shadow
Diocese de Dili > NOTÍCIAS

Quarta-feira, XXIX DO TEMPO COMUM

ANO A

 

Primeira Leitura                                                                            Rom. 6:12-18

Lia housi São Paulo nia surat ba sarani sira iha Roma

Maun alin sira: Ne’e duni, sala la bele ukun tan imi nia isin nebe sei mate hodi halo tuir isin nia hakarak. Keta saran imi nia isin nia liman ain bas ala nu’udar kilat atu halo hahalok áat, maibe saran imi nia an ba Maromak nu’udar ema nebe moris hi’as ona housi mate no imi nia liman ain nu’udar kilat atu halo hahalok di’ak. Basá sala la bele ukun tan imi, tamba imi la iha ona ukunfuan nia ukun maibe iha graça nian.

Ne’e katak sá? Ita sei halo sala basá ita la iha ona ukunfuan nia ukun maibe iha graça nian? La iha! Imi la hatene katak imi saran an karik ba ema ruma nu’udar nia atan, imi make ma nebe imi tuir nia atan: atan sala nian, nebe lori ba mate; ka atan halo tuir nian nebe lori ba moris? Maibe, agradece ba Maromak katak, maski uluk imi sala nia atan, ohin imi, ho laran, halo tuir ona hanourin nebe ba nia imi saran ona. Sai tiha housi sala nia ukun, imi sai atan ba justiça.

Maromak futar lia.

 

Salmo Responsorial                                                         Sal. 123(124):1-3,4-6,7-8 (R.8a)         

Refrão: Ita nia tulun iha Na’i nia naran. Repete-se

Na’i la hela hamutuk ho ita karik,

Be Israel dehan,

Na’i la hela ho ita karik,

Ema sira nebe hamriik hasouru ita,

Sei han moris de’it ita,

Wainhira sira laran nakali hasouru ita. Refrão

 

Nune’e, ita sei mouut iha wé laran

We sei lori ita ba tasi, laloran sei falun ita,

Ita isin sei sai rahun ho laloran sei falun ita,

Ita isin sei sai rahun ho laloran.

Rahun di’ak ba Na’i, nebe la husik ita mate.  Refrão

 

Ita soi ita nia moris,

Hanesan manu fuik soi-an housi hani caçador nian;

Sai tiha husi hani, ita soi an ona.

Ita nia tulun iha Na’i nia naran,

Nebe halo lalehan no rai.  Refrão

 

Aclamação                                                                                                   Mt. 24:42a,44

Refrão: Aleluia, Aleluia.  Repete-se

Imi matan moris neon na’in basá iha oras nebe imi la

Hanoin hetan mak Mane Maksoin sei mai.  Refrão

 

Evangelho                                                                                                    Lc. 12:39-48

Na’i Jesus Cristo nia Evangelho tuir São Lucas

Iha tempo neba, Jesus lia tun ba escolante sira nune’e: imi rona didi’ak ba: uma na’in hatene karik tuku hira mak na’ok ten atu mai, nia sei la husik nia tama iha nia uma. Imi hein hela ba, basá iha oras nebe imi la hanoin kona, Oan mane sei hiit an mai.”

Pedro dehan ba nia: “ Na’i, ita haktuir aiknanoik ida ne’e mai ami deit, ka ba ema hot-hotu mós?” Na’i simu: “Se mak atan di’ak no matenek nebe uma na’in haruka atu haré nia família hodi fahe aihan ba sira tuir oras lolós? Ksolok ba tan nebe nia na’in hetan halo nune’e wainhira to’o mai. Tebes, Ha’u dehan ba imi katak nia sei fó knar ba atan ne’e atu haré nia rikusoi tomak. Maibe atan ne’e dehan karik ba nia an: ‘ Ha’u nia na’i kleur atu to’o mai,’ hafoin hahu baku atan mane no feto sira, hodi han no hemu to’o lanu, nia na’i sei to’o mai iha loron nebe nia la hein no iha oras nebe nia la hanoin, Na’i sei f´todan ba nia, hodi tau nia hamutuk ho ema áat sira. Atan nebe hatene nia na’i nia hakarak, maibe la hadia an hodi halo tuir buat nebe nia husu, sei hetan kastigo barak. Maibe atan nebe la hatene, no halo buat nebe soi kastigu, sei hetan kastigu kmaan de’it. Ba ema nebe simu barak, sei husu mós barak; no ema nebe simu knar boot, barak liu mak ema sei husu ba nia.”

