Presidente da República. Tuir Aniceto Guterres katak Parlamento funçiona hanesan orgão legislador no orgão fiscalisador.

“trabalho fiscalização no legislação sira lao, iha lei balu aprova tiha ona, iha deliberação barak mak Parlamento halo hanesan mos fo autorização ba Estado de emergência (EE) sira ne’e, deliberação importante e mos ho lei tanba autorização EE ho lei tan ne’e mak funcionamento sira ne’e, serviços administrativos mos lao hela e agora sei iha recesso hela tuir calendario estado, calendario Parlamento nian hanesan bai-bain 15 de Setembro tem que hahu fali ona sessão legislativa foun. E ohin aproveta mos oportunidade ha’u husu disponibilidade Presidente da República ninian e PR hatan atu ba halo abertura ba III sessão legislativa, tenik Presidente Parlamento Nacional Aniceto.

Jornalista : Marta Afoan