shadow
Diocese de Dili > NOTÍCIAS

CARTA APOSTÓLICA

 

CARTA APOSTÓLICA

ADMIRABILE SIGNUM

HUSI SANTO PADRE

FRANCISCO

KONA BA SIGNIFICADO NO VALOR HUSI PRESÉPIO

 

(Adapta ba lian tetun : Mário de Oliveira Pires)

 

  1. SINAL ADMIRÁVEL ida husi Presépio, povo doben liu, fiar nain tomak, labele kolen atu hanoin ninia kmanek no ninia furak. Representa acontecimento ida husi Jesus nia moris hanesan kedas ona ho haklaken, ho haraik-an no ksolok, mistério husi Maromak Oan halo-An ba ema be hanaran  “encarnação”. De facto, Presépio mak Evangelho ida nebé moris hodi hakonu iha páginas tomak Sagrada Escritura nian. Iha tempo hanesan katak ita contempla kona ba representação husi Natal, ita hotu hetan bolu atu espiritualmente hatuur-an ba dalan ida ne’e, atraídos husi haraik-an nian nebé mai husi Nia nebé halo-An ba ema atu ikus mai Nia hasoru malun ho ema hotu, no bele descobre katak Nia hadomi tebtebes ita, Nia nebé halibur ita atu nune’e mos ita bele hela hamutuk ho Nia. Ho Carta ida ne’e, ha’u hakarak atu apoia tradição kmook husi ita ninia famílias nebé prepara ona Presépio ida, iha loron nebé antecede ba Natal, nune’e mos toman ona atu tau iha fatin serviço nian, iha escola sira, iha hospital sira, iha estabelecimentos prisionais tomak, iha praças… Hatudu loloos husi exercício ida nebé mai ho imaginação criativa, nebé halibur liu husi materiais oi-oin atu produz, iha miniatura, sasan dahuluk husi buat kmanek. Sei aprende iha labarik sira, uainhira aman-inan, hamutuk ho sira ninia avó, hatutan toman kmook ne’e, nebé haabut ho espiritualidade popular ida nebé riku. Ha’u hanoin uluk ona katak toman ida ne’e sei la lakon; liu-liu, ha’u hein buat nebé hanesan, iha nebé dalaruma monu iha atitude usa sala, bele karik redescobre no revitaliza 

 

  1. Presépio ne’e nia hahu laos buat nebé tenki halo, uluk liu buat laek ida, buat uituan husi Jesus ninia moris iha Belém, refere iha Evangelho. Evangelista Lucas limita tiha hodi dehan, Maria nia loron atu tur ahi to’o dadaun, «nia tur ahi nia oan mane boot, hodi haneras no hatoba nia iha balada han fatin, basa laiha fatin oan ida ba sira iha uma laran» (2, 7). Hatoba Jesus iha balada han fatin, nebé, iha latim, dehan praesepium, iha nebé ita nia liafuan presépio ne’e mosu mai.

Hodi tama ba mundo ne’e, Maromak nia Oan mane hasoru fatin ida nebé animal sira ba han. Ai tahan sai hena haneras dahuluk ba Ida nebé mai no Nia nebé haklaken hanesan «pão moris, nebé tuun husi lalehan mai» (Jo6, 51). Simbologia ida nebé, uluk liu Santo Agostinho, hanesan mos Padres Igreja sira seluk mos, uainhira dadalia ho nia hodi hakerek nune’e: «Hatoba iha balada han fatin, Nia sai ita ninia aihan».[1] Iha realidade, Presépio inclui mistérios oi-oin husi vida Jesus nian, halo sira mosu baibain iha ita ninia moris lor-loron.

Oras ne’e ita hakat fali ba origem husi Presépio, hanesan mos saida mak ita hatene. Ita nia hanoin lori ita ba Gréccio, iha Valada de Rieti nian; iha ne’e mak São Francisco tau iha nebá, provavelmente uainhira nia mai ona iha Roma nebé mak Papa Honório III simu nia, hodi fo aprovação ba ninia Regra sira iha loron 29 de novembro de 1223. Grutas hirak ne’e, hafoin liutiha husi ninia viagem ba Rai (Terra) Santa, nia halo ita hanoin ho modo particular ba paisagem husi Belém. No ne’e mak possível katak, iha Roma, «Poverello» husi Assis sai tiha ona nudar mosaico sira, iha Basílica Santa Maria Maior ninian, nebé sira representa natividade husi Jesus no sei hasoru sira besik liu ba fatin nebé, tuir tradição tuan nian, precisamente rai didiak tábuas tomak husi balada han fatin ne’e.

Fontes Franciscanas nian haktuir, ho forma detalha, saida mak acontece ona iha Gréccio. Loron sanulu resin lima liutiha Natal, Francisco bolu ona João, ema ida husi rai nebá, atu nia husu tulun bele concretiza desejo ida: «Ha’u hakarak representa Labarik Mane ida nebé moris ona iha Belém, atu bele hare oinsa mak matan ne’e bele hare Nia isin ida nebé moris mai mai hasoru terus, Nia nebé foin moris mai laiha liu sasan atu hamansa isin, hodi haneras ho aitahan iha balada nia han fatin ida, entre karau no burro».[2] Sente aat tebes uainhiira nia rona hotu tiha, belun fiel ne’e prepara duni, iha fatin nebé hatudu tiha ona, buat hotu nebé necessário duni tuir Santo ne’e nia hakarak. Iha loron 25 de dezembro, too ona mai iha Gréccio frades barak tebes, sira hotu mai husi parte oi-oin, nune’e mos mane no feto sira husi uma região tomak, lori dadaun aifunan no ahi fafulun (tochas) hodi haroman kalan santa ida ne’e. Francisco, uainhira too mai, hetan ona balada han fatin ho aitahan, karau no burro. Hare husi representação Natal nian, ema sira nebé halibur iha nebá hatudu sira ninia ksolok ida nebé oinseluk, hanesan nunca sente iha fofoun ne’e.Hafoin na’i lulik ida celebra solenemente Eucaristia ida kona ba balada han fatin, hatudu dadaun mos husi lalaok ida ne’e ligação nebé existe entre Maromak nia Oan Mane halo-An ba ema (Encarnação) noEucaristia. Iha Gréccio, ba biban ida ne’e, laiha ona figuras; Presépio nebé mak forma tutuir malun no hamoris husi sira nebé iha hela nebá.[3]

Nune’e mak moris mai ita ninia tradição: iha gruta ninia haleun sira no hatoo ho ksolok, hodi laiha tan naran distância entre acontecimento nebé realiza no ema sira nebé participa iha mistério ne’e.

Biógrafo dahuluk husi São Francisco, Tomás Celano, fo hanoin katak iha kalan ida nebá, babain no representação nebé nakonu hodi mai hamutuk ho dom ida husi visão kmanek tebes: ida husi sira nebé iha nebá hare ona katak mosu duni iha balada han fatin laran Menino Jesus rasik. Husi Presépio Natal tinan 1223 ne’e rasik mak, «ema hotu fila fali ba sira ninia uman nakonu ho haksolok ida lanahas».[4]

 

  1. Ho buat baibain husi sinal ida ne’e, São Francisco realiza ona obra boot ida husi evangelização. Ninia hanorin nakborus iha ema fiar nain sira ninia fuan, hela metmetin too ba ita ninia tempo hanesan forma ida nebé kmanek tebes hodi halao bebeik, ho simplicidade, kmook husi ita ninia fiar. Aliás, fatin ne’e rasik mak fatin nebé halao ona Presépio dahuluk hodi sugere no suscita sentimentos hirak ne’e. Gréccio sai duni fatin hakmatek ida ba klamar nebé naksubar husi hun, husik ninia an iha nonok nia laran.

Tamba sa motivo ne’e suscita Presépio nebé furak liu no ita hafurak ? uluk liu laiha buat ida, tamba hatudu domin Maromak nian. Nia, Criador ba universo, Nia haraik an kiik hanesan ita. Dom hodi halo Presépio ita ninia uma sira tulun tebes ita atu hamoris fali história nebé mosu tiha ona iha Belém. Naturalmente Evangelho sira  continua sai fonte, nebé fo biban ba ita atu hatene no medita Acontecimento ida ne’e; maibé, ninia representação iha Presépio ita atu hanoin iha cenas oi-oin, halibur ninia afetos tomak, bolu mos ita atu hatama-an iha história salvação nian, contemporâneos husi evento ida ne’e mak halo nia moris no foun bebeik iha contextos históricos nebe oi-oin liu no culturais tomak. De modo particular, hahu kedas husi ninia origem franciscana, Presépio mak convite ida atu «sente», atu «kaer» kiak sira nebé hili ona, ba Ninia an rasik, Maromak nia Oan iha ninia halo-An ba ema, sai nune’e duni, implicitamente, apelo ida ba ita nebé tuir Nia husi dalan haraik an nian, husi kiak, husi despojamento, nebé sai baluk ida husi balada han fatin iha Belém no lori too ba Cruz, no apelo ida nebé sei hasoru Nia no servi Nia, ho laran luak, iha maun-alin bin-feton hirak nebé hein ita ninia tulun (cf. Mt 25, 31- 46).