Lia maksoin.

Terça-feira, XXIX DO TEMPO COMUM

Ano A

 

Primeira Leitura                                                                    Rom. 5:12,15b,17-19,20b-21

Lia housi São Paulo nia Surat ba sarani sira iha Roma

Maun alin sira: Ne’e duni, nu’udar housi ema ida de’it mak sala tama iha mundo, no tan sala, mate; nune’e mate to’o ba ema hotu, basá ema hotu sala.

Basá tan ema ida de’it nia sala karik make ma barak mate, liu tan Maromak nia graça no presente boot housi ema ida, Jesus Cristo, suli ba ema barak. Basá housi ema ida nia sala, mate mai atu ukun tan ema ida housie ma ida nia sala, mate mai atu ukun tan ema ida de’it karik; liu tan mak sira nebe simu graça wa’in ba wa’in no presente atu sai ema lós sei ukun iha moris tan ema ida, Jesus Cristo. Ne’e duni, nu’udar housi sala id alia todan monu ba ema hotu, nune’e mós housi hahalok di’ak ida perdua no mosu ba ema hotu. Basá nu’udar tan ema ida lakohi halo tuir, ema barak sai maksalak; nune’e mós, tan ema ida halo tuir, ema barak sei sai ema lós. Ukunfuan tama mai atu sala bele sai barak; maibe iha nebe sala sai barak duni, iha neba graça sai barak liu tan; nune’e, nu’udar sala ukun la iha mate, nune’e graça sei ukun housi justiça ba moris rohan laek tan Jesus Cristo, ita Na’i.

Maromak futar lia.

 

Salmo responsorial                                             Sal.39(40):7-8a,8b-9,10,17 (R.8a e 9a)

Refrão: Na’i, ha’u mai atu halo tuir ita hakarak. Repete-se

Ita boot la kohi sacrificio no buat-karan,

Maibe loke ha’u tilun atu rona.

Ita la husu buat-karan eh na’an maten,

Tan ne’e ha’u dehan: “Ha’u mak ne’e”.  Refrão

Iha livro lei nian, hakerek nanis ona,

Ha’u atu halo tuir ita nia hakaran.

Ida ne’e mak ha’u hakarak, ha’u Maromak,

Ita ukunfuan hela iha ha’u fuan laran.  Refrão

Ha’u sei haklaken ita justiça ba ema lubun boot.

Na’i, ita hatene katak ha’u la taka ha’u ibun. Refrão

Haksolok iha ita, sira hotu nebe buka ita.

Dehan ba nafatin: “Na’i mak boot liu tomak”,

Sira be hakarak ita maksoin. Refrão

 

Aclamação                                                                                                                      Lc.21:36

Refrão: Aleluia, Aleluia. Repete-se

Imi neon moris hodi hamulak nafatin atu imi bele hamriik

Ho laran metin iha Mane Maksoin nia futar oin.  Refrão

 

Evangelho                                                                                                                Lc. 12:35-38

Na’i Jesus Cristo nia evangelho tuir São Lucas

Iha tempo neba, Jesus lia tun ba escolante sira, dehan: “ Kesi metin imi nia futukabun no halo imi nia ahi oan lakan nafatin. Halo imi an hanean ema sira nebe hein sira nia na’in wainhira nia mai housi festa kaben nian, atu loke kedas odamatan. Ksolok ba atan sira nebe Na’i hetan hader hela wainhira nia to’o. Tebes, Ha’u ba imi katak, nia sei kesi hela hena ba nia knotak, sei halo sira tur iha mesa, hafoin nia sei liu husi sira leet hodi serbi sira. Nia to’o mai karik iha ronda rua ka tolu, hodi hetan sira nune’e, ksolok duni ba sira.

Lia maksoin.

Segunda-feira, XXIX DO TEMPO COMUM

ANO A

 

Primeira Leitura                                                                                                 Rom. 4:20-25

Lia housi São Paulo nia surat ba sarani sira iha Roma

Maun alin sira: Iha Maromak Nia lia hakotu nia oin, Abraão fiar nafatin Maromak nia promessa; hodi fiar, nia hetan biit no fò glòria ba Maromak, no laran metin teb-tebes katak buat nebe Maromak hakotu tiha, Nia bele halo tuir duni. Tan ne’e mak buat ne’e sura ba nia  nu’udar justiça. Maibe la’os ba nia de’it mak hakerek katak “buat ne’e sura ba nia”, sei sura mós mai ita, nebe fiar iha ida nebe foti Jesus, ita Na’i housi mate, nebe saran tiha tan ita nia sala sira no moris hi’as fali atu ita sai ema Lòs.

Maromak futar Lia.

 

Salmo Responsorial                                                                      Lc. 1:69-70,71-72,73-75 (R.cf.68)

Refrão: Rahun di’ak ba Na’i, Israel Nia Maromak,

   basà, mai hare no soi Nia Povo. Repete-se

Nia haraik mai ita Maksoin ida biit tebes,

iha Nia atan David nia uma,

nu’udar lia hakotu ona hodi Nia santo sira ibun,

profeta sira iha  tempo uluk. Refrão

 

 

Atu soi ita housi ita funu baluk sira,

no housi ema laran àat hotu sira liman.

Hatudu Nia laran-luak ba ita aman sira,

Hodi hanoin Nia aliança santa. Refrão

 

Tuir juramento be halo ona ba Abraão, ita aman,

katak graça ne’e sei haraik mai ita,

atu ita serbi Nia, ho ta’uk laek,

sai housi funu baluk sira liman,

iha santidade no justiça, iha Nia futar oin,

loron-loron iha ita nia moris tomak. Refrão

 

Aclamação                                                                                                                       Mt. 5:3

Refrão: Aleluia, Aleluia? Repete-se

Ksolok ba sira be kiak iha Espìrito basà reino Lalehan sira nian. Refrão

 

Evangelho                                                                                                                Lc. 12:13-21           

Na’i  Jesus Cristo nia Evangelho tuir São Lucas

Iha Tempo neba, housi ema lubun boot, ema ida dehan ba Nia. “Mestre, hateten ba Ha’u nia maun atu fahe ami nia liman rohan.” Nia hatan: “Belun sè mak foti Ha’u atu tesi lia kona ba imi?” Hafoin Nia dehan ba sira: “imi harè ba, keta kaan rikusoi, basà, la’os ema nia rikusoi mak halo ema moris liu.”

Tuir mai, Nia haktuir ba sira aiknanoik ida ne’e: “Ema riku ida hetan aihan barak housi nia to’os. Nia hanoin hodi dehan ba nia an: “Ha’u sei halo sà lòs? Basà ha’u fatin la iha atu rai ha’u nia aihan sira.” Hafoin nia dehan: ‘Ha’u sei halo nune’e: ha’u sei sobu ha’u nia aihan fatin hodi harii ida seluk boot liu fali ida ne’e; iha neba ha’u  sei rai trigo hotu ho ha’u nia rikusoi tomak. No ha’u  sei dehan ba ha’u nia klamar, ò iha sasan barak nebe rai hela ba tinan wa’in; hakmatek ba, han hemu hodi haksolok ba. ‘Maibe Maromak dehan ba nia: ‘Beikten! Iha kalan ne’e kedas ha’u sei husu ò atu saran ò nia klamar; sasan sira nebe ò rai hela sei sai se nian?’. Nune’e mòs sei mosu ba ema nebe rai hela rikusoi ba nia an, maibe la sai riku ba Maromak futar matan.”

Lia Maksoin.

XXVIII DOMINGO DO TEMPO COMUM

ANO A

 

Primeira Leitura                                                                        Is. 25, 6-10a

Lia housi Profeta Isaías

Iha loron neba, Maromak, buat hotu nia Na’in, sei tau hahan mesa di’ak no tua  mesa furak ba povo hotu-hotu iha foho Sião: hahan mesa bokur de’it no tua di’ak ninian. Maromak sei hasai iha foho ne’ e leten, hena metan nebe hamahan nasaun tomak; Nia sei halakon nafatin mate. Na’i Maromak sei hamaran ema hotu-hotu nia mate-uén. Na’i Maromak sei hasai housi rai tomak Nia povo nia moe. Maromak mak hakotu nune’e, iha loron ne’e, sei dehan: “Ita nia Maromak mak ne’e, housi Nia Ita nia Maksoin. Nia, Ita Na’in, nebe ita tau laran metin; ita laran haksolok, hawelok tebes, tan Nia soi ita.” Maromak tahan foho ida ne’e ho Nia liman.

Maromak Futar Lia.

 

 

 

Salmo Responsorial                                           Sal. 22 (23), 1-3. 3b-4. 5. 6

Refrão :   Ha’u sei moris nafatin  iha Na’i nia kadunan. Repete-se

 

Maromak ha’u nia Maksoin, ha’u la susar.

Halo ha’u kman iha fatin kmook,

lori ha’u ba ué-matan di’ak,

haraik kbiit mai ha’u isin. Refrão

 

Lori ha’u ba dalan di’ak atu hahi Nia naran.

Liu housi nakukun, ha’u la ta’uk:

Maromak ho ha’u, tahan ha’u nafatin. Refrão

 

Iha ema aat sira oin, Na’i tau mesa ida naresin.

Tau mina santo iha ha’u ulun,

tau kusi nakunu to’o suli. Refrão

 

Na’i nia laran luak tahan ha’u,

iha ha’u nia moris tomak.

Ha’u sei hela iha Na’i nia kadunan

iha ha’u nia moris tomak. Refrão

 

Segunda Leitura                                                            Flp. 4, 12-14. 19-20

Lia housi São Paulo nia Surat ba sarani sira iha Filipo

Maun-alin sira:  Ha’u hatene moris ho sasan uitoan de’it, ha’u hatene moris ho sasan ua’in. Iha tempo hotu no iha fatin tomak, ha’u toman atu han ua’in, atu hamlaha, atu moris ho sasan ua’in, atu moris ki’ak. Buat hotu ha’u bele ho Cristo nebe haraik kbiit mai ha’u. Maibe, imi halo di’ak duni, hodi hanoin ha’u nia susar. Ha’u nia Maromak sei tau matan didi’ak ba imi nia susar, tuir Nia soin, ho kmanek ua’in liu, iha Cristo Jesus. Gloria ba Maromak, ita Aman, tinan ba tinan nafatin. Amen.

Maromak Futar Lia.

 

Aclamação                                                                             Mt. 24, 42a. 44

Refrão : Aleluia, Aleluia Repete-se

Neon moris, laran mosuainhira imi la hein, Mane Maksoin sei mai. Refrão

 

Evangelho                                                                                   Mt. 22, 1-14

+  Na’i Jesus Cristo nia Evangelho nu’udar São Mateus haktuir

Iha tempo neba, Jesus hateten fali ba boot sacerdote sira nian no ema kbahen povo nian, hodi ko’alia ho aiknanoik nune’e:  “Reino lalehan nian, hanesan liurai ida nebe halo festa ida ba nia oan nia casamento. Nia haruka atan sira ba bolu ema sira nebe simu ona convite, maibe, sira lakohi mosu ba. Nia haruka atan seluk, ho lia hirak ne’e:  ‘Imi ba dehan ba sira nebe simu ona convite: Hahan tau ona iha mesa, ha’u oho tiha ona karau no balada bokur; buat hotu pronto ona. Mai ona han!’  Maibe, hanesan lia la kona sira, balun ba tiha hare to’os, seluk  ba halo nia contrato. Sira seluk kaer liurai nia atan sira, hodi halo aat ba sira, oho sira. Liurai hirus teb-tebes, haruka nia soldado sira atu halakon ema liman-mean sira ne’e, hodi sunu tiha sira nia cidade. Nia dehan ba atan sira: ‘Hahan pronto ona, maibe, ema nebe simu ona convite la soin mai ha’u. Ne’e duni, imi ba dalan sira ne’e hotu, ema hotu nebe imi hetan, imi convida mai atu han.’  Atan sira ba iha dalan, sira halibur ema hotu nebe sira hetan, di’ak eh aat. Fatin nebe sira halibur atu han ba, naresin tiha. Uainhira liurai tama ba fatin atu hare ema sira ne’e, nia hare ema ida nebe la hatais unuk festa nian; nia dehan ba ema ne’e:  ‘Belun, oin sa ó tama mai iha ne’e la ho unuk festa nian?’  Ema ne’e nonok hela de’it. Liurai ne’e dehan ba atan sira:  ‘Futu nia liman ho ain, hodi soe ba nakukun laran. Iha neba sei tanis no ruun nehan.’  Tebes, bolu ema ua’in, maibe, hili de’it oituan”.

Lia Maksoyn.

Sàbado, XXVIII DO TEMPO COMUM

                ANO A

 

Primeira Leitura                                                                                                                  Rom. 4:13,16-18

Lia housi São Paulo nia surat ba sarani sira iha Roma

Maun alin sira: La’os housi ukunfuan mak Maromak hakotu lia ba Abraão no nia bei-oan sira katak nia sei simu mundo, maibe housi justiça nebe mai housi fiar.

Tan ne’e, buat ne’e mosu housi fiar, atu nia bele sai presente ida, no promessa bele mosu duni ba nia bei-oan hotu, la’os de’it ba sira nebe laran metin ba ukunfuan, maibe sira nebe la’o tuir fiar Abraão nian, ita hotu nia aman, nu’udar hakerek nanais: “Ha’u halo tiha ò sai aman ba nação barak” Nia mak ita nia aman iha maromak futar oin; iha Nia mak Abraão fiar; Nia mak ida nebe fò moris ba ema mate sira no bolu atu mosu buat nebe la iha. Abraão fiar, hodi hein maski la iha ona esperança, katak nia sei sai “aman ba naçãobarak” tuir buat nebe hateten nanis: “Nune’e ò nia bei-oan sira sei mosu mai.”

Maromak Futar Lia.

 

Salmo Responsorial                                                              Sal. 104(105):6-7,8-9,42-43 (R.8a)

Refrão: Na’i hanoin Nia moruk ba nafatin. Repete-se

 

Bei-oan sira housi Abraão, atan Na’i nian,
oan sira Jacob nian, be Na’i hili nais,

Na’i mak ita nia maromak,

Nia tesi lia mak lei iha rai tomak. Refrão

 

Nia hanoin nafatin Nia moruk,

Liafuan be haraik hela ba otas rihun ba rihun;

Moruk nebe nebe hakotu ona ho Abraão,

Juramento nebe halo ba Isac. Refrão

 

 Hanoin hetan Nia futar liafuan

Nebe fò ba Abraão, Nia atan;

Hasai Nia povo ho ksolok,

Sira be Nai hili nanis ho ksolok manan nain. Refrão

 

Aclmação                                                                                                            Sal. 8:2-3ab,4-5,6-7 (R.cf7)

Refrão: Aleluia, Aleluia? Repete-se

Espìrito lialòs nian nebe mai housi Aman, Nia mak sei sasin ba Ha’u. Na’i lia tun dehan; imi mòs sei fò sasin. Refrão

 

Evangelho                                                                                                                                           Lc. 12:8-12

Na’i Jesus Cristo nia Evangelho tuir São Lucas

Iha Tempo neba, jesus lia tun ba Nia escolante sira: “Ha’u dehan lòs ba imi katak ema nebe hatene Ha’u iha ema nia oin, Oan Mane mòs sei hatene nia iha Maromak Nia Anjo sira nia oin. Maibe ema sira nebe heli lia kona ba Ha’u iha ema nia oin, iha Maromak Nia anjo sira oin mòs sei heli lia kona ba nia. Ema nebe ko’alia lia aat hasoru Oan Mane, sei hetan perdua; maibe ema nebe hateten aat espìritus santo sei la hetan perdua. Wainhira sira lori imi ba sinagoga sira, ba juiz no ba na’i ulun sira, keta hanoin resin kona ba oin sà imi sei hatan eh ko’alia, basà iha oras neba Espìrito Santo sei hanourin imi buat nebe imi sei dehan.”

Lia Maksoin.

MORIS HANESAN LABARIK OAN UMA KREDA NIAN HAHU DESDE KIIK.

DCDD; Gleno; 21-10-2017- Moris hanesan labarik kiik  uma kreda nian nebe  hahu desde kik, imi hatan atu simu Naroman espirito santo nian liu husi movimento Obras Pontificio Missionário (OPIAM) nian, atu hateten  katak Ita hotu Maromak nia Manu Ain, ita ida-idak ba haklaken Maromak nia liafuan ba an rasik no ema seluk tuir capsidade ida ida nian”.

Obras Pontificio Missionário ba adolusentes ho joven ne’e dehan desde kik uma kreda hakarak hatama iha sarani sira nia ulun ho nia kakutak; oinsa tenki sai ita Nai Jesus Cristo nia manu-ain ba ema seluk, no oinsa mak ita tenki sai fali São Paulo ba kolega sira.  “imi nia kolega balun fiar hanesan, imi nia kolega balu la fiar hanesan sira seluk, kolega balun partense ba OPIAM no imi nia kolega balun la partense ba OPIAM, imi nia kolega lubuk ida gosta hare imi no imi nia kolega lubuk la gosta atu hare imi. Tamb imi dehan imi partense ba OPIAM e ema se goja imi no ema sei halimar ho imi, maibe hanoin liafuan Jesus Cristo nebe dehan ba  imi katak; imi ba mundo tomak  hodi senti katak ema gosta ita ka la gosta, ema fiar ita ka la fiar maibe imi nia knar ne atu haklaken Maromak nia reino ne duni imi nia moto 4: Orasaun, esmola, sacrificio, sai sasin laos deit ita atu hateten bainhira imi halibur malu iha Gleno  1300, maibe 1300 atu hanoin katak quando imi fila ba imi nia paroquia imi sai hanesan lilin kiik-oan nebe lakan iha imi nia Paroquia” .

Dom Basilio mos husu ba Membro OPIAM sira wainhira fila ba Paroquia ida-ida nian atu nafatin halo Oração, Fo Esmola, tulun malu no halo Sacrificio. Ida laos deit halo iha tempo agora maibe tenque iha moris tomak . Sai sasin ka haklaken  Maromak nia liafuan laos deit ho ibun no laos iha fatin ida deit maibe iha fatin hotu-hotu (Rmg/RS/NJ)

NORMALMENTE QUANDO GOVERNO MONU BA ELIÇÃO ANTESIPADA

DCDD – GLENO : Hare ba Situação Política nebe iha inzerteza nia laran hafoin maioria deputado sira rejeita Programa VII Governo nian,  Presidente Episcopal Timorense  Dom Basilio do Nascimento iha loron 21 fulan Outubro tinan ida ne ba Jornalista Comunicação Diocese de Dili hateten situação Politica rai laran nian dalaruma halo ema tauk no pánico oituan maibe ita tenque aprende moris iha situação sira hanesan ne.

“ida ne regra normal iha Democracia, Governo Aprezenta Programa ba iha Parlamento depois deputado sira halo apreciação. Wainhira Parlamento Nacional la Aprova, karik iha dalan seluk hau la hatene maibe Normalmente Quando Governo monu, hakat ba iha Elição Antesipada” Atual Bispo Diocese Baucau ne explica.

Hatan ba tanba sa mak Politica la halo conçencos hanesan sira nebe liu ba ne, Ex- Vigario Paróco Paroquia Santa Maria Ainaro ne husu atu Deputado sira maka Tenque halo explicação ba assunto sira hanesan ne. “ Pergunta ne husu ba Parlamento Nacional tanba sa mak sira la halo. Maibe ida nebe ita hotu maka ne, Oposição nia cadeira barak liu iha Parlamento Nacional tanba ne se sira contra ona conceerteza Governo labele lao”  Dom Basilio Hateten. (RmG/RS)

MISSIONÁRIO LABARIK SIRA KETA FOCA DEIT BA SASAN MUNDO NIAN

DCDD GLENO- Diretor Missio Diocesse de Baucau Pe. Jose Gonzaga iha nia intervista sexta-feira foin lalais ne’e  20/10/2017  explica  evangelho sexta ne nian hasai housi evangelho São Marcos nian neebe fo sai katak Ita nain Jesus Cristo hakarak  fo hanoin kona ba ponto tolu; primeiro laiha tan buat ida mak sai hanesan segredo, segundo Jesus Cristo hakarak fo coragem ba nia escolante sira  katak  Ita la presiza hirak nebe oho isin maibe, tauk liu ida nebe oho isin no klamar no ikus liu mak Ita nain Jesus Cristo hararak Foca liu ba  dehan katak primeiro ema nu’udar labarik missionário  folin boot liu. “ iha ponto essencial tolu ne’e Ita nain Jesus Cristo hakarak hatete deit primeiro ema misionário ida iha mundo ohin loron presiza liu atu oinsa  mak bele lori Cristo ou Maromak ida ne’e hato’o ba ema hotu-hotu ho nune’e mak segredo ida nebe uluk  ema judeu sira dehan katak Maromak ida nebe Ita labele temi arbiru nia naran, maibe relidade ida ne’e iha Ita nian Jesus Cristo laos sai hanesan segredo ida maibe liu housi Ita nain Jesus Cristo nebe mai, Ita bele temi hanesan Maromak aman  ida ne’ebe halo buat hotu-hotu Maromak Filho no Espirito Santo”Dehan Amo Jose Gonzaga

Tuir fali Padre Jose haktuir, Jesus Cristo nia liafuan ba escolante sira atu winhira sai hanesan missionário la presiza  tau Atenção deit ba nia an no mundo nia riku-soi.Padre Jose hatutan  Hanesan labarik missionario, buat principal ne’e katak oinsa mak labarik missionário sira bele fo sira nia an tomak  ba iha Maromak.

“ Iha Ponto terceiro ba labarik missionário sira e ba ema hotu-hotu e Cristão  sira folin boot liu  Ita nain Jesus Cristo dehan Ita ema folin boot liu criatura  sira seluk-seluk  e nu’udar Ita ema nebe folin boot liu Ita presiza fo Ita nia an ba iha Maromak tanba Maromak haluha no Maromak  sempre konta Ita iha fatin hotu-hotu ho nun’e mak hare fila fali ba iha esperensia labarik sira nian e apartir liu housi labarik sira nia moto dehan katak “Labarik Tulun Labarik“ e oinsa mak labarik sira nebe tulun sira nia maluk sira ne’e e sira tenki iha espirito missionário ninian  iha vida missionário nian atu sira bele tulun malu e lori Cristo ida ne’e  hato’o ba sira nia maluk sira seluk liu housi sira nia espiritu oração esmola, sacrifìcio e sasin” Padre Jose Hatutan.

Hatan ba Pergunta kona ba desafio durante Acompanha labarik sira iha OPIAM Padre husi ordo Diocsano Explica kata labarik sira entusiasmu atu bele tuir Missão ida ne’e, maibe depois  desafiu nebe sira hasoru . Iha dalan lubuk ida ne’ebe tenta hela sira, liuliu iha mundo Digital nian no ikus mai mak desvia tia sira nia hanoin nebe mak lolos tenque Concentra ba iha Maromak. “apoio housi aman inan sira nian Importante tebes ho nune oan  sira bele envolve an ba iha knar spiritual ninian. Dalan seluk atu dada envolvimento labarik sira nian maka Padre,Madre no grupo categorical, sira mos tenki sai hanesan modelu ida atu oin sa mak sira atu motiva labarik sira hodi hatene sira nia fiar  e cria atividade ruma nebe mak  bele lori labarik sira ba iha dalan nebe mak diak” Padre Jose Esclarçe (Rmg/RS/NJ)

BISPO DOM VIRGILIO HALAO ABERTURA BA SORUMUTU NO SEMINÁRIO LORON MUNDIAL MISSÃO NIAN

DCDD-Gleno, Ermera. Iha Loron 19 fulan outubro Bispo da Diocese de Dili Dom Virgilio do Carmo da Silva SDB halao abertura ba Sorumutu no  Seminario  loron mundial Missão nian iha Paroquia Nossa Senhora da Graça Gleno. Actividade ne rasik hahu ho Misa Abertura nebe Preside husi  Diretor Missio Timor-Leste Padre Mouzinho Lopes Pr. Iha Discurso  ba Abertura ne Bispo Virgilio hateten, ba sorumutu ne buat importante tolu maka Participante sira tenque kaer metin.

“Durante Loron tolu iha Mensagem tolu nebe imortante liu mak Imi (Partcipante) tenque kaer metin.  Habelun malu ho Maromak, Habelun malu ho Belun no Habelun malu ho an rasik” hateten Dom Virgilio.

Dom Virgilio mos hatutan participante sira nebe mai hus Paroquia sira iha Diocese Tolu Dili, Baucau no Maliana atu buka belun seluk nebe mai husi fatin seluk atu nune wainhira husik hela Paroquia Gleno sira bele iha ona belun barak allemde tenque sai Labarik missinario nebe diak. “ iha buat rua nebe pelumenus imi aprende iha loron rua ne. Primeiro nonok wainhira iha Igreja Laran no qundo reza tenque ho lian nebe neneik. Tanba ne’e maka imi nia grupo hanaran Missio OPIAM katak labarik Missionario, katak foi hanoin ba imi nia maluk ruma nebe la sériu wainhira iha Missa ruma. Imi nia Missionario tenque hahu kedan husi ne” Bispo Diocese Dili ne hatutan.

Hafoin hato’o Discursso, Mgr. Virgilio Continua kedas ho abertura ba Seminario nebe sei remata iha loron 22 fulan Outubro ne.

Participa iha abertura ne rasik Padres, Madres, Frater, sarani inklui Diretor Missio Dili Padre Patrocinio da  Cunha, Diretor Missio Baucau Padre Jose Gonzaga no Diretora Missio Maliana Madre Francelina Fdcc.(RmG)

RAZÃO MAI ITA CELEBRA 13 DE OUTOBRO

CTDD DILI – Razão mai ita iha lokraik ida ne’e iha ita nia celebração  kmanek ida ne’e, tamba ita koko Inan lalehan nia diak, ita koko inan ida ne’e nia furak. Amo Papa Francisco aumenta dehan; “Naquele momento Ela deu a luz todos nós, Ele Deu a Luz a Igreja”. Maluk doben sira dala ida tan ita hotu de voto Nain Feto ninian iha fulan Outubro fulan Rosároi nian, halibur hamutuk atu agradece ho tempo hanesan hafoun nafatin ita nia domin ba Inan lalehan ne’e nia presença iha ita ida-idak nia moris, ita nia família, comunidade no ba ita nia rai doben nia moris.

Ita ida-idak loron ba loron ita continua koko nafatin Inan diak ne’e nia rahun diak oi-oin, Nia ida nebe nunca abandona ita maske momento nakukun liu iha ita nia moris, Nia nafatin hamrik iha ita nia sorin hanesan ho Nia Oan Jesus to Cruz hun. Virgem Maria iha cruz hun hakarak tatoli hela mensagem saida mai ita iha lorokraik ida ne’e! Texto Evangelho nebe ita rona comvida ita atu comtempla duni duque atu reflete deit. comtempla significa atu hare “olhar fixamente, olhar com muita admiração e quidado”. Amo Papa Francisco kona ba imagem Nain Feto Virgem Santa Maria iha cruz hun nia bolu ita nia atenção atu comtempla kona ba Jesus nia Inan, comtempla kona ba sinal no comtradição ne’e.

Sinal ida ne’e mak saida? Basá Jesus ida nebe vençedor maibe Nia iha Cruz, vencedor mak iha Cruz. Amo Papa continua hodi dehan; ida ne’e sinal contradição ida nian nebe laos fácil no labele comprende deit hanesan nee, maibe precisa iha duni fiar atu comprende ou pelo menos fiar mak sai hanesan base ba ita nia compriênção. Ita Nain Feto ohin hanourin hela ita atu comtempla buat lubuk ida iha ita nia moris, maibe ita rasik la comprende. Liu husi comtemplação mak ita sei apressia.

Maromak nia Inan Virgem Maria hateten hela buat nebe sei mosu basá profeta simão hateten nanis ona ba nia iha loron apresentação ninian ho liafuan nebe ita rona bebeik; surik ida sei sona borus ó nia fuan, maske Virgem Maria la comprende buat hotu, maibe Nia fiar no lao tuir.

Ohin ita koko lao dala ida tan ho Nain Feto iha proceição nee hakarak hametin liu tan ita nia desejo ser descípulo Jesus ninian hodi hanoin hikas fali Maromak nia domin mai ita iha mistério sira Jesus nia terus, mate no moris hias.

Maluk doben sira Nain Feto mos ohin convida ita atu cultiva mos atitude ida nee laos liafuan barak e nune’e mos laos  hahalok deit mak dalan atu fo solução ba buat hotu iha moris maibe mos hodi ita nia nonok, hodi ita nia silêncio fo tempo atu tetu, silêncio fo tempo atu hanoin, silêncio fo tempo atu halo discernimento, silêncio hanorin atu paciência, ho lian silêncio mak revela buat nebe verdadeiro, paz no unidade.

Silêncio hanesan espelho ida atu hateke ba ita nia-an hodi reconhece ita nia falência, sai husi ita nia arogância ema nian, mak ita husik Maromak nia graça ukun ita nia fuan, nunee mak ita foin ser livre, ser útil ba creda, ba povo no ba nação.

Ohin iha Inan lalehan nia liman ita saran nafatin ba nia liman Timor oan hotu ki’ik no boot feto eh mane, matenek no beik rico eh kiak povo no mos ukun nain nia intenção atu povo ida ne’e haraikan, respeita malu nafatin, perdua malu nafatin mak dalan atu promove unidade iha rai doben Timor Lorosae.