shadow
Diocese de Dili > NOTÍCIAS

Sexta – Feira, XIX Semana Tempo Comum (ANO C)

Primeira Leitura                     Jos 24, 1-13

Lia housi livro Josué:

Iha loron hirak neba, Josué libur uma-kain sira hotu Israel nian iha Siquém. Hafoin, bolu katuas sira, ulun sira, juíz no boot sira seluk tan, ba Na’i nia oin.

Nune’e, Josué dehan ba povo tomak:  “Na’i, Israel nia Maromak hateten nune’e:  “Imi nia bei-ala sira, to’o Terá, Abraão no Nacor nia aman, uluk tur iha mota Eufrates nia sorin ba no serbi Maromak falso sira. Ha’u hasai Abraão, imi aman housi mota Eufrates nia sorin ba, halo nia hakat liu mai iha sorin seluk ba rai sira hotu Canaã nian hodi haraik ba nia oan no bei-oan sira atu sai ua’in. Ha’u fo oan ida, Isaac, ba nia no ba Isacc, Ha’u fo Jacob ho Esau. Ha’u fo rai foho Seir nian ba Esau, maibe Jacob ho nia oan sira tun ba Egipto. Hafoin, Ha’u haruka Moisés ho Araão, hodi halo milagre ua’in, Ha’u fo castigo oi-oin ba Egipto, no hasai no imi housi neba. Ha’u hasai imi nia aman sira housi Egipto no imi to’o Tasi. Ema Egipto sira duni tuir imi aman sira ho kuda no kareta to’o tasi Mean. Hare hetan tiha funu baluk sira, sira hakilar ba Na’i. Na’i halo kalohan nakukun tun mai haketak imi housi ema Egipto sira, halo tasi mai hasouru sira hodi halo mouut sira hotu. Basa, imi hare rasik ho imi matan buat nebe Ha’u halo iha Egipto. Tuir mai, imi horik kleur iha rai fuik maran. Hafoin Ha’u lori imi ba amorreu sira rain nebe hela iha Jordão nia sorin ba. Sira mai funu hasouru imi, maibe, Ha’u saran sira ba imi liman atu imi bele horik iha sira rain, basa Ha’u halakon sira iha imi oin. Tuir fali, mosu Balac, Sipor nia oan no liurai Moab nian be hafunu hasouru Israel hodi haruka bolu Balaão, Beor nia oan atu fo malisan ba imi. Maibe, Ha’u lakohi rona Balaão no atu nia fo bensa ba imi. Tan ne’e mak Ha’u soi imi housi sira liman.

Hafoin, imi hakur liu Jordão hodi ba to’o Jericó. Sira be horik iha cidade neba hafunu hasouru imi amorreu sira, perezeu sira, cananeu sira, hitita sira, girgasita sira, hevita sira no jebuseu sira maibe, Ha’u saran sira ba iha imi liman. Atu duni sai liurai na’in rua amorreu sira nian housi imi oin, Ha’u haruka dihi telok ua’in ba uluk imi oin. Buat ne’e hotu la mosu ho biit imi nia surik eh rama nian. Ha’u fo rai ida ba imi nebe imi la kole hadian, cidade sira nebe imi la kole no la gasta osan atu harii nebe oras ne’e imi horik ba, ai-uvas no ai-oliveira nebe imi la kuda, oras ne’e imi han nia fuan”.

Maromak Futar Lia.

 

Salmo Responsorial.                                                                                                              Sal. 136, 1-3. 16-18. 21. 24

Refrão : Na’i Nia domin rohan laek!!! Repete-se

Agradece ba Na’i, tanba Nia diak tebes,

Nia domin rohan laek.

Agradece ba Na’i, maromak hotu nia Maromak,

Nia domin rohan laek.

Agradece ba na’i hotu nia Na’i,

Nia domin rohan laek. Refrão

 

Lori Nia povo housi rai fuik maran,

Nia domin rohan laek.

Nia harahun liurai boot sira,

Nia domin rohan laek;

Nia hakanek liurai biit na’in sira,

Nia domin rohan laek. Refrão

 

Haraik rai ida ba Nia povo nu’udar liman rohan,

Nia domin rohan laek;

Hanesan riku-soi ba Israel, Ninia povo,

Nia domin rohan laek; soi ita housi ukun-na’in aat sira,

Nia domin rohan laek. Refrão

 

Aclamação                                                                                                                                                                1Tes. 2. 13

Refrão : Aleluia, Aleluia!! Repete-se

Simu ba ho laran tomak lia meon nebe Na’i hato’o ba imi; la’os hanesan

ema nia liafuan, maibe, nu’udar Maromak futar liafuan. Refrão

 

Evangelho                                                                                                                                                              Mt. 19, 3-12

Na’i Jesus Cristo Nia Evangelho nu’udar São Mateus haktuir:

Iha tempo neba, ema fariseu balu hakbesik  ba Jesus atu koko Nia. Sira dehan ba Nia: “Ema ida bele husik nia feen tan buat nar-naran ida?” Jesus hatan ba sira: “Imi la lê katak houri uluk, Ida be halo ema mane no feto, Nia dehan: ‘Tan buat ne’e, mane sei husik nia aman no inan, ba hamutuk ho nia feen, sira rua sai isin ida de’it?’ Nune’e, sira la’os ona na’in rua, maibé, ida de’it. Ne’e duni, buat nebe Maromak tau hamutuk ona, ema ida la bele haketak”.

Sira dehan hikas ba Nia: “Nune’e karik, tan sa Moisés haruka fo surat fahe-malu nian atu ema ida husik nia feen?”  Jesus hatan ba sira: “Tan imi nia fuan tos mak Moisés haruka imi atu fo surat molok husik imi nia feen. Maibé, houri uluk, la hanesan ne’e. Ha’u dehan ba imi: Se mak husik nia feen, la’os tan hahalok sala fo’er hodi kaben feto seluk, nia halo sala adultério”.

Escolante sira dehan ba Nia: “Mane nia situasaun iha nia relasaun ho nia feen nune’e karik, diak liu lalika kabén!” Jesus hatan ba sira: “Laos ema hotu hatene tuir hanourin ida ne’e, maibé, ba de’it sira nebe Na’i hakotu ona lia. Los duni, iha nalin sira nebe ema sira mak halo, no iha mos ema sira nebe halo-an nalin ba an rasik tan reino Lalehan. Se mak bele rona, rona ba!”.

Lia Maksoyn.

Quinta Feira, XIX Semana Tempo Comum (ANO C)

Assunção da Virgem Santa Maria

Solenidade

 

Primeira Leitura               1Cr. 15. 3-4, 15-16, 16. 1-2

Lia housi primeiro Livro Crónicas nian:

Iha loron hirak nebá, David halibur iha Jerusalém povo tomak Israel nian, atu lori Na’i nia arca ba fatin nebé hadi’a tiha ona ba nia. Halibur tiha hotu Aarão ho Levi nia oan no bei-oan sira, Levita sira lori Maromak nia Arca hodi ai nebé sira tau iha kbás, nu’udar Moisés fó sai tuir Na’i nia Liafuan. David haruka fó hatene Levita sira nia ulun atu lori sira nia maun-alin be knananuk na’in sira atu mai ho instrumento knananuk nian, citaras, harpas ho címbalos, atu hananu ho lian maka’as knananuk sira ksolok nian. Nune’e, sira lori Maromak Nia Arca, hodi tau iha tenda nia klaran, tenda nebé David haruka halo ba nia. Tuir mai, iha Maromak Nia futar oin, sira hasa’e balada sira no buat-karan dame nian. Wainhira David hasa’e tiha hotu balada sira no buat-karan dame nian, hodi Na’i nia naran, fó bensa ba povo.

Maromak Futar Lia.

 

Salmo Responsorial                                                                                            Sal. 131(132). 6-7, 9-10, 13-14 (R. 8)

Refrão : Na’i, hamriik ba, hodi tama iha Ita hôrik fatin, Ita ho Ita Arca kbiit nian!!! Repete-se

Ami rona katak Arca iha hela Éfrata,

Ami hetan nia iha rai luan Jaar nian.

Ami tama iha Na’i nia fatin santo,

Ami tuku-tur iha Nia oin. Refrão

 

Ita Sacerdote sira moris iha justiça,

Ita nia sarani sira hahí ho ksolok.

Ita Ita hadomi David, Ita atan,

Ita la hadook-an houdi ida be Ita kose mina. Refrão

 

Na’i fihir tiha Sião,

Hili tiha nia nu’udar Nia hôrik fatin,

Fatin ne’e hela nafatin ba Ha’u nia hôrik fatin.

Ha’u sei hôrik iha ne’e, basá, Ha’u hili nia. Refrão

 

Segunda Leitura                                                                                                                                          1Cor. 15. 54b-57

Lia housi São Paulo nia Primeira Surat ba sarani sira iha Corinto:

Maun alin sira: wainhira natureza ida ne’e nebé bele dodok, hafutar-an ona ho buat nebé la dodok, no ida ne’e nebé bele mate ho buat nebé la bele mate, iha tempo nebá lia nebé hakerek nanis sai tuir lolós ona: “Mate mohu lakon iha vitoria laran”. Oh mate, ó manan iha nebé? Oh mate! Ó nia kro’at (aguilhão) iha nebé?” Mate nia kro’at mak sala, no sala hetan kbiit housi ukunfuan. Tan ne’e ita agradece ba Maromak nebé halo ita manan housi ita Na’i Jesus Cristo.

Maromak Futar Lia.

 

Aclamação                                                                                                                                                                  Lc. 11. 28

Refrão : Aleluia, Aleluia!! Repetese

Rahun di’ak ba sira nebé rona Maromak nia futar lia,

Hodi moris tuir. Refrão

 

Evangelho                                                                                                                                                             Lc. 11. 27-28

Na’i Jesus Cristo nia Evangelho nu’udar São Lucas haktuir:

Iha tempo nebá, Jesus sei ko’alia daudaun, feto ida housi ema lubun sira leet foti lia dehan: “Ksolok ba knotak nebé kô’us Ita, no hirus matan nebé fó susu ba Ita!” Maibé Nia hatan: “Lolós, ksolok liu fali ba sira nebé rona Maromak Futar-Lia hodi hala’o iha sira moris!”.

Lia Maksoyn.

Quinta Feira, XIX Semana Tempo Comum (ANO C)

Primeira Leitura       Jos 3, 7-10ª, 11, 13-17   

Lia housi livro Josué

Iha loron hirak neba, Na’i lia tun ba Josué: “Ohin duni Ha’u hahu foti ó iha Israel tomak nia oin atu sira bele hatene katak Ha’u hela hamutuk ho ó, hanesan houri uluk Ha’u hela ho Moisés. Ó sei fo ordem ne’e ba na’ilulik sira nebe lori arca aliança nian: ‘Wainhira imi to’o mota Jordão nia ninin, imi sei para iha neba.” Josué dehan ba Israel oan sira: “Imi hakbesik mai hodi rona Na’i, imi nia Maromak Nia Liafuan”. Hafoin, nia dehan tan: “Ha’u dehan ba imi oinsa imi sei hare katak Maromak be moris horik iha imi leet;  Nia sei duni sai ema cananeu sira housi imi oin; imi sei hare arca aliança Na’i Nian, Maromak rai tomak nian liu mota Jordão housi imi oin.  Wainhira na’ilulik sira be lori Na’i Nia arca, Maromak rai tomak nian, tau ain iha wé mota Jordão, wé mota nian sei fahe-an tiha hanesan baki boot ida hari sa’e tiha”.

Wainhira povo Israel sai housi sira nia tenda atu hakur mota Jordão, na’ilulik sira be lori arca aliança la’o uluk ona iha sira oin. Ema sira hotu to’o iha Jordão, na’ilulik sira nebe lori arca aliança, sira nia ain kona wé Jordão nian mota Jordão nia wé sai boot housi sorin mai to’o sorin ba iha tempo sohi nian wé nebe tun housi mota ulun mai para tiha kedas hodi nalihun hamutuk hanesan baki boot ida hari sa’e tiha, dook housi sira housi besik rai Adamá to’o besik cidade Sartã, maibe wé be suli ba Tasi Arabá, eh Tasi Masin nian, para tiha kedas. Povo hotu la’o liu kona housi rai Jericó nia oin. Na’ilulik sira nebe lori arca aliança Na’i nian, hamriik nafatin iha mota Jordão nia klaran ho ain maran, wainhira Israel oan sira hotu hakur liu mota ho ain maran.

Maromak Futar Lia.

 

Salmo Responsorial.                                                                                                            Sal. 113A(114). 1-2, 3-4, 5-6

Refrão : Aleluia, Aleluia!! Repete-se

Wainhira Israel sai housi Egipto,

Jacob nia oan sira hadook-an housi povo rai seluk,

Judá sai santuário Na’i nian,

Israel sai Na’i nia reino. Refrão

 

Hare hetan Nia, tasi dada-an ba kotuk,

wé Jordão nian suli ba kotuk;

foho sira, boot no ki’ik haksoit,

hanesan balada sira iha rai luan boot. Refrão

 

Tasi, sa mak halo ó halai?

Jordão, tansa ó fila ba kotuk?

Foho sira, tansa imi haksoit hanesan balada sira?

Foho oan sira, tansa imi haksoit hanesan bibi oan sira? Refrão

 

Rai nakdedar iha Na’i futar oin,

nakdedar iha Jocob nia Maromak oin.

Na’i be halo fatuk luan sai lagoa,

no fatuk sira sai wé matan. Refrão

 

Aclamação                                                                                                                                                  Sal. 118(119). 135

Refrão : Aleluia, Aleluia!! Repete-se

Hatudu Ita futar oin ba Ita atan,

hanourin ha’u Ita ukunfuan. Refrão

 

Evangelho                                                                                                                                                        Mt. 18, 21-19. 1

  Na’i Jesus Cristo Nia Evangelho nu’udar São Mateus haktuir:

Iha tempo neba, Pedro hakbesik ba Nia hodi dehan: “Na’i, ha’u nia maun eh alin sala hasouru ha’u karik, ha’u sei perdua nia dala hira? To’o dala hitu?” Jesus hatan ba nia: “Ha’u dehan ba ó:  la’os to’o dala hitu, maibe to’o hitu nulu dala hitu”. “Tan ne’e, reino lalehan nian hanesan liurai ida nebe hakarak sisi tusan ba nia atan sira. Wainhira nia hahu sisi, sira lori mai ema ida nebe iha tusan osan rihun sanulu. Tan nia la iha buat ida hodi selu, liurai haruka fa’an tiha nia ho nia feen, nia oan sira ho nia riku soi sira hotu atu selu tusan. Atan ne’e monu ain ba nia hodi dehan:  “Paciência uitoan ho ha’u, ha’u sei fo fali tusan hotu ba ó,’ Tan hanoin nia, atan ne’e nia na’i husik nia ba hodi kasu nia tusan. Wainhira atan ne’e sai housi neba, nia hetan nia maluk ida nebe debe nia osan oan atus ida. Kaer tiha maluk ne’e, nia buti metin nia kakorok dehan: ‘Selu ó nia tusan ba!’ Nia maluk monu ain ba nia hodi harohan: ‘Paciência uitoan ho ha’u, ha’u sei fo fali tusan hotu ba ó.’  Maibe nia lakohi sadia nia hodi haruka maluk ne’e ba dadur laran to’o  nia selu nia tusan hotu. Nia maluk atan sira seluk hare tiha buat ne’e, ho neon susar ba haktuir ba sira na’i buat hotu nebe mosu. Tuir mai sira nia na’i haruka bolu nia hodi dehan ba nia:  ‘Atan aat, ha’u kasu tiha ó nia tusan tomak tan ó husu ha’u; ó la bele hanoin ó nia maluk atan hanesan ha’u hanoin ó?”  Hafoin, hodi hirus, na’i fo nia ba dadur na’in sira to’o nia selu nia tusan hotu. Imi ida-idak la perdua ho laran imi nia maun alin karik, Ha’u Aman iha lalehan sei halo mos nune’e ba imi”.

Ko’alia hotu tiham Jesus husik Galileia hodi la’o ba rai Judeia, iha Jordão nia sorin balun ba.

Lia Maksoyn.

Quarta Feira XIX Semana Tempo Comum (Ano)

Primeira Leitura                     Dt. 34, 1-12

Lia housi livro Deuteronómio

Iha loron hirak neba, Moisés sai housi rai tetuk Moab nian ba to’o iha foho Nebo, iha Pisgá nia tutun, besik Jericó. Iha neba, Na’i hatudu rai tomak ba nia: housi Galaad to’o Dan, Neftali tomak, rai Efraim no Manassés nian, rai tomak Judá nian ba to’o tasi loro-monu, rai Negueb no rai tetuk Jericó, cidade palmeira sira nian to’o Soar. Na’i dehan ba nia: “Ne’e mak rai nebe Ha’u hakotu nanis lia ba Abraão, Isacc no Jacob, hodi dehan ba sira ida-idak ho juramento: ‘Ha’u sei fo rai ne’e ba ó nia bei-oan sira’. Ha’u hakarak ó atu hare ho ó nia matan rasik, maibé, ó sei la tama iha neba”. Moisés, Na’i nia atan mate iha neba, iha rai Moab, tuir Na’i Nia hakaran. Hakoi nia iha foho sira Moab nia leet ida, besik Bet-Peor; maibé, to’o ohin loron, ema ida seidauk hatene nia rate iha nebe. Moisés mate ho tinan atus ida ruanulu. Nia matan hare mos nafatin, nia kbiit mos iha nafatin. Israel nia oan sira tanis ba Moisés iha loron tolunulu nia laran, iha rai tetuk Moab nian. Liu tiha loron hirak ne’e, sira nia tanis lutu nian ba Moisés hotu iha neba. Iha oras nebá, Josué, Nun nia oan, nakonu ho espirito matenek nian, tan Moisés haraik bensa ba nia. Israel oan sira halo tuir Josué nia ordem hodi moris tuir nu’udar Na’i hateten tiha ona ba Moisés.

La mosu tan iha Israel profeta ida hanesan Moisés, ho ida nebe Na’i ko’alia oin ho oin; la iha tan ida hanesan nia kona ba sinal no milagre sira nebe Na’i haruka nia halo iha Egipto hasouru Faraó ho nia atan sira no povo tomak rai neba nian, no mos kona ba nia liman nia kbiit nebe Moisés halo iha Israel tomak nia oin.

Maromak Futar Lia. 

 

Salmo Responsorial.                                                                             Sal. 65(66), 1-3ª. 5, 9, 16-17(R. cf. 20ª, 9ª)

Refrão : Rahun diak ba Maromak be soi ha’u nia moris!!! Repete-se

Rai tomak hahi Na’i, hananu Nia naran nia gloria;

fo haksolok hodi hahi Nia, dehan ba Maromak:

“Ita Nia hahalok kmanek tebes!” Refrão

 

Mai hanoin ho neon buat nebe Na’i halo,

Nia hahalok kmanek tebes ba ema sira,

Nia mak hatau ita nia moris, no la husik ita nia ain la’o sala. Refrão

 

Mai hodi rona, imi sira be hamta’uk Maromak;

ha’u sei haktuir ba imi buat nebe Nia halo mai ha’u,

ha’u ibun harohan ba Nia, ha’u nia nanal hahi Nia. Refrão

 

Aclamação                                                                                                                                                               2Cor. 5. 19

Refrão : Aleluia, Aleluia!!! Repete-se

Housi Cristo, Maromak badame malu ho ita;

Nia haruka ita hala’o knaar badame malu nian. Refrão

 

Evangelho                                                                                                                                                            Mt. 18,15-20

Na’i Jesus Cristo Nia Evangelho nu’udar São Mateus haktuir:

Iha tempo neba, Jesus dehan ba escolante sira: “Ó maun eh alin sala karik hasouru  ó, ba ko’alia ho nia mesa-mesak hodi hatudu nia sala. Nia rona karik ó, ó manan ona ó nia maun eh alin ne’e. Nia la rona karik ó, ba lori tan ema ida ka rua atu lia hotu sai los hodi sasin na’in rua ka tolu nia liafuan. Nia lakohi rona karik ema sira ne’e, ba fo hatene ba Kreda. Maibe nia lakohi rona kreda karik, hare ona nia nu’udar ema gentio no ema publicano ida. Tebes, Ha’u dehan ba imi; Buat hotu nebe imi futu iha rai sei futu metin iha lalehan; buat hotu nebe imi kore iha rai sei kore mos iha lalehan.”  Ha’u dehan tan ba imi:  “Imi na’in rua iha rai ne’e lia tuir malu karik atu husu buat ida, Ha’u Aman iha lalehan sei fo duni ba imi. Basa iha fatin nebe ema na’in rua ka tolu halibur hamutuk hodi Ha’u nia naran, Ha’u mos iha sira nia leet.”

Lia Maksoyn.

RECONCILIAÇÃO MAK DALAN IDA ATU KURA KANEK

Ita halibur hamutuk iha ne’e liu-liu iha missa lorokraik ne’e ninian ho sentimento ida agradecimento nian. Uluk nanain agradece ba Maromak liu housi Nia Oan Jesus Cristo rasik ne’ebe iha Cruz hanourin ita atu perdua. Ohin mos liu housi Leitura sira hatudu oinsa Na’i Maromak continua preucupa ho ita, Na’i Maromak la baruk, la kole atu hanourin ita. Jesus lao hodi haklaken Maromak nia reino Perdão, reino lialos, reino paz nian.

Maromak hadomi tebes ita no saran Nia Oan Mane mesak mai ita. Jesus la resiste ba ema a’at ne’ebe halo hasouru Nia. Nia husik sira kaer Nia, baku Nia, permite mos sira tau iha Nia ulun Coroa ida no ikus mai hedi Nia iha Cruz. Santa Creda haklaken ba mundo tomak domin ida ne’ebe possível ba sarani sira, iha ne’e de’it mak Espírito Cristo ninian presente iha ita nia le’et.

Maluk doben sira realização encontro ida ne’e ema lubuk ida nian ne’ebe ita tem que reconhece duni, ita apressia, ita louva tanba sira ne’e mak Na’i Maromak usa sai hanesan instrumento ida paz no reconciliação nian. Acontecimento ida ne’e confirma dala ida tan povo Ermera, sarani Ermera ninia maturidade no ninia fiar.

Cristo nia terus, mate no morris hias mak sai razão fundamental mai ita iha sorumutu lorokraik ida ne’e. Iha Cruz Cristo nian mak ita hetan sentido ida ne’ebe boot, klean kona ba reconciliação. Se la iha Cruz ita sei la hetan no la conprende mistério boot perdão ninian. Depois de 2018 anos missão Jesus Cristo nian continua lori sabor ida ne’e ba mundo, ba humanidade tomak liu housi Nia saseluk sira, reconciliação, Perdão no paz.

Papa Francisco wainhira sai Papa fofoun iha tinan 2013 iha entrevista ida ho jornal ida naran Civita Católica, Amu Papa exclaresse ba sira kona ba nia visão ba Santa Creda. Tan ne’e Amu Papa dehan; “vejo com clareza que aquilo que Igreja mais precisa hoje é a capacidade de curar as feridas e de aquecer o coração os fieis”. Claro los katak Uma Creda ohin precisa los mak “capacidade atu cura kanek sira no hamanas sarani sira nia fuan”.

Iha loron 11 fulan Abril ninian molok tama ba Semana Santa, gesto ida ne’ebe admira Papa Sua Santidade maske ho idade aumenta ba bebeik, maibe nia hakru’uk ba rai hodi rei Presidente no vice Presidente Sudão do Sul ninia ain. Ne’e hotu tanba  Nação ida ne’ebe sai tiha hanesan campo de batalha ida iha ne’ebe husik hela kanek ida ne’ebe nakloke iha rai ida África nebá, Ran fakar demais ona ne’ebe precisa duni urgentemente atu kura. Apelo Amu Papa ninian ba naiulun sira Sudão do Sul ninian.

Maluk doben sira, rein ain karik laiha tan ona gesto ida ne’ebe mais humilde. Gesto Bíblicos ne’ebe lori mai ita mak fase ain. Salanain ida iha Bíblia ita hatene katak ho ninia mataben iha Jesus nia Ain atu hamos hodi haraikan. Profeta Isaias wainhira halerik nia dehan; “Que formosos são sobre os montes os pés de mensageiros que anúncia a paz”.

Maluk doben sira, ha’u hare iha ita boot sira nia programa dehan Cultura Kesi ain. Ha’u hanoin cerimónia ida ne’e mos marca ho gesto particular ida katak gesto haraik an ninian. Kesi ain hamutuk tanba dala barak interesse partido ita foti liman hasouru malu, foti kroat hasouru malu, sobu ita nia relação, ita nia amizade no seluk-seluk tan. Wainihra ita buka malu kesi ain hamutuk sinal humildade ninian, sinal haraikan, tau ita nia interesse ba kotuk, hanoin ne’ebe diak kona ba povo ida ne’e nian, rai ida ne’e nian.

Buat ne’ebe liu ona sai lição ida ba geração foun tanba circunstância ida mak hakiak tiha ona cultura violência ninian no ohin loron iha circunstância foun mai ita atu hanourin ita nia oan sira geração foun nian, cultura foun, cultura perdão, cultura reconciliação no cultura paz ninian. Ne’e duni iha ambiente no circunstância ida mak buat sira ne’e mosu.

Ohin ita tam iha circunstância foun, ita brani atu hare ba kotuk nune’e ita bele hadia hodi hakat ba oin. Reconciliação laos halo dala ida hotu ona no reconciliação ne’e processo ida mos. Ohin halo reconciliação laos certamente hotu ona, se wainhira ita sei moris, ita nia fuan sei tuku ran sei suli reconciliação tem que continua nafatin nunca se bele para tanba ida ne’e hola parte iha natureza ita ema ninian ne’ebe obriga duni ita, tanba reconciliação mak dalan ida atu kura kanek ne’ebe hahalok sira uluk nian.

Dalaruma ita husu tanba sa ita tem que halo reconciliação? No reconciliação ne’e vale apena ita halo reconciliação ida, vale apena ita hari fila fali buat ne’ebe rahun tiha ona? Ha’u hakarak kaer de’it passágem Bíblia nian housi Livro Génesis. Ita hotu hatene didiak história Adão ho Eva ninian sira iha oan nain rua; Kain ho Abel. Sira rua ema agricultor hotu. Maibe wainhira Kain mai hasae nia sacrifício ba Maromak nia lori mak buat hirak ne’ebe a’at nian atu hasae ba Maromak. então nia la fó ho laran. Maibe Abel fali atu hasae sacrifício ba Maromak nia buka animal ida ne’ebe diak no bokur atu nia bele oferece ba Maromak. Maromak hare ba nia laran diak ne’ebe nia hasae ba Maromak maka Maromak simu nia sacrifício. Kain hare katak Maromak laran monu ba Abel Kain laran moras, Kain la hakmatek, Kain ódio, Kain lakohi atu hare tan Abel, então Kain buka halakon tiha Abel nia vida. Nia halakon tiha Abel nia vida nia sente katak buat hotu hotu ona Maromak la hare, tan ne’e nia halai ses housi realidade, maibe wainhira nia halai nia conciência la hakmatek lian ida continua halai tuir Kain dehan; Kain ó iha ne’e? ó nia alin nia ran ne’ebe fakar iha rai continua hakilar tuir ó no ó sei la hakmatek. Hanoin kona ba ida ne’e los duni dala barak ita hanoin violência oi-oin, dala barak ita hanoin buat barak ne’ebe acontece iha ita nia rain, iha ita nia suco dala ruma halo ita mos bele reflecte klean.

Dalan atu hetan ita nia independéncia ema barak mak participa iha luta ba ita nia independéncia. Luta ba dalan ida ne’e ema barak mos mak nia ran fakar ba iha fatin ida ne’e. tan ida ne’e mak ha’u hanoin processo reconciliação ne’e hanesan dalan ida atu bolu no fo hanoin ba ema hotu ne’ebe dalaruma ita haluha tiha ona. Wainhira nia sidauk hetan fatin diak ida nia ran sei continua hakilar, nia ran sei continua halerik ba ita. Ran hirak ne’e mak dala barak halo ita la hakmatek, ran hirak ne’e mak dala barak preucupa nafatin ita ne’ebe moris, ita neon la hakmatek, atu nune’e ita bele hanoin ne’ebe diak hodi buka diak liu tan ba rai ida ne’e no povo ida ne’e. Tan ne’e ba ha’u pessoalmente reconciliação ne’e ita precisa nafatin. Passo ida ne’ebe hahu certamente sidauk bele fo satisfação ba ema hotu, maibe pelo menus ita hahu passo ida atu dehan katak ita reconhece buat ne’ebe ita halo, ita brania hakarak hakat ba oin. Ita lakohi atu husik todan ne’e ba iha geração foun sira, maibe ita hakarak atu husik hela cultura foun ida. ita nia Amu Papa repete bebeik nia liafuan ba iha naiulun sira nação ninian; “hakasan atu hanourin ba imi nia oan no imi nia beioan sira cultura paz, cultura domin, cultura reconciliação ninian”. Husu ba iha geração foun sira mai ita hare ita nia aman, tiun no avo sira nia exemplo; sira halo kanek sira brani mos atu hadia. Atu nune’e sira hakarak Ermera oan atu lao iha futuro ne’ebe nakloke ba ema hotu-hotu. Tan ida ne’e ita mai ho sentimento ida ne’e hodi agradece ba Maromak ba opurtunidade ida ne’e. ita ne’e Maromak nia Espírito mak serviço housi ema oi-oin, inspira ema oi-oin, fo hanoin ba malu, ita simu malu atu nue’e bele hakbesik ba malu tanba ita hotu iha mehi ida de’it hakarak atu desemvolve rai doben ida ne’e no povo doben ida ne’e. wainhira laiha paz, laiha perdão, wainriha dalan klo’ot ba foinsae sira hodi hafuhu malu nafatin ne’e katak buat balun lao sidauk los. Tan ne’e ita reza atu buat hotu ne’ebe ita boot sira hahu horseik iha mota no ohin iha monumento nia oin mai ita hametin liu tan ho Eucaristia atu ita nia esforço hotu ne’ebe hahu tiha ona la remata ohin, maibe continua no ohin sai início paz no reconciliação tem que continua hahu housi Município no tun to’o família ida-idak. Housi ne’e mak ita bele  dehan paz ne’e buras duni iha ita ida-idak nia fuan no buras iha ita nia rian.

“Maromak de’it Ha’u nia Maksoyn”

Uluk nanain ha’u nia parabens ba Irmã nain 3; Ir. Aida Belita Moises, FMA, Ir. Domingas Santos de Deus, FMA no Ermelinda Almeida, FMA loron ida iha ne’ebe sira decide tiha ona atu saran sira nia an tomak ba Maromak liu housi Profissão Perpétua. Buat ne’ebe motiva no lori sira nain 3 atu saran sira nia an sem reserva ba Maromak laos buat seluk maibe liafuan murak ne’ebe ita rona iha Salmo (61) nian ne’ebe dehan; “Ha’u Klamar Hetan Ksolok iha de’it Maromak, basá Nia ha’u Maksoyn, Nia ha’u kbi’it ha’u subar fatin, ha’u la tauk”. Housi ida ne’e mak sira nain 3 fihir mos sai hanesan sira nia motto “Maromak de’it Ha’u nia maksoyn”.

Iha Evangelho São João ninian dehan; “Nu’udar Aman hadomi Ha’u, nune’e mos Ha’u hadomi imi”. Ida ne’e ita dehan katak encontro domin ninian. Hanesan Jesus ne’ebe hela iha Aman nia domin, basá Jesus hela nafatin ho nia Aman sai ida de’it no Nia halo tuir nafatin nia Aman nia hakarak, nune’e mos sira ne’ebe hakarak tuir Nia tem que aprende housi Nia katak hela nafatin ho Nia halo tuir nia ukunfuan sira. Ida ne’ebe hadomi Ha’u tem que halo tuir Ha’u nia ukunfuan no Ha’u Aman iha Lalehan sei hadomi nia. Ida ne’e mak Ha’u nia ukunfuan; “Imi hadomi malu hanesan Ha’u hadomi imi”. Los katak iha Ukunfuan oi-oin, maibe hirak ne’e hotu mesak expressão ida de’it, ida ne’ebe Jesus rasik halo iha prática perfeitamente “O Amor ao Mundo”. Ida dalan oi-oin atu hatudu wainhira koalia kona ba ne’e laos liafuan mamuk ne’ebe dala barak fácil atu repete, ida ne’e tem que afecta buat hotu ne’ebe ita halo iha ita nia moris.

Buat hotu ne’ebe ita halo tem que hetan inspiração no motiva nafatin housi O Amor ao mundo. Basá São João mos dehan; “Aquele que não ama seu irmão a quem ve não pode amar a Deus quem não ve”.  Oinsa mak ó dehan ó hadomi Maromak ne’ebe concreto iha ó nia moris lor-loron, ó labele paciência ho ó nia maluk ne’ebe lor-loron moris ho ó, hela ho ó! São Paulo mos dehan; “Ida ne’ebe hadomi nia maluk cumpre lolos ona ukunfuan”. Nune’e mos lei hotu bele habadak iha liafuan ida de’it; Ama o teu próximo com a si mesmo. Jesus la hanourin de’it iha ambão, maibe Nia mos hatudu iha prática ho exemplo símples, exemplo ne’ebe tangível katak ida ne’ebe hare, rona de’it, maibe Nia hatudu ho gesto. Ida ne’e mak iha kalan ikus Nia fase hela nia escolante sira nia ain Nia dehan; “Ha’u fo ba imi Ukunfuan foun ida atu imi hadomi malu hanesan Ha’u hadomi imi”. Ne’e duni Maromak nia Ukunfuan ita labele trata fali hanesan Lei ida ne’ebe difícil, maibe ida ne’e orientação ida iha ne’ebe nia implicação concreta, ne’ebe ser determinado bem exige atenção ne’ebe constante ba ita nia maun-alin sira nia necessidade. São João la termina iha ne’e maibe nia dehan; “Ha’u la bolu tan imi atan, maibe belun”. Basá atan tanba emvolve iha projeto ida patrão ninian, nia executa ordem, tarrefa ida ne’ebe tau iha nia liman. Ao contrário Jesus ohin dehan; “Ha’u bolu imi belun” mak ida ne’ebe Ha’u comfia, mak ida ne’ebe cultiva comunhão da vida. Belun ida contente wainhira nia oferece nia tulun ba ida ne’ebe nia hadomi. Nia la subar buat ida, nia mos la husu kolen ba serviço ne’ebe nia halo. Jesus bolu nia escolante sira belun tanba Nia revela tiha ona ba sira Aman nia plano. No Nia bolu sira atu colabora ho Nia atu realiza Maromak nia projeto.

Maluk doben sira, liafuan furak hirak ne’e hotu ohin sai realidade ida mai ita, foinsae nain 3 ne’ebe rona no hatan ba Na’i Maromak nia plano. Tan ne’e mak ohin tempo ida ne’ebe especial ba sira atu saran sira nia an. Livremente sira rasik hakarak tama klean no descobre liu tan hanesan iha sira nia motto dehan; “Maromak de’it Ha’u nia Maksoyn”, atu nune’e sira bele tama liu tan ba sira nia proximidade, intimidade, comunhão ida ho ida ne’ebe bolu. Ida ne’e mak ohin ita sasin iha Irmã nain 3; Ir. Aida Belita Moises, Ir. Domingas Santos de Deus no Ermelinda Almeida sira nia testamunho ne’ebe sira halo iha ita hotu nia oin. Maske ohin loron ho mundo ne’ebe ita moris, buat ne’ebe haleu ita dalabarak hare liu ba buat ne’ebe bele kaer, bele koko, hare liu ba forma família, hare liu ba serviço ne’ebe diak, hare liu ba osan, hare liu ba lia mate no lia moris ninian, maske buat hotu ne’e liu, Irmã nain 3 ohin hakarak atu dehan mai ita laos de’it poder, laos de’it osan, laos de’it forma família, maibe iha mos buat ne’ebe as liu iha moris mak CRISTO. Ida ne’e mak sira descobre iha sira nia vida ohin marca ho Profissão Religiosa sai hanesan sinal de encontro domin ninian entre ida ne’ebe bolu no ida ne’ebe hatan.

Hanesan Profissão Religiosa sai sinal ida ita bele dehan katak Tangível e sinal ida mos Credível kona ba Maromak nia domin iha ita nia vida. Tangível katak ema hotu hare, maibe lato’o de’it iha sinal tangível ninian, sinal ne’ebe visível, maibe ohin loron mundo precisa sinal credível. Amo Papa quando ko’alia ba religioso no religiosa sira nia repete nafatin liafuan ida ne’e atu oinsa religiosa sira buka no sai sinal credível liu housi ita nia moris iha comunidade, iha sociedade, ita nia vida bele transmite, ita nia vida bele fo ba comunidade mensagem ida ne’e; mensagem domin ninian.

Tan ne’e vocação religiosa tem que sai missão religiosa Jesus Ressucitado. Dalabarak ita dehan tanba sa Madre barak ona maibe ema hakarak sai madre nafatin! Maibe sai religioso ho finalidade uluk laos atu halo buat barak, maibe ninia missão primeiro lugar atu fo sasin kona ba CRISTO ida ne’ebe kiak, CRISTO ida ne’ebe obidiente, CRISTO ida ne’ebe laran mós. Sarani hotu moris ho ida ne’e, maibe Religioso no religiosa sira tem que professional. Tan ne’e vida comunitária ne’e sira nia profissão duni. Han hemu religiosa ida nian mak reza, atu ko’alia, atu moris no horik iha Na’i Maromak presença. Ida ne’e mak mundo ida ohin loron precisa pois mak ita nia apostulado sira. Tan ne’e ita bolu profissão é o início da uma vida nova. Katak saran an tomak ba vida ida serviço no oração. Buat rua ne’e mak ita nia missão. Religiosa ida nia profissão mak atu promove união ida ho Maromak hodi ba servi.

Então Irmã doben nain 3 Ir. Aida Belita Moises, Ir. Domingas Santos de Deus no Ermelinda Almeida, encontro ida ne’e lori imi nain 3 atu descobre liu tan ksolok ida ne’ebe boot liu. ha’u hein katak ksolok ida ne’e imi hakasan an nafatin atu tama loron ba loron. Sira la hili moris ida kaben ninian, maibe hakarak moris de’it ba Maromak. Ne’e duni Irmã doben sira dalaruma karik bele kolen hodi provoca tristeza ida Amu dehan Pausa ituan buka Madre sira ne’ebe experiência no Padre sira ne’ebe imi sente tulun imi hodi sai hanesan diretora no diretor Espiritual hodi tulun ita hodi buka Na’i Maromak nia vontade. Ne’e duni ba imi nain 3 ne’ebe hakarak tuir Jesus besik liu tan buka halo imi nia moris ne’e, buka fundamenta imi nia domin nafatin ho Maromak atu nune’e imi nia gelo apostólico ne’e makas nafatin. Imi hakarak moris nu’udar religiosa ida ne’ebe diak noa fiel nafatin precisa fo atenção ba buat hirak ne’e; hakbesik ba Tabernáculo, ko’alia no loke ó nia fuan iha Tabernáculo oin ba ida ne’ebe bolu ó. Ha’u bele halo buat hotu basá ha’u hetan rahun diak iha Maromak futar oin. Wainhira ha’u hakbesik ba Jesus ha’u mos fácil atu hakbesik ba ema, hakbesik ba foinsae sira basá ohin loron foinsae barak precisa no buka ita nia tulun. Ser Salesiano no Salesiana ita nia vocação atu tulun foinsae sira no hakbesik ba foinsae sira. hein katak ho aumenta número religioso no religiosa sira bele mos continua sai sinal credível ida ne’e liu housi imi nia moris hodi hakbesik ba foinsae sira ne’ebe barak lao sal dalan. Ida ne’e mak atu hafutar liu tan Evangelho dehan; “ida ne’e mak ha’u nia ukunfuan imi hadomi malu hanesan Ha’u hadomi imi”. Ida ne’e mak ita bele dehan dalan ba santidade nian.

Terça Feira, XIX Semana Tempo Comum (ANO C)

Primeira Leitura                  Deut. 31. 1-8

Lia housi Livro Deuteronómio:

Iha loron hirak neba, Moisés hateten nune’e ba Israel tomak: “Ohin, ha’u iha ona tinan atus ida rua nulu, ha’u la bele ona la’o ba la’o mai. Na’i dehan tan mai ha’u: ‘Ó sei la hakat liu Jordão’.  Na’i, ó nia Maromak, mak sei dada dalan ba ó, Nia mak sei harahun povo sira nebe iha ó oin, atu ó bele hela ho sira nia rain hodi horik ba. Josué sei la’o iha ó nia oin, nu’udar Na’i dehan. Na’i sei hare povo hirak ne’e, hanesan nia hare Sícon no Og, Amorreu sira nia liurai, nune’e mos sira nia rain nebe Nia sobu hodi halo rahun. Na’i sei saran sira ba imi liman, imi sei halo ba sira buat hotu tuir ordem nebe ha’u fo sai ba imi. Imi sai maka’as no biit na’in, keta ta’uk sira no mos keta hatudu laran ta’uk ba sira, basá, Na’i, imi nia Maromak, sei la’o hamutuk ho imi, sei la husik imi mesak”.

Hafoin, Moisés bolu Josué hodi dehan ba nia iha Israel tomak nia oin: “Buka sai maka’as no asu-wa’in, basá, ó mak sei tama ho povo ne’e iha rai nebe Na’i jura ba sira nia bei-ala sira atu fo; ó mak sei lori sira to’o sira simu rai ne’e.  Na’i sei la’o hamutuk nafatin ho ó iha ó nia oin; Nia sei la husik ó hela mesak, Nia sei hamutuk ho ó nafatin. Tan ne’e keta nakdedar, keta laran susar”.

Maromak Futar Lia.

 

Salmo Responsorial                                                                                                                           Deut. 32. 3-4ª, 7, 8, 9, 12 (R. 9ª)

Refrão : Na’i Nia lima-rohan mak Nia povo!!!. Repete-se

Ha’u hahi Na’i Nia naran;

Fó glória ba ita Maromak!

Nia mak ita nia biit no ita nia tulun,

Nia hahalok diak tebes, Nia dalan, dalan los. Refrão

 

Ó hanoin hikas loron sira houri uluk nian,

hanoin buat nebe liu ona;

husu ba ó aman, nia sei hanorin ba ó,

husu ba ó nia avó sira, sira sei dehan ba ó. Refrão

 

wainhira Na’i fahe Nia riku-soin ba povo sira,

wainhira halo namkari ema sira iha rai,

tau metin rai ketan ba nasaun sira,

tuir número oan sira nian. Refrão

 

Na’i Nia liman-rohan mak Ninia povo,

Jacob mak parte ida housi Na’i lima-rohan;

Na’i de’it mak hamutuk ho nia atu lori nia,

kbiit seluk ida la hamutuk ho nia. Refrão

 

Aclamação                                                                                                                                                                                      Mt. 11. 29ab

Refrão : Aleluia, Aleluia!! Repete-se

Na’i dehan, imi tau Ha’u Nia todan iha imi nia kbás hodi halo tuir Ha’u,

Tan Ha’u laran maus, Ha’u haraik-An. Refrão

 

Evangelho                                                                                                                                                                      Mt. 18. 1-5, 10, 12-14

Na’i Jesus Cristo Nia Evangelho nu’udar São Mateus haktuir:

Iha tempo neba, escolante sira hakbesik ba Jesus hodi husu ba Nia: “Se mak boot liu iha Reino Lalehan?” Jesus bolu labarik ida, tau nia iha sira klaran hodi dehan ba sira: “Tebes, Ha’u dehan ba imi: imi la hakribi imi nia sala, no sai hanesan labarik sira karik, imi sei la tama iha Reino Lalehan. Ne’e duni, ema nebe haraik an hanesan labarik ne’e, nia mak boot liu iha Reino Lalehan. Ema nebe simu labarik ida hanesan ne’e tan Ha’u Nia naran, nia simu Ha’u”. Keta hewai kiik oan sira ne’e ida, basá, Ha’u dehan ba imi katak sira nia anjo sira fihir nafatin Ha’u Aman Lalehan Nia Futar oin. “Imi hanoin oin sa? Ema ida iha karik bibi atus ida, sira ne’e ida lakon tiha, nia sei la husik sira sianulu resin sia iha foho hodi buka ida nebe lakon? Tebes, Ha’u dehan tebes ba imi katak hetan bibi ne’e, nia sei haksolok ho ida ne’e liu fali ho sira sia nulu resin sia nebe la lakon. Nune’e imi nia Aman iha Lalehan lakohi atu kiik oan sira ne’e ida lakon”.

Lia Maksoyn.

Irmã FMA nain 3 Simu Profissão Perpétua

 DCDD Iha Segunda loron 12 Fulan Agosto 2019, Família boot Congregação Filhas de Maria Auxiliadora FMA iha Timor-Leste, haksolok hamutuk ho Irmã Aida Belita Moises FMA, Irmã Domingas Santos de Deus FMA no Irmã Ermelinda Almeida FMA ne’ebe hakat tan passo ida ba Profissão Perpétua iha Igreja Paroquial Paróquia Maria Auxiliadora Comoro Dili. Dom. Virgílio do Carmo da Silva bispo de Dili be preside celebração ne’e iha ninia reflexão sira hateten; “Ohin tempo ida ne’ebe especial ba sira atu saran sira nia an. Livremente sira rasik hakarak tama klean no descobre liu tan hanesan iha sira nia motto dehan; “Maromak de’it Ha’u nia maksoyn”, Atu nune’e tama liu tan ba sira nia proximidade, intimidade, comunhão ida ho ida ne’ebe bolu. Ida ne’e mak ohin ita sasin iha Irmã nain 3; Ir. Aida Belita Moises, Ir. Domingas Santos de Deus no Ermelinda Almeida sira nia testamunho ne’ebe sira halo iha ita hotu nia oin. Maske ohin loron ho mundo ne’ebe ita moris, buat ne’ebe haleu ita dalabarak hare liu ba buat ne’ebe bele kaer, bele koko, hare liu ba forma família, hare liu ba serviço ne’ebe diak, hare liu ba osan, hare liu ba lia mate no lia moris ninian, maske buat hotu ne’e liu, Irmã nain 3 ohin hakarak atu dehan mai ita laos de’it poder, laos de’it osan, laos de’it forma família, maibe iha mos buat ne’ebe as liu iha moris mak CRISTO. Ida ne’e mak sira descobre iha sira nia vida ohin marca ho Profissão Religiosa sai hanesan sinal de encontro domin ninian entre ida ne’ebe bolu no ida ne’ebe hatan.

Liu tan ne’e Dom Virgílio hateten; “Hanesan Profissão Religiosa sai sinal ida ita bele dehan katak Tangível e sinal ida mos Credível kona ba Maromak nia domin iha ita nia vida. Tangível katak ema hotu hare, maibe lato’o de’it iha sinal tangível ninian, sinal ne’ebe visível, maibe ohin loron mundo precisa sinal credível. Amo Papa quando ko’alia ba religioso no religiosa sira nia repete nafatin liafuan ida ne’e atu oinsa religiosa sira buka no sai sinal credível liu housi ita nia moris iha comunidade, iha sociedade, ita nia vida bele transmite, ita nia vida bele fo ba comunidade mensagem ida ne’e; mensagem domin ninian.

Remata tiha missa Profissão Perpétua nian, iha entrevista Madre Aida Belita Moises FMA ho sentimento contente hateten, “Nu’udar religiosa ida ha’u sente haksolok ou contente liu tanba dala ida tan mak Maromak bolu ha’u no ha’u kesi hau nia an nafatin ba Maromak. Então buat ne’ebe ba oin nu’udar religiosa ida ne’ebe hau sei halo mak ida ne’e, ha’u sei saran an tomak hodi serbi liu-liu tuir ami nia carisma Dom. Bosco no Madre Mazerelo nian katak, atu serbi foinsa’e sira, tau matan ba foin sa’e feto no mane liu-liu sira ne’ebe kiak no kiik liu. (Alin/cko)

DIOCESE DILI HALAO ABERTURA JUBILEU EXTRAORDINÁRIO DA MISSÃO

DCDD, Domingo loron 11 fulan Agosto tinan 2019, Mahein Diocese Dili nia Dom. Virgílio do Carmo da Silva hamutuk ho ho Nailulik sira liburan hamutuk iha SE Catedral Dili hodi halao missa abertura ba evento Jubileu Extraordinário da missão nian ao mesmo tempo visita Papa João Paulo II nian iha Timor. Diocese rua seluk hanesan Baucau hahu tiha ona abertura iha loron loron 4 fulan Agosto 2019 iha Paróquia Sagrado Coração de Jesus Villa Nova no Diocese Maliana ne’ebe fahe ba parte rua hanesan parte Tasi Mane nian hahu ona iha loron 4 fulan Agosto 2019 iha Igreja Suai no parte Tasi Feto nian hahu hanesan mos ho diocese Dili nian nebe halao mos iha loron 11 fulan Agosto 2019.

Dom. Virgílio do Carmo da Silva ne’ebe preside celebração abertura Jubileu Extraordinário da missão nian iha SE Catedral ne’e iha ninia homilia hateten; “Ohin Diocese Dili fihir loron ida ne’e atu loke Jubileu Extraordinário Missão ninian. Hanesan ohin ita rona tiha ona Nota Pastoral Conferência Episcopal Timorense ninian, dala ida tan Santo Padre convida sarani atu aproveita momento especial ida ne’e atu mana graça especial ne’e liu housi Indulgência Plenária iha ne’ebe Diocese Dili foti ona fatin 3 hanesan; Catedral, Santuário Fatubessi no Santuário Ramelau hodi manan Indulgência plenária. Ne’e duni, momento diak ida mos convida sarani hotu-hotu hakasan atu descobre fila fali beleza kna’ar missionário ninian ne’ebe sarani ida-idak simu ona iha loron Baptismo ninian. No se ita nia moris la consegue consiente ho moris missionário ida ne’e, momento ida ne’e convida ita atu cuida vocação missionário ida ne’e.

Prelado ne’e reforça tan; “Santa Creda iha opurtunidade Jubileu Missionário nian ne’e convida ita ida-idak atu hola conciência, fo mos inportância ba vocação Missionária sarani ida-idak ninian. Ida ne’e laos opção maibe vocação ida ita sarani nian duni. Hanesan liafuan furak Santa Teresa nian dehan; “Maromak la exige ita atu sucesso kedas, maibe Nia hakarak ita atu koko, Nia hakarak ita atu hakasan nafatin nunca para”. Ita dalaruma sura tan ita la persevera iha buat ida ita desanima.  Maibe Santa boot ida ne’e dehan laos ó konta mak ó nia sucesso, maibe konta mak wainhira ó hakasan nafatin. Mai ita aproveita basá buat ne’ebe horseik ne’e liu tiha ona, buat ne’ebe aban ninian mos sidauk to’o. Ita iha de’it buat ne’ebe ohin ninian. Ne’e duni mai ita missão sarani ida nian mak ohin ita rona Baptizados e Enviados, katak sarani ida simu kna’ar atu ba no haklaken kona ba Jesus ne’ebe terus, mate no Moris Hias. Ida ne’e mak sasin fiar sarani ninian”.

Atu taka Dom. Virgílio do Carmo da Silva haktuir fali katak; “Catedral horseik (10/8/2019) ita boot sira simu iha ne’e São João Paulo II nia Ilas. Ita tama mai iha Uma Creda oin ne’e ita hare katak iha Placa wainhira Inaugura Uma Creda ida ne’e Papa João Paulo II rasik mak inaugura no nia sama iha fatin ida ne’e. ne’e duni ita sente orgulho duni tanba nia mak haraik benção no inaugura fatin santo ida ne’e. hanesan relíquia moris ninian ne’ebe husik hela mai ita iha diocese Dili liu-liu iha Catedral tanba nia mak inaugura no fo benção. Tan ne’e nia fila fali mai iha ne’e laos de’it ita atu hare ba nia estátua, maibe atu lori ita ba hanoin fila fali nia nu’udar missionário boot. Ita hotu hatene katak Papa João Paulo II nia visita ita Timor ne’e iha ne’ebe ita nia esperança kiik hanesan lilin ida karik atu mate sal-sala, maibe mosu saseluk Nain Jesus Cristo ninian, Ulun boot Uma Creda ninian iha ita nia rain hodi foti fila fali, fo fila fali esperança mai ita. wainhira Papa João Paulo II reza missa iha Tasi Tolu hodi lian tetum. Tempo nebá ema hanoin katak missa ho Latim, maibe Santo Padre to’o mai ema tau tiha texto Latim no Indonesia ninian, maibe Santo Padre foti texto lian Tetum atu hatu’ur. Ho ida ne’e timoroan sira sente katak ninia dignidade hahu boot. Karik hanesan rai ida ne’ebe ema haluha maibe, Papa João Paulo II mosu mai hodi fo fila fali esperança ba povo no rai ida ne’e.

Tan ne’e ninia presença iha Catedral nune’e mos Tinan ida ne’e ita sei termina Ano Jubileu Missionário ninian iha Tasi Tolu iha 30 de Outubro ne’ebe mai tem que fanun fila fali ita timoroan sira maske desafios no dificuldades hotu ne’ebe ita hasoru, maibe Papa João Paulo II mai atu fanun fila fali ita. Nia liafuan ne’ebe nia dehan; “Imi mak Masin no Naroman mundo ne’e nian”. Nune’e mos ohin nia convida ita atu sai missionário. Ita reza atu nia estadia durante semana ida iha Catedral ne’e atu fanun sarani sira, hamoris fila fali desejo missionário ida ne’e. ita reza mos atu iha fulan 3 ne’e nia laran (Agosto, Setembro no Outubro) ne’ebe Conferência Episcopal Timorense tau ona mai iha Igreja Timor atu prepara ba momento extraordinário Jubileu nian ne’e ita aporveita laos atu manan graça Espiritual ninian, maibe tem sai mos momento ida de renovação, momento de conversão iha ita nia fuan, iha ita nia hahalok no iha ita nia mentalidade. (Ceko)

Santa Creda Convida Sarani Ida-Idak fo Inportância Ba Vocação Missionária

Ohin Diocese Dili fihir loron ida ne’e atu loke Jubileu Extraordinário Missão ninian. Hanesan ohin ita rona tiha ona Nota Pastoral Conferência Episcopal Timorense ninian, dala ida tan Santo Padre convida sarani atu aproveita momento especial ida ne’e atu mana graça especial ne’e liu housi Indulgência Plenária iha ne’ebe Diocese Dili foti ona fatin 3 hanesan; Catedral, Santuário Fatubessi no Santuário Ramelau hodi manan Indulgência plenária. Ne’e duni, momento diak ida mos convida sarani hotu-hotu hakasan atu descobre fila fali beleza kna’ar missionário ninian ne’ebe sarani ida-idak simu ona iha loron Baptismo ninian. No se ita nia moris la consegue consiente ho moris missionário ida ne’e, momento ida ne’e convida ita atu cuida vocação missionário ida ne’e. Santa Creda iha opurtunidade Jubileu Missionário nian ne’e convida ita ida-idak atu hola conciência, fo mos inportância ba vocação Missionária sarani ida-idak ninian. Ida ne’e laos opção maibe vocação ida ita sarani nian duni. Hanesan liafuan furak Santa Teresa nian dehan; “Maromak la exige ita atu sucesso kedas, maibe Nia hakarak ita atu koko, Nia hakarak ita atu hakasan nafatin nunca para”. Ita dalaruma sura tan ita la persevera iha buat ida ita desanima.  Maibe Santa boot ida ne’e dehan laos ó konta mak ó nia sucesso, maibe konta mak wainhira ó hakasan nafatin. Mai ita aproveita basá buat ne’ebe horseik ne’e liu tiha ona, buat ne’ebe aban ninian mos sidauk to’o. Ita iha de’it buat ne’ebe ohin ninian. Ne’e duni mai ita missão sarani ida nian mak ohin ita rona Baptizados e Enviados, katak sarani ida simu kna’ar atu ba no haklaken kona ba Jesus ne’ebe terus, mate no Moris Hias. Ida ne’e mak sasin fiar sarani ninian.

Domingo ida ne’e Na’i Maromak convida ita atu reflete klean liu tan kona ba fiar, kona ba esperança. Hanesan hatudu iha Leitura sira ohin ninian ho hanoin ida ne’ebe mosu nafatin katak fiar atitude ida mental nian ne’ebe hametin ho reflexão nune’e mos Oração ne’ebe klean. Ne’e los duni, maibe precisa tau iha neon katak fiar tama iha ita nia moris lor-loron no fiar sai buras iha ita nia moris liu housi experiência ksolok ninian ne’ebe ita hetan liu housi realização espectativa sira nune’e mos novidade sira lor-loron nian ne’ebe Na’i Maromak continua hatudu mai ita iha ita nia moris.

Fiar laos rikusoyn ida ne’ebe ita simu iha loron baptismo ninian hafoin ita hatam tiha iha armagem nune’e atu labele estraga, maibe fiar atu tau iha prática iha moris mak fiar ne’e bele buras, ne’e duni sarani sira tem que pronto atu servi. Hanesan São Tiago iha nia carta ne’ebe dehan; “Fiar Ne’ebe laiha prática, fiar ne’ebe lahatudu katak Fiar ne’e maten”.

Leitura sira ne’ebe foin ita rona ba ne’e fornece mai ita dimensão caminhada nian hanesan; dimensão fundamental moris ita ema ninian. Housi sentido ida ne’e, fiar hanesan atitude ida ne’ebe nakloke ba Maromak nia intervenção mak bele transforma ba ita nia Esperança. Fiar sarani laos hanesan ema ne’ebe matan delek, ita lahatene fiar iha saida! tanba sa mak ita fiar! Maibe lae, ita sarani ita hatene fiar iha saida nune’e mos ita hein los saida. ita hein libertação total ida ne’ebe mai houis ita Nain Jesus Cristo rasik.

Sai Missionário fiar ninian precisa hakiak atitude ruma ne’ebe liturgia ohin ninian haktuir mai ita. Atu sai missionário fiar ninian Evangelho ohin ninian haktuir mai ita comportamento ruma ne’ebe ita koko atu hakiak no hametin liu tan. Ohin hahu ho frase ida ne’ebe dehan; “Reino ki’ik keta tauk basá Na’i Maromak hakarak haraik reino ki’ik ba imi”. Jesus refere ba grupo oan ida ne’e tuir Nia atu sira la tauk wainhira hare ba missão bo’ot ne’e. hare kona ba sira nia missão ne’ebe boot tebes ba Judeu no mundo tomak, tan ne’e Jesus encoraja dehan ba grupo oan ne’e; “Keta Tauk” katak maske sira uituan, sira la influencia ema tomak iha mundo. Tan ne’e ba se de’it mak Maromak domin nian hakarak halo nia participa iha reino ida Maromak ninian ema ida sei la hasai housi nia liman. maske ituan maibe Na’i Maromak tau marca. Hanoin kona ba ida ne’e, ohin mos Jesus hakarak encoraja ita  atu keta ta’uk. Ita mos dalabarak laiha coragem atu fo testamunho kona ba buat ne’ebe ita nia fiar exige, maske dalabarak ita dehan katak Timor ne’e maioria ita sarani, maibe dalabarak ita la brani atu hatudu buat ne’ebe ita nia fiar exige. Oinsa mak ita bele hatudu ita nia fiar iha ita nia família rasik, iha ita nia serviço fatin, iha ita nia bairro laran ou ho ema ne’ebe ita hadomi. Dalaruma ita hanesan Pilatos ne’ebe facil liu atu fase liman duque preucupa ho buat ne’ebe acontece.

Hanoin kona ba fiar, hanoin kona ba kna’ar missionário nian ida ne’e lori mai ha’u pessoalmente hanoin ida; iha loron hirak ne’e nia laran novidade ne’ebe sai heboh iha cidade Dili nia laran mak SOE BEBÉ. Iha média, iha fatin barak ema hotu sempre ko’alia kona ba acto soe bebé. Ema barak fo comentário, ida-idak nia interpretação. Maibe fila fali ba ita karik ohin iha celebração ida ne’e convida mos ita ser missionário iha momento ida ne’e karik laos ita hotu hamrik atu ko’alia, maibe fila fali ba ita ida-idak atu husu ba ita nia an saida mak ha’u tem que halo; nu’udar bispo ida, nu’udar educador ida, nu’udar inan-aman ida, nu’udar foinsae uluk nanain hatene hadomi ha’u nia an, respeita ha’u nia an, tau ha’u nia valor sarani ninian, valor moral ninian, prudente ituan iha ita nia relação ho maluk sira. então iha momento ida ne’e wainhira ko’alia kona ba kna’ar missionário ninian ita la imagina saida mak Apóstolo sira halo uluk, maibe iha ita nia tempo ohin loron ninian atu sai missionário oinsa mak ita koko hare ba ralidade Timor ninian liu-liu iha cidade Dili ne’ebe convida ita sarani, karik laos atu condena malu, hatudu liman ba malu, maibe ita ida-idak fila ba ita nia an oinsa mak atu prevene buat ne’e la continua buras. Tan ne’e precisa ita ida-idak hodi defende valor fiar sarani ninian ho ita nia vida no testamunho no maneira rasik. Saida mak bele sai obstáculo ba ita atu iha duni confiança total iha Na’i Maromak maske buat hotu ko’ali no ita ronam maibe saida mak bele sai hanesan obstáculo ida ba ita atu moris ita nia vocação missionário nian ida ne’e.

Jesus ohin fanun ita ho frase furak oan ida ne’ebe dehan; “fan imi nia sasan hodi fo esmolam halo ba imi hahalok ne’ebe la bosan, halibur ba imi soin ne’ebe la mohu iha lalehan, iha lalehan naokten sei la besik, mirai sei la han, basá ia fatin ne’ebe ó halot ó nia soin, iha fatin ne’e mos ó sei tau ó nia fuan, ó sei tau ó nia laran”. Atu bele participa iha missão reino Maromak ninian Jesus ohin husu tan buat mai ita; “Destacamento” significa ita precisa hakasan atu la belit demais ba sasan ou susar atu haketan an housi buat sira mundo ninian, uluk nanain buat ne’ebe sai obstáculo ba ita ba ita nia confiança total iha Maromak facil Maromak atu domina ita nia moris. Selae ita dehan; ibun mak dehan fiar Maromak, maibe sei iha reservas. Iha buat barak ne’ebe la husik ita atu confia total iha Na’i. Reserva hirak ne’e dalaruma sai obstáculo ba ita. Tan ne’e Jesus dehan; “Hakasan atu haketak an housi buat ne’ebe hanesan sasan, osan eh rai. Ne’e laos katak ita tem que despresa buat ne’ebe Na’i Maromak tau ba ita, missionário ida hatene nia kna’ar atu partilha nia tempo, nia energia no buat ne’ebe nia iha ho sira ne’ebe laiha. Ho espírirto de partilha de’it mak hatudu ida ne’e; ita ne’e mesak Feton no nan. Ho espírito de partilha de’it ida ne’e mak ita bele dehan; conversão. Tan ne’e mak hanoin fali Santa Teresa nia liafuan Laos ha’u sucesso ona dala ha’u hakmatek, maibe conversão contínua luta hasoru inimigo ne’ebe mai housi ita nia laran rasik.

Maluk doben sira, wainhira hakarak halo buat diak ruma ba ema ida laos tanba hare ba nia ne’e se. Nune’e mos ita halo diak ba ema ida ita hein katak saida mak nia sei halo fila fali mai ha’u. Maibe ema dehan; “Se ha’u hakarak halo diak laos tanba nia, maibe tanba ha’u”. Atitude ida tan ne’ebe exige housi missionário fiar nian mak vigilância. Jesus rasik dehan; “Rahun diak ba sira ne’ebe hader hela wainhira Nai to’o mai”. Rahun diak ba sira ne’ebe hatene rai Jesus hanesan nia riku soin boot ida, nia buka duni ho fuan ho laran to’o hetan. Ita hotu precisa matan moris no neon nain nafatin. Ita mos dalaruma hanesan Pedro ne’ebe sei koko nafatin Jesus hodi husu; bua hotu ne’ebe ita boot dehan ne’e vale de’it ba sira ou vale mos mai ha’u! Ita mos dalaruma ne’e iha tendência hanesan ne’e. buat hirak ne’ebe ita rona bebeik dalaruma ita cómoda ona, hau hakmatek ona karik ida e’e ema seluk mak precisa, ha’u dalaruma bele fase ha’u nia liman, buat ne’e toca ha’u ida. maibe quando mensagem ida ne’e continua repete mai ita, fanun nafatin ita.

Catedral horseik ita boot sira simu iha ne’e São João Paulo II nia Ilas. Ita tama mai iha Uma Creda oin ne’e ita hare katak iha Placa wainhira Inaugura Uma Creda ida ne’e Papa João Paulo II rasik mak inaugura no nia sama iha fatin ida ne’e. ne’e duni ita sente orgulho duni tanba nia mak haraik benção no inaugura fatin santo ida ne’e. hanesan relíquia moris ninian ne’ebe husik hela mai ita iha diocese Dili liu-liu iha Catedral tanba nia mak inaugura no fo benção. Tan ne’e nia fila fali mai iha ne’e laos de’it ita atu hare ba nia estátua, maibe atu lori ita ba hanoin fila fali nia nu’udar missionário boot. Ita hotu hatene katak Papa João Paulo II nia visita ita Timor ne’e iha ne’ebe ita nia esperança kiik hanesan lilin ida karik atu mate sal-sala, maibe mosu saseluk Nain Jesus Cristo ninian, Ulun boot Uma Creda ninian iha ita nia rain hodi foti fila fali, fo fila fali esperança mai ita. wainhira Papa João Paulo II reza missa iha Tasi Tolu hodi lian tetum. Tempo nebá ema hanoin katak missa ho Latim, maibe Santo Padre to’o mai ema tau tiha texto Latim no Indonesia ninian, maibe Santo Padre foti texto lian Tetum atu hatu’ur. Ho ida ne’e timoroan sira sente katak ninia dignidade hahu boot. Karik hanesan rai ida ne’ebe ema haluha maibe, Papa João Paulo II mosu mai hodi fo fila fali esperança ba povo no rai ida ne’e.

Tan ne’e ninia presença iha Catedral nune’e mos Tinan ida ne’e ita sei termina Ano Jubileu Missionário ninian iha Tasi Tolu iha 30 de Outubro ne’ebe mai tem que fanun fila fali ita timoroan sira maske desafios no dificuldades hotu ne’ebe ita hasoru, maibe Papa João Paulo II mai atu fanun fila fali ita. Nia liafuan ne’ebe nia dehan; “Imi mak Masin no Naroman mundo ne’e nian”. Nune’e mos ohin nia convida ita atu sai missionário. Ita reza atu nia estadia durante semana ida iha Catedral ne’e atu fanun sarani sira, hamoris fila fali desejo missionário ida ne’e. ita reza mos atu iha fulan 3 ne’e nia laran (Agosto, Setembro no Outubro) ne’ebe Conferência Episcopal Timorense tau ona mai iha Igreja Timor atu prepara ba momento extraordinário Jubileu nian ne’e ita aporveita laos atu manan graça Espiritual ninian, maibe tem sai mos momento ida de renovação, momento de conversão iha ita nia fuan, iha ita nia hahalok no iha ita nia mentalidade.