 

  1. Ha’u hakarak tebes ona atu hakat foun fali ba sinais Presépio nian nebé oi-oin atu aprende fali ninia significado nebé haabut ona. Ba dahuluk, hatudu mai ita lalehan ida nebé haroman ho fitun iha nakukun laran no iha kanan ninia nonok. Halo nia laos hanesan ba sai ema fiar nain iha narrações tomak Evangelho nian, maibé mos husi significado nebé nia iha. Dalabarak ita hanoin hodi lasura ho kalan nebé tama iha ita ninia moris. Tan diak duni, biar iha momentos nebé hanesan, Maromak lahusik ita mesak, maibé Nia iha ba ita hodi fo resposta ba questões decisivas kona ba sentido husi ita ninia existência: Se mak ha’u? Ha’u mai husi nebé? Tan ba sa ha’u moris iha tempo ida ne’e? Tan ba sa ha’u hadomi? Tan ba sa a’u terus? Tan ba sa ha’u sei mate? Hanesan atu fo resposta ida ba questões hirak nebé Maromak halo ba ema. Ninia hakbesik-an lori naroman nebé iha nakukun, no haroman sira hirak nebé hakat liu iha nakukun terus nian(cf. Lc 1, 79). Sira soin mos ba referência ida iha paisagens nebé hola parte husi Presépio; dala barak mosu mai hodi representa husi uma sira nebé rahun no palácios tuan sira, iha caso balun, sira troca fodik tiha gruta Belém hodi halo nia sai habitação husi Sagrada Família. Parece katak buat rahun sira ne’e mak inspira ona iha Legenda Áurea, husi dominicano Jacopo de Varazze (século XIII), iha nebé refere ba fiar pagã sira nian tuir saida mak hanaran templo Dame nian, iha Roma, sei monu tun uainhira Virgem ninia naroman tuun mai. Buat rahun sira ne’e mak sinal nebé bele hare sobretudo husi humanidade nebé monu hakdasak, husi buat hotu nebé monu iha harahun nian, nebé rahun duni no lahadia. Cenário ida ne’e mak Jesus dehan novidade iha mundo tuan ninia laran, no ha’u mai atu fo isin diak no hari foun fali, atu lori fila fali ita ninia moris no mundo ba ninia kmanek uluk nian.

 

  1. Emoção boot ida nebé ita sei bele tau, hodi tau iha Presépio mak foho sira, mota kiik sira, bibi sira no bibi atan sira! Tan nune’e mak ita hanoin, hanesan profeta sira haklaken mai ita, katak buat tomak Maromak halo participa iha festa husi Messias ninia mai. Anjo sira no fitun-cometa mak sinal ida mos katak ita hotu hetan bolu atu lao iha dalan hodi lao ba to’o iha gruta nune’e bele tukutur ba Maromak.

«Ita lao to’ok ba Belém hodi hare buat nebé mosu, nebé Na’i fo sai mai ita» (Lc 2, 15): nune’e mak bibi atan sira koalia, liutiha anúncio nebé anjo sira halo ba sira. Ne’e mak hanorin ida kmanek tebes, katak haraik mai ita iha haraik-an ninian husi descrição ne’e. Oinseluk husi ema barak nebé hokunu anliu ho sasan sira seluk, bibi atan sira sai ona sasin daduluk husi buat nebé essencial, ne’e mak, husi salvação nebé oferece ona ba ita. Mesak ema sira nebé haraik an deit no ema kiak sira mak hatene halibur acontecimento husi Maromak Oan halo-An ba ema (Encarnação). Maromak, nebé mai hodi hasoru malun ho ita iha Menino Jesus, bibi atan sira hatan, hodi hatudu dalan loos ba Nia, atu iha hasoru malun domin nian ida no hakfodak ida nebe oinseluk. Ne’e mak precisamente hasoru malun entre Maromak no ninia oan sira, folin tebes ba Jesus, nebé fo ninia moris ba ita ninia religião no troka ninia kmanek ba ninia an rasik, hodi hakat liu husi lalaok particular iha Presépio.

 

  1. Iha ita ninia Presépio sira, ita toman ona atu tau figuras simbólicas barbarak. Ba dala uluk, ema kiak sira no ema hirak nebé la hatene buat naresin seluk a não ser husi fuan nebé klean. Nune’e mos figuras hirak ne’e besik liu ba Menino Jesus husi sorin loos, laiha ema ida mak bele duni sira ou hadook sira husi berço ida nebé mak tuir loloos improvisado katak ema kiak sira, iha ninia sorin-sorin, absolutamente hasai lian. Uluk liu, ema kiak sira mak hetan fatin liu iha mistério ida ne’e, dala uain, sira hirak nebé diak liu consegue reconhece presença husi Maromak iha ita ninia leet.

Iha Presépio, ema kiak sira no ema baibain sira fo hanoin ita katak Maromak halo-An ba ema ba sira nebé sente duni ninia domin no sira husu ninia hakbesik-an ba sira. Jesus, «laran kmaun no haraik-an» (Mt 11, 29), moris kiak, lori ona moris ida baibain, hodi hanorin ita atu sai hanesan Nia no moris husi ida nebé essencial. Husi Presépio mosu, loloos, lia menon nebé ita labele husik atu sama hanehan husi rikusoin no husi propostas barbarak nebé hasulin ksolok nebé nahas.  Hanesan falun metin ho hena, mosu iha palácio Herodes nian, taka metin, diuk ba anúncio kmanek ida. Moris ona iha Presépio, Maromak rasik nebé haraik hahu ida ba revolução loloos ida mesak nebé haraik esperança no dignidade ba atan sira, ba marginalizados tomak: revolução domin nian, revolução husi Maromak nia domin. Husi Presépio, ho kbiit boot, Jesus haklaken apelo ne’e atu fahe sira nebé ikus liu hanesan dalan ba mundo ida humano liu no fraterno liu, iha nebé laiha tan ema ida nebé bele haketak ema seluk no halo ema seluk mesmesak. Dala barak mos, labarik sira (maibé ema boot sira mos!) sira hakarak liu mak tau kanuru tohar, iha Presépio, figura sira seluk nebé parece laiha liu naran relação ida ho narrações tomak husi Evangelho. Buat hirak ne’e hotu mosu iha hanoin hodi buka expressa uluk tiha fali, iha mundo foun ne’e; nebé inaugura tiha husi Jesus, iha espaço ba buat saida mak humano no ba buat hotu nebé Maromak halo. Husi bibi atan ba badaen ai, husi badaen fatuk ba músicos, husi feto sira nebé lori hela ho kbaas bee iha sanan rai to’o labarik sira nebé halimar… hirak ne’e hotu representa santidade lor-loron nian, ba ksolok atu realiza lalaok extraordinário husi buat hotu loron ba loron, uainhira Jesus fahe ninia moris divina ho ita.

 

  1. Neneik ba neneik, Presépio ne’e lori ita ba gruta, iha nebé ita hasoru malun ho figuras husi Maria no José. Maria mak inan ida nebé contempla ninia Oan no hatudu Nia ba ema barak nebé mai visita Nia. Ninia figura halo ita hanoin iha mistério boot nebé nia hatama jovem ne’e ba, uainhira Maromak baku ona odamatan husi ninia fuan imaculado. Ba anúncio husi anjo nebé halo nia sai Maromak inan, Maria hatan ho obediência tomak no total. Ninia liafuan sira – «atan oan mak ne’e Nai, halo tuir deit Ita hakarak ba» (Lc 1, 38) – katak, ba ita hotu, sasin ida husi ninia lalaok oinsa husik nia an, iha fiar, tuir deit Maromak nia hakarak. Ho ninia «sim» ida ne’e, Maria sai ona inan ba Maromak nia Oan Mane, hodi la lakon – uluk liu, beran lalehan ba Nia, consagra an – iha ninia virgindade. Iha Nia, ita hare Maromak Inan nebé latau matan ba ninia Oan laos deit hanesan Oan ba Nia-An, maibé husu ba ema hotu atu halo tuir Ninia liafuan sira no halao iha moris (cf. Jo 2, 5).

Husi Maria nia sorin, ho atitude hanesan ida nebé tau matan Maromak Oan no ninia inan, mak São José. Geralmente, ne’e mak representa ho ai tonka iha liman no, dala barak mos, tau matan ba ahi oan ida. São José hulan knaar ida nebé importante tebes iha Jesus no Maria sira ninia moris. Hanesan mahein nebé nunca kolen atu tau matan ninia uma kain. Uainhira Maromak fo hanoin kona ba ameaça husi Herodes, sei la nakdedar hodi lao sai ba Egito (cf. Mt 2, 13-15). No hafoin, hakat liu todan ne’e, sei lori fali ninia uma kain ba Nazaré, iha nebé sei sai manorin dahuluk ba Jesus, iha ninia infância no adolescência. José lori ona iha ninia fuan nebé klean mistério bo’ot Maria mak envolve, ninia feen, no Jesus; ema loos nebé, nafatin entrega an ba Maromak nia hakarak no halao iha moris.

 

  1. Fuan husi Presépio nian nebé hahu book an, uainhira ita mos tama iha nebá, iha Natal, figura husi Menino Jesus. Nune’e mak Nia hatudu Maromak mai ita, iha labarik ida, atu kous Nia iha ita ninia liman. Iha kbiit laek no folin laek ne’e, subar ninia kbiit katak buat hotu nia halo no transforma. Parece impossível, maibé nune’e duni: iha Jesus, Maromak ne’e labarik ida no, iha condição ne’e, hakarak haklaken ninia domin boot, nebé sei hatudu iha hamnasa ida no ninia liman nebé nakloke ba sira nebé hakarak nune’e duni.

Nascimento husi labarik ida hamosu ksolok no kmanek uain, tamba ita hatuur an liuhusi mistério boot moris nian. Uainhira ita hare foinsa’e kaben nain sira ninia nebé nabilan tan ba sira ninia oan nebé foin moris mai, ita compreende ona sentimentos  husi  Maria no José nebé, hare ba Menino Jesus, hodi hatudu momoos Maromak nia presença iha ninia moris.

«Moris ne’e, mosu duni» (1 Jo 1, 2): nune’e mak apóstolo João habadak mistério husi Maromak nia Oan Mane halo-An ba ema (Encarnação). Presépio ne’e halo ita hare, halo ita kaer kona acontecimento único ne’e no extraordinário nebé muda ona história ninia lalaok sira no liuhusi ne’e mos mak haktuir ninia otas sira, uluk no hafoin Cristo ninia moris iha rai.

Lalaok atu tuir Maromak quase cria vertigens, tan ba parece impossível katak Nia renuncia ba ninia glória atu Nia halo-An ba ema hanesan mos ita. Hafodak ida nusa hare Maromak hodi halo tuir ita ninia comportamentos tomak: toma, susu inan nia susun, tanis no halimar, hanesan mos labarik sira. Hanesan bebeik ona, Maromak hahoris perplexidade, ne’e mak imprevisível, mosu nafatin nune’e dook liu saida mak ita hatuur ona. Nune’e Presépio, iha tempo hanesan hatudu mai ita Maromak ida nebé hanesan Ida nebé tama ona iha mundo, desafia ita atu hanoin ba ita ninia moris nebé tama mos iha Maromak nian; bolu atu halo ita sai ninia discípulos, ita hakarak karik atu too ba sentido ikus husi moris.

 

  1. Uainhira besbesik ba festa Epifania nian, tau iha Presépio figuras husi Liurai Nain tolu husi loro sa’e. Buka atu hare fitun, ema matenek no riku sira ne’e husi Oriente hakat iha dalan loos ba Belém hodi conhece Jesus no fo ba Nia; karan osan mean, ai kiar no ai ben morin.

Karan murak hirak ne’e iha mos significado alegórico ida: osan mean hodi tukutur ba Jesus nudar liurai; ai kiar (incenso), mak ninia divindade; ai ben morin (mirra), ba ninia humanidade lulik nebé sei experimenta mate no sei hakoi.

Hodi ita hanoin didiak cena ida ne’e iha Presépio, ita hotu hetan bolu atu reflete kona ba responsabilidade nebé ema fian nain ida-idak iha hodi sai evangelizador. Ita ida-idak sai manu ain ba Liafoun Diak atu ema hotu nebé ita hasoru, sai sasin ba ksolok nebé iha husi Jesus no ninia domin; no halo nia ho hahalok laran luan nian lorloron.

Liurai nain tolu husi lorosa’e hanorin atu bele lao ba dook liutan atu too ba Cristo: mesak ema rikusoin barak, ema lao rai nebé mak mesak matenek, matan moris ba buat nebé lanahas, nebé sai ba viagem ida nebé dook lahalimar no todan tebesno lori sira ba to’o duni Belém (cf. Mt 2, 1-12). Liurai Lalehan nia hateke, ukun duni sira nia hare ho ksolok bo’ot ida. Hodi lahusik sira-an sai atan ba kiak husi ambiente; hodi lahakiduk no nakdedar atu hakneak no adora Nia.

Iha Ninia oin sira hatene katak Maromak, nebé mak dulas sira ho matenek lalehan lulik nian liuhusi fitun ninia hatudu an, nune’e mos mak kait sira liman iha história ninia lalaok tomak, hatuun kbiit nain sira no foti kbiit laek sira. No loos duni, uainhira sira fila fali ba sira ninia rain, koalia ona kona ba hasoru malun ida nebé surpreendente ne’e ho Messias, inaugura dadaun viagem husi Evangelho ho gentio sira.

 

  1. Iha Presépio ninia oin, kakutak halai husi hahalok diak nebé tempos tomak sei labarik no hanoin tiha ona, ho impaciência, tempo atu hahu no harii fali nia. Recordações hirak ne’e lori ita atu foti consciência foun bebeik husi dom nebé boot nebé ita rasik halo, ita hatutan fiar; no iha tempo hanesan, ita halo atu sente dever no ksolok hodi tatoli experiência nebé hanesan ba oan no beioan sira. Laos katak importante atu halo Presépio ida ho saida deit mak ita hatuur iha ninia laran; bele sai hanesan nafatin ou bele muda-an tinan ba tinan. Saida mak sei sura, mak ida nebé koalia ba ita ninia moris. Husi sorin seluk no forma nebé halo, Presépio ne’e haktuir domin Maromak nian, Maromak nebé halo-An sai labarik ida atu ita dehan ba sira nebé besik liu kona ba ne’e ba ema ida-idak, independentemente husi condição nebé ida ne’e sei hasoru.

Maun-alin no bin feton sira, Presépio ne’e halo parte husi processo transmissão fiar nian nebé neneik  no exigente. Hahu husi infância no, hafoin, iha cada idade husi moris ne’e, educa ita atu contempla Jesus, sente domis Maromak nian ba ita, sente no fiar katak Maromak ho ita no ita hela ho Nia, ema hotu nudar oan no maun alin tuir beran Maromak nia Oan Mane ne’e no husi Maria Inan sala laek. No educa atu sente katak iha ne’e iha ksolok. Iha escola São Francisco nian, loke ita fuan ba beran haraik an nian, husik ita an ba soin kmanek hodi hamoris knananuk haraik an nian: ita nia «obrigado» ba Maromak, nebé hakarak buat hotu fahe ho ita atu nune’e lahusik ita mesak.

 

Fo sai iha Gréccio, iha Santuário Presépio nian, iha 1 de dezembro de 2019, ha’u ninia  pontificado ba dahituk.

 

Franciscus

©Copyright – Libreria Editrice Vaticana

 

[1] Santo Agostinho, Sermão 189, 4. Trad. Minha.

[2] Tomás de Celano, Vita Prima, 85: Fontes Franciscanas, 468. Trad. Minha.

[3] Cf. ibid., 85: o. c., 469. Trad. Minha.

[4] Ibid., 86: o. c., 470. Trad. Minha.

Sexta-Feira, II Semana Iha Tempo Advento (Ano A)

Primeira Leitura                    Is. 48. 17-19

Lia housi livru Isaías nian:

Na’i, ó nia maksoin, Santo Israel nian, lia tun nune’e: “Ha’u mak Na’i, ó nia Maromak, ne’ebe hanorin ó hetan rahun di’ak, ida be dada ó kona ó dalan atu tuir. Oh! Ó tuir karik Ha’u hakaran, ó nia rahun kmanek sai wa’in hanesan mota bo’ot ida; ó nia ksolok sai wa’in hanesan laloran tasi nian! Ó nia derasaan sai ema barak hanesan rai henek, ó nia bei oan sira sai wa’in hanesan rai henek musan sira. Ó nia naran ema ida sei la hasai,la lakon housi Ha’u nia oin.

Maromak Futar Lia.

 

Salmo Responsorial                                                                                                                                                          Sal. 1. 1-2, 3, 4, 6

Refrão : Na’i, ema be tuir Ita, sei la’o iha roman moris nian!!! Repete-se

Ksolok ba ema ne’ebe la tuir ema áat nia lia,

La tuir dalan maksalak.

Ksolok ba sira be la hadulur ho ema áat.

Maibe haksolok ho Na’i Nia ukun fuan,

Hodi hanoin  nia kalan loron.  Refrão

 

Nia hanesan ai kudan ida iha wé inan ninin;

Nafuan tuir nia tempo, nia tahan la namlaik,

Buat hotu ne’ebe nia halo, sai di’ak de’it. Refrão

 

Maibe, ema áat sira nia moris oin seluk,

Sira hanesan háre kain be anin lori.

Na’i hatene ema lós nia dalan,

Dalan ema áat sira nian, lori ba rahun áat. Refrão

 

Aclamação                                                                                                 

Refrão :  Aleluia, Aleluia!! Repete-se                                                                       

Na’i besik ona, sai ba hasoru Nia.

Nia mak liurai oan dame nian. Refrão

 

Evangelho                                                                                                                                                                                      Mt. 11. 16-19

Na’i Jesus Cristo nia Evangelho nu’udar São Mateus haktuir:

 Iha tempo ne’eba, Jesus lia tun ba ema lubun bo’ot: “Ha’u sei tanesan ema derasaan ne’e ba sé lós? Nia hanesan labarik sira be tur iha luron ninin ne’ebe soe lia ba malu, dehan: “Ami huu kfui ba imi, maibe imi la dansa; ami hananu knananuk taska metan nian, maibe imi la tanis”.

João Baptista mai tiha, la han, la hemu, sira dehan: ‘Demónio iha nia laran’. Mane maksoin to’o tiha, han no hemu, sira dehan: ‘Nia kanten no lanu ten, publicano no maksalak sira belun! Maibe Maromak nia matenek mosu mai duni ho Nia hahalok”.

Lia Maksoyn.

Quinta-Feira, II Semana Iha Tempo Advento (Ano A)

Primeira Leitura                         Is. 41. 13-20

Lia housi livru Isaías nian:

“Ha’u mak Na’i, ó nia Maromak ne’ebe kaer ó liman kuana hodi hateten ba ó: ‘keta ta’uk, ha’u mai tulun ó’. Keta ta’uk, Jacob, rai kutun, ular ki’ik oan Israel nian! Ha’u mai tulun ó”, Na’i mak dehan, “ó  nia maksoin mak Santo Israel nian. ha’u sei halo ó sai hanesan besi foun ida hodi fila rai, nehan kro’at sorin-sorin. Ó sei baku rahun foho sira, ó sei de’ut foho oan sira sai hanesan du’ut rahun maran.

Ó sei dulas sira atu anin huu sira, anin hadulas lori sira namkari. Maibe ó fali sei haksolok tambá Na’i; ó sei hahi-áan, tambá Santo Israel nian.

Iha susar ka ki’ak sira husu wé, maibe la hetan, sira nia nanal maran tambá hamrook. Ha’u mak Na’i, Ha’u sei tau matan ba sira; Ha’u Israel nia Maromak, Ha’u sei la husik sira mesak. Iha foho molik sira, Ha’u sei halo wé inan moris, halo wé matan moris iha rai kle’an sira.

Ha’u sei halo rai fuik maran sai kolan ida, halo rai maran sai wé moris. Iha rai fuik maran, Ha’u sei kuda ai cedro, acásia, murta no oliveira. Iha rai tetuk maran, Ha’u sei kuda ai cepreste, ulmeiro no buxos iha sorinj-sorin, atu ema hotu sei haré hodi hatene; rona didiak hodi hatene momós: Na’i futar liman mak halo ona nune’e,; Santo Israel nian mak halo ona buat ne’e”.

Maromak Futar Lia.

 

Salmo Responsorial                                                                                                                           Sal. 144(145). 1, 9, 10-11, 12-13ab

Refrão : Na’i laran luak, laran maus, kleur atu hirus, domin nakonu!!! Repete-se

Na’i ha’u hakarak hahi Ita bo’ot,

Ha’u nia Maromak, ha’u nia Liurai;

Hahi Ita bo’ot naran tinan ba tinan.

Na’i di’ak ba ema hotu,

Hameak Nia criatura tomak. Refrão

 

Na’i, ema sira fó agradece Ita;

Ita emar sira hahi Ita.

Sira haklaken fó glória ba Ita bo’ot reino,

 Hodi tatoli ba mundo buat foun Ita halo. Refrão

 

Hodi fó hatene Ita hahalok ba ema sira,

No fó tada Ita reino nia glória no roman.

Na’i, Ita reino, reino ida rohan laek,

ukun desaraan sira tomak. Refrão

 

Aclamação                                                                                                                                                                                             Is. 45. 8

Refrão :  Aleluia, Aleluia!! Repete-se                                                                       

Hatun maha wen housi lalehan leten áas ba; kalohan sira,

fakar justíça tun mai; rai nakloke ba, halo mosu maksoin. Refrão

 

Evangelho                                                                                                                                                                                       Mt. 11. 11-15

Na’i Jesus Cristo nia Evangelho nu’udar São Mateus haktuir:

Iha tempo ne’eba, Jesus lia tun ba ema lubun bo’ot: “Tebes duni, Ha’u dehan ba imi: iha feto nia oan sira le’et, seidauk mosu ema bo’ot liu João Baptista. Maibe ida be ki’ik liu iha reino lalehan, bo’ot liu fali nia. Housi João Baptista nia tempo to’o oras ne’e, reino lalehan, ema buka hodi kbi’it atu tama ba; ema sira be maka’as duni mak hadau nia. Tamba profeta sira hotu, hanesan ne’e mós,ko’alia nu’udar profeta to’o João. Imi hakarak karik, hatene buat ne’e, nia mak Elias sei mai. Sé lós iha tilun atu rona, rona ba!”

Lia Maksoyn.

Quarta-Feira, II Semana Iha Tempo Advento (Ano A)

Primeira Leitura                    Is. 40. 25-31

Lia housi livru Isaías nian:

Maromak Santo lia tun: “Imi hakarak tanesan Ha’u ba sé lós? Foti matan ba lalehan hodi haré didiak! Sé lós halo fitun sira ne’e? ida ne’ebe halo sira la’o tuir ordem hodi bolu sira tomak ho idak-idak nia naran. Nia kbi’it makas no ukun bo’ot duni; la iha sira ida la halo tuir Nia ordem. Jacob, tansá ó dehan, Israel, tansá hateten: “Na’i la hatene ha’u nia destino, ha’u nia Maromak haluha tiha ha’u nia direito?”

Maibe ó la hatene buat ne’e? ó la rona nia hateten? Na’i mak Maromak ida rohan la’ek, halo ona rai housi ikun to’o ulun. Nia la baruk, la kole, Nia matenek rohan la’ek, Nia haraik kbi’it ba ema kbi’it la’ek; ema ne’ebe fraco, Nia halo sai forte. Klosan sira sai baruk no kolen, ema bo’ot sira mós lakon sira kbi’it. Sira be hein Na’i, hetan kbi’it foun. Sira loke sira nia liras hanesan manu makikit sira. Sira halai maka’as , la kole; sira la’o, iis la kotu.

Maromak Futar Lia.

 

Salmo Responsorial                                                                                                                                    Sal. 102(103). 1-2, 3-4, 8, 10

Refrão : Ha’u klamar hahi Na’i!!! Repete-se

Ha’u klamar hahi Na’i,

Ha’u áan tomak haklaken Nia naran santo.

Ha’u klamar hahi Na’i,

La haluha nia kmanek. Refrão

 

Nia perdua ó salan tomak,

Nia sadia ó nia áat hotu.

Nia soi ó nia moris housi rate,

Hafutar ó moris ho tulun no domin. Refrão

 

Na’i laran luak, laran maus,

Kleur atu hirus, laran luak tebes;

La haré áat ita tan ita salan,

Nia la fó todan mai ita tuir ita salan. Refrão

 

Aclamação                                                                                                 

Refrão : Aleluia, Aleluia!! Repete-se

Na’i Nia loron besik ona;

Nia mai atu soi ita. Refrão

 

Evangelho                                                                                                                                                                                    Mt. 11. 28-30

Na’i Jesus Cristo nia Evangelho nu’udar São Mateus haktuir:

Iha tempo ne’eba, Jesus lia tun nune’e: “Imi mai ha’u, imi hotu be kole no lori naha todan, Ha’u sei kasu imi nia naha. Imi simu Ha’u nia ai dadur iha imi nia kbás hodi hanorin áan housi Ha’u, tan Ha’u laran maus no haraik áan. Imi sei hetan ksolok ba imi nia klamar, tan Ha’u Nia ai dadur mamar; Ha’u nia naha kma’an”.

Lia Maksoyn.

Terça-Feira, II Semana Iha Tempo Advento (Ano A)

Primeira Leitura                         Is. 40. 1-11

Lia housi livru Isaías nian

Ita Maromak lia tun nune’e: “Imi haksolok, haksolok nHa’u nia povo. Hametin Jerusalém nia fuan hodi hakilar ba nia katak nia kna’ar to’o ona rohan, nia salan kasu tiha ona; nia simu tiha ona housi Na’i futar liman castigo maka’as ba nia salan sira hotu”.

Lian ida haklaken: “Imi hadia Na’i nia dalan iha rai fuirk maran. Imi loke dalan terik ida ba Na’i iha rai fuik. Rai kle’an sei nakonu, foho no kaleten sei tetuk; rai tarak sai kabeer, rai lolon sai tetuk. Iha loron ne’e, sei hatudu Na’i Nia glória, criatura tomak hamutuk sei haré glória ne’e, basá, Na’i futar ibun ko’alia!”.

Lian ida hateten: “hakilar ba!” Ha’u hatan: “Ha’u sei hakilar lós saida? Criatura tomak hanesan du’ut, oin furak hanesan ai funan ai laran. Du’ut sei maran, ai funan sei namlaik, wainhira Na’I huu iis kona sira. Tebes duni, povo hanesan du’ut. Du’ut sei maran, ai funan sei namlaik, maibe ita nia Maromak futar lia hela ba nafatin”.

Sa’e ba foho áas ida, ó be haklaken lia foun di’ak ba Sião! Foti lia makas, ó be haklaken lia foun ba Jesusalém! Foti ó lian, keta ta’uk, hodi dehan ba Judá nia cidade sira: “Imi nia Maromak mak ne’eba. Haré ba, Na’i to’o mai ho kbi’it. Nia futar liman fó laran metin ba nia atu ukun tomak. Haré ba, Nia prémio mai ho Nia; Nia kolen mai uluk liu Nia. Nia hanesan mahein be hein bibi oan sira; ko’us bibi oan sira iha liman hiti sira nia hirus matan, la’o tuir bibi inan sira be fó susu”.

Maromak Futar Lia.

 

Salmo Responsorial                                                                                                                          Sal. 95(96). 1-2, 3, 10ac, 11-12, 13

Refrão : Ita nia Maromak sei mai ho kbi’it liurai!!! Repete-se

Hananu ba Na’i, knananuk foun ida,

Hananu ba Na’i, rai klaran tomak.

Hananu ba Na’i, hawelok Nia naran.

Haklaken loron ba loron, Nia maksoin. Refrão

 

Haklaken Nia glória ba reino tomak,

No ba povo hot-hotu, ninia kmanek.

Haklaken ba povo hot-hotu: “na’i mak Liurai”.

Na’i ukun povo hotu ho justíça. Refrão

 

Lalehan haksolok ba, rai hananu ho ksolok ba,

Tasi no buat hotu iha tasi laran;

Rai luan no buat tomak iha nia, haksolok;

Bidu ho ksolok ai sira iha ai laran. Refrão

 

Iha Na’i be sei hi’it áan mai Nia futar oin.

Nia mai atu ukun rai klaran,

Nia sei ukun mundo ho justíça,

No Ninia povo sira ho felicidade. Refrão

 

Aclamação                                                                                                 

Refrão : Aleluia, Aleluia!! Repete-se

Na’i Nia loron besik ona;

Nia mai atu soi ita. Refrão

 

Evangelho                                                                                                                                                                                     Mt. 18. 12-14

Na’i Jesus Cristo nia Evangelho nu’udar São Mateus haktuir:

Iha tempo ne’eba, Jesus lia tun ba escolante sira: “Imi hanoin oinsá? Ema ida iha bibi atus ida, hafoin bibi ida lakon tiha karik, nia sei la husik bibi sianulu resin sia iha foho, hodi ba buka ida be lakon? Nia hetan karik bibi ne’e, tebes duni, Ha’u dehan ba imi, nia sei haksolok tan bibi ne’e liu fali sira sanulu resin sia ne’ebe la lakon. Nune’e mós, Ha’u Aman iha lalehan lakoh ki’ik oan sira ne’e ida lakon”.

Lia Maksoyn.

Segunda, II Semana Iha Tempo Advento (Ano A)

Primeira Leitura                           Is. 35. 1-10

Lia housi livru Isaías nian:

Rai fuik maran no rai kles imi haksolok ba. Haksolok ba hodi fó funan rai tetuk maran, taka áan ho aifunan hanesan narciso; hahi haksolok hanesan ema foun.Nia simu glória Líbano nian, roman Carmelo no Sáron nian. Sira sei haré Na’i Nia glória, imi Maromak nabilan. Halo maka’as fali liman sira be kole, fó kbi’itn ba ain tur be nakdedar. Sei dehan ba fuan sira be taridu: “Barani! Keta ta’uk. Imi nia Maromak besik mai ona! Nia hi’it áan mai tesi lia lós, Nia Maromak be haraik kolen. Nia rasik mai soi imi”.

Iha loron ne’e, matan delek sira matan sei nakloke; tilun diuk sira sei rona mós; ema ain kudeik sira sei haksoit hanesan rusa, ema monok sira nanal sei hananu ho ksolok. Wé sei moris ihan rai fuik maran, wé inan sei suli iha rai tetuk maran; rai maran dekor sei sai hanesan kolan ida, rai kmarak lós sei nakfilak ba wé matan. Iha asu fuik sira subar fatin, sei burak onu no soko. Dalan ida sei terik rai fuik; ne’ebe ema sei hanaran dalan lulik; ema laran fo’er sei la liu housi nia, sira ne’ebe matan foun, sei lakon. Iha dalan ne’e, sei la iha asu fiuk leão, badala siak sira sei la liu housi ne’eba. Housi nia, sei la’o ema sira be hetan ona maksoin; hafoin sei fila fali sira ne’ebe Na’i hasai housi dadur laran. Sira sei to’o iha Sião ho hananu no hakilar haksolok; sira oin nabilan ho ksolok rohan la’ek. Neon contente no laran ksolok mak sei ukun; terus no halerik sei lakon.

Maromak Futar Lia.

 

Salmo Responsorial                                                                                                                            Sal. 84(85). 9ab-10,  11-12, 13-14

Refrão : Ita Nia Maromak hi’it áan mai soi ita!!! Repete-se

Ha’u rona lia ne’ebe Na’im hateten;

Maromak haklaken hakmatek.

Nia maksoyn besik ba ema hamta’uk Nia

Nia glória sei horik iha ita rain. Refrão

 

Laran mós no domin sei hetan malu,

Justíça no hakmatek hakleher malu.

Housi rai sei mosu laran mós,

Justíça sei hakruuk housi lalehan. Refrão

 

Na’i sei haraik buat ne’ebe di’ak;

Ita rain sei fó fuan.

Justíça sei la’o iha Nia futar oin

Paz sei la’o tuir Nia ain fatin. Refrão

 

Aclamação                                                                                                 

Refrão : Aleluia, Aleluia!! Repete-se

Liurai hi’it áan mai daudaun, Na’i rai hotu nian,

sei hasai ita nia naha todan atan nian. Refrão

 

Evangelho                                                                                                                                                                                        Lc. 5, 17-26

Na’i Jesus Cristo nia Evangelho nu’udar São Lucas haktuir:

Iha tempo ne’eba, loron ida, Jesus sei hanorin daudaun, fariseu no doutor lei nian balun mos iha ne’eba. Sira mai housi knua tomak Galileia, Judeia no Jerusalém nian. Na’i nia kbi’it iha ne’eba atu Jesus halo di’ak ba moras sira. Ema balu mosu mai, lori iha hadak laran ema ida ain no liman tós; sira buka hatama nia hodi tau nia iha Jesus futar oin. Tan sira la hetan fatin atu bele tama ba laran,n basá ema barak, sira sa’e ba umam leten hodi hatun nia ho nia biti housi kakuluk nia le’et, mai iha ema sira klaran, iha Jesus futar oin. Wainhira haré ema sira ne’e nia fiar, Jesus lia tun ba ema ne’e. “Belun, ó hetan perdua ba ó salan|”. Escriba no fariseu sira hahu mumuk dehan: “Ema ne’e sé lós; nia hateten hasoru Maromak? La Maromak karik, sé mak bele perdua salan? Maibe Jesus hetene tiha sira nia hanoin, Nia hahu dehan ba sira: “Imi hanoin sá lós iha imi laran? Ida ne’ebe mak susar liu atu hateten: “ó hetan perdua ba ó salan”, ka hateten: ”ó hamriik hodi la’o?” ne’e duni, atu imi hatene katak mane maksoin iha rai klaran iha kbi’it atu perdua salan, Ha’u haruka ó”, Nia lia tun ba ema ain no liman tós: “hamriik ba, kaer ó nia biti, la’o ba ó nia uma”. Ema moras ne’e hamriik kedas iha sira hotu nia oin, kaer ba biti ne’ebe nia uluk latan ba, la’o ba uma  hodi fó agradeçe ba Maromak.

Ema hotu hakfodak, hahi Na’i Maromak. Sira hamta’uk wa’in tebes hodi dehan: “Ami haré ohin buat foun mesak kmanek!”.

Lia Maksoyn.

TEMA PASTORAL 2020 : CRISTÃO EUCARITICO

DCAD-Loron 7 de Dezembro de 2019 nudar loron especial ba Arquediocese   Dili nian tamba celebra solenidade Imaculada Conceição da Virgem Maria hanesan mahein Arquediocese   Dili nian. Hafoin remata celebração ne’e, Vigario Episcopal Assunto Pastoral nian Pe. Juvito do Rêgo de Jesus fo sai mos tema pastoral ba tinan 2020.

Vigario Episcopal Assunto Pastoral ne’e hateten “iha loron ida ne’e, equipa pastoral housi diocese ninian fo sai ba sarani tomak arquediocese de Dili nian katak tema nebé ita sei lori iha tinan tomak, ano liturgico ida ne’e ninian to’o fali fulan Novembro tinan oin, tinan kotuk ita hanoin kona ba foinsa’e sira hanesan Missionário tanba han malu ho Jubileu Extraordinario missão nian”.

“Jubileu ida ne’e ninia beran mak fó kbiit ba Arquediocese  liu housi amo bispo nia comunicado ohin nian hodi  fó condecoração ba catequista sira, ne’e mak hahalok ida nebé  tinan-tinan ita sei halo ba catequista sira nebé  alcança ona tinan barak, balu nebé  sente katak iha tinan ida ne’e seidauk simu condecoração tinan oin diocese sei fó nafatin condecoração atu fó hanoin katak missionário sira nebé  hala’o missão iha Arquediocese  nia laran mak catequista sira”. Pe. Juvito do Rêgo de Jesus fo hanoin.

Pe. Juvito do Rêgo de Jesus declara “tinan ida ne’e ita hakarak atu dedica atenção tomak sarani sira ninia atu fó formação educa ema, halo catequese iha paróquia, iha nivel vigararia  nian no iha Arquediocese  tomak atu hanoin kona ba sarani tem que moris hanesan ema eucaristia nian tanba ne’e tema ida nebé  hili mak CRISTÃO EUCARITICO, tinan ida ne’e ita atu reflete  kona ba eucaristia”.

“Loron-loron, domingo-domingo iha missa ita tuir, ita celebra eucaristia maibe dala barak ita la moris eucaristia no ita hasai eucaristia tanba ne’e iha tinan ida ne’e ba oin ita sei hanoin haklean an iha WE MATAN no KAKULUK liu fiar sarani nian mak EUCARISTIA”, Explica Pe. Juvito do Rêgo de Jesus.

Vigario Episcopal Assunto Pastoral ne’e hatutan kona ba tinan pastoral 2020 ninia finalidade mak “atu lori Cristo ba sarani sira no lori sarani sira ba Cristo, atu halo sarani iha Arquediocese  Dili nian ho hanoin ida ideal teb-tebes sai sarani Cristocêntrico katak Cristo mak sai ita ninia Fuku, ita ninia We Matan, ita ninia moris nia hun mak Cristo nebé  atu lori sarani sira ba iha Cristo”.

Ikus liu Pe. Juvito do Rêgo dehan “tinan ida ne’e Arquediocese depois halo tiha asembleia diocesana ninian, hola decisão atu anuncia iha loron ida ne’e, tinan pastoral ba tinan 2020 mak CRISTÃO EUCARISTICO HODI CRISTO HO CRISTO IHA CRISTO BA AMAN MAROMAK. Ida ne’e mak ita ninia ano pastoral nian”. (Marta)

ARCEBISPO D. VIRGILIO : 7 DE DEZEMBRO TEMQUE SER SAI HANESAN LORON COMUNHÃO NINIA.

DCAD– Hafoin remata celebração ba padroeira Arquediocese de Dili nian nebé halao iha loron 7 de Dezembro de 2019, Arcebispo mos entrega documento pastoral ninian ba Vigario foranêo sira hotu atu simu simbolicamente hanesan documento pastoral ninian. 

Iha ninia discurso Dom Virgilio dehan “uluk nana’in hakarak fo  ha’u nia boas festas e parabens ba sarani tomak Arquediocese Dili nian nebé  ohin celebra ita nia padroeira. Ita celebra ita nia padroeira maibe ita hare katak masque ita nia celebra ita nia padreoira maibe participação ne’e hare ladun barak,  hare sarani ladun barak e nune’e mos congregação religiosa barak nebé  ita hare la mosu mos ohin, tan lolos ne’e festa ida ne’e  hanesan dehan katak fo parabens e boas festas maibe obrigado mos ba ita hotu ninia participação”.

Arcebispo hatutan “Loron ida ne’e tem que ser sai loron ida comunhão ninian, ita nia comunhão la to’o deit dehan katak hatudu ita hela hamutuk iha Arquediocese  ida ne’e nia laran maibe pelo menos tinan ida mak ita celebra ita nia festa padroeira nian maibe dala barak mos susar ba ita, liu-liu padre no madre sira mos atu marca presença  iha loron ida ne’e”.

 “Lolos iha loron ida ne’e ita nia programa pessoal sira ka individual sira ne’e tau ba kotuk, hahu uluk mak Arquediocese ninian. Ha’u hein katak ba oin ita tau nafatin, haka’as an nafatin atu hare  programa Arquediocese  ninian hanesan ohin fo sai sempre, dehan atu ba tinan ha’at ona agora, ita sempre fo sai iha advento ninian, iha festa ita nia padroeira ninian. Ne’e duni programa nebé  fo sai iha tinan tomak ne’e lolos ita hotu koko atu tau ita nia programa paróquia ninia, departamento ninia, cogregação religiosa ninian, se ita mete serviço iha Dili katak ita nia plano buat hotu nebé  ita halo tem que hakruk ba iha plano, laos bispo ninia maibe plano Arquediocese ninian ida ne’e mak ita hatudu ita nia comunhão”. Dom Virgilio Explica.

 Iha biban hanesan Dom Virgilio do Carmo da Silva hatoo ninia gratidão pessoal ba catequista sira hodi hateten “hakarak atu agradece particulamente ba ita nia catequista sira hot-hotu, sira nebé  Maromak bolu tiha ona, sira nebé  sei moris, sira nebé  ohin simu, Arquediocese hatudu ita nia reconhecimento masque kiik no simples maibe aprecia serviço nebé  ita boot sira halo  ba iha missão uma creda Timor ninian cristão ninian hanesan ohin iha comunicado ne’e dehan conhecida ho tinan jubileu missionário ninian nebé ita taka iha fulan Outubro ohin hakarak mos fo atenção especial oituan ba ita nia catequista sira”.

“Tanba  Arquediocese  ninia força laos boot teb-tebes  tan ne’e mak hakarak fo uluk oituan liu-liu ba sira nebé  sei moris, nebé  fo ba sira nebé sei halo sira nia kna’ar sira nebé sei moris. Dala barak ema sempre dehan quando ema sei moris la fo, mate tiha mak ita tau, ida ne’e ladun iha sentidu, tan ne’e mak hakarak liu fo gesto simples ida ohin ninian, ami hakarak hatudu teb-tebes Arquediocese  ninia apreciação, ninia agradecimento boot ba ita nia catequista sira tanba missão uma creda ninian iha Timor liu-liu iha arquediocese Dili ho ami amululik sira, bispo no madre sira deit ami hanoin labele halo buat barak maibe hamutuk ho ita boot sira fiar katak ita nia missão ne’e bele sai hanesan ohin loron e lao furak no capaz. ”, dehan Arcebispo. 

Liutan ne’e Arcebispo dehan “iha oportunidade ida ne’e mos hakarak agradece liu-liu ba equipa pastoral nebé serviço maka’as iha tinan ida ne’e nia laran. Iha fulan Julho ita halo avaliação ba ano 2019 hodi hanoin kedas ona saida mak ita hakarak atu lança ohin e iha fulan Novembro tinan ida ne’e iha assembleia geral ita hotu hili tiha ona katak tinan oin mai (2020) ita sei halo tinan pastoral tinan oin ninian ba tinan eucaristia e tanba ne’e mak ita hotu nia presença iha loron ida ne’e importante atu rona kona ba plano pastoral Arquediocese  ninian maka ita hotu haka’as an atu lori fila fali ba ita nia paróquia, ita nia grupo, ita nia comunidade religiosa sira no oinsa ita koko atu hatama ida ne’e hotu iha laran atu nune’e ida ne’e laos deit bispo ka equipa ninian maibe ida ne’e tem que ser sei sai ita hotu ninian tan ne’e mak importante atu iha loron ida ne’e husu nafatin ema hotu nia participação atu ita bele socializa ita nia tema pastoral ba tinan tuir mai ninian”.

Ikus liu Dom Virgilio mos dehan tan “agradece mos ba iha vigario foranêo sira tanba tinan kotuk tinan foinsa’e sira nian, vigario foranêo sira hahu ona organiza forma equipa iha cada vigararia nebé hare katak tinan ida ne’e formação tuir vigararia nian lao capaz, agradece ba vigario foranêo, ba paróco sira, catequista sira hotu nebé envolve an iha equipa ida ne’e hein katak iha tinan 2019 ne’e ita hahu tiha ona tinan 2020 mai ne’e tem que ser sai diak liu tan”. (Marta)

RAHUN DIAK FETO KMANEK TEBES NA’I HO ITA

Dom Virgilio do Carmo da Silva, Arcebispo da Arquediocese Metropolita de Dili, Photo Marta Afoan

Arcebispo Metropolitana de Dili, sarani tomak Arquediocese Metropolitana Dili nian, hamutuk ho padres, madres, religiosos/as, seminaristas tomak celebra missa agradecimento ba mahein Imaculada  da conceição ihs Sé Catedal Dili nian. Iha celebração  ba mahein Arquediocese Metropolitana Dili nian ne’e Arcebispo Dom Virgilio do Carmo da Silva mak preside no padres lubuk mak concelebrante, celebração ne’e nudar ação de graça ba Maromak, tan diak hotu nebe simu ona liu hosi harohan daet ita nia mahein, celebração ne’e hanesan sonelidade dahuluk nebé comemora iha calendario liturgia foun iha tempo advento, momento preparação ida  radical nian hodi hein salvador nudar creda ida nebe kmo’ok  sala laek no santa. Celebração ne’e realiza iha loron Sabado, 7 de Desenbro de 2019.

Iha ninia homília Dom Virgilio dehan “momento ida atu convida ita ida idak no haraik an, hare ba ita nia an, nudar comunidade haksolok ho diak nebe ita simu tiha ona nune’e mos, fo coragem, admite buat nebe ita labele halo maibe serve nudar lição ida mai ita atu melhoria ita nia an,  ita nia comunidade, atu hahu; hakarak convida ita boot sira hanoin fali salmo nebe ita foin rona”.

Hodi habadak reflexão ne’e Arcebispo dehan “hau habadak lia fuan hirak ne’e Na’i ami haNa’i no hahi Ita nia domin nia furak no kmanek sira, ita haNa’i no hahi Maromak  nia domin, Maromak  nia kmanek nia furak sira, salmo ida ne’e mak bele tulun mos ita atu bele comprende diak ministerio boot nebe ohin ita celebra iha loron ida ne’e”.

“Convite ida mai ita atu comprende diak liu tan pasagem evangelho nebe ita rona, espaço ida mai ita atu nonok uitoan, iha silencio, espaço ida mai ita atu admira, Maromak  nia diak iha ita ida idak, espaço ida mai atu bele contempla klean liu tan diak Maromak  nian mak ita bele rechoce, mak ita bele hakiak iha ita nia fuan ksolok ida nebe los”dehan Dom Virgilio.

“Perante ida nebe halo buat kmanek hirak ne’e hotu, ida nebe halo ita hatene ona nia salvação  hodi hanoin fali kona ba nia domin no fidelidade ba povo nebe nia hadomi. Mai ita laiha sensto nebe diak liu ona  do que agradese de’it ba Maromak; ba nia domin nebe boot tebes mai humanidade tomak”. Salienta Arcebispo.

Dom Virgilio Explica liutan katak “Iha nia maneira rasik koko ho lia furak nebe dehan molok atu hakiak mundo Na’i Maromak  fihir kedas ita atu bele moris hanesan ema santo, nudar  ema sala laek iha nia futar oin, maibe Maromak  nia prejeito confirma liu hosi historia nebe marça  ho promessa”.

Cristão sira iha missa Padroeira Arquediocese Dili nian, Photo Alin Soares

“Esperança ida atu realiza ita ema ida idak nia moris, Maromak nia plano, promessa ida esperaça ninian mak realiza ho feto kmook hosi Nazaré ninian hanesan anjo nia lia fuan ohin ita rona dehan Rahun diak feto kmanek tebes Na’i ho ita. Feto kmook ida ne’e  mak ita tenque haksolok duni basa hatudu presença Maromak  ida nebe mai atu salva no Maromak  ida nebe misericordioso” Dom Virgilio afirma.

Arcebispo Metropolitana ne’e haklaken “Misterio boot ne’e realiza hosi díalogo entre Maromak  nebe hatudu nia an liu hosi lia fuan, feto kmook ida ne’e iha ninia humildade, kapasidade atu rona ho radicalidade, buat uitona toka tebes ita hosi ministeriocordiosa ne’e mak Maromak  halo dialogo ho maria. Maria lao simplismente sai disnitaria  relação ba Maromak  oan, nia iha papel ida nebe ativo,paseira iha contecsto ida, parseira ida nebe Maromak  nia anjo nian  ho Maromak  rasik. Ida nebe hakarak duni atu refelecção Maromak  nia projeito ne’e iha liberdade tanba nia fiar”.

Liutan ne’e Dom Virgilio dehan “Maria nia dialogo ho anjo dalan ida atu bele comprende didiak plano Maromak  nian nun’e mos biban atu ita tetu duni no tetu didiak to’o tasak, força dialogo ida ne’e  mak iks mai loke Maria nia neon no laran ba ministerio boot ida ne’e to’o nia haraik dehan. Ne’e sa Na’i Atan oan mak ne’e  halo tuir Ita nia lia fuan ba , maibe llos ita la presija hakfodak basa iha inicio historico be salvaçào nian hahu kedas ona wainhira sal mai iha mundo, iha tiha ona dialogo entre ita ema ho Na’i Maromak”.   

“Precisamente leitura ohin nian kona  duni dialogo rua ne’e, dialogo silencioso entre Na’i Maromak  ho premeiro home  dialogo nebe profundamente ho marca drama escurso ida  no ikus mai taka comleta ho novidade boot ida mak dialogo entre anjos ho Na’i feto maria.Acontesemento rua nebe  iha momentu no espaço rua nebe lahanesan maibe rua ne’e hotu hakarak hatudu deit  buat ida mai ita , Maromak  ida nebe buka, nia buka ita ema, maroamk ida nebe buka iha ema ida nebe reflecte ninia fuan no nia laran sadia nia sei hakmatek no lakohi atu lakon critura nebe as liu criatura hotu-hotu, nia buak atu hadia fila fali amisade ida nebe lakon tiha ona ho lia fuan no iha nia deit mak bele hadia fali ilas Maromak  nian ida ne’e”, dehan Arcebispo Dili ne’e.

Iha tempo hanesan Dom Virgilio dehan tan “Na’i Maromak  buka hanesan uluk buka adão ho eva, ohin mos continua buka ita ida idak, pregunta ida nebe ita rona iha premeira leitura dehan katak  ó iha nebe  ida ne’e mak lia fuan derige ba ema wainhira nia rasik fila kotuk ba Maromak , so Maromak  deit mak bele halo pergunta ida nebe  certamente sunu duni kanek sira iha ema nia fuan, no obriga ema atu foti matan atu hare no hili dalan foun maske naruk, todan, maibe ida ne’e Maromak  ninia hakarak. Ó iha nebe fatin nebe mak ema ho nia liberdade tomak hili atu ba hodi hela, ita dehan hodi subar, fatin nebe hodi fo ksolok ba hau nia isin nia hakarak atu ba los iha nebe, saida mak nia hakarak atu hetan ida ne’e mak Maromak  nia horik fatin buka Maromak . Iha mons katuas monge ida dehan buka Maromak laos iha nebe nia hela, ema buka Maromak  nia futar oin ho haraik an no fiar katak Maromak  deit mak nia bele hetan fatin ida ne’e ó iha nebe wainhira rona tiha lian ida ne’e ita hotu hatenen katak, Adão hatan basa hau isin tanan hau moe, Adaõ nia resposta mak ema nia resposta, resposta ida humanidade ninian nebe la hatene tan atu ba los iha nebe, Maromak hasai tiha ona hosi nia horik fatin agora laiha tan fatin nebe seguro tan ne’e nakonu ho ansiedade, fragilidade, desesperação boot, halo nia moris  tauk iha seguro todan oinsa  wainhira ita sente dok hosi Maromak”.

“Wainhira Maromak  hakat besik ba nia, nia sente ameaçado, lahatene atu halo los sa, maibe Na’i Maromak  nia presença ida nebe atu hakuak; atu hametin liu relação ho ita ema, Maromak  hakbesik no bolu fila fali ema tama ho contacto ho nia laos tanba direito maibe tanba Maromak  nia domin, o iha nebe pergunta nebe Na’i Maromak  halo ho ema dahuluk no mos ho premeira mulher eva hanesan eco ida nebe  atravesa historia humanidade tomak nebe fanun ema hotu no bok ema hotu nia fuan”, Dom Virgilio haklaken.

Dom Virgilio observa “Ne’e duni maluk doben sira Na’i Maromak  continua  bolu ita ema  hamoris liu liu iha ita nia fuan sira desejo ida; nune’e mos nostagia ida atu fila fali ba Maromak. Furak oinsa wainhira horik iha Maromak  nia kadunan, ita hotu iha desejo boot ida ne’e maibe buat nebe mak ita hakarak sira mundo ninian nebe contrario ho Maromak  nia plano, o iha nebe,  ne’e sa Na’i atan oan mak ne’e halo tuir ita nia fuan ba,resposta maria nian mak resposta ema ida nebe livre, ida nebe haraik an açeita no simu nia realidade, maske sente folin laek isin tanan duni Na’i Maromak  nia futar oin santo, hau mak ne’e resposta ida hatudu katak laiha tan ona tauk maibe iha confiança tomak iha Maromak fiar katak iha nia buat hotu bele, resposta ida hatudu dalan ida obidiencia ba Maromak  nia lia fuan, resposta ida nebe la subar tan buat ida, maibe buat hotu nakloke  transparente ba Maromak”.

“Resposta Adaõ nian mak ita ema nian, nebe dala barak gosta atu halai  hosi Maromak  ou dala barak mos iha tendencia atu subar hosi Maromak nia presença ka ita dehan halai hosi ita nia resposablidade, maibe resposta Na’in feto ninian mak pronto atu simu, atu horik duni iha Na’i Maromak  nia presenca, horik iha Na’i Maromak  nia presença iha liberdade tomak, simu buat hotu hanesan graça Maromak  ninian”, dehan Dom Virgilio.  

Ikus liu Dom Virgilio taka ninia hómilia hodi dehan “Ó  iha nebe halo tuir buat nebe ita hakarak, Na’i Maromak  nia hakaran. Halo tuir Na’i nia hakarak, atu iha loron hosi maria ita lor loron, buka nafatin atu hatan ba Na’i Maromak  nia bolu, atu ita nia oração sai  bele hanesan maria nian Na’i atan oan mak n’e  halo tuir ita lia fuan ba”.

REFLEXÃO DOMINGO ADVENTO II, TA 2019

“Hadia Nai nia dalan, Halos Na’i ninia dalan inuk, taka rai klean hotu. Hatun foho tomak ass ba Badak, Dalan Kleuk sai sei los, dalan at sei tetuk hotu. Hafoin Criatura tomak sei hare Maromak nia Maksoin!”

 

Maun alin sarani doben sira, rona tiha liafuan ne’e ita bele hanoin ho maneira cómico nian ita bele dehan São João Batista hatene hela karik ita nia rai Timor ninia condição em geral karik, nee mak nia koalia los mai ita hanesan nee. Mas hau hanoin ita hotu hatene hela katak nia halo ilustração deit hodi convida ita atu ba hadia laos dalan kuak no rai klean ho fohon sira nee, maibe hadia ita ida idak ninia an iha tempo advento nee hodi ba hasoru loron Na’i nian. Loron nebe Maromak halo-an ba ema hodi mai moris hamutuk ho ita, incarnação, emanuel.

Tempo advento be ita liu hela dadaun ne’e tempo ida nebe ita hein hela Maromak ninia maksoin mai ita hotu nudar Maromak ninia povo. Maksoin ida nebe laos ita husu mak Maromak sei haraik mai ita maibe, tamba domin no laran luak rohan laek Maromak nian, Maromak sei haraik mai ita. Tempo ida nee tempo nebe Maromak hatudu ninia laran luak no ninia domin sai momos liu mai ita, hatudu iha buat nebe nia dehan ona sei halo mai ita. Na’i Maromak promete no nia halo.

Ita rona kedas ona iha primeira leitura Nai’i Maromak liu husi ninia profeta Baruc convida ita atu ita hasai tiha ka kolu tiha husi ita leet laran susar no taridu sira, laran triste no desesperado hodi hakonu deit ita an ho ksolok no laran metin lolos basa Na’i Maromak sei hatudu ninia naroman ba ita ema no ba sasan ho mundo tomak. Naroman ida be lori justiça, dame no  domin, iha ksolok no iha laran luak nudar Maromak rasik hakarak nanis ona mai ita. Ho ne’e Maromak sei hafoun ita ema sira nebe moris hela iha nakukun laran, iha susar, triste, tarido, desesperado nia laran sai ema nebe neon metin, laran metin no fiar metin lolos iha Maromak basa Maromak sei hit-An mai horik ho ninia povo sira.

São Paulo fo hanoin mai ita iha segunda leitura katak Maksoin nebe Na’i Maromak sei halo mai ita iha Ita Nain Jesus Cristo be mai moris hola isin ida hanesan ita nee ne’e sai momento nebe Na’i Maromak halo nakonu lolos ona buat diak tomak nebe nia promete mai ita nia beala sira no nia halo ba sira mai too ita sira tempo ohin loron nee nian.  Nune’e maun alin sira, tan Maromak halo diak mai ita  ita mos tem que buka hadomi malu lolos ho neon mos, ita tem que laran metin lolos iha Maromak basa loron Maromak ninia maksoin mai iha ita leet nee laos ona promessa ida maibe certeza ida. Certeza ida katak Na’i sei soi duni ninia povo sira.

Ba ne’e atu ita bele to’o duni iha loron Na’i ninia hit-an mai ho roman maksoin nian nee’ ita percisa harohan Maka’as. Katak atu ita ninia preparação sira iha tempo advento nee bele lori ita ba too selebra Nai ninia natal didiak oras nee ita tem que harohan makas liu tan, harohan ba ita an rasik, ba ita ninia rain no ba ema seluk, liu liu ba sira nebe precisa tebes tulun. Harohan ida laos atu convence Maromak ba buat nebe ita husu iha ita nia oração sira, maibe harohan nafatin ka harohan makas atu ita besik liu tan ba Maromak, atu ita fiar no laran metin liu tan iha Maromak, atu ita hadomi liu tan Maromak no maun alin sira seluk. Ita percisa harohan liu tan duni basa la ho oração ita sei labele hakat ba to’o celebração festa Natal Nai nian no familia nian ida diak no nakonu ho graça tebes. Ita sei harohan makas duni tan oração mak bele fo laran metin lolos mai ita, haburas no haboot ita ninia fiar, ita nia domin no ita ninia laran luak. Susar ba ita wainhira iha tempo advento nee ninia laran ita la harohan makas ou la ha halo oração.

Maun alin sarani doben sira hodi halo nune’e mak ita prepara-an duni, ita halo duni buat nebe São Joã Baptista dehan “Hadia Nai nia dalan., Halos Na’i ninia dalan inuk, taka rai klean hotu. Hatun foho tomak ass ba Badak, Dalan Kleuk sai sei los, dalan at sei tetuk hotu. Hafoin Criatura tomak sei hare Maromak nia Maksoin!.” Evangelista hatudu dalan completo liu tan mai ita hodi halo ita ninia preparação tempo advento nian nee sai diak liu tan hodi dehan mai ita atu oras nee kedas ona ita percisa hakribit salan sira. Hodi hakribi sala mak ita bele fila fali ba besik Na’i Maromak, mak ita hamos duni ita ninia-an, ita prepara duni ita ninia-an sai diak tebes ba Nai be sei hiit-an mai. Hakribi salan nee unica condição  atu bele fila fali ba Maromak, atu haboot Na’i ninia domin, paz, laran luak no ksolok mai ita.

Doben maun alin sira, nudar ema sarani hakribi salan nee buat ida nebe ita precisa halo duni loron loron no iha tempo forte sira hanesan advento nee ita precisa hakribit liu tan, hakribit fila fila. Wainhira ita la hakribit salan ita laos sarani ona, odamatan maksoin nian taka ona ba ita. Mai ita hakribit salan husi kedas, hakribit violência, ódio, vingança, laran moras, lori lia, bosok, lia falço, tolok, hakribi ema no seluk seluk tan. Hahau uluk husi ita ida idak ninia an hafoin mak tulun ema sira seluk liu husi ita ninia liafuan, hahalok no oração, atu nune’e iha loron Na’i to’o mai ita hotu bele hamutuk haksolok iha fiar ida deit, domin ida deit, no dame ida deit hamutuk iha Na’i. Amen.

Becora, 08.12.19, II D.Advento. Pb